Контакт

Економија

„Happy VISA викенд!“ – наградна игра на Шпаркасе банка Македонија во соработка со VISA

Објавено пред

Од денес започнува наградната игра „Happy Visa викенд“ за сите клиенти на Шпаркасе Банка Македонија, корисници на дебитни и кредитни картички Visa, кои со секоја трансакција на износ поголем или еднаков на 500,00 денари, имаат можност да освојат една од многубројните награди:

– Главна награда автомобил KIA SPORTAGE

– 70 ваучери за патување во РС Македонија

Во наградната игра, која ќе трае од 6.8.2021 година до 24.9.2021 година, право на учество имаат сите полнолетни лица – државјани на Република Северна Македонија (лица со и над 18-годишна возраст), кои се корисници на платежни картички за физички лица од брендот Visa, издадени од Шпаркасе Банка Македонија АД Скопје, како и Visa картичките на поранешната Охридска банка АД Скопје, која се присоедини кон Шпаркасе Банка Македонија АД Скопје.

Во наградната игра се вклучени сите трансакции направени од корисникот на картичката и/или од корисниците на дополнителните картички на продажните места и е-commerce трансакции (плаќање преку интернет) во земјата и надвор од неа. Во наградната игра не влегуваат исплати на готовина од банкомат или од ПОС-шалтер, членарини, провизии, како и сторнирани трансакции.

Физичките лица корисници на дебитните платежни картички Visa на Шпаркасе Банка Македонија АД Скопје, за секоја поединечна трансакција во износ поголем или еднаков на 500,00 денари добиваат една шанса за учество во наградната игра. Лицата корисници на кредитните платежни картички Visa на Шпаркасе Банка Македонија АД Скопје, за секоја поединечна трансакција во износ поголем или еднаков на 500,00 денари добиваат двојна шанса за учество во наградната игра. Доколку еден учесник поседува повеќе од една картичка од Банката, во тој случај учествува со секоја поединечна картичка во наградната игра доколку ги исполнува условите.

Извлекувањето на добитниците на наградите ќе се врши секој петок почнувајќи од 20.8.2021 година, а ќе заврши на 1.10.2021, со почеток во 12 часот, во просториите на Шпаркасе Банка Македонија АД Скопје, на ул. Македонија број 34, Скопје. Добитниците на наградите ќе бидат извлечени автоматски, по принципот на случаен избор, со специјален софтвер развиен за потребите на наградната игра. За време на извлекувањето ќе бидат присутни двајца претставници од Шпаркасе Банка Македонија АД Скопје и нотар.

Секој петок од 20.8.2021 до 1.10.2021, се извлекуваат по 10 добитници на ваучери, додека на главното извлекување покрај 10 викенд патувања, ќе биде извлечен и еден добитник на главната награда, автомобил KIA SPORTAGE.

Повеќе информации за наградите како и Правилата на наградната игра „Happy VISA викенд“ може да се најдат на веб-страницата на Банката www.sparkasse.mk или преку повик во Контакт центарот на телефонскиот број 02/ 15 050, секој работен ден од 8 до 18 часот.

(ПР текст)

Економија

Наскоро: GoGlobal – Виртуелни сесии за маркетинг стратегии наменети за перформанс огласувачи

Објавено пред

GoGlobal, еднодневен виртуелен настан составен од динамични сесии за маркетинг стратегии, ќе се случи за првпат на 29 септември 2021 година, со почеток од 13.00 часот по Средноевропско време. Под организација на „Aleph Holding“, овој настан ќе ги собере светски познатите маркетинг лидери и говорници кои се партнери на Aleph, вклучувајќи ги Facebook, Snapchat and TikTok, како и огласувачи кои успешно ги искористиле придобивките од овие платформи за да ги подобрат своите резултати. Приклучете се на сесиите и слушнете ги индивидуални лекции и совети на говорниците, кои се наменети да им помогнат на регионалните брендови да го забрзаат својот глобален раст преку огласување на социјалните медиуми.

Ерикас Плоткинас (Erikas Plotkinas) – маркетинг директор на “Kilo Health”; Андреј Кугониќ (Andrej Kugonić) – одговорен за маркетинг и раст во “Nordeus”; Катарзина Паливода (Katarzyna Paliwoda) – директор за нови пазари во “Facebook CEE”; Артурс Лукасевиц (Arturs Lukasevics) – раководител за раст за Центрлна Европа на “TikTok”, Имран Кан (Imran Khan) – извршен директор и ко-основач на “Verishop”; Дени Рајт (Danny Wright) – главен директор за брендови на “Adweek” и Марис Наглис (Maris Naglis) – потпретседател за успех на клиентите во “Httpool” се само дел од лидерите во индустријата и перформанс маркетинг експерти, кои ќе ги споделат своите ексклузивни согледувања и знаења за време на настанот GoGlobal.

