Економија
И покрај санкциите американски ExxonMobil црпи нафта на руски Арктик
Американскиот гигант „ExxonMobil“ започна во саботата со црпење нафта во руската област од Арктикот, и покрај западните санкции наметнати на неговиот руски партнер „Роснефт“, а рускиот претседател Владимир Путин истакна дека тоа е добар пример за соработка.
Иако американските санкции наметнати против Русија поради нејзината наводна улога во украинската криза не се директно насочени на заедничките проекти на руските и американските компании кои се во тек, нивната цел е „Роснефт“ да биде финансиски исцрпен преку оневозможување да продава нафта за долари и да му се оневозможи пристап до модерната технологија.„Денес комерцијалните успеси ги води ефикасната меѓународна соработка“, изјави рускиот претседател Владимир Путин, обраќајќи им се на директорот на „Роснефт“, Игор Сечин, кој и самиот е на „црната листа“ на САД и ЕУ, и на Глен Волер, челниот менаџер на „ExxonMobil“ обраќајќи им се преку видеоконференција од претседателската црноморска летна резиденција во Сочи при отпочнувањето на работа на платформата „West Alpha“ (Универзитетскаја 1) во Карското Море.„Деловната соработка, којашто ги вклучува руските и странските компании, совршено покажува дека и покрај некои сегашни политички тешкотии, прагматизмот и разумот надвладеаја и тоа ние е мило да го слушнеме“, додаде Путин. „Убеден сум дека заедничкиот проект меѓу ‘Роснефт’, ’ ExxonMobil’ и други компании ќе придонесат на нашите национални економии и ќе придонесат на јакнењето на глобалната енергетска ситуација“, порача рускиот претседател. Волер од своја страна посочи дека неговата компанија сака да соработува со Русија. „Нашата соработка е долгорочна“, истакна додавајќи дека „ExxonMobil“ гледа голема повеќекратна полза од оваа соработка.САД и Европската унија воведоа остри санкции за лица и компании од Русија, од замрзнување активи и забрана за патувања за деловни луѓе и функционери лиски до претседателот Путин, како и насочени секторски санкции кои на руските компании треба да им оневозможат пристап до западните финансиски пазар, пристап до технологии итн.Русија, пак, одговори со забрана на увозот на секој вид храна од САД, ЕУ, Австралија, Канада и Норвешка, а премиерот Дмитриј Медведев во саботата потврди дека Москва може да воведе и други санкции, доколку Западот и натаму бие истраен на неговото притискање. Во прв ред се споменува затворањето за прелет на рускиот воздушен простор за европските воздухопловни компании, што би претставувало голема загуба за нив бидејќи би ги зголемило трошоците за летовите до азиските дестинации.Портпаролот на претседателот Путин, Дмитриј Песков, исто така, порача дека Русија ќе преземесоодветни мерки, доколку продолжат западните санкции. „Ние не сме иницијатори на санкциите. Санкциите се изнудени. Ние не ги посакувавме, тие претставуваат одговор“, рече Песков и одговарајќи на прашањето дали Русија ќе наметне нови санкции доколку продолжат западните порача дека „Секако ќе има соодветни мерки“./крај/мф/сн
Извор: Reuters/РИА Новости
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Трипуновски: Јаболкото во Ресен ќе остане неоткупено поради големиот увоз на странско јаболко во Македонија
Дополнителниот заменик министер за земјоделство, шумарство и водостопанство Цветан Трипуновски денес е во работна посета на Ресен каде што оствари работни средби со овоштарите од овој регион.
„Овоштарите од Ресен претрпуваат големи губитоци заради погрешните политики на СДС и големиот увоз на странско јаболко во Република Македонија. Согласно податоците, додека ресенското јаболко стои неоткупено, од 1 септември 2023 година до сега во Македонија се влезени околу 4 милиони килограми јаболко што е главна причина што ресенчани ги преживуваат најцрните денови во историјата на овоштарството во Македонија“, изјави Трипуновски.
Како поголеми проблеми на земјоделците од Ресенскиот регион, Трипуновски ги посочи неисплатените субвенции како и неисплатените штети од природните непогоди од пред некоја година, откупно-дистрибутивниот центар којшто требаше да биде завршен во 2023 година сѐ уште не е ни започнат со градба.
„Цврсто им ветив дека идната Влада предводена од ВМРО-ДПМНЕ има сериозен план и конкретни мерки со кои ќе се стави крај на маките на ресенчани“, заврши Трипуновски.
