Контакт

Анализа

Кнап:Евидентни се промените во Македонија на економски план

Објавено пред

Интервју со Мартин Кнап, Раководен член на УО на Македонско-Германско стопанско здружение/DMWV и Директор на Претставништвото на германското стопанство во Македонија.

 

 

Господине Кнап, би сакале ли да ни кажете кога е основано Германско-македонското здружение и со која цел?

Мартин Кнап: Германско-македонското стопанско здружение го формирав јас лично пред 14 години. Во тој период бев, исто така, активен во овој регион. Здружението во меѓувреме брои 185 компании членови. Компаниите членки имаат нешто заедничко, а тоа е нивната инволвираност во германско-македонските стопански односи. Наши членки се компании германски инвеститори во Македонија, но има и чисто македонски компании кои што извесуваат во Германија, како и компании кои се занимават со услужни дејности. Наша цел е да ги поврзуваме овие компании и да им даваме информации коишто би можеле да им бидат од корист.

 

Од што најмногу се задоволни германски компании во Македонија, а на што најчесто се жалат?

– Најмногу компаниите се задоволни од луѓето во Македонија, од кадарот којшто стои на располагање, од работниците и нивните работни способности, се разбира трошоците за труд играат улога тука, односно ниските давачките за вработените. Меѓутоа како критички точки се оценува бирократијата, јавната администрација и судството, коешто е многу бавно во донесувањето на судските одлуки.

 

Каква соработка имате со македонските институции и со останатите комори и здруженија во државата?

– Имаме многубројни и многустрани  константи средби со сите официјални иснтитуции, се разбира и со другите комори. Во однос на соработката, можеме да кажеме дека таа се одвива на дневно ниво и е исклучително добра. Во последно време се немаме судрено со некој поголеми проблеми кои се однесуваат на германските инвеститори. Не се евидентирани некои проблеми за коишто во последен период би ни се обратиле германските инвеститори.

 

Дали може да направите една паралела на сегашната ситуација во Македонија во однос на онаа кога го основавте Германско-македонското стопанско здружение пред 14 години. Какви промени забележувате на економски план, со оглед дека еден период не бевте тука?

– Порано си кажувавме еден виц, една шега за Слободната економска зона, која и тогаш постоеше, но беше празна. Се шегувавме дека зоната во буквална смисла на зборот е слободна од економија, бидејќи не се случуваше ништо во неа. Во меѓувреме гледаме дека таа зона постепено се полни, и не саму таму, туку насекаде се гради повеќе. Морам да кажам дека во првите десет години од независноста, економијата во Македонија беше прилично  без ориентација. Во оние години, во кои јас не бев надлежен за Македонија, се случиле промени. Политиката којашто сега се води во државата. е попријателски наклонета. Но, секогаш мора да се каже, дека капиталот е една „срамежлива срна“, која при прва врева или бучава што ќе ја слушне се плаши и бега.

 

Колку може евентуална политичка нестабилност да има импликации странските инвеститори, со оглед дека велите оти капиталот е чувствителен на врева? Колку на пример може последните протести, или бојкотот на опозицијата да имаат влијание?

– Секое општество има одредени напнатости и сите тие тензии коишто се случуваат мора да бидат изразени на некој начин. Доколку некаде во некоја земја имаме континуиран мир и тишина, тоа буди сомнежи дека може нешто неочекувано да избувне и да доведе до екплозија. Доколку има одредени политички промени во државата, или се случуваат мали немири, тоа не е тоа страшно за инвеститорите, но не смее да се дозволи да дојде до екскалација.

 

Дали постои најава за нови германски инвестиции. Постои ли, според вашите сознанија, интерес кај други германски компании за влез во Македонија? 

