Економија
Продолжува растот на МБИ10
Вкупниот промет на денешното тргување на македонската берза изнесуваше 11.815.694,01 денари, од кои 3.440.181,01 денари беа реализирани преку тргувањето со државни обврзници.
Вкупниот промет на денешното тргување на македонската берза изнесуваше 11.815.694,01 денари, од кои 3.440.181,01 денари беа реализирани преку тргувањето со државни обврзници.
Официјалниот пазар оствари промет од 9.239.742,01 денари при реализирани 95 трансакции, додека на редовниот пазар прометот изнесуваше 2.575.952,00 денари, а беше реализиран преку 38 трансакции. МБИ10 непрекинато расте во последните четири трговски дена, така што вчера оствари пораст од 0,25%, достигнувајќи вредност од 2.930,42 индексни поени. МБИД прикажа негативни тенденција и при намалување од 0,28% неговата вредност изнесуваше 3.165,73 индексни поени. ОМБ оствари минимално намалување од 0,02% при вредност од 110,03 индексни поени.
Имаше и тргување во вредност од 5.800,00 денари со приоритетните акции на Комерцијална Банка Скопје, при што беа истргувани две акции со вредност од 2.900,00 денари, резултирајќи со дневно намалување од 7,05%. Убедливо најтргувана хартија од вредност беше државната обврзница за денационализација од осмата емисија со промет од 3.440.181,01 денари, што претставуваше 29,1% од вкупниот промет. Просечната цена од 84,83% значеше намалување од 0,05% на дневна основа. Истргувани беа 65.937 обврзници кои се реализираа преку 8 трансакции. Втора со промет од 1.514.620,00 денари беше Алкалоид Скопје. Просечната цена од 4.949,74 денари беше доволна за умерен пораст од 0,25%. Ценовниот распон се движеше од 4.921,00 денари до 4.970,00 денари. Истргувани беа вкупно 306 акции кои се реализираа преку 24 трансакции. Трета според ликвидност од официјалниот пазар беше Гранит Скопје со промет од 1.108.260,00 денари. Просечната цена од 794,45 денари предизвика пораст од 0,95% на дневна основа. Распонот на цените се движеше од 790,00 денари до 800,00 денари. Истргувани беа 1.395 акции кои се реализираа преку 16 трансакции. Од редовниот промет најактивно се тргуваше со Тутунска Банка Скопје со промет од 1.222.645,00 денари. Просечната цена изнесуваше 4.949,98 денари, што допринесе само за минимален пораст од 0,01%. Истргувани беа 247 акции кои се реализираа преку 14 трансакции. Втора според ликвидност од редовниот пазар беше Македонски Телеком Скопје со промет од 873.210,00 денари. Просечната цена од 479,79 денари предизвика незначителен пад од 0,03%. Истргувани беа 1.820 акции кои се истргуваа преку 13 трансакции. Сопственикот на 91,71% од акциите на Статер Банка (групацијата Милестоне ЕХФ од Исланд) отпочна преговори со Централна Кооперативна Банка (групација ЦКБ од Р.Бугарија) за продажба на својот удел во Банката. Алкалоид АД Скопје континуирано вложува во освојување на поголемо пазарно учество на постојните и нови пазари во странство. За таа цел во 2010 година ќе изврши вложување во модернизација и автоматизација на постојното произовдодство во Република Србија. Вредноста на опремата и трошоците за набавка и инсталирање на истата во производниот погон во Земун ќе изнесува приближно 400 илјади евра. Вложувањето ќе се изврши во Алкалоид ДОО Белград, друштво кое е 100% сопственост на Алкалоид АД Скопје, по пат на зголемување на оснивачкиот влог. Со оваа инвестиција Алкалоид АД Скопје го зајакнува своето присуство на странските пазари со цел поголемо учество на извозот во вкупните продажби на друштвото. Пет најтргувани хартии од вредност1. Р.Македонија – Денационализација 08 2. Алкалоид Скопје3. Тутунска Банка Скопје4. Гранит Скопје 5. Стопанска Банка БитолаХартии од вредност со најголем раст1. Гранит Скопје 0,93% 2. Топлификација Скопје 0,45%3. Комерцијална Банка Скопје 0,34%4. Алкалоид Скопје 0,25%5. ОКТА Скопје 0,15%Хартии од вредност со најголем пад1. Бетон Штип 11,11%2. Жито Лукс Скопје 8,68% 3. Комерцијална Банка Скопје – Приоритетни 7,05%4. Македонијатурист Скопје 4,76%5. ФЗЦ 11 Октомври Куманово 2,63%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Трипуновски: Јаболкото во Ресен ќе остане неоткупено поради големиот увоз на странско јаболко во Македонија
Дополнителниот заменик министер за земјоделство, шумарство и водостопанство Цветан Трипуновски денес е во работна посета на Ресен каде што оствари работни средби со овоштарите од овој регион.
