Компании
Британскиот The Independen последен пат во печатено издание
Еден од најмладите британски дневни весници The Independen, во саботата последен пат излезе во печатен формат, откако весникот во сопственоста на британските бизнисмени од руско потекло Александар и неговиот син Евгениј Лебедеви, поради опаѓањето на тиражот се решија изданието да се јавува само во дигитален формат.
Новинарите на дневникот основан пред помалку од три децении објавија фотографии на социјалните мрежи кои ги прикажуваат редакциите како тупкаат со рацете по десковите што претставува традиционален поздрав при заминување на колега.
Во последниот воведни на The Independent пишува дека ќе остане запаметено неговото „смело преминување“ во 100-отстотен дигитален формат како „пример кој треба да го следат другите весници во светот“.
„Денес се запираат нашите ротациски машини, мастилото е суво и наскоро веќе нема да има истуткана хартија. Но, додека едно поглавје се затвора, друго се отвора и духот The Independent ќе продолжи да се шири“, се вели во воведникот на последното печатено издание.
Утринскиот дневен весник The Independen, познат по тоа што во 2003 година водеше кампања против британската интервенција во Ирак, стана првата „жртва“ на еволуцијата на модерните британски медиуми и нивното преминување на дигитален формат, и поради тоа без работа ќе остана околу 70 новинари. По 26-ти март, весникот ќе биде единствениот во Велика Британија кој ќе се појавува само во електронско издание..
Во последните години дневниот тираж на весник, кој Александар Лебедев го купи во 2010 година за 1 (една фунта), падни и заклучно со јуни 2015 година изнесувал 58.000 примероци, што е помалку за 85 отсто отколку 1990 кога тиражот го достигна врвот, Тиражот на неделното издание во летото 2015 година изнесува 97.000 примероци,
„Весникарската индустрија се менува, и овие промени се диктирани од страна на читателите. Тие ни говорат дека иднината ќе биде дигитална..“, ги коментираше промените Евгениј Лебедев кој кон крајот на февруари го најави крајот напечатеното издание и напиша дека новинарството „целосно се промени“, па така и The Independent „мора исто така да се промени“.
The Independent е основан во октомври 1986 година, е национален дневен весник со најмал тираж во Велика Британија, далеку зад оние на таблоидите The Sun и The Daily Mail, како и на големите дневни весници како Times, Guardian или Daily Telegraph. На врвот во 1989 година дневникот од левиот центар, познат по своите ангажирани насловни страници и важното место коешто ѝ го придаваше на новинарската фотографија, излегуваше во повеќе од 420.000 илјади примероци дневно, додека деновиве не успеваше да продаде повеќе од 40.000 примероци.
Според податоците во британските медиуми, запирањето на печатеното издание може да биде диктирано и од загубите. Според пресметките на The Guardian, загубите на The Independent во 2011 година изнесувале 18 милиони фунти, додека следната 2012-та паднале на 14 милиони фунти.
Откако стана сопственост на Лебедеви, весникот ја смени уредувачката политика и им се обраќаше главно на помладите генерации читатели. Тоа, според процените, се покажало профитабилно, но наскоро ќе биде продадено на сопствениците на регионалниот издавач „Johnston Press“ за 24 милиони фунти.
Првиот број на The Independent е отпечатен во 1986 година а во 2004 година беше награден со признанието „Национален весник на годината“ од асоцијацијата British Press Awards. Сегашниот главен и одговорен уредник Амол Раџан дојде на позицијата во 2013 година, кога имаше само 30 години, што е исклучок во британското новинарство. Неделното издание на весникот последен пат се појави во печатена верзија на 20-ти март годинава.
Второто издание во сопственост на Лебедеви, вечерниот дневен весник The Evening Standard, ќе продолжи да се појавува во печатена форма./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
SEAT S.A. постигна историски рекордни финансиски резултати благодарение на двоцифрениот раст и ефикасноста на SEAT и успехот на CUPRA
“Кога станува збор за SEAT, ви ветувам дека најдоброто допрва доаѓа“
SEAT S.A. постигна историски рекордни финансиски резултати, благодарение на двоцифрениот раст и ефикасноста на SEAT и успехот на CUPRA
· Оперативната добивка на SEAT S.A. достигна рекордни 625 милиони евра, повратот од продажба достигна 4,4%, а прометот за минатата година се зголеми на 14,3 милијарди евра
· Нова инвестиција во брендот SEAT се новите освежувања на Ibiza и Arona, како и подобрувањето на Leon и Ateca
· Во 2024 година е планирано лансирањето на CUPRA Tavascan и CUPRA Terramar
SEAT S.A. ги претстави своите резултати за 2023 година заедно со својата стратегија за претстојните години. Минатата година, според Меѓународните сметководствени правила (МСФИ), оперативната добивка достигна рекордни 625 милиони евра, зголемувајќи се за 592 милиони евра (2022: 33 милиони евра). Ова претставува подобрување на повратот на продажбата од 4,1 процентен поен, од 0,3% на позитивни 4,4%. Годишниот промет исто така достигна историски 14,333 милијарди евра, 31,0% повеќе од 2022 година (10,941 милијарди). Овие резултати ја потврдуваат силата на компанијата и успехот на нејзината постојана стратегија за трансформација.