– Да. Во моментот актуелни се три нови инвеститора во Македонија. Едната компанија е од текстилната индустрија, а другите две се од автомобилската индустрија, кои би произведувале во Македонија и производите би ги извезувале. Германските компании во моментов во Македонија имаат отворено околу 10.000 работни места, а наскоро може да се очекува бројката да се зголеми до 13.000 вработувања, па дури и повеќе. Двете компании веќе ги објавија своите намери за влез во Македонија (Technical Textiles во Штип и Odw Elektrik во Охрид), а трета компанија се очекува наскоро тоа да го стори. Станува збор за нова инвестиција во Охрид, но сега не можеме да ви откриеме повеќе детали. А има и други компании кои се заинтересирани за влез во Македонија

 

Дали познавате некој македонски бренд за којшто сметате дека би можел да го освои германскиот и западноевропскиот пазар?

– Многу е тешко меѓу сите компании членки на здружението да се одбере една фирма за којашто ќе се каже „Да, тоа е производ кој може да се пласира“. Сепак, гледам голем потенцијал во прехранбената индустрија, тука е „Виталија“, на пример, и некои други компании. Како производ, би можел да го издвојам македонското вино, иако винскиот пазар во Германија е преполн.

 

Иако обемот на трговската размена меѓу Македонија и Германија е прилично висок, а суфицитот е на македонска страна, гледате ли простор за дополнително зголемување на трговската размена и на македонскиот извоз?

– Трговската размена сега изнесува една милијарда евра од Германија кон Македонија и околу 1,5 милијарда од Македонија кон Германија. Овој извоз од Македонија, којшто сега се случува, се должи на германските инвестиции во Македонија. Голем дел од производството на новите германски компании е наменет за германскиот пазар, па со самото зголемувањето на германските инвестиции се разбира дека ќе се зголеми уште повеќе извозот од Македонија кон Германија.

 

Сосема за крај, како би им ја опишале Македонија на вашите пријатели и роднини во Германија?

– Македонија е земја којашто во секој случај треба да се посети и да се види. Во однос на она што најмногу треба да се види во Македонија тука прво на ум ми паѓаат природните езера, но има и многу други природни убавини и историски градови. /крај/мф/ап/сн

 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Владата ќе направи целосен ремонт на урбанизмот

Објавено пред

Владата подготвува пакет-измени на постојните и носење целосно нови уредби кои ќе ги опфатат законите за градење, за просторно и за урбанистичко планирање, за катастар, за експропријација, за еврокодови, најавува денес „Дојче веле“.

Веќе било формирано национално координативно тело во кое се вклучени претставници од Владата, од министерствата, од општините, од другите надлежни институции, како и од здруженијата на архитекти, на градежници, но и претставници на стручната и научната фела со кое раководи професорот Мирослав Грчев.

„Во следните два месеца ќе изготвиме интервентни измени на кои стручњаците укажаа, пред сè, со цел да се отстранат аномалиите и противречностите. Потоа ќе започнеме со изработка на сосема нов сет закони, процес што ќе трае 7-8 месеци“ откриваат од Владата.

Само Законот за градењето во последните 5 години бил менуван 25 пати. Со ова, според надлежните, настанал вистински хаос во регулативата и на терен. Речиси на иста линија е и стручната фела. Во Комората на овластени архитекти и инженери (КОАИ) сметаат дека е крајно време да се воведе ред.

Урбаниот хаос ќе се средува и со законски измени и со засилен надзор, велат од Владата. Сепак, негираат дека ќе има уривање на објекти – сè што досега било направено, а било во рамките на постојните закони, ќе остане.

„Основна цел е подобрување на животот на граѓаните. Урбаниот хаос го нарушува просторот. Во Скопје досега масовно се градеше без план, проблемот е помал во другите градови, но таму не се внимаваше воопшто на она што се нарекува архитектонско решение или урбанистички изглед на локалната единица… Ова е болната точка што ќе треба да ја коригираме иако нема можност состојбата целосно да ја вратиме назад, но мора да ја смениме генералната перцепција дека во сферата на урбанизмот владее хаос, дека владее корупција и тоа е она што нè боли сите нас“, велат извори во Владата.

