Контакт

Компании

„Порше“ престанува со производство на дизел-автомобили

Објавено пред

Производителот на автомобили „Порше“ најави во неделата дека ќе се фокусира на електрични и хибрид-возила и дека повеќе нема да произведува дизел-мотори.

Минатата година само 12 проценти од глобалната продажба на „Порше“ беше од дизел-автомобили. Според портпаролот на компанијата, „Порше“ не нуди дизел-автомобили од февруари бидејќи побарувачката за нив се намалува, додека, пак, онаа за електрични возила брзо расте.

„Како резултат на ваквата промена, компанијата одлучи во иднина да не нуди возила со дизел-мотори“, изјавија од компанијата.

„Порше“ исто така го претстави и моделот „тајкан“, првиот целосно електричен модел од оваа компанија, кој ќе се натпреварува со „Тесла“ на пазарот на електрични возила.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

„БМВ“ повлекува 1,6 милиони возила поради опасност од пожар

Објавено пред

Поради истекување течности, автомобилската компанија „БМВ“ повлекува 1,6 милиони возила од пазарот низ светот, бидејќи постои опасност од пожар, соопшти компанијата.

Како што објаснуваат оттаму, во одделни дизел возила течноста за ладење може да истече од модулот за рециркулација на издувните гасови, поради што течноста би можела да дојде до жешки делови од системот и да се запали.

Германската компанија претходно повлече околу 480.000 возила од Азија и Европа, бидејќи во Јужна Кореја биле пријавени пожари, а засега немало повредени.

Повлекувањето се однесува на моделите од 2010 и 2017 година, а како што се наведува купувачите на проблематичните автомобили ќе бидат контактирани.

Прикажи повеќе...

Економија

МЕПСО : Регионот се подготвува за ерата на електромобилите

Објавено пред

Електропреносните систем-оператори од нашиот регион активно се подготвуваат да спроведат решенија за имплеметација на паметните мрежи со кои меѓу другото ќе се овозможи масовно користење на електрични автомобили, ова е еден од заклучоците на супер – панелот на кој говореа генералните директори на електропреносните систем-оператори на Република Македонија, Р.Србија, Р.Црна Гора, Р. Босна и Херцеговина, Р.Хрватска и Р.Словенија, што се одржа денеска во Сараево, Босна и Херцеговина. 

Актуелни беа и прашањата за имплементација на обновливите извори на електрична енергија и отворањето на регионалниот пазар за балансна енергија во земјите од нашиот регион.

Генералниот директор на МЕПСО, Сашо Василевски говореше за актуелните инвестициски проекти, за отворањето на пазарот на електрична енергија и интеграциите на регионално ниво и за предизвиците од транзицијата на електропреносните во паметни мрежи.

„МЕПСО започна со реализација на компонентите од т.н. „паметни мрежи“ од кои некои се во иницијална фаза, додека поголемиот дел се веќе во фаза на спроведување. Како најзначаен проект, кој е од суштинско значење за интеграцијата на паметните мрежи е монтажата на оптички јажиња во должина од 200 км, која е цврста основа за понатамошна интеграција на компонентите од паметните мрежи“, истакна Василевски.

Панелот на кој учествуваа првите луѓе на електропреносните системи од сите земји кои произлегоа од поранешна СФРЈ е дел од најголемиот светски собир на инженери од областа на електроенергетиката, кој го организира најголемата меѓународна инженерска организација  ИЕЕЕ ПЕС и годинава се одржува во Сараево започнувајќи од 22 до 25 октомври. На овој научно-технички собир се разменуваат искуства од најразлични области на енергетиката и се презентираат искуства за транзицијата на електропреносните мрежи во паметни мрежи.

ИЕЕЕ ПЕС е интернационална организација на инженери која е основана во 1886 година и ширум светот има повеќе од 38.000 членови меѓу кои многу светски истакнати инженери, менаџери и научници, а годишно организира над 40 конференции на различни локации ширум светот.

Прикажи повеќе...

