Контакт

Компании

Русите негираат: Не ги купуваат маркетите на хрватскиот Агрокор

Објавено пред

 

Најголемиот руски трговец Magnit го негира пишувањето на словенечкиот економски дневник Finance дека тој ќе го купи  трговскиот синџир Агрокор, пишува во понеделникот Ројтерс.

 

Весникот, без да го именува изворот, објави дека  Magnit ќе може да ги купи маркетите, коишто му припаѓаат на презадолжениот хрватски Агрокор, чиј синџир на продавници се протега во три држави.

 

Во негова сопственост се малопродажните синџир во Словенија – Меркатор, хрватски Конзума, како и српскиот Идеа.

 

Сепак, набргу по објавувањето на оваа информација од Magnit беше демантиран, додека Агрокор не сака да ја коментара информацијата.

 

Агрокор е најголемата приватна компанија во Хрватска, но, исто така, најголемиот производител и продавач на храна на Балканот, кој се соочува со притисок од инвеститорите и од Владата во Загреб за да се справи со проблемите предизвикани од презадолженоста.

 

Викендов, од Агрокор изјавија дека работат на нов бизнис модел, со цел да се заштитат вработените, добавувачите и другите партнери.

 

Иднината на Агрокор групацијата е тешка. Тоа се должи на презадолженоста и поради тоа  се очекува да се одржат повеќе состаноци, по што во вторник ќе се објави планот за реструктуирање на една од најголемите компании во Југоисточна Европа, информираат  хрватските медиуми.

 

Вечерњи лист вели дека сопственикот на Агрокор, Ивица Тодориќ имал разговари за планот за реконструкција со претставници на руската Сбербанк, како и со засегнатите добавувачи.

 

Во вторник, според загребските весници, ќе се остварат клучните средби со финансиските кредитори, со цел да се организира (меѓубанкарски) заем кој ќе биде доволен за да се реши проблемот на неликвидноста.

 

Загребскиот весник „Дневник„ вели дека разговорите за иднината на Агрокор се однесуваат на сопственичката структура, како и на начинот за решавање на акумулираните долгови во износ од најмалку 45 милијарди куни (околу шест милијарди евра).

 

Повеќето од нив доспеваат за наплата на почетокот на 2020 година. Но, за помалку од три години, Ивица Тодориќ  ќе треба да отплати 1,5 милијарди евра. Со ова, целиот годишен приход на концернот би се  потрошил само за исплата на каматите на доверителите, што секако е јасно е дека Агрокор не може да собере толкаво количество на кеш-пари, проценуваат аналитичарите за весникот.

 

Најголемата поединечна сума во Агрокор ја има инвестирано руската Сбербанк, која поседува 52 проценти од вкупниот долг, а  87 отсто од долгот на Тодоривиќ е насочен кон банките.

 

Затоа, според анализата, оваа банка сака да ја презеде улогата на лидер во преговорите со сопственикот на Агрокор, од кого бараат да ја преземат раководната позиција во планот за реструктуирање на фирмата.

 

Вечерњи лист пишува дека Сбербанк сака свои луѓе во администрацијата на компанијата и при тоа да ја презеде контролата врз финансиското преструктуирање.

 

Тие се подготвени да инвестираат повеќе пари преку синдициран кредит заедно со големите домашни банки, но само во случај ако Тодориќ им го предаде процесот на управување во компанијата.

 

Јутарњи лист пишува дека некои од најголемите снабдувачи на Агрокор, кои од фирмата побаруваат 16 милијарди куни (2,2 милијарди евра), се собираат за да се договорат за заедничка позиција во решавањето на кризата и враќањето на нивните вложени средства. Добавувачите ,исти така, планираат да имаат средба со министерот за економија Мартин Далиќ.

 

Тие ги критикуваат државните институции дека не прават ништо за решавање на кризата во Агрокор. Од нив бараат да  ги штитат интересите на домашните компании.

 

Сепак, Владата продолжува да го повторува ставот дека ја следат ситуацијата во компанијата, посочува весникот.