Во само еден ден исполнет со одлични сесии, присутните ќе дознаат како да:

● Го забрзаат растот на својот бренд преку сеопфатна стратегија за перформанс огласување
● Ги постават основните елементи за успех и да почнат да ја следат животната вредност за клиентите
● Да ја искористат моќта на брендирањето за да го засилат растот
● И многу повеќе!

Настанот може да го следите бесплатно, а веќе е започнат процесот на регистрација за сите заинтересирани, без оглед на нивната локација: https://goglobal.events/

„GoGlobal е првиот од низа настани организирани од „Aleph“ чија цел е да се сподели знаење и да им се помогне на компаниите максимално да го искористат глобалниот потенцијал што дигитализацијата и социјалните медиуми го нудат. Настанот ќе овозможи перформанс огласувачите да дознаат нешто повеќе од најуспешните во нивниот сектор како и од најуспешните брендови на пазарот, но и да се запознаат со најновите трендови за искористување на потенцијалот што го нудат 4 милијарди луѓе кои секојдневно се активни на дигиталните платформи“, вели Марис Наглис, потпретседател за успех на клиентите во Httpool, компанија на „Aleph Holding“.

Aleph е најголемиот глобален партнер за дигитални медиуми во светот кој работи на 85 пазари и кој има доверена задача да ги поврзе најголемите играчи во дигиталните медиуми со огласувачите кои се потпираат на нив. Дел од ексклузивните партнери во различни земји се Twitter, Spotify, Snapchat, LinkedIn, TikTok, Facebook, Twitch, Tripadvisor, and EA, меѓу другите. Httpool е компанија на Aleph Holding, која е претставник на водечките платформи за дигитални медиуми во повеќе од 60 пазари во Европа и Азија.

Уникатната комбинација на пристап до најголемите дигитални играчи, сопствена технологија и експертско практично знаење им овозможува на Httpool и IMS (Internet Media Services) да ги поддржат бизнисите и брендовите во искористување на максималниот потенцијал во нивните напори за рекламирање и подобрување на деловниот успех.

За повеќе информации, ве молиме обратете се до:

Špela Majcen Marušič, Глобален менаџер за односи со јавноста – [email protected]
Јане Бајалџиев, Управител на Httpool Македонија – [email protected]

 

 

(ПР текст)

Прикажи повеќе...

Економија

„ТАВ Македонија“ демантира наводи објавени од народниот правобранител

Објавено пред

„ТАВ Македонија“ ги отфрла сите наводи на народниот правобранител изнесени во објава на социјалната мрежа „Фејсбук“ во однос на наводни сознанија дека на припадници на ромската заедница не им се дозволува да отпатуваат во странство.

Од компанијата тврдат дека наводите во соопштението на народниот правобранител, испратено до медиумите на 16 септември 2021 година, како и во нивното барање до „ТАВ Македонија“ за наводна дискриминација на патници по етничка основа, се целосно неосновани.

Во продолжение ова е содржината на нивната реакција:

„ТАВ Македонија“ како аеродромски оператор на Меѓународниот аеродром ‘Скопје’ и аеродромот ‘Свети апостол Павле’ – Охрид е дел од глобалната групација ‘ТАВ aеродроми’, која управува со 92 аеродрома во 26 земји и вработува повеќе од 33 илјади луѓе од 90 националности.

Ние секогаш ги следиме правилата за патување на авиокомпаниите и условите на земјите за влез на патници и строго ги почитуваме сите закони во Република Северна Македонија вклучувајќи ги одредбите од Законот за спречување и заштита од дискриминацијата („Службен весник на РС Македонија“ број 258/2020) како посебен закон и Уставот на РС Македонија како највисок правен акт.

Во конкретниот случај не постои дискриминација во пристапот до добра и услуги по основ на етничка припадност, боја на кожа и расна основа.

Во конкретниот случај за кој народниот правобранител ни се обраќа, во согласност со проверките направени со авиокомпанијата, системот на IATA – Timatic, како и со I Port Travel Doc., патниците не ги исполниле условите за патување за влез во Белгија на 15 септември 2021 година, и тоа:

1. Патниците немале валиден сертификат за целосна вакцинација (валиден значи дека треба да се поминати две недели пред датумот на патување).

Двајцата патници покажале вакцинални сертификати со дата од 4 септември 2021 година, а со тоа што нивниот лет бил на 15 септември 2021 значи дека не биле поминати две недели.

