Контакт

Економија

H&M отвора продавница во БиХ

Објавено пред

Познатиот синџир за производство и продажба на облека Hennes&Mauritz (H&M) со седиште во Шведска, потврди дека ќе отвори продавница во Сараево, Босна и Херцеговина, следната година.

Во последниот деловен извештај, корпорацијата наведува дека БиХ ќе стане 71 држава во светот во која H&M има продавница.

Корпорацијата во првата половина од годинава остварила приход од повеќе од 10 милијарди евра, а добивка од околу 600 милиони евра.

Претседателот на Управата, Карл Јохан Персон, навел дека H&M оваа година планира да отвори 390 продавници, а ќе затвори 150. Вкупно има 4 800 продавници во светот во кои се вработени околу 130 000 луѓе. Во Хрватска H&M ја отвори првата продавница во 2011 година, а сега има 15. Во Словенија првата продавница ја отвори во 2004, а во Србија во 2013 година. Во земјите од поранешна Југославија H&M има 40 продавници.

Пред да се појави на пазарот на БиХ, H&M лани ги отвори своите први продавници во Исланд, Казакхстан, Грузија, Виетнам и Колумбија.

Економија

(Видео) Трипуновски: Николовски да преземе одговорност за дезинформациите за кочанскиот ориз

Објавено пред

Од

Власта на СДСМ продолжува да ги понижува македонските земјоделци. Последни на удар на криминалниот картел на власта се најдоа производителите на ориз. Пред речиси еден месец Агенцијата за храна, а веднаш потоа и Државниот инспекторат за земјоделство, излезе со став и информација дека наводно во Македонија е произведен и се продава ГМО-ориз. Без да се направат конечните анализи дека навистина се работи за ГМО, од таму посочија дека станува збор за генетска модификација произведена во Кочанско. И кога веќе ја направија штетата, сега излегуваат со информација дека според суперанализите што се направени, оризот не бил генетски модифициран, изјави Цветан Трипуновски, член на ИК на ВМРО-ДПМНЕ.

Според него, со ваквата постапка Агенцијата за храна и Државниот инспекторат за земјоделство им нанесоа штета на производителите на ориз од Кочанско. И покрај тешкиот пласман на оризот од ланската реколта, кој стои неоткупен, и додека трае жетвата на годинешната реколта, им се нанесе огромна штета на земјоделците и воопшто на пласманот на кочанскиот ориз како бренд.

„Овој потег на власта создаде страв и паника кај граѓаните да престанат да купуваат кочански ориз и поради тоа значително да се намали продажбата, односно откупот на оризот во Република Македонија. Тоа не е ништо друго, туку директен удар врз џебот на македонскиот земјоделец. Прашуваме дали ваквиот чекор беше заради одредена нарачка и профит на бизнис-кругови блиски до власта, кои се увозници на ориз? Дали СДСМ отвора пат за поголема заработка на свои бизнис-кругови на сметка на македонските земјоделци кои произведуваат ориз во Република Македонија, а воедно мака мачат со продажбата од годинешната реколта не само поради ниските цени туку и поради откупот што го нема?“, вели тој.

Според Трипуновски, за овој несериозен потег со кој му се наштети на македонскиот земјоделец и на брендот „кочански ориз“, мора да се понесе одговорност. Одговорност мора да има од директорите на Агенцијата за храна и Државниот инспекторат за земјоделство, неминовно е и одговорност мора да понесе и министерот Љупчо Николовски и крајно време е да си поднесе оставка пред целосно да го опустоши македонското земјоделство. Со СДСМ земјоделството е на колена. Криза со пласманот имаше и со градинарските производи и со пласманот на праски, лубеници, сливи, пченица, а сега власта создаде криза и со откупот на ориз. Овој хаос во македонското земјоделство не смее да продолжи. Земјоделците повеќе не смее да бидат понижувани и омаловажувани. СДСМ покажа дека не знае и не може да се грижи за македонското земјоделство. СДСМ мора да си замине за македонскиот земјоделец да почне да напредува“, додава тој.