 

Според медиумите, Агрокор викендов навел дека неговата стабилност не е доведена во прашање и дека управата на компанијата, заедно со клучните инвеститори, работат на репозиционирањето во новиот бизнис модел. При тоа се земаат во предвид пред се положбата на вработените и нивните работни места, како и односните со добавувачите и партнерите.крај/мф/кс

Економија

(Видео) Тасева обвини дека проблемот во „Фени“ е поголем од оној во „Скопје 2014“, бара државните институции да го испитаат

Објавено пред

Стечајната судијка на „Фени“ направила формална повреда на Законот за стечај оти не го отфрлила планот за реорганизација на комбинатот поднесен со 12 дена задоцнување, обвини денеска Слаѓана Тасева, претседателка на „Транспаренси интернешнл – Македонија“. Презентирајќи ги наодите од мониторингот на стечајот за кој Тасева вели дека се води спротивно на законот, таа ги повика сите институции во државата, вклучително Судскиот совет, финансиската полиција и Јавното обвинителство, да преземат мерки. Нагласи дека е жално што најактуелниот сомнеж за криминал го испитува само невладина организација.

„На 10.5.2018 година ‘Глобал спешал опортјунитис лтд’ до Основниот суд Велес поднел план за реорганизација на стечајниот должник ‘Фени индустри’ АД Кавадарци. Овој план е поднесен 72 дена по одржувањето на извештајното собрание, односно 12 дена по утврдениот рок за поднесување на планот. На овој начин сторена е формална повреда на Законот за стечај. Во согласност со член 216, став 4 од Законот за стечај, ако во определениот рок не биде поднесен план за реорганизација, со решение на стечајниот судија постапката веднаш продолжува со впаричување на имотот“, укажа претседателката Тасева и побара судијката да го отфрли планот за реорганизација.

Таа вели дека судијката, спротивно на Законот за стечај, го процесирала планот и го доставила на разгледување и мислење до одборот на доверители и до стечајниот управник. Доверителите ГСОЛ, цементарницата „Усје“, „ТАВ Македонија“, „Раде Кончар“ – Скопје и Управата за јавни приходи дале позитивно мислење за планот за реорганизација.

„При носењето на оваа одлука директорката на УЈП гласала ‘против’ затоа што во планот има причина за тоа. Се работи за намирување на побарувањата на државата“, рече претседателката Тасева.
Според неа, и самиот стечаен управник укажал на одредени недоследности во самата содржина на планот, но неговите укажувања не биле прифатени во целост од страна на членовите на одборот на доверители иако се однесувале на суштински елементи на планот.

Тасева денеска реагира и на договорот за преработка на руда со ГСОЛ.

„На 31.1.2018 година со ГСОЛ од Бахамите стечајниот управник склучи договор за преработка на никелова руда. Од договорот произлегува дека предмет на закуп не се само технолошките капацитети, како предмети, туку се и работниците, неверојатно третирани како предмети, врз кои закупецот има право на целосна контрола, надзор и управување. Сето тоа со договор за закуп. На оваа околност никој досега не реагира“, рече Тасева.

Таа смета дека проблемот со криминалот во „Фени“ е поголем од оној во „Скопје 2014“ и по обем и по содржина и побара институциите да реагираат уште денес оти утре ќе биде доцна.

„’Фени’ вака поставено ќе работи до септември-октомври, тогаш ќе стане нерентабилно и Република Македонија ќе го изгуби“, тврди Тасева нагласувајќи дека вработените под притисок на големата невработеност во државата во моментот се задоволни што работат за минимални плати.

На нејзините забелешки одговорија вработени во „Фени“.

„Малку веројатно е дека некој ќе инвестира 70 милиони евра во комбинатот за да работи нерентабилно или да го згасне. Тасева настапува против нашите интереси бидејќи нејзиниот предлог за одбивање на планот за реорганизација и впаричување на имотот за нас значи ликвидација на комбинатот, згаснување на печките кои веќе работат, а на улица повторно да останат уште најмалку 800 вработени“, велат вработени од „Фени“.

 

УЈП ја демантира Тасева: Директорката не учествувала во разгледувањето на панот

 

Од Управата за јавни приходи ги демантираат тврдењата на Тасева. Управата информираше дека директорката Сања Лукаревска не учествувала во разгледување на планот.

„Директорот на УЈП во рамките на своите надлежности не одлучува за планот за реорганизација на посочениот стечаен должник. Оттука, директорот на УЈП не учествувал ниту во  разгледувањето, ниту, пак, можел да биде согласен за предложениот план за реорганизација. УЈП во стечајни постапки е застапувана од страна на државен  правобранител. Во предметната стечајна постапка сè уште не е закажано и одржано Собранието на доверители на кое се расправа и одлучува по предложен план за реорганизација“, велат за „Макфакс“ од УЈП.

 

Судот во Велес не ги коментира тврдењата на Тасева

 

Велешкиот суд во кој се води стечајната постапка за „Фени“, за која Тасева смета дека е незаконска, не сака да ги коментира наодите на „Транспаренси интернешнал – Македонија“.