Економија

Нов јавен повик од Фондот за иновации: еден милион евра за старатап и спиноф-компании

Објавено пред

Фондот за иновации и технолошки развој го објави новиот јавен повик за финансиска поддршка за новоосновани стартап и спиноф-компании. Презентацијата на инструментот за кофинансирани грантови за новоосновани трговски друштва стартап и спиноф, како и критериумите и условите за аплицирање, се одржа на Економскиот факултет во Скопје. Во фокусот на оваа програма, поддржана од Светската банка, се младите, а целта е поттикнување на иновативноста преку истражување и развој на нови бизниси.

Пред студентите и претставниците на бизнис-заедницата, првиот човек на ФИТР, Јован Деспотовски, се осврна на актуелните активности на Фондот порачувајќи им да се охрабрат и да аплицираат.

„Фондот им дава приоритет на младите бидејќи тие се идните двигатели на економскиот раст. Токму она на што интензивно работиме во моментот е да го поттикнеме потенцијалот на иновативноста во сите индустрии, вклучително и финансиската. Би го охрабрил овој факултет и сите други факултети во државата да станат работилници за валоризација на идеи од кои ќе произлеат нови успешни предлог-проекти“, рече Деспотовски.

Тој ги повика и младите да ги искористат можностите што ги нуди Фондот.

„Ги повикувам младите да почнат да размислуваат како целосно да се реализираат тука, дома, за да создадеме генерации што нема да бидат јавни службеници или ќе го поттикнуваат економскиот раст на некоја странска земја, туку ќе се реализираат тука“, образложи Деспотовски.

Сашо Арсов како домаќин на настанот и раководител на катедрата по менаџмент се осврна на актуелниот јаз помеѓу реализацијата на добра бизнис-идеја и конкретната финансиска помош за нејзино материјализирање и го посочи токму Фондот како институција што успешно ја пополнува таа празнина.

„Добро е познато во економијата дека компаниите што вработуваат луѓе со добри и иновативни идеи и проекти остваруваат подобра позиција на пазарот и економски просперитет. Младите луѓе со своите иновативни продукти го зголемуваат и потенцијалот на самите компании. Македонија треба тие млади луѓе и проекти да ги апсорбира во економијата. А јазот што сме свесни дека постои меѓу добрата идеја и нејзината реализација се пополнува со Фондот за иновации и технолошки развој, кој финансира токму вакви проекти“, потенцира Арсов.

Професорот Арсов ги повика, пред сè, студентите, но и другите присутни на настанот, да се охрабрат да работат на своите идеи и да аплицираат на јавните повици на ФИТР.

Вкупниот буџет на повикот е 1 милион евра, а максималната сума што може да биде доделена од страна на ФИТР е до 85 отсто од вкупната вредност на проектот, односно 30.000 евра. Преостанатите 15 проценти ги обезбедува самиот апликант.

Јавниот повик за кофинансирани грантови за стартап и спиноф-компании на Фонд за иновации и технолошки развој е објавен денес (22. 10. 2018 год) и ќе трае до 11 декември.

Прикажи повеќе...

Најново

Македонија5 часа

(Видео) Мицкоски: Ајде да донесеме закон за амнестија за да нема селективна правда

Лидерот на ВМРО-ДПМНЕ, Христијан Мицкоски на прославата на 23 Октомври од говорницата побара да биде донесен закон за амнестија за...

Македонија6 часа

Сашо Мијалков е исклучен од партијата

По предлогот на Централниот комитет на ВМРО-ДПМНЕ, дисциплинската комисија на општинскиот комитет Центар го исклучи Сашо Мијалков од партијата. „Се...

Македонија7 часа

ВМРО-ДПМНЕ слави без Груевски, исклучените членови и разрешените функционери

Ниту еден од исклучените партиски членови и разрешените функционери не пристигна во Македонскиот народен театар, каде вечерва ВМРО-ДПМНЕ одржува свеченост,...

Македонија10 часа

Јанчев: Барам јавно извинување и од Христијан Мицковски и од Александар Николовски или ќе ги тужам за клевета

На вчерашната прес-конференција на ВМРО-ДПМНЕ до мене беа упатени неосновани обвинувања. Обвинувањата беа насочени кон мене како потпретседател на ВМРО-ДПМНЕ...