2. Патниците немале есенцијална/суштинска причина за патување пропишана од страна на државата Белгија во согласност со рестрикциите за патување поради Ковид-19, а тие биле македонски државјани и сакале да патуваат од туристички причини (посета на роднини), притоа без доказ за примена целосна вакцинација.

Во согласност со информацијата што авиокомпанијата ја доставила до „ТАВ Македонија“ на 3 септември 2021 година, РС Македонија е ставена во црвена зона на земји и во согласност со тоа за влез во Белгија важат следните услови:

Патниците може да влезат само со доказ за есенцијална/суштинска причина за патување, освен:

· ако се државјани на ЕУ или резиденти;
· со одобрен сертификат за целосна вакцинација.

Патниците без еден од овие два услова не треба да се прифатат на лет, освен за државјани на Белгија.

Покрај задоволување на овие услови, патниците треба да имаат пополнето електронски образец т.н. Passenger Locator Form.

Дополнително, секогаш кога патниците купуваат авиобилети од авиокомпанијата, тоа значи дека тие практично склучуваат договор со авиокомпанијата и треба да ги следат условите за патување на авиокомпанијата.

Пандемијата на Ковид-19 во голема мера ги смени условите за патување во светот и ѝ наметна на секоја земја одделно да имплементира разни рестрикции за патување.

Како пример, во 2021 не им е дозволено патување на голем број патници од двата аеродрома во РС Македонија поради неисполнување на условите за патување и притоа ниту еднаш не сме направиле никаква дискриминација. За нас е важно патниците да ги исполнуваат условите за патување и ние никогаш не ги гледаме патниците од друга перспектива.

Непрофесионално е и неприфатливо за нас давањето информации за дискриминација на Ромите од страна на „ТАВ Македонија“ во медиумите, без притоа да се испита и провери случајот со нас. Наместо тоа, испратена е реакција до медиумите со наслов: „Реакција на народниот правобранител по сознанијата дека на припадниците на ромската заедница не им се дозволува да отпатуваат во странство“, а дури потоа писмото на народниот правобранител стигна до „ТАВ Македонија“.

Изречно ги демантираме сите наводи во реакцијата на народниот правобранител по сознанијата дека на припадниците на ромската заедница не им се дозволува да отпатуваат во странство и се надеваме дека во иднина нема да има обвинувања или слични наводи против нас, без притоа да се проверат фактите и доказите.

 

 

(ПР-текст)

Прикажи повеќе...

Економија

Заев-Бесими: Со системско решение за стабилни финансии до ефикасни услуги на општините со Законот за финансирање на единиците на локалната самоуправа

Објавено пред

Повеќе средства и стабилни приходи на општините, со крајна цел подобри и поефикасни услуги за граѓаните и засилен локален развој, е целта на реформата за унапредување на фискалната децентрализација што ја подготви Министерството за финансии, а Владата нa седница вчера ги прифати предложените измени и дополнувања на Законот за финансирање на единиците на локалната самоуправа.

Реформата која на системски начин ќе им овозможи на општините да бидат функционални и финансиски стабилни и непречено и квалитетно да ги извршуваат обврските и услугите кон граѓаните, денеска на прес-конференција ја претставија премиерот Зоран Заев и министерот за финансии, Фатмир Бесими. На прес-конференцијата присуствуваше и министерот за локална самоуправа Горан Милевски.

„Како централна власт работиме заедно со општините за реализација на развојни проекти за граѓаните да добиваат навремени, ефикасни и квалитетни услуги. Истовремено должни сме, и како централна и како локална власт, да ги подобриме условите за живот на сите граѓани во секој град, општина и населено место. Процесот на децентрализацијата мора да се заокружи на системски начин кој ќе им овозможи на општините да бидат функционални и финансиски стабилни, а од друга страна непречено и квалитетно да ги извршуваат обврските и услугите кон граѓаните“, истакна премиерот Заев.

Премиерот Заев потсети дека во 2018 година со 50 милиони евра им се помогна на општините да сервисираат 50% од својот долг, со цел да се ослободи развојниот потенцијал на општините кој со години се таложеше во долгови и блокирани сметки и истакна дека сега се оди со трајни законски решенија за системска функционалност и самостојна работа на општините за финансиска независност, градење капацитети и услови за привлекување нови инвестиции за економски развој.

