Контакт

Компании

ТАВ Македонија: Крстевски назначен за член на бордот, Ерсој е новиот генерален директор

Објавено пред

 

ТАВ Аеродроми, од 1-ви јануари 2017-та година, го назначи Зоран Крстевски како член на бордот на директори на ТАВ Македонија, додека Алп Ер Тунга Ерсој е назначен за нов генерален директор на компанијата која управува со двата македонски аеродроми – скопскиот Александар Велики и охридскиот Свети Апостол Павле.

 

„Како истакнат професионалец во областа на авијацијата, со неговото долгогодишно искуство во различни авијациски институции, Зоран Крстевски е назначен за член на Бордот на директори на ТАВ Македонија, каде што сме сигурни дека со неговата позиција ќе даде одличен придонес за проектите и новите потфати на ТАВ Аеродроми во регионот. Во исто време, Алп Ер Тунга Ерсој, е назначен за нов генерален директор на ТАВ Македонија, со очекување дека ќе продолжи да ја води компанијата кон нејзин натамошен успех, развивајќи ги македонските аеродроми, како што менаџерскиот тим на ТАВ Македонија и правеше во последните 7 години“, соопштија од ТАВ Аеродроми од Истанбул.

 

Холдингот ја изрази својата благодарност до менаџерите за постигнатиот успех досега и им посака натамошен успех на нивните нови позиции.

 

„Би сакал да им се заблагодарам на ТАВ Аеородроми за довербата која ми ја дадоа од нивното влегување на македонскиот пазар, како генерален директор да ја водам компанијата која што во последните шест години успеа да ги развие македонските аеродроми зголемувајќи го бројот на авиолинии од скопскиот аеродром за три пати и зголемувајќи го бројот на патници за повеќе од два пати од 2010 година.  Од блиската соработка која што ја имавме во изминативе години, убеден сум дека мојот колега Ерсој ќе продолжи да го развива бизнисот во Македонија, придонесувајќи за општ развој на авиосообраќајот, користејќи го ценетото знаење на ТАВ Аеродроми од областа на аеродромските операции“, изјави Зоран Крстевски, член на бордот на директори на ТАВ Македонија.

 

Алп Ер Тунга Ерсој, од влегувањето на ТАВ Аеродроми на македонскиот пазар досега беше заменик-генерален директор на ТАВ Македонија. Ерсој има над 17 годишно  искуство во авијацијата, а во ТАВ Аеродроми работи од 1999, на повеќе различни позиции – како дежурен службеник на терминалот, а потоа и дежурен  менаџер на терминалот на аеродромот Ататурк во Истанбул, позиции на кои е до 2005 година; потоа станал дел од тимот на меѓународниот проект на ТАВ Аеродроми во Грузија, работејќи на позициите – менаџер на аеродромот во Тбилиси, а потоа и заменик генерален директор на меѓународниот аеродром Тбилиси, до 2008 година. Од септември 2008 година, досега, беше заменик-генерален директор за операции на ТАВ Македонија.

 

„Би сакал да се заблагодарам на ТАВ Аеродроми за новата позиција на генерален директор на ТАВ Македонија и на Зоран Крстевски за неговиот ценет менаџерски придонес во развојот на македонските аеродроми што го постигнавме досега. Соработувавме многу блиску и ќе продолжима да соработуваме многу блиску и во иднина, имајќи ја предвид неговата нова позиција и нашата визија да ги направиме македонските аеродроми главни центри за авиосообраќај во регионот, обезбедувајќи разновидни услуги, привлечни не само за македонските граѓани туку и за патниците од соседните земји“. вели Алп Ер Тунга Ерсој, генерален директор на ТАВ Македонија.

 

ТАВ Македонија ги заврши првите 11 месеци од 2016 година со 16 отсто пораст на бројот на патниците, достигнувајќи вкупно 1.661.010 патници. Во истиот период, од јануари до ноември, бројот на летови се зголеми за 10 проценти.