Прикажи повеќе...

Економија

Николовски: Mладите земјоделци ќе може да конкурираат за финансиска поддршка од неповратни 10.000 евра

Објавено пред

Од

Младите земјоделци до 40 години од денеска ќе може да конкурираат за финансиска поддршка од неповратни 10.000 евра за инвестиции во опрема за преработка на земјоделски производи и производи од животинско потекло и отворање сопствен агробизнис, порача министерот за земјоделство, шумарство и водостопанство, Љупчо Николовски, кој е на средби со граѓани во Кавадаречкиот Регион.

Министерот Николовски посочи дека мерката е преку Програмата за рурален развој за 2018 година и оваа година има промени во критериумите сè со цел да им се даде шанса на невработените млади земјоделци. Конкретно, најмногу бодови при аплицирањето ќе добијат оние млади луѓе што се невработени повеќе од две години, како и млади членови на земјоделски задруги. Исто така, првпат оваа година приоритет им се дава на младите луѓе што имаат интерес да почнат или се занимаваат со сточарство поради што во новиот повик ќе се поддржи и набавка на добиток од увоз или од признати организации, како и инвестиции во опрема. Приоритет при одобрување на апликациите ќе имаат невработените, регистрираните земјоделци и оние што имаат уредна апликација.

„Огласот е објавен денеска и ќе трае во следните 30 дена. Оваа година во согласност со критериумите се фокусираме на младите луѓе што ќе ги поддржиме со неповратни 10.000 евра. Предност имаат лицата невработени повеќе од две години, членови на земјоделски задруги, оние што сакаат да инвестираат во сточарството и младите што се занимаваат со органско производство. Токму со оваа мерка ќе придонесеме кон зголемување на добиточниот фонд, инвестиции во набавка на опрема за постбербени активности, инвестиции во опрема за преработка на земјоделски производи и производи од животинско потекло. Очекувам голем интерес од младите земјоделци, кои секогаш ќе ја имаат поддршката од Владата“, изјави Николовски.

Минатата година се склучија 424 договори со млади земјоделци, кои добија неповратни 10.000 евра. Парите доделени во најголем дел беа наменети за набавка на земјоделска механизација и за инвестиции во производствени капацитети. Николовски посочи дека парарелно преку МЗШВ и Платежната агенција почнат е процесот на акредитација на мерката за рурална јавна инфраструктура преку ИПАРД-програмата, која е наменета за општините.

„Тоа се дополнителни 10 милиони евра за кои ќе може да конкурираат општините на почетокот на следната година. Општината Кавадарци веќе користи финансиски средства од европските фондови, досега во износ од 4 милиони евра. Членството во НАТО и ЕУ е важно бидејќи ќе се зголеми финансиската поддршка преку европските фондови за општините, што ќе придонесе за подобрување на животниот стандард и задржување на младите во нашата земја“, порача Николовски.

Во рамките на посетата на овој регион Николовски ги посети откупните пунктови за грозје, а во текот на денот ќе има средби со лозари, на кои ќе се разговара за актуелната берба и откуп на грозјето, за мерките што ги презема Министерството за земјоделство, шумарство и водостопанството за развој на агросекторот, како и за придобивките што земјоделците ќе ги имаат од членството на Република Македонија во НАТО и ЕУ.

Прикажи повеќе...

Економија

Анѓушев на средба со стопанственици од Штипскиот Регион: ЕУ и НАТО се единствената опција за развој на економијата

Објавено пред

Од

Заменик-претседателот на Владата задолжен за економски прашања, Кочо Анѓушев, учествуваше на трибина „Перспективите на македонската економија преку членство во НАТО и ЕУ“, во организација на Стопанската комора на Македонија, што се одржа во Штип.