„Судот своите ставови по конретни предмети, вклучително и во поглед на навременоста на поднесоците во стечајна или која било друга судска постапка, ги изразува единствено низ своите одлуки кои подлежат на контрола од страна на повисок суд. Од оваа причина, судот во моментов нема основа да се впушта во јавно коментирање на процесни прашања кои се однесуваат на судска постапка која е во тек“, изјавија за „Макфакс“ од велешкиот суд.

Прикажи повеќе...

Економија

Судот го отфрли предлогот за стечај на „Производство на топлина Балкан енерџи“

Објавено пред

Надлежниот суд го отфрли предлогот за стечај на компанијата „Производство на топлина Балкан енерџи“ ДООЕЛ Скопје. Од компанијата велат дека ги интензивира неопходните подготовки кои гарантираат успешен старт на следната грејна сезона.

Основниот суд Скопје 2 во средата донел решение со кое ја прекина постапката за отворање стечај на компанијата „Производство на топлина Балкан енерџи“ од Скопје. Во образложението на решението на надлежниот суд стои дека ваквата одлука е донесена кога до судот се доставени докази дека компанијата ги има намирено сите финансиски обврски и дека нејзините банкарски сметки не се блокирани. Со ова судот констатира дека престанува работата и на претходно назначениот привремен стечаен управник. На ваквото решение на судот не е предвидена можност за жалба од страна на подносителите на предлогот за отворање стечајна постапка.

„Со ваквиот епилог отстранети се сите формалности по што компанијата продолжува со интензивните подготовки и ремонтни активности на постојките за претстојната грејна сезона, за нејзин успешен почеток во законски предвидените рокови“, се вели во соопштението.

Прикажи повеќе...

Економија

„Бритиш американ тобако“ и Царинската управа  потпишаа меморандум за спречување нелегалната трговија со тутунски производи

Објавено пред

Од

„ TДР Скопје“ ДООЕЛ – Скопје, како член на групацијата „Бритиш американ тобако“ (British American Tobacco), и Царинската иправа на Република Македонија потпишаа меморандум за соработка со цел спречување на шверцувањето и нелегалната трговија со тутунски производи. Оваа соработка вклучува и заштита од повреда на правата на интелектуална сопственост, односно спречување на фалсификување цигари и други тутунски производи од трговските марки чии носители на права се друштвата – членови на групацијата „Бритиш американ тобако“ (БАТ).

„’Бритиш американ тобако’ како една од водечките мултинационални компании посветува особено внимание на борбата против нелегалната трговија со тутунски производи на сите пазари на кои работиме. Навистина ни е драго што на оваа тема потпишавме меморандум за соработка со Царинската управа на Република Македонија и сигурни сме дека со заеднички сили и напори дополнително ќе го намалиме овој тип нелегална трговија“, изјави Милорад Крстиќески, генерален менаџер на „Бритиш американ тобако“ за Македонија, Албанија и Косово.

БАТ Македонија на почетокот на оваа година стана дел од адриа регионот на „Бритиш американ тобако“ , кој опфаќа осум пазари – Хрватска, Босна и Херцеговина, Словенија, Србија, Црна Гора, Македонија, Албанија и Косово. Сега, адриа регионот, заедно со бугарскиот и романскиот пазар, станаа дел од новата организациска структура на БАТ во Јужна и Средна Европа (SCEA).

„Бритиш американ тобако“ ја заврши спогодбата за купување на „Рејнолдс Американ“ (Reynolds American – RAI) и го трансформираше своето работење. На овој начин, БАТ ја одбележа 2017 година како рекордна. „Бритиш американ тобако“ вложи 49,4 милијарди долари и се стекна со 57,8% од акциите во компанијата „Рејнолдс Американ“. Со реализацијата на оваа аквизиција, БАТ стана најголема тутунска компанија во светот чии акции котираат на берза.

Прикажи повеќе...

Најново

Македонија7 часа

Ротации во Владата – Дескоска оди во Правда, образованието ќе го води Арбр Адеми

Почнуваат ротациите и најавената мини-реконструција во Владата. Според последните информации, владејачките партии СДСМ и ДУИ ќе ги заменат министерствата кои...

Македонија13 часа

Во четврток нова средба за името со медијаторот Нимиц во Њујорк

Во четврток и петок ќе се одржи нова средба за името во Њујорк со медијаторот Метју Нимиц. Како што информира...