 

Во 2016, третпат изминативе пет години, скопскиот аеродром ја доби наградата ASQ (Airport Service Quality) од организацијата ACI (Airports Council International), односно беше прогласен за најдобар аеродром во Европа, во поглед на квалитетот на аеродромските услуги, во категоријата на аеродроми под два милиони патници. Како награда што е резултат на независните истражувања што ACI ги прави на аеродромите низ целиот свет мерејќи го задоволството на патниците во различни категории, ова признание од ACI е навистина значаен доказ дека во последните седум години ТАВ Македонија успеа да ги подобри услугите што се нудат во терминалната зграда на аеродромот./крај/мф/бс

 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

„Нептун“ и LG со искрена видеопорака го честитаат Денот на жената

Објавено пред

Колку љубов и искрени насмевки може да собере едно срце? Со неповторливите моменти со најблиските, секојдневно креираме приказни, кои нè потсетуваат на бесценетата улога кои ја имаат во нашите животи.

Жената која по сопствен избор има моќ да биде и поединечно и одеднаш и борец, и лидер, и мајка, и сопруга, и пријател, дефинитивно го заслужува нашето внимание и почит. Тоа ја прави уште посилна за сите нови предизвици со кои дел по дел секојдневно успева да го направи светот поубав за сите.

Нептун, како компанија која ja вреднува жената и еднаквоста, и дава голема поддршка за нејзиниот удел во општеството, заедно со LG, преку искрена видео порака испраќа благодарност до сите жени и мајки.

Сара Мејс, Димитар Атанасовски и Илина, за Интернационалниот ден на жената во кампања поддржана од LG, испратија искрена честитка до нивната мајка, баба и свекрва, поддржувајќи ја жената како симбол на сите безгрижни мигови и среќни моменти. Нептун и LG и овојпат, на иновативен и практичен начин нè потсетуваат дека и во време на новото нормално, технологијата ни овозможува лесно комуницирање со семејството и пријателите.

Дека вистинската љубов не познава граници, сведочи ова видео и ангажираноста на Нептун и LG, секогаш да нè потсетат дека секој момент заслужува да биде овековечен со нешто ново и уникатно.

Заблагодарете им се на жените, сопругите и мајките во вашиот живот и покажете им колку ги сакате. Нептун и LG секогаш ќе бидат тука да ви помогнат во изборот на изненадувања со помош на иновативната палета на модерни и квалитетни производи.

ПР-текст

Прикажи повеќе...

Економија

Светска премиера на Cross Turismo: Практичната верзија на Porsche Taycan

Објавено пред

Porsche ја продолжува електричната офанзива со нова варијанта на Taycan

Porsche со виртуелна презентација официјално го претстави новиот Taycan Cross Turismo пред јавноста.

Производителот на спортски автомобили го проширува портфолиото на производи од својата прва гама на целосни електрични спортски автомобили со додавање на оваа разноврсна теренска верзија, со што се продолжува систематското следење на јасната мисија за еколошка и одржлива мобилност. Како и спортскиот седан Taycan, Taycan Cross Turismo има придобивки од иновативниот електричен погон со архитектура од 800 волти. Новата високотехнолошка верзија со погон на сите тркала и адаптивна воздушна суспензија, исто така, обезбедува бескомпромисна динамика надвор од патот. Триесет и шест милиметри повеќе простор за глава за патниците на задните седишта и повеќе од 1.200 литри багажен простор, го прават Cross Turismo  идеален за сите намени.

„Во 2019 година, испративме клучен сигнал со дебито на нашиот прв електричен спортски автомобил“, рече Оливер Блуме, претседател на Извршниот одбор на Porsche AG, на светската премиера на новиот и поразновиден дериват. „Ние се гледаме како пионери на електричната мобилност: до 2025 година, половина од сите нови возила кои ќе ги испорачаме ќе имаат електрифициран погон – или целосно електричен или plug-in хибрид. Во 2020 година, еден од три испорачани возила во Европа имаа електричен погонски систем. Иднината припаѓа на електричната мобилност. Со Taycan Cross Turismo, ние правиме уште еден голем чекор во оваа насока“.