Архитектите предупредуваат дека, освен законските измени, мора да се донесат и сосема нови урбанистички планови и тоа не само за главниот град.

Каква е моментната состојба доволно зборува податокот дека сега во централното градско подрачје на Скопје во тек е изградба на десетици големи станбени згради, од кои добар дел и со по стотина и повеќе стана.

Прикажи повеќе...

Daily news

Според Дрилон Исени, економскиот раст од 1,5 отсто неостварлив

Објавено пред

Стопанската комора на северозападна Македонија (СКСЗМ) смета дека годинава ќе ја заокружиме со максимум 0,7 отсто економски раст наспроти последните процени на Светската банка за раст од 1,5 процент.

– Ќе бидеме презадоволни ако Македонија ја заокружи годината со економски раст од 0,5 до 0,7 отсто. Сметаме дека проекциите од 1,5 на Светската банка или 2,5 процента на Владата никако не може да се постигнат. Во првиот квартал растот беше нула, во вториот -1,8. За да постигнете раст од 2,5 треба во двете тримесечја да биде пет отсто, што нема логика – вели извршниот директор на СКСЗМ, Дрилон Исени.

Исени и оперативниот директор на Комората, Миљаим Амети, порачуваат државата наместо да им дава субвенции за минимална плата на компаниите, да размисли за поддршка за воведување нови технологии и ноу-хау, што ќе ги направи финансиски помоќни и конкурентни, а еднаквиот третман на странските и домашните инвеститори да не биде само во однос на даночните олеснувања и субвенциите, туку и во делот на инфраструктурата.

Прикажи повеќе...

Daily news

Богов песимист, не очекува никаков раст годинава

Објавено пред

Продолжената политичка криза и нанесе сериозни штети на македонската економија и тешко дека ќе постигнеме некаков раст оваа година, по падот во првата половина, изјави гувернерот на Народната банка на Македонија, Димитар Богов во интервју за агенцијата Ројтерс, додавајќи дека нашите превидувања од април за економски раст од 2,5 проценти очигледно биле премногу оптимистички. Тој натаму нагласува дека имајќи предвид оти во првата половина од оваа година македонскиот БДП забележа пад од 0,9 отсто, би „бил среќен ако оваа година ја завршиме со
позитивен економски раст“.

Британската агенција потсетува дека македонската економија лани оствари раст од 2,4
отсто, но во вториот квартал од оваа година БДП падна за 1,9 отсто, што е негово прво
намалување од 2012 година.

Богов во интервјуто натаму наведува дека македонската економија следната година може
повторно да бележи раст, доколку се стабилизира политичката ситуација.

– Доколку имаме целосна политичка стабилност и економски политики од новата Влада,
можеме да очекуваме растот постепено да се врати на трендот што го имавме пред да
западнеме во политичката криза во 2015 година, вели Богов.

Гувернерот на централната банка очекува Владата да продолжи со фискалната
консолидација со цел да го стабилизира буџетскиот дефицит, кој се проценува на околу три
отсто за оваа година.

Прикажи повеќе...

Најново

Топ42 минути

Се удави скопјанец во езерото Младост

Дваесет и осумгодишен скопјанец вчера се удави во водите на езерото Младост во Велес. Според информациите од МВР, М.С. влегол...

Регион1 час

Ребиќ: Странски служби ја рушат Србија

Директорот на српската полиција, Владимир Ребиќ истакна дека зад насилните протести во Србија, стојат странски разузнавачки служби. Според него, тие...

Топ1 час

Приведени и казнети „диви тркачи“ од скопските улици

Секторот за сообраќајни работи при Бирото за јавна бебзедност во координација со Одделението за безбедност на сообраќајот при Секторот за...

Свет2 часа

Турист во Шпанија загинал по пад од тераса, а усмртил уште еден човек

Турист во Шпанија починал откако паднал од тераса на хотелот каде бил сместен, а усмртил и друг маж, кој во...