Македонија12 часа

СЈО не добило барање од Мијалков за судот да му го врати пасошот

Кривичниот суд во Скопје ги демантира информациите кои се појавија во одредени портали, дека му бил вратен пасошот на ексдиректорот...

Македонија12 часа

МНР ги демантира тврдењата на Русија дека мнозинството во македонскиот парламент е обезбедено со уцени и закани

Министерството за надворешни работи на Република Македонија категорично ги отфрла вчерашните наводи и квалификации изнесени во коментарот на Департманот за...

Свет13 часа

Ердоган: Имаме силни докази дека убиството на саудискиот новинар било со денови планирано

Турскиот претседател Реџеп Таип Ердоган денеска во турскиот парламент рече дека постојат силни докази дека убиството на новинарот Џамал Кашоги...

Свет13 часа

Пронајдено телото на убиениот саудиски новинар

Телото на саудискиот новинар Џамал Кашоги е пронајдено во бунар на територијата на резиденцијата и конзулатот на Саудиска Арабија во...

Македонија14 часа

Софија Куновска: И мене ме разреши СДСМ зашто реагирав дека слават во барокниот театар

Немаше да го напишам овој текст ако не почуствував дека сега е моментот да бидеме искрени до крај ако навистина...

Свет15 часа

Караван мигранти од Хондурас се движи кон САД и покрај заканите на Трамп

Илјада мигранти од Хондурас ја преминаа границата со Мексико и се упатија кон американската граница наспроти предупредувањата на мексиканските власти...

Свет15 часа

Мексико се подготвува за удар на ураганот Виља, се евакуираат илјадници луѓе

Мексиканските власти започнаа евакуација на илјадници граѓани во подрачјето на ниска надморска височина, поради исклучително опасниот ураган Виља, кој се...

Македонија1 ден

(Видео) ЦК предложи Мијалков и Тодоров да бидат исклучени од ВМРО-ДПМНЕ

За ексдиректорот на УБК и поранешен висок функционер во ВМРО-ДПМНЕ, Сашо Мијалков, како и поранешниот министер за здравство, Никола Тодоров,...

Македонија1 ден

Јанчев и Богданов исклучени од функциите во ВМРО-ДПМНЕ

Потпретседателот на ВМРО-ДПМНЕ, Митко Јанчев, и членот на Извршниот комитет Костадин Богданов, кој дојде од редот на реформаторите, се разрешени...

Македонија1 ден

(Видео) Палмер: Не се сретнавме со Мицкоски зашто ми ги кажа ставовите во писмото

Заменикот на помошник-државниот секретар на САД, Метју Палмер, на заедничка прес-конференција со премиерот Зоран Заев изјави дека не остварил средба...

Македонија1 ден

(Видео) Да дозволиме помирувањето од Собранието да продолжи во институциите, порача Заев

Помирувањето започна во Собранието, да дозволиме да продолжи во институциите, порача првиот човек на Владата, Зоран Заев, на заедничката прес-конференција...

Економија1 ден

Општините со три милијарди денари ќе ги покриваат долговите

Владата го усвои законското предлог-решение со кое на општините им се ставаат на располагање 3 милијарди денари за покривање на...

Македонија1 ден

Ѕанакопулос очекува договорот од Преспа да помине во грчкиот парламент

Со гласањето за почеток на уставните промени беше направен историски чекор што ќе ги однесе двете страни поблиску до стапување...

Македонија1 ден

Поддршка за Мицкоски или барање за негова смена на состанокот на ЦК?

Од обвинувања за изолација на партијата и избрзани одлуки на раководството со исклучувањето на пратениците до поддршка за лидерот на...

Македонија1 ден

Кирацовски: Ќе видиме дали националното помирување ќе биде само за 27 април или пошироко

Пратеникот на СДСМ, Александар Кирацоски, ги повика пратениците на ВМРО-ДПМНЕ да се приклучат кон иницијативата за национално обединување бидејќи, како...

Македонија2 дена

Беса може да го условува спроведувањето на уставните измени во Собранието

Пратеникот Фадил Зендели, дел од крилото на Беса со кое предводи Биљал Касами, вели дека во процесот на уставните измени...

Досие