Сите варијанти на Cross Turismo се достапни веднаш

Четири варијанти на Taycan Cross Turismo се веднаш достапни по официјалното лансирање на пазарите. Пакетот на батерии „Performance Battery Plus“, кој има капацитет од 93.4 kWh, е стандардно достапен. Моделите кои ги нуди Cross Turismo се следните:

  • Taycan 4 Cross Turismo со 280 kW (380 КС), со „overboost“ моќност при лансирање „Launch Control“ 350 kW (476 КС), забрзување од 0 до 100 км/ч за 5,1 секунда, максимална брзина од 220 км/ч и досег од 389 – 456 км.
  • Taycan 4S Cross Turismo со 360 kW (490 КС), со „overboost“ моќност при лансирање „Launch Control“ 420 kW (571 КС), забрзување од 0 до 100 км/ч 4,1 секунда, максимална брзина од 240 км/ч и досег од 388 – 452 км.
  • Taycan Turbo Cross Turismo со 460 kW (625 КС), со „overboost“ моќност при лансирање „Launch Control“ 500 kW (680 КС), забрзување од 0 до 100 км/ч за 3,3 секунди, максимална брзина од 250 км/ч и досег од 395 – 452 км.
  • Taycan Turbo S Cross Turismo со 460 kW (625 КС), со „overboost“ моќност при лансирање „Launch Control“ 560 kW (761 КС), забрзување од 0 до 100 км/ч за 2,9 секунди, максимална брзина од 250 км/ч и досег од 388 – 419 км.

Високотехнолошката шасија со погон на сите тркала и адаптивната воздушна суспензија стандардно доаѓа кај сите четири модели. Опционалниот пакет Off-Road го зголемува растојанието од земјата до 30 mm. Ова значи дека може да се вози и Cross Turismo на терени надвор од патот. Стандардниот „Gravel Mode“ ја подобрува адаптивноста на новиот модел за возење по нерамни патишта.

Во однос на визуелниот изглед, Taycan Cross Turismo внимателно го следи концептот Mission E Cross Turismo презентирана на Саемот за автомобили во 2018 година во Женева: Неговата силуета е дефинирана од спортската линија на покривот која се спушта надолу, позната како „Flyline“ и доаѓа од дизајнерите на Porsche. Дизајнерските детали вклучуваат зголемени лакови на тркалата, уникатни предни и задни дифузери и странични прагови. Како дел од пакетот Off-Road Design, Cross Turismo има специјални клапи на аглите на предните и задните браници и на краевите на праговите. Со тоа се создава впечатлива надворешност, а се обезбедува и заштита на подвозјето. 

Спортски додатоци: нов заден носач и Porsche електрични велосипеди

Единствено за Taycan Cross Turismo, Porsche разви заден носач за три велосипеди кој поставува нов стандард во поглед на големина и начин на користење. Може да се користи универзално за различни видови велосипеди. Една од неговите иновативни одлики е дека задната врата може да се отвори дури и кога е натоварен задниот носач. Porsche исто така претстави два висококвалитетни електрични велосипеди – eBike Sport и eBike Cross. Со нивниот безвременски дизајн, како и моќната, одржлива технологија на погон, тие се совршено усогласени со Taycan Cross Turismo.

Високотехнолошки изглед за високотехнолошко возило

Светската премиера на новиот Porsche Taycan Cross Turismo се одржа во Хипербоул студиото во саемските простории во Минхен – Германија. Ова спектакуларно ново студио ги спојува светот на филмот и реалноста: закривен LED ѕид со агол од 270 степени, долг 40 метри и висок 5,5 метри, е комбиниран со LED таван за да се обезбеди површина на екранот од 478 квадратни метри со 70 милиони пиксели. Светската премиера беше емитувана на newstv.porsche.com и истата може да се погледне во било кое време.

(ПР-текст)

Прикажи повеќе...