Свет2 часа

Во Бразил над 35 илјади нови случаи, сопругата и ќерките на Болсонаро негативни на ковид-19

Во Бразил во последните 24 часа се регистрирани нови 35.512 случаи на ковид-19, а починале уште 1.071 пациент. Од почетокот...

Свет2 часа

Трамп првпат во јавност се појави со заштитна маска

Американскиот претседател Доналд Трамп ја посети воената болница во предградие на Вашингтон и првпат во јавност носеше маска поради пандемијата...

Македонија3 часа

Мицкоски со писмо до народот: Ви ветувам макотрпна работа и обнова на државата

Кус е периодот во кој можевте да ме запознаете, да стекнете впечаток за мене и за она што го преставувам...

Регион15 часа

(Видео) Петти ден протести во Србија, демонстрантите во Нови Сад ја блокираа полициската станица

И вечерва граѓаните на Нови Сад излегоа на протест на улиците и на половина час ја блокираа полициската станица „Стар...

Македонија17 часа

Од коронавирус почина 24-годишна пациентка од Тетово, немала хронични заболувања

Вчера на Инфективната клиника почина 24 годишна пациентка од Тетово од Ковид-19. Таа е еднa од најмладите пациенти во земјава...

Македонија20 часа

Нови 199 заболени и осум починати од коронавирус во земјата

Министерството за здравство информира дека во последните 24 часа се направени 1545 тестирања, а регистрирани се 199 нови случаи на...

Топ20 часа

Мaж нападнал четири лица во авто-кампот „Градиште“, има повредени

Доцна синоќа во полицијата било пријавено насилство кое се случило во авто-кампот „Градиште“ во Охрид. Според пријавеното, А.К.(32), кој претходно...

Регион21 час

Хрватска, Албанија и БиХ бележат рекордни бројки на новозаразени од појавата на пандемијата

Во регионот деновиве забележан е пораст на бројот на заболени од ковид-19. Во Хрватска, Албанија и БиХ денеска е регистриран...

Македонија21 час

Пендаровски за геноцидот во Сребреница: Идеите за етнички чисти територии секогаш водат кон трагедии

Претседателот, Стево Пендаровски, упати порака по повод 25-годишнината од геноцидот во Сребреница. „Пред 25 години се случи геноцидот во Сребреница...

Регион21 час

Грција бара санкции за Турција: „Ердоган направи историска грешка“

Атина ќе изврши притисок врз меѓународните организации и ЕУ да воведат санкции кон Турција, поради промената на статусот на музејот...

Македонија1 ден

Уште два дена кампања

Уште два дена ќе трае предизборната кампања за парламентарните избори кои ќе се одржат в среда. Денеска и утре политичките...

Македонија1 ден

Свети Николе станува ново жариште на коронавирусот, двете фабрики се затворени

Во Свети Николе вчера беа регистрирани 29 новозаразени од ковид-19, за првпат во овој град, кој станува ново жариште на...

Македонија1 ден

Рекорден број на заразени и излечени во земјава за едно деноноќие

Во Македонија вчера беше регистриран рекорден број на новозаразени и излечени пациенти во последните 24 часа. Како што информира Министерството...

Македонија1 ден

Дел од болницата „8-ми Септември“ ќе се пренамени за пациенти кои не се заболени од ковид

Во наредните десетина дена почнуваат подготовки за ослободување на дел од капацитетите во ГОБ „8ми Септември“, најави министерот за здравство,...

Македонија1 ден

Заев од централната трибина во Скопје: Мора да продолжиме по правиот пат, од вас зависи

Мора да продолжиме по правиот пат, не смееме да скршнеме од него, тоа е наша заедничка задача, порача синоќа претседателот...

Македонија1 ден

Филипче: Тестираме масовно и ги откриваме и асимптоматските случаи за прекин на ланецот на ширење

Тестираме масовно и ги откриваме и асимптоматските случаи за прекин на ланецот на ширење, истакна министерот за здравство, Венко Филипче,...

Досие