На трибината претседателот на Стопанската комора на Македонија, Бранко Азески, иницира дискусија за прашања поврзани со темата, а вицепремиерот зборуваше за предностите и придобивките за економијата со евро-атлантските интеграции. Тој потенцира и издвои неколку точки каде што ефектите ќе бидат забележливи.

„Со приближувањето до НАТО и ЕУ државата ќе има пристап до многу работи, пред сè, се отвораат набавките на НАТО. Јасно е дека ние не можеме да продаваме лансирни рампи и хеликоптери затоа што немаме производство на оружје, но можеме да продаваме други работи што ги користи НАТО во логистичките услуги, како облека, храна и слично. Тука се отвора едно поле каде што сериозно би можело да се партиципира и би имале еден сериозен ефект“, рече Анѓушев.

Вицепремиерот, покрај тоа што сподели конкретни позитивни примери од земји од нашата околина кои имале придобивки со влегувањето во НАТО и ЕУ, со стопанствениците и бизнис-заедницата ги сподели и очекувањата од европските фондови и веќе пристигнати предлози и иницијативи додека земјата сè уште е во оваа фаза.

„Со присоединување кон Европската Унија може да добиеме многу. На пример, кога Словенија влезе во НАТО, градоначалникот, односно Љубљана доби 200 милиони евра помош. Доколку таква сума како помош влезе во некои од нашите градови, тоа ќе значи решавање на многу проблеми. Факт е дека со самата желба да се присоединиме кон НАТО и ЕУ веќе се разговара за сериозни финансиски средства од страна на Светската банка и ЕБРД. Исто така, при посетата на канцеларката Меркел беше истакната желбата од страна на Германија за сериозно да ја помогне економијата на Република Македонија, особено со формирање на управувачки одбор од членови на двете влади и на тој начин Германија директно преку свои грантови и преку кредитирање од сопствените финансиски институции да даде сериозен импакт кон развојот на македонската инфраструктура“, информира Анѓушев.

„Пред нас се отвора една голема шанса. Охрабрува тоа што економската заедница и стопанството стојат зади овој референдум. Јас и лично го поддржувам овој референдум затоа што нема друга опција, ниту решение. Мора да се направи ова и за државата, за перспективите и на економијата и на нашите деца“, заклучи вицепремиерот.

На трибината организирана од Стопанската комора на Македонија, покрај голем број стопанственици и претставници на бизнис-секторот, беа присутни и претставници на локалната самоуправа предводени од градоначалникот на Штип, Благој Бочварски.

Прикажи повеќе...

Најново

Македонија39 минути

Евакуирана зграда во Аеродром, паника кај станарите

Жителите од зграда на улицата Кузман Јосифовски – Питу, број 15, во скопската населба Аеродром, кај „Мезе бар“, се евакуирани...

Македонија3 часа

(Видеоинтервју) Софијанова: Балканската школа на педијатрите ги обедини кадрите и важните аспекти во лекувањето на децата

Повеќе од 500 доктори, медицински сестри и специјализанти ја посетиле Балканската школа на педијатрите, што првпат се одржа во хотелот...

Македонија3 часа

(ВИДЕОИНТЕРВЈУ) Јовановиќ: Путин преку своите дипломати сака да го сруши договорот помеѓу Македонија и Грција

Претседателот на српската Либерално-демократска партија, Чедомир Јовановиќ, во интервју за „Макфакс“ вели дека има руско влијание на Балканот и дека...

Крвав четврток7 часа

Напаѓачите добиваа насоки од команден штаб, сведочеше пратеникот Ферид Мухиќ за 27 април

На продолжението на судењето за настаните од 27 април, судијката Добрила Кацарска, која го суди предметот, рече дека претседателот на...

Топ8 часа

Тинејџери силувале дете во Битола

Двајца тинејџери на возраст од 14 и 16 години се осомничени дека силувале дете во Битола. Според информациите на МВР,...

Димитар Апасиев, Тодор Петров Димитар Апасиев, Тодор Петров
Македонија8 часа

(Видео) Апасиев: Да се испита кој ги повикувал уставните судии на разговор и им влијаел на одлуката

Има сознанија дека уставните судии се повикувани на разговор пред денешната седница, вели Димитар Апасиев, еден од подносителите на инцијативата...

