Економија
Индексите и натаму во пораст, расте и прометот на берзата
Вкупен промет од 19.561.674,52 денари остварен е во средата на македонската берза што претставува најголем вкупен промет на дневна основа од почетокот на тековната година
Вкупен промет од 19.561.674,52 денари остварен е во средата на македонската берза што претставува најголем вкупен промет на дневна основа од почетокот на тековната годинаЗа разлика од 13.01.2010 кога беше поставен сега веќе вториот најголем промет кој изнесуваше 15.958.017,87 денари и кога учеството на тргувањето на државните обврзници во вкупниот промет изнесуваше 72,7%, при денешното тргување државните обврзници учествуваа со 21,6% во вкупниот промет. На официјалниот пазар прометот изнесуваше 15.286.367,52 денари при реализирани 110 трансакции, додека на редовниот пазар беше остварен промет од 4.275.307,00 денари при реализирани 56 трансакции. Позитивна вест од македонската берзата беше и порастот на сите три индекси. Континуираниот пораст на МБИ10 продолжи и индексот се придвижи на вредност од 2.823,99 индексни поени при дневен раст од 0,81%. МБИД оствари висок пораст од 2,20%, променувајќи го опаѓачкиот тренд кој траеше два дена, а неговата вредност се искачи на ниво од 3.079,01 индексни поени. ОМБ забележа благ пораст од 0,17% позиционирајќи се на ниво од 110,60 индексни поени.Предводникот на официјалниот пазар беше Алкалоид Скопје со промет од 3.924.547,00 денари. Просечната вредност на акцијата од 4.803,61 денари, само малку ја покачи цената во однос на претходниот трговски ден, односно таа изнесуваше 0,08%. Ова е трето по ред покачување на просечната цена. Ценовниот распон се движеше од 4.800,00 денари до 4.870,00 денари. Истргувани беа вкупно 817 акции кои се реализираа преку 27 трансакции.Следна беше Комерцијална Банка Скопје со промет од 2.343.658,00 денари. Просечната цена од 2.827,09 денари значеше умерен пораст од 0,94%. Истргувани беа вкупно 829 акции кои се реализираа преку 12 трансакции.Трета според ликвидност од официјалниот пазар беше Гранит Скопје со промет од 1.819.380,00 денари. Просечната цена не го следеше генералниот тренд, и при вредност од 738,98 денари, остварено беше мало намалување од 0,05%. Истргувани беа 2.462 акции кои се реализираа преку 20 трансакции.Од редовниот пазар највисока ликвидност имаше Тутунска Банка Скопје со промет од 2.400.000,00 денари. Просечната цена од 4.800,00 денари резултираше со пораст од 1,05% на дневна основа. Истргувани беа 500 акции кои се реализираа преку 23 трансакции.По неа следеше ФЗЦ 11 Октомври Куманово, со промет од 828.708.00 денари. Просечната цена од 1.172,15 денари значеше пораст од 1,05%. Истргувани беа 707 акции од оваа компанија.Согласно податоците добиени од Централниот депозитар за хартии од вредност, ве известуваме дека на 18.01.2010 година е извршен следниот нетрговски трансфер на акции на котирани друштва (по основ на компензација, подарок или наследство):Макпетрол Скопје – 27 обични акции.Пет најтргувани хартии од вредност1. Алкалоид Скопје 2. Тутунска Банка Скопје 3. Комерцијална Банка Скопје4. Гранит Скопје5. Р.Македонија – Денационализација 04Хартии од вредност со најголем раст1. Арцелормиттал (ЦРМ) Скопје 11,11%2. Стопанска Банка Скопје 6,77%3. Макстил Скопје 2,88%4. РЖ Услуги Скопје 2,74%5. Топлификација Скопје 2,52%Хартии од вредност со најголем пад1. УНИ Банка Скопје 2,08%2. Стопанска Банка Битола 0,47%3. Гранит Скопје 0,05%4. Р.Македонија – Денационализација 08 0,03%5. РЖ Услуги Скопје 0,85%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Трипуновски: Јаболкото во Ресен ќе остане неоткупено поради големиот увоз на странско јаболко во Македонија
Дополнителниот заменик министер за земјоделство, шумарство и водостопанство Цветан Трипуновски денес е во работна посета на Ресен каде што оствари работни средби со овоштарите од овој регион.
„Овоштарите од Ресен претрпуваат големи губитоци заради погрешните политики на СДС и големиот увоз на странско јаболко во Република Македонија. Согласно податоците, додека ресенското јаболко стои неоткупено, од 1 септември 2023 година до сега во Македонија се влезени околу 4 милиони килограми јаболко што е главна причина што ресенчани ги преживуваат најцрните денови во историјата на овоштарството во Македонија“, изјави Трипуновски.
