Економија
Берзата се сврте кон опаѓање
Македонската берза, по спласнувањето на оптимизмот од четврток, денеска го промени правецот и најави опаѓање во наредниот период.
Македонската берза, по спласнувањето на оптимизмот од четврток, денеска го промени правецот и најави опаѓање во наредниот период. Вкупниот промет остварен на берзата изнесуваше 9.266.250,06 денари, а акциските индекси се намалија.МБИ10 драстично ја смени сликата за очекувањата на инвеститорите. При дневно намалување од 2,57%, вредноста се спушти на ниво од 2.901,70 денари, така што беше прекината позитивната тенденција која траеше шест дена. МБИД падна за 1,99% на дневна основа, а неговата вредност при затворањето на пазарот изнесуваше 3.169,66 индексни поени. ОМБ со незначителен пораст од 0,02% се позиционираше на 110,38 индексни поени. Најликвидна од официјалниот пазар беше Гранит Скопје со промет од 2.504.798,00 денари. Просечната цена изнесуваше 770,47 денари, а беше остварено намалување од 1,43%. Ценовниот распон се движеше помеѓу 760,00 денари и 775,00 денари. Истргувани беа вкупно 3.251 акции кои се реализираа преку 23 трансакции. Следуваше акцијата на Комерцијална Банка Скопје со промет од 1.266.732,00 денари. При просечна цена од 3.074,59 денари, беше остварен остар пад од 3,70%. Ова беше прв пад на цената после 8 дена непрекинато растење. Минималната цена изнесуваше 3.001,00 денари, а максималната 3.106,00 денари. Истргувани беа вкупно 412 акции кои се реализираа преку 8 трансакции.Трета според ликвидност од официјалниот пазар беше Стопанска Банка Битола со промет од 524.788,00 денари. Просечната цена од 3.180,53 денари предизвика длабоко намалување од 4,35%. Истргувани беа 165 акции кои се реализираа преку 8 трансакции.На редовниот пазар најмногу се тргуваше со Тутунска Банка Скопје со промет од 1.221.820,00 денари. При просечна цена од 4.946,64 денари, падот на дневна основа изнесуваше 1,92%. Истргувани беа 247 акции кои беа реализирани преку 14 трансакции.Со акцијата на Македонски Телеком Скопје беше остварен промет од 892.020,00 денари. Просечната цена од 457,45 денари значеше намалување од 1,24%. Истргувани беа 1.950 акции кои се реализираа преку 10 трансакции.Пет најтргувани хартии од вредност1. Гранит Скопје 2. Комерцијална Банка Скопје3. Тутунска Банка Скопје4. Македонски Телеком Скопје5. Стопанска Банка БитолаХартии од вредност со најголем раст1. РЖ Економика Скопје 25,40%2. РЖ Техничка контрола Скопје 12,73%3. РЖ Интер-Трансшпед Скопје 10,15%4. Жито Лукс Скопје 0,83%5. Р.Македонија – Девизни влогови 0,39%Хартии од вредност со најголем пад1. РЖ Институт Скопје 16,50%2. Арцелормитттал (ХРМ) Скопје 8,74%3. Бетон Скопје 6,66%4. ФЗЦ 11 Окотмври Куманово 5,29%5. Стопанска Банка Битола 4,35%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.