Економија

Заев на изградбата на далноводот Штип – Овче Поле: Инвестираме во енергетската инфраструктура и се поврзуваме со регионот

Објавено пред

Изградбата на дановодот Штип – Овче Поле е само дел од инвестицискиот циклус за ревитализација на електропреносната мрежа на Република Северна Македонија. Тој опфаќа реконструкција и изградба на шест 110-киловолтни далноводи. Со овој инвестициски циклус се заменуваат сите армирано-бетонски столбови стари и до 66 години. Се вложува со над 15 милиони евра за изградба на повеќе од 130 километри нови далноводи, истакна премиерот Зоран Заев, кој заедно со министерот за транспорт и врски, Благој Бочварски, генералниот директор на МЕПСО, Куштрим Рамадани, и претставникот на Европската банка за обнова и развој, Анди Аранитас, го означија почетокот на новата значајна инвестиција на МЕПСО.

Премиерот Заев рече дека ова е уште една потврда за посветеноста во реализација на ветените развојни проекти и заложбите за инвестиции во енергетската инфраструктура, кои на долг рок значат подобрување на животниот стандард.

„Со реализација на предвиденото ја јакнеме преносната мрежа и создаваме погоден инфраструктурен амбиент за сите потенцијални инвеститори, кои можат и знаат како да ги искористат економските потенцијали во нашата земја. Оваа инвестиција ќе донесе многубројни придобивки како за населението така и за реалниот сектор. Новата и модернизирана преносна мрежа значи инвестиција во подобро утре и олеснување на животот и работата на населението. Дополнително, во целата наша земја се одвиваат активности за реализација на големи капитални проекти“, изјави Заев и упати честитки за посветената работата на градежниците, на компаниите изведувачи, надзорниот орган, како и на континуираната поддршка на Европската банка за обнова и развој за реализација на овие проекти.

Министерот Бочварски нагласи дека во услови кога со децении ништо не е инвестирано во преносната мрежа, оваа Влада, заедно со стручниот тим на МЕПСО, инвестира во реконструкција и модернизација на шест далноводи од над 130 километри.

„Изминатата година целосно се завршени обемните реконструкции на трафостаниците ‘Валандово’, ‘Осломеј’, ‘Дуброво’ и ‘Прилеп’, а во тек е реконструкција на транфостаниците ‘Битола’, ‘Струмица’, ‘Вруток’ и ‘Скопје 4’. Ова е доказ дека остануваме целосно посветени на изградба на стабилен електропреносен систем во државата. Инвестициите во електропреносниот систем се од клучно значење за севкупниот економски развој на државата“, изјави Бочварски.

Генералниот директор на МЕПСО, Куштрим Рамадани, истакна дека со оваа инвестиција се спроведува стратешката цел на Владата, а тоа е транзиција на производството на електрична енергија од јаглен кон обновливи извори на енергија. Дополнително, додаде тој, на овој далновод во иднина ќе биде приклучена ветерната централа „Богословец“ со инсталирана моќност од 36 МW.

Претставникот на Европската банка за обнова и развој за Северна Македонија, Анди Аранитас, ја поздрави посветеноста на Владата за имплементација на зелената агенда во стратегијата за енергетика со фазно деактивирање на термоцентралите „Осломеј“ и „Битола“, како и целокупната декарбонизација на земјата во согласност со барањата на Европската зелена агенда и Парискиот договор.

Прикажи повеќе...

Најново

Свет1 час

Зошто е речиси невозможно да се заразите со коронавирус на отворено?

Аеросолите, ситни честички што лебдат во воздухот, се главниот виновник за пренесување на коронавирусот. Според наодите на научниците, ова особено...

Свет4 часа

Градоначалник во Италија даде оставка откако јавноста дозна дека се вакцинирал преку ред

Градоначалникот на сицилијанскиот град Корлеоне денес објави дека дава оставка откако преку ред се вакцинира против Ковид-19, а полицијата отвори...

Македонија5 часа

Во Македонија 333 нови случаи на коронавирус, починаа 10 лица

Во последните 24 часа во Македонија се потврдени 333 нови случаи на коронавирус, 268 оздравени и 10 починати лица, соопшти...