Како поголеми проблеми на земјоделците од Ресенскиот регион, Трипуновски ги посочи неисплатените субвенции како и неисплатените штети од природните непогоди од пред некоја година, откупно-дистрибутивниот центар којшто требаше да биде завршен во 2023 година сѐ уште не е ни започнат со градба.
„Цврсто им ветив дека идната Влада предводена од ВМРО-ДПМНЕ има сериозен план и конкретни мерки со кои ќе се стави крај на маките на ресенчани“, заврши Трипуновски.
Економија
Ангеловска-Бежоска на Пролетните средби на ММФ и СБ: Носителите на политики ќе дискутираат за состојбите и перспективите во економијата
Гувернерката на Народната банка, Анита Ангеловска-Бежоска, и заменик-министерот за финансии, Филип Николоски, ја предводат нашата делегација, која учествува на Пролетните средби на групацијата на Светскатa банка (СБ) и Меѓународниот монетарен фонд (ММФ) во Вашингтон, САД. Во делегацијата на Народната банка на овие средби ќе земе учество и вицегувернерот Фадил Бајрами.
Гувернерката Ангеловска-Бежоска и вицегувернерот Бајрами на претстојните Пролетни средби ќе одржат состаноци со заменик-директор на Меѓународниот монетарен фонд, Бо Ли, со директорот на ММФ за Европа, Алфред Камер, како и со извршниот директор на ММФ и алтернативниот извршен директор, Пол Хиберс и Лук Дресе. На состаноците со високите претставници на ММФ ќе стане збор за економските состојби во нашата земја и поставеноста на монетарната политика, којашто придонесе за стабилизирање на инфлацијата. Делегацијата на Народната банка, предводена од гувернерката, ќе оствари средба и со претставниците на одделите за статистика и за монетарни и капитални пазари при Меѓународниот монетарен фонд, на која ќе се споделат досегашните достигнувања и резултати од заемната успешна соработка.
Во рамките на Пролетните средби, Ангеловска-Бежоска ќе одржи состаноци и со високи претставници на Светската банка, заменик-претседателката на СБ, Антонела Басани и со извршниот директор на СБ за Конституенцата во која членува нашава земја, Јуџин Ругенаат. Исто така, делегацијата на Народната банка ќе учествува и на редовниот состанок на земјите членки на Конституенцата.
Одржувањето на Пролетните средби секоја година на едно место ги собира носителите на политиките, односно првите луѓе на централните банки и министрите за финансии од земјите членки, кои ќе разговараат за политиките и финансиските реформи во насока на остварување на целите за одржлив раст (SDG), особено поврзани со климатските промени и родовата еднаквост.
Економија
Трипуновски: Ги потпишав првите 16 договори за закуп на земјоделско земјиште во државна сопственост
Дополнителниот замени министер за земјоделство, шумарство и водостопанство Цветан Трипуновски на својата фејсбук страна објави дека ги потпишал првите 16 договори за закуп на земјоделско земјиште во државна сопственост.
Во својата објава Трипуновски вели: „Почитувани земјоделци, штотуку ги потпишав првите 16 договори за закуп на земјоделско земјиште во државна сопственост, нека е аирлија!“
Трипуновски во неколку наврати ја алармираше јавноста дека во Република Македонија постојат договори за закуп на земјоделско земјиште во државна сопственост кои истекуваат оваа година, но на истите не им е овозможено продолжување и дека Николовски го кочи продолжување со образложение дека се потребни законски измени на законот за земјоделско земјиште.
„Сепак на крајот успеавме да го реализираме нашиот предлог за разрешница на овој проблем по многу побрза и поедноставна постапка, наспроти тврдењата на министерот Николовски кој постојано, од непознати причини, тврдеше дека се потребни измени на законот за земјоделско земјиште и дека со анексирање на договорите не се решава овој проблем. Со ова само се докажа дека Николовски повторно ве лаже како што тоа го прави изминативе 7 години“, дополни Трипуновски.
Позитивно е тоа што овој голем проблем доби решение и засегнатите земјоделци конечно ќе можат да ги продолжат своите договори согласно законските регулативи. Со ова Трипуновски покажа дека ќе биде предводник во промените и решавањето на проблемите во македонското земјоделство.
„ВМРО-ДПМНЕ секогаш било и ќе биде на страната на македонските земјоделци, доколку ние не го изнесовме овој проблем во јавноста, СДС и Николовски никогаш немаше да ги продолжат овие договори на вредните македонски земјоделци или пак тоа ќе го правеа селективно и повторно земјоделското земјиште ќе завршеше кај луѓе што не се земјоделци или истото ќе го трансформираа за плантажи со фотоволтаици. ВМРО-ДПМНЕ секогаш ќе може гордо и со крената глава да биде помеѓу светиниколчани и сите земјоделци во Република Македонија“, заврши Трипуновски во својата објава.