Министерот за финансии, Фатмир Бесими, на прес-конференцијата нагласи дека реформата се состои од три столба: зголемување на фискалниот капацитет на општините и зголемување на приходите на општините, зголемување на финансиската дисциплина на општините, намалување на долговите и домаќинско работење, и зголемена транспарентност и отчетност. Мерките и активностите, како што додаде, ќе обезбедат дополнителна демократизација на општеството, поефикасно и поекономично обезбедување и испорачување на услугите, како и засилен локален и регионален развој.

Со новото законско решение општините ќе добијат повеќе приходи од личниот данок на доход и од стапката на дотација од ДДВ.

„Со цел зајакнување на фискалниот капацитет на општините во овој закон предвидено е постепено зголемување на приходите од личниот данок на доход од 3 % на 6 % до 2024 година, односно процентот за 2022 година ќе изнесува 4%, за 2023 година 5% и за 2024 година 6 %. Овој приход општините го добиваат од приходот од данок на личен доход од плати од физички лица наплатен во општината во која се пријавени со постојано живеалиште и престојувалиште“, рече министерот Бесими.

Тој додаде дека дополнително во насока на подобрување на фискалниот капацитет и зголемување на приходите на општините во Законот се предлагаат и измени за постепено зголемување на стапката на дотацијата од ДДВ од 4,5% на 6%. Со ова се овозможува обезбедување приходи од ДДВ во висина од 6% од наплатениот ДДВ остварен во претходната фискална година започнувајќи од 2024 година. Исто така, и тука е предвидено порастот да биде постепен така што во 2022 година ќе изнесува 5 % и во 2023 година 5,5%.

Средствата ќе се распределуваат во три фонда и тоа: Основен фонд 4,5% од наплатениот данок на додадена вредност остварен во претходната фискална година и во Фондот за перформанси и Фондот за изедначување по 0,75% од наплатениот данок на додадена вредност остварен во претходната фискална година.

Министерот Бесими истакна дека со ова општините ќе имаат 1,7 милијарди денари повеќе средства.

„Согласно проекциите со предвидените 3% од данокот на личен доход средствата за општините сега изнесуваат 600 милиони денари. Дополнителните 3%, согласно Фискалната стратегија и планираните приходи, во 2024 година средствата за општините ќе изнесуваат 1,562 милијарди денари, односно 781 милион денари повеќе. По основ на дотација од ДДВ во 2024 година со 4,5 % предвидени се 2,8 милијарди денари, додека со 6 % ќе добијат 3,7 милијарди денари. Тоа е една милијарда денари повеќе. Вкупниот ефект во 2024 година ќе биде 1,7 милијарда денари повеќе пари за општините на годишно ниво“, појасни министерот за финансии Бесими.

Реформата предвидува и активности во насока на зголемување на финансиската дисциплина и ефикасност, намалување и репрограмирање на доспеаните, а ненамирени обврски.

„Новост, како што истакна министерот Бесими, е дека финансиска недисциплина ќе се прогласува по сила на закон, со исполнување на критериумите за настанување на финансиската дисциплина. Тој додаде дека идејата не е да се блокираат општините, туку тие ќе имаат на располагање три инструменти, односно можност за користење на условен кредит (standby) од Министерство за финансии, издавање општинска обврзница за познат купувач и издавање структурна обврзница од страна на Министерството за финансии.

За користење на еден од инструментите, кои се со времетраење до 10 години, општините ќе доставуваат барање до Министерството за финансии врз основа на Планот на мерки за надминување на финансиската нестабилност.

Во насока на зголемување на финансиската дисциплина на општините, намалување на долговите и домаќинско работење, со реформата предвидени мерки за реално планирање на приходите и расходите на општините, рационализација во работењето и намалување на непотребните расходи, редовно сервисирање на обврските, поголема финансиска дисциплина, процедури за прогласување финансиска нестабилност, издавање општински обврзници и анализа на постојните обврски на општините и јавните претпријатија.

Исто така, во насока на зајакнување на фискалната одговорност на општините со законските измени се очекува и зголемување на транспарентноста на работењето на општините, со кое општините ќе имаат обврска на транспарентен начин да објавуваат финансиски податоци на своите веб-страници, како и зголемена отчетност во трошењето на сите средства кои се доделени од страна на државата.

Прикажи повеќе...

Најново

Македонија5 часа

Приведена очна лекарка од Куманово, која преку поткуп собрала 116.000 денари

Полициски службеници од Отсекот за економски криминал при СВР Куманово, утрово, во 7 часот, извршиле претрес во просториите на очното...

Македонија7 часа

16 починати и 491 нов случај на Ковид-19

Министерството за здравство информира во последните 24 часа направени се 3.747 тестирања, а регистрирани се 491 нов случај на Ковид-19,...