Македонија6 часа

Пристигна првата пратка од руските вакцини во Македонија

На скопскиот аеродром попладнево пристигна првата пратка од руската вакцина „спутник В“. Министерот за здравство Венко Филипче заедно со рускиот...

Регион6 часа

Во Србија над 3.000 новозаболени и 20 починати

Според последните информации, во Србија биле регистрирани 3.042 новозаболени лица, а 20 лица починале. Во последните 24 часа биле тестирани...

Европа6 часа

Скандал во Бундестагот: Пратеници профитирале со трговија со маски за време на ковид-кризата

Скандал ја тресе Германија. Пратеници од Бундестагот оствариле профит од трговија со заштитини маски на самиот почеток на пандемијата на...

Свет6 часа

Семејства на починати од коронавирус го тужат британскиот премиер

Британскиот премиер Борис Џонсон, го тужат околу 2.000 семејства кои изгубиле еден или повеќе членови на семејството поради коронавирусот. Досега...

Македонија7 часа

Досега попишани 32.752 лица од дијаспората

Државниот завод за статистика соопшти дека досега се попишани 32752 лица од дијаспората. Оттаму велат дека бројот на попишани расте...

Македонија7 часа

Лекарска комора: Ковид може да предизвика сериозни стомачни крварења, да не се занемарат симптомите

Пациенти кои имаат инфекција со SARS-CoV-2 вирусот може да развијат сериозни компликации на гастроинтестиналниот систем кои во некои случаи се...

Македонија8 часа

(Видео) Пресечени меѓународни канали за транспорт на дрога

Министерството за внатрешни работи во текот на вчерашниот ден (06.03.2021) во две одделни акции пресече два канала за меѓународен транспорт...

Европа8 часа

Нови ограничувања во цела Италија

Во Италија, во последните 24 часа, имало 307 смртни случаи од коронавирус и повеќе од 23.000 нови инфекции, пренесува агенцијата...

Македонија10 часа

Земјотрес почувствуван во Дебар, Гостивар и Маврово

Земјотрес со јачина од три степени според Европската макросеизмичка скала синоќа во 22 часот и 43 минути бил почувствуван од...

Свет11 час

Папата пристигна во Мосул

Папата Франциско денеска пристигна во ирачкиот град Мосул, каде ќе се моли во разурнатите цркви, кои беа уништени од терористичката...

Македонија12 часа

Денеска пристигнува првата пратка од руските вакцини

Денеска на Скопскиот аеродром треба да пристигне правата пратка од вакцини против Ковид-19 „Спутник В“, што Владата ги купи од...

Свет12 часа

Откриен нов „застрашувачки“ сој: високозаразен и ја намалува ефикасноста на вакцините

Научниците во американската држава Орегон открија нов многу заразен вид на ковид, кој првпат се појави во Велика Британија. Сепак,...

Свет24 часа

Русија во разговори со СЗО за итна употреба на вакцината „спутник В“

Рускиот министер за здравство Михаил Мурашко денеска разговараше со генералниот директор на СЗО за барањето на Русија за итно одобрување...

Македонија1 ден

Мицкоски од инфективна: Ќе се спасите од мене само ако не се разбудам утре

Лидерот на ВМРО-ДПМНЕ, Христијан Мицкоски се огласи од инфективната клиника, каде се лекува од коронавирус. Тој порача дека овој ден...

Топ1 ден

Загина градежен работник во Гевгелија паѓајќи од скеле

Градежен работник од Богданци паднал од скеле и починал на лице место, додека работел на објект во изградба во Гевгелија....

Македонија1 ден

Тодоров: Мицкоски не само што е пречка за обединување на ВМРО, туку е пречка и за обединување на македонскиот народ

Поранешниот министер за здравство Никола Тодоров се обрати до членството на ВМРО-ДПМНЕ и повика на обединување. „ Почитувани граѓани, почитувани...

Македонија1 ден

Вакцинацијата со руската вакцина во Македонија ќе почне в среда

Вакцинацијата со руската вакцина „спутник в“ во Македонија ќе почне в среда, најави министерот за здравство, Венко Филипче. Вакцините ќе...

Досие