Економија
Ангеловска-Бежоска на Пролетните средби на ММФ и СБ: Носителите на политики ќе дискутираат за состојбите и перспективите во економијата
Гувернерката на Народната банка, Анита Ангеловска-Бежоска, и заменик-министерот за финансии, Филип Николоски, ја предводат нашата делегација, која учествува на Пролетните средби на групацијата на Светскатa банка (СБ) и Меѓународниот монетарен фонд (ММФ) во Вашингтон, САД. Во делегацијата на Народната банка на овие средби ќе земе учество и вицегувернерот Фадил Бајрами.
Гувернерката Ангеловска-Бежоска и вицегувернерот Бајрами на претстојните Пролетни средби ќе одржат состаноци со заменик-директор на Меѓународниот монетарен фонд, Бо Ли, со директорот на ММФ за Европа, Алфред Камер, како и со извршниот директор на ММФ и алтернативниот извршен директор, Пол Хиберс и Лук Дресе. На состаноците со високите претставници на ММФ ќе стане збор за економските состојби во нашата земја и поставеноста на монетарната политика, којашто придонесе за стабилизирање на инфлацијата. Делегацијата на Народната банка, предводена од гувернерката, ќе оствари средба и со претставниците на одделите за статистика и за монетарни и капитални пазари при Меѓународниот монетарен фонд, на која ќе се споделат досегашните достигнувања и резултати од заемната успешна соработка.
Во рамките на Пролетните средби, Ангеловска-Бежоска ќе одржи состаноци и со високи претставници на Светската банка, заменик-претседателката на СБ, Антонела Басани и со извршниот директор на СБ за Конституенцата во која членува нашава земја, Јуџин Ругенаат. Исто така, делегацијата на Народната банка ќе учествува и на редовниот состанок на земјите членки на Конституенцата.
Одржувањето на Пролетните средби секоја година на едно место ги собира носителите на политиките, односно првите луѓе на централните банки и министрите за финансии од земјите членки, кои ќе разговараат за политиките и финансиските реформи во насока на остварување на целите за одржлив раст (SDG), особено поврзани со климатските промени и родовата еднаквост.
Економија
Трипуновски: Ги потпишав првите 16 договори за закуп на земјоделско земјиште во државна сопственост
Дополнителниот замени министер за земјоделство, шумарство и водостопанство Цветан Трипуновски на својата фејсбук страна објави дека ги потпишал првите 16 договори за закуп на земјоделско земјиште во државна сопственост.
Во својата објава Трипуновски вели: „Почитувани земјоделци, штотуку ги потпишав првите 16 договори за закуп на земјоделско земјиште во државна сопственост, нека е аирлија!“
Трипуновски во неколку наврати ја алармираше јавноста дека во Република Македонија постојат договори за закуп на земјоделско земјиште во државна сопственост кои истекуваат оваа година, но на истите не им е овозможено продолжување и дека Николовски го кочи продолжување со образложение дека се потребни законски измени на законот за земјоделско земјиште.
„Сепак на крајот успеавме да го реализираме нашиот предлог за разрешница на овој проблем по многу побрза и поедноставна постапка, наспроти тврдењата на министерот Николовски кој постојано, од непознати причини, тврдеше дека се потребни измени на законот за земјоделско земјиште и дека со анексирање на договорите не се решава овој проблем. Со ова само се докажа дека Николовски повторно ве лаже како што тоа го прави изминативе 7 години“, дополни Трипуновски.
Позитивно е тоа што овој голем проблем доби решение и засегнатите земјоделци конечно ќе можат да ги продолжат своите договори согласно законските регулативи. Со ова Трипуновски покажа дека ќе биде предводник во промените и решавањето на проблемите во македонското земјоделство.
„ВМРО-ДПМНЕ секогаш било и ќе биде на страната на македонските земјоделци, доколку ние не го изнесовме овој проблем во јавноста, СДС и Николовски никогаш немаше да ги продолжат овие договори на вредните македонски земјоделци или пак тоа ќе го правеа селективно и повторно земјоделското земјиште ќе завршеше кај луѓе што не се земјоделци или истото ќе го трансформираа за плантажи со фотоволтаици. ВМРО-ДПМНЕ секогаш ќе може гордо и со крената глава да биде помеѓу светиниколчани и сите земјоделци во Република Македонија“, заврши Трипуновски во својата објава.