Економија
Aвтомобил на годината во Германија за 2022 година: Новото „пежо 308“ е прогласено за победник
На 26 октомври 2021 година, жирито за „Aвтомобил на годината во Германија“(GCOTY) го прогласи новото „пежо 308“ како победник, меѓу 11 кандидати од 9 производители на автомобили во компактната класа. За жирито, стратегијата „Моќта на изборот“ на PEUGEOT беше во особен фокус: клиентите можат да избираат помеѓу бензин, дизел и два plug-in хибридни мотори. Дополнителни причини за доделување на наградата на компактното возило се модерната технологија, дигиталниот и индивидуално програмираниот PEUGEOT i-Cockpit® како и новиот дизајн со новото лого на PEUGEOT.
Компактното возило од брендот Peugeot е прогласено за победник, како и неговиот претходник кој има добиено многу награди, вклучително и наградата „Автомобил на годината за 2014 година“.
Оваа награда е најпосакувана награда во автомобилската индустрија.
„Ова е прва награда за новата генерација на PEUGEOT 308. Многу сме горди што 308 успеа да се наметне во компактната класа во Германија. Голема благодарност до жирито за автомобил на годината во Германија и целиот тим на PEUGEOT. Успехот, исто така, ни покажува дека сме на вистинскиот пат со стратегијата „моќта на изборот“ и нашиот постојан пат кон електромобилноста. Со новото „пежо 308“, веќе електрифициравме 80 % од нашата понуда на автомобили. изјави Haico van der Luyt извршен директор во PEUGEOT Германија
Ново „пежо 308“ израз на новиот идентитет на брендот
Како прво сериско возило со новото лого, „пежо 308“ е израз на новиот индентитет на брендот Peugeot. Full LED предните светла го прикажуваат типичниот светлосен потпис на брендот (вертикални напред и со форма на три лавовски канџи назад).
Најсовремените системи за помош при возење, како што се камерата за возење наназад, системот за предупредување од можен судар, помошта за следење на слепи точки со досег од 75 m, помошта за сопирање при итни ситуации и активниот систем за предупредување за напуштање лента со интервенција на управувачот обезбедуваат дополнителна безбедност при возење.
PEUGEOT i-Cockpit® (компактен управувач, head-up дисплеј, централен екран на допир) е дополнително развиен и модернизиран кај новиот PEUGEOT 308. Со i-Connect® Advanced и дигиталните i-Toggles®, моделот има интуитивен и мрежно поврзан инфозабавен систем.
Верен на слоганот „моќта на изборот“, новото „пежо 308“ се нуди во две plug-in хибридни верзии (електричен и бензински мотор 180 КС и 225 КС) како и со мотор со внатрешно согорување со различни бензински или дизел мотори. Целосно електрична верзија ќе следи во 2023 година.
(ПР)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.