Kacarska Кацарска Kacarska Кацарска
Крвав четврток8 часа

Адвокатот на Тарчуловски не сака да суди Кацарска оти била роднина со оштетен

Судијката Добрила Кацарска, која го суди предметот за крвавиот четврток, даде еден час пауза за претседателот на судот, Иван Џолев,...

Македонија9 часа

Референдум ќе има, одлучи Уставниот суд

Уставниот суд со 7 гласа „за“ и два „против“ ја отфрли иницијативата за оценување на уставноста и законитоста на собраниската одлука...

Топ9 часа

Почина пожарникар во Скопје, му се слошило додека гасел пожар

Пожарникар кој учествувал во гасење пожар во близина на транзитниот центар за странци во Скопје починал неколку часа по интервенцијата....

Крвав четврток9 часа

„Излезете комуњари, отворете“ викаа по нас, а ние стоевме зад регал за да не се одбие куршум, рече сведок за 27 април

Во кривичниот суд во Скопје со сослушување на четворица сведоци продолжи судското рочиште за 27 април, познат како крвавиот четврток....

Вести11 час

Ким Џонг-ун наскоро ќе отпатува во Сеул

Севернокорејскиот лидер, Ким Џонг-ун, по состанокот со претседателот на Јужна Кореја, Мун Џае-ин, изјави дека во наскоро планира да го...

Македонија11 час

Ристиќ: Против полицајците кои ме приведоа ќе бидат преземени сите правни мерки

Актерката Ирена Ристиќ и нејзиниот адвокат Јанаки Митровски најавија дека против полицајците кои во саботата ја приведоа и ја одведоа...

Македонија11 час

Заев во Вашингтон на покана од потпретседателот Пенс

Премиерот Зоран Заев патува за Вашингтон каде утре (20 септември) ќе има билатерална средба со американскиот потпретседател, Мајк Пенс. Како...

Македонија1 ден

(Видео) ВМРО-ДПМНЕ поднесе кривична пријава против Заев поради поткуп при избори

ВМРО-ДПМНЕ  достави кривична пријава во Јавното обвинителство против премиерот Зоран Заев, поради јавен повик на поткуп при избори. Димитар Димовски,...

Култура1 ден

(Видеоинтервју) Адеми: Нулта толеранција за корупцијата во културата, нови комисии на претстојниот конкурс

Строги и јасни критериуми по кои ќе одлучуваат новооформените комисии на претстојниот конкурс за проекти во културата, нулта толеранција за...

Топ1 ден

Камион удри во баба и внуче на пешачки премин на булевар Србија

Почина бабата која со внучето вчера беше прегазена на пешачки премин на булеварот Србија во скопската населба Аеродром, информира полицијата....

Македонија1 ден

,,Море Миле, нити е сечено, нити е лепено”, му рече обвинителката на Миле Јанакиески

Во кривичниот суд во Скопје продолжува рочиштето за предметот на СЈО со кодно име ,,Траекторија”, за провизиите за кинеските автопатишта....

Македонија1 ден

Хан до Мицкоски: Референдумот не е момент за политички игри

Еврокомесарот за проширување, Јоханес Хан, на средбата со лидерот на ВМРО-ДПМНЕ, Христијан Мицкоски, му кажал дека референдумот не е партиски...

Свет1 ден

Флоренс направи невидена катастрофа, а допрва следат најголемите поплави во историјата

Ураганот Флоренс, и покрај тоа што ослабна, и натаму предизвикува огромни штети во американските сојузни држави Јужна и Северна Каролина,...

Економија2 дена

Државата ќе позaјми 50 милиони евра – утре со нив ќе врати стари долгови

Министерството за финансии објави дека денеска на домашниот пазар од банки и осигурителни друштва ќе побара заем од над 50...

Досие