Македонија13 часа

Поради спор со името, ПСК „Чеплес“ четири години одбиван за членство во Федерацијата на планинари

Планинарскиот спортски клуб (ПСК) „Чеплес“ од Велес четири години се обидува да стане член на Федерацијата на планинарски спортови на...

Македонија15 часа

Шекеринска: Со Илинденска Македонија покажуваме дека ниту сме имале ниту ќе имаме територијални претензии

Вицепремиерката и министерка за одбрана Радмила Шекеринска смета дека предлогот Република Илинденска Македонија е решение со кое сите од процесот...

Македонија18 часа

Република Илинденска Македонија е име со временска одредница, му реплицираат од Владата на Ципрас

Република Илинденска Македонија е име со временска одредница кое се повикува на конкретни датуми од минатото и е реална можност...

Македонија20 часа

Грчките политички лидери не го прифаќаат предлогот за решавање на спорот за името

Грчката влада соопшти дека предлогот за решавање на спорот околу името на Македонија треба да содржи географскa или временска одредница....

Македонија1 ден

(Видео) Иванов: Став за новиот предлог ќе изградам откако ќе го добијам на писмено

Се додека не добијам писмена достава за она што се разговарало на средбите помеѓу Македонија и Грција во врска со...

Македонија1 ден

(Видео) Мицкоски: ВМРО-ДПМНЕ не прифаќа промена на името и Уставот

ВМРО-ДПМНЕ останува на ставот од минатото дека нема да поддржи промена на Уставот и промена на уставното име, рече лидерот...

Македонија1 ден

(Видео) Република Илинденска Македонија е предлогот за името

По денешната лидерска средба премиерот, Зоран Заев, во изјава за медиумите обелодени дека предлогот за кој разговарале со неговиот грчки...

Македонија2 дена

(Видео) Угриновски по трет пат избран за претседател на Федерацијата на планинари

Јовица Угриновски попладнево по трет пат е избран за претседател на Федерацијата на планинари.  Тој беше единствен кандидат за оваа...

Македонија2 дена

Мицкоски: Да се обединиме против злото, а тоа е Зоран Заев

ВМРО-ДПМНЕ ќе ги искористи сите алатки кои што му стојат на располагање да се бори против оваа ненародна власт и...

Македонија2 дена

Група граѓани со транспаренти и патриотски песни ги пречекуваат учесниците на лидерската средба

Група граѓани со транспаренти и пеејќи патриотски песни ги пречекуваат лидерите на партиите кои денеска попладне во Клубот на пратеници...

Свет2 дена

(Во живо) Кралската свадба на принцот Хари и Меган

Меган Маркл официјално ќе стане дел од британското кралско семејство. Церемонијата ќе се одржи напладне во Сент Џорџ капелата и...

Свет2 дена

(Видео) Сe е подготвено за спектакуларната кралска венчавка 

Камерите и фотоапаратите на светските медиуми викендов се свртени кон најголемиот настан за кралското семејство, венчавката на принцот Хари и...

Економија3 дена

(Видео) Тасева обвини дека проблемот во „Фени“ е поголем од оној во „Скопје 2014“, бара државните институции да го испитаат

Стечајната судијка на „Фени“ направила формална повреда на Законот за стечај оти не го отфрлила планот за реорганизација на комбинатот...

Култура3 дена

Петиција против пазарењето со културата – Не шуткајте нè во невидливи ќошиња

Интензивни реакции на социјалните мрежи по шпекулациите дека Владата преговара со Беса за ресорот култура. Оваа информација не ја потврдија...

Македонија3 дена

Грујевски и Бошкоски нема да бидат екстрадирани, одлучи Врховниот суд во Атина

Горан Грујевски и Никола Бошкоски нема да бидат екстрадирани во Македонија за да им се суди за децениското нелегално прислушување. Врховниот...

Македонија3 дена

Од Владата не коментираат за Република Илинденска Македонија

Република Илинденска Македонија неофицијално е последниот предлог за решение на спорот за името за кој вчера во Софија дискутирале премиерите...

Македонија3 дена

„Катимерини“: Името Илинденска Македонија е предлог на ФИРОМ

Името Илинденска Македонија (што означува два историски настана од 1903 и 1945 година), според информациите што доаѓаат од страна на...

Македонија3 дена

Јанушев: Итна лидерска средба за името, Заев да каже кои се опциите што ги договорил со Ципрас

Од ВМРО-ДПМНЕ соопштија дека изминатите денови неколкупати јавно побарале од премиерот Заев одржување лидерска средба во врска со името, но...

Досие