Македонија8 часа

Филипче: Пристигнаа 110.612 вакцини од „Фајзер“ за кои има голем интерес

Денеска, во земјата пристигнаа 110.612 вакцини од производителот „Фајзер“/„Бионтек“, објави на социјалните мрежи министерот Венко Филипче. Како што посочува тој,...

Македонија11 час

Законот за употребата на јазиците нема да се менува во зависност од пописот, рече Заев

Пописот нема ретроградно да влијае на Законот за употреба на јазиците, туку целта е да се знае колку граѓани има...

Економија12 часа

Имот над 30 илјади евра чие потекло нема да може да се докаже ќе биде конфискуван

Ќе се конфискува имотот од над 30 илјади евра чие потекло нема да може да се докаже, предвидува драфт верзијата...

Македонија12 часа

Наставата продолжува со физичко присуство, состојбата со ковид во училиштата засега е стабилна

Состојбата со Ковид-19 во училиштата е стабилна, се следи на дневно ниво и според проценките на Главниот координативен кризен штаб,...

Македонија12 часа

Софијанова: Коронавирусот кај децата најчесто дава полесна клиничка слика, но може да предизвика сериозен синдром

Коронавирусот кај децата најчесто дава полесна клиничка слика која се третира само со симптоматска терапија. Но неопходно е секој случај...

Регион13 часа

„Еуроактив“: Вашингтон го зголемува притисокот врз Софија за евроинтеграцијата на Скопје

Вашингтон го зголемува притисокот врз Бугарија, барајќи од неа да се откаже од ветото за интеграција на Северна Македонија во...

Македонија13 часа

Македонија е најбезбедна земја на Западен Балкан

Македонија е најбезбедна земја на Западен Балкан и е на 40 место во светот, според истражувањето на Институтот за економија...

Регион14 часа

Хеликоптери на КФОР надлетуваат над премините на северот на Косово, ситуацијата мирна но напната

Покрај припадниците на „Росу“ ситуацијата на северот на Косово ја следеше КФОР, кој патролираше со хеликоптер, пишуваат регионалните медиуми. Главните...

Македонија16 часа

Попишани 1.212.339 луѓе, 378.033 домаќинства и 516.787 станови

Вкупно 1.212.339 лица, 378.033 домаќинства и 516.787 станови се попишани заклучно со 20 часот вчера, објави денеска Државниот завод за...

Македонија16 часа

Вчера се вакцинирале 12.099 граѓани, од нив 2.969 примиле прва доза

На вакциналните пунктови во државата и на терен, заклучно со вчера вакцинирани се вкупно 776.659 граѓани. Прва доза вакцина вчера...

Свет17 часа

Талибанците бараат да се обратат на Генералното собрание на ОН

Талибанците побараа да им се обратат на светските лидери пред Обединетите нации, a за таа пригода го назначија својот портпарол...

Свет17 часа

(Видео) Еден од најсилните земјотреси досега ја погоди Австралија

Земјотрес со јачина од 6 степени, еден од најсилните што е забележан во Австралија, го погоди југоистокот од оваа земја....

Македонија1 ден

Регистрирани 554 нови случаи на Ковид-19, пријавени 17 починати лица

Министерството за здравство информира дека во последните 24 часа се направени 4.072 тестирања, а регистрирани се 554 нови случаи на...

Македонија1 ден

Радев: Изјавите и ветувањата во дијалогот со Северна Македонија повеќе не функционираат

Изјавите и ветувањата во дијалогот со Република Северна Македонија повеќе не функционираат и Бугарија очекува јасни правно обврзувачки решенија што...

Свет1 ден

Бајден: Не сакам воената моќ на Америка да се користи како одговор на секој проблем во светот

Американскиот претседател, Џозеф Бајден, изјави дека не сака воената моќ на САД да се користи како одговор на секој проблем...

Свет1 ден

(Видео) Лава од вулканот на Канарските Острови навлегува во куќите, луѓето се евакуираат

Вулкан на Ла Палма, на северозапад од архипелагот, еруптира во неделата исфрлајќи лава неколку стотини метри високо во воздухот и...

Регион1 ден

Лајчак вознемирен за ситуацијата во Косово, повика на смирување на тензиите

Специјалниот претставник на ЕУ за дијалогот Белград – Приштина, Мирослав Лајчак, рече дека е загрижен за ситуацијата во северно Косово...

Македонија1 ден

И без политичка влада во Софија, продолжуваат разговорите за деблокада на евроинтеграцијата

И покрај тоа што сè’ уште во Бугарија нема политичка влада, разговорите за надминување на разликите и деблокада на нашата...

Досие