„Овоштарите од Ресен претрпуваат големи губитоци заради погрешните политики на СДС и големиот увоз на странско јаболко во Република Македонија. Согласно податоците, додека ресенското јаболко стои неоткупено, од 1 септември 2023 година до сега во Македонија се влезени околу 4 милиони килограми јаболко што е главна причина што ресенчани ги преживуваат најцрните денови во историјата на овоштарството во Македонија“, изјави Трипуновски.
Како поголеми проблеми на земјоделците од Ресенскиот регион, Трипуновски ги посочи неисплатените субвенции како и неисплатените штети од природните непогоди од пред некоја година, откупно-дистрибутивниот центар којшто требаше да биде завршен во 2023 година сѐ уште не е ни започнат со градба.
„Цврсто им ветив дека идната Влада предводена од ВМРО-ДПМНЕ има сериозен план и конкретни мерки со кои ќе се стави крај на маките на ресенчани“, заврши Трипуновски.
Економија
Ангеловска-Бежоска на Пролетните средби на ММФ и СБ: Носителите на политики ќе дискутираат за состојбите и перспективите во економијата
Гувернерката на Народната банка, Анита Ангеловска-Бежоска, и заменик-министерот за финансии, Филип Николоски, ја предводат нашата делегација, која учествува на Пролетните средби на групацијата на Светскатa банка (СБ) и Меѓународниот монетарен фонд (ММФ) во Вашингтон, САД. Во делегацијата на Народната банка на овие средби ќе земе учество и вицегувернерот Фадил Бајрами.
Гувернерката Ангеловска-Бежоска и вицегувернерот Бајрами на претстојните Пролетни средби ќе одржат состаноци со заменик-директор на Меѓународниот монетарен фонд, Бо Ли, со директорот на ММФ за Европа, Алфред Камер, како и со извршниот директор на ММФ и алтернативниот извршен директор, Пол Хиберс и Лук Дресе. На состаноците со високите претставници на ММФ ќе стане збор за економските состојби во нашата земја и поставеноста на монетарната политика, којашто придонесе за стабилизирање на инфлацијата. Делегацијата на Народната банка, предводена од гувернерката, ќе оствари средба и со претставниците на одделите за статистика и за монетарни и капитални пазари при Меѓународниот монетарен фонд, на која ќе се споделат досегашните достигнувања и резултати од заемната успешна соработка.
Во рамките на Пролетните средби, Ангеловска-Бежоска ќе одржи состаноци и со високи претставници на Светската банка, заменик-претседателката на СБ, Антонела Басани и со извршниот директор на СБ за Конституенцата во која членува нашава земја, Јуџин Ругенаат. Исто така, делегацијата на Народната банка ќе учествува и на редовниот состанок на земјите членки на Конституенцата.
Одржувањето на Пролетните средби секоја година на едно место ги собира носителите на политиките, односно првите луѓе на централните банки и министрите за финансии од земјите членки, кои ќе разговараат за политиките и финансиските реформи во насока на остварување на целите за одржлив раст (SDG), особено поврзани со климатските промени и родовата еднаквост.
Економија
Трипуновски: Ги потпишав првите 16 договори за закуп на земјоделско земјиште во државна сопственост
Дополнителниот замени министер за земјоделство, шумарство и водостопанство Цветан Трипуновски на својата фејсбук страна објави дека ги потпишал првите 16 договори за закуп на земјоделско земјиште во државна сопственост.
Во својата објава Трипуновски вели: „Почитувани земјоделци, штотуку ги потпишав првите 16 договори за закуп на земјоделско земјиште во државна сопственост, нека е аирлија!“
Трипуновски во неколку наврати ја алармираше јавноста дека во Република Македонија постојат договори за закуп на земјоделско земјиште во државна сопственост кои истекуваат оваа година, но на истите не им е овозможено продолжување и дека Николовски го кочи продолжување со образложение дека се потребни законски измени на законот за земјоделско земјиште.
„Сепак на крајот успеавме да го реализираме нашиот предлог за разрешница на овој проблем по многу побрза и поедноставна постапка, наспроти тврдењата на министерот Николовски кој постојано, од непознати причини, тврдеше дека се потребни измени на законот за земјоделско земјиште и дека со анексирање на договорите не се решава овој проблем. Со ова само се докажа дека Николовски повторно ве лаже како што тоа го прави изминативе 7 години“, дополни Трипуновски.
Позитивно е тоа што овој голем проблем доби решение и засегнатите земјоделци конечно ќе можат да ги продолжат своите договори согласно законските регулативи. Со ова Трипуновски покажа дека ќе биде предводник во промените и решавањето на проблемите во македонското земјоделство.
„ВМРО-ДПМНЕ секогаш било и ќе биде на страната на македонските земјоделци, доколку ние не го изнесовме овој проблем во јавноста, СДС и Николовски никогаш немаше да ги продолжат овие договори на вредните македонски земјоделци или пак тоа ќе го правеа селективно и повторно земјоделското земјиште ќе завршеше кај луѓе што не се земјоделци или истото ќе го трансформираа за плантажи со фотоволтаици. ВМРО-ДПМНЕ секогаш ќе може гордо и со крената глава да биде помеѓу светиниколчани и сите земјоделци во Република Македонија“, заврши Трипуновски во својата објава.