Економија
Скромен промет на македонската берза
Скромен промет го одбележа тргувањето на македонската берза во вторник, иако беше проследен со пораст на двата главни индекси за акции
Скромен промет го одбележа тргувањето на македонската берза во вторник, иако беше проследен со пораст на двата главни индекси за акции.
По наглото опаѓање во понеделник, МБИ10 во вторник оствари скромен пораст од 0,47%, а вредноста достигна 2.978,88 индексни поени.
МБИД со малку повисок раст од 0,85% го зголеми нивото на 3.189,20 индексни поени.
ОМБ оствари намалување од 0,78%, при вредност од 109,94 индексни поени.
Од вкупниот промет кој изнесуваше 13.383.175,38 денари, на редовниот пазар беше остварен промет од 12.552.870,38 денари при реализирани 116 трансакции. Прометот на редовниот пазар изнесуваше само 830.305,00 денари.
Државните обврзници имаа слаб промет кој изнесуваше 724.579,38 денари, а најтргувана беше државната обврзница за денационализација од осмата емисија со промет од 699.185,48 денари, додека просечната вредност изнесуваше 84,63% при дневно намалување од 2,47%.
Од официјалниот пазар, а воедно и од целата берза, најликвидни беа акциите од компании кои се дел од МБИ10. Меѓу нив најликвидна беше Комерцијална Банка Скопје со промет од 3.849.210,00 денари. Просечната цена од 3.000,16 денари донесе само минимално зголемување од 0,01%. Истргувани беа 1.283 акции кои се реализираа преку 12 трансакции.
Следеше Алкалоид Скопје со промет од 3.586.476,00 денари, но за разлика од Комерцијална Банка, со оваа акција беше остварен раст од 2,83% при просечна цена од 5.145,59 денари. Ценовниот распон се движеше од 5.050,00 денари до 5.201,00 денари. Истргувани беа 697 акции кои се реализираа преку 27 трансакции.
Со акцијата на Макстил Скопје се оствари промет од 1.474.819,00 денари. Просечната цена од 250,86 денари значеше дневен пад од 0,45%. Истргувани беа 5.879 акции кои се реализираа преку 21 трансакции.
Иако со многу слаб промет, од редовниот пазар најликвидна беше Македонски Телекомуникации Скопје. При промет од 238.475,00 денари, остварена беше просечна цена од 414,74 денари што значеше пораст од 1,91%. Истргувани беа 575 акции кои се реализираа преку 5 трансакции.
Прилепска Пиварница Прилеп оствари промет од 154.000,00 денари. Просечната цена од 11.000,00 денари значеше намалување од 3,33% при истргувани 14 акции.Пет најтргувани хартии од вредност1. Комерцијална Банка Скопје2. Алкалоид Скопје3. Макстил Скопје4. Гранит Скопје5. Р.Македонија – Денационализација 08 Хартии од вредност со најголем пораст 1. Попова Кула Демир Капија 7,69% 2. РЖ Техничка контрола Скопје 7,42%3. Алкалоид Скопје 2,83%4. Арцелормиттал (ХРМ) Скопје 2,73%5. Македонски Телеком Скопје 1,91%.Хартии од вредност со најголем пад1. Енергомонт Скопје 40,00%2. ЕМО Охрид 16,67%3. Охридска Банка Охрид 9,28%4. ИЦН – Фарм Скопје 6,67% 5. ЗК Пелагонија Битола 6,47%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.