„Зад себе оставаме година во која SEAT S.A. ги објави најдобрите финансиски резултати во својата 73-годишна историја, осигурувајќи се дека нашата компанија продолжува на својот пат кон попрофитабилна иднина“, рече Вејн Грифитс, извршен директор на SEAT и CUPRA. „2023 година беше година на огромни контрасти за автомобилската индустрија, како и за нашата компанија, бидејќи продолживме да се движиме низ морето на несигурност додека ја претрпевме најголемата трансформација во нашата историја“.
„Во 2023 година, SEAT S.A. направи голем чекор на своето патување на трансформација: имавме за цел да направиме значително подобрување и тоа е она што успеавме да го направиме. Постигнавме рекорди на сите времиња во промет, оперативна добивка и оперативен готовински тек. Ова совршено ги одразува позитивните ефекти од растот на обемот на марката CUPRA и обновувањето на обемот на марката SEAT, како и важноста на напредокот што го постигнавме со нашата програма за подобрување на перформансите“, рече Дејвид Пауелс, потпретседател за финансии и ИТ во SEAT. С.А.
ИНВЕСТИЦИИ ВО БРЕНДОТ НА SEAT
Гледајќи во иднината, SEAT S.A. ја има поставено вистинската стратегија за да го одржи профитабилниот раст на компанијата. Брендот SEAT ќе игра клучна улога во ова и компанијата ќе лансира подобрени plug-in хибридни и штедливи автомобили на SEAT.
Arona и Ibiza ќе добијат подобрување во 2025 година, а во следните месеци, марката ќе лансира нова и подобрена верзија на SEAT Leon, со технички и технолошки надградби. Понатаму, Ateca ќе биде подобрен и неговиот животен циклус ќе се продолжи.
„Го враќаме брендот SEAT таму каде што припаѓа, продолжувајќи го двоцифрениот раст од минатата година со нови инвестиции во брендот и неговите модели. Исто така, разгледуваме што можеме да испорачаме во електричниот свет под брендот SEAT. Кога станува збор за SEAT, ви ветувам дека најдоброто допрва доаѓа“, додаде Вејн Грифитс.
(ПР)
Економија
„Зегин онлајн“ е најпопуларна е-продавница за здравје, нега и убавина за 2023 година
Во организација на Асоцијацијата за е-трговија на Македонија вчеравечер се одржа Ecommerce Awards, избор на најдобрите во македонската е-трговија.
Компанијата Зегин со е-продавницата www.zegin.com.mk беше номинирана во неколку категории, а го освои првото место во категоријата „Најпопуларна е-продавница за здравје, нега и убавина“, што претставува уште една потврда дека квалитетот, професионалноста, вложениот труд и љубов секогаш резултираат со успех.
Изборот на најдобрите е-трговци има за цел да ги препознае и награди најдобрите со што ќе придонесе за мотивација и охрабрување за уште подобра работа, да ја крене свеста за потенцијалот и да ја промовира е-трговијата, како и да ја зајакне конкурентноста и да охрабри унапредување на работењето кај постојните и идни е-трговци.
„Оваа награда, трета по ред претстаува уште еден доказ за успешноста на работењето на онлајн продавницата на Зегин- www.zegin.com.mk и е одлична мотивација за уште попосветена работа, поквалитетна понуда, како и позадоволни купувачи во иднина. Ви благодариме за лојалноста и довербата!“, велат од компанијата за наградата.
Манифестација за доделување на македонските Награди за е-трговија за 2023 година – E-commerce Awards, се одржа во присуство на членките на АЕТМ, поддржувачите и партнерите, жири комисијата и наградените е-трговци.
(ПР)
Економија
Тековните предизвици и можности на винските пазари и значењето на географските ознаки за македонското вино – теми во фокусот на регионалната конференција за вино
Како да се искористат актуелните трендови на глобалните вински пазари за подобро позиционирање на македонското вино, како да се зголеми препознатливоста на нашите вина, зошто е исклучително важно воведувањето географски ознаки на виното и какви придобивки ќе донесе овој процес. Ова се само некои од прашањата за кои се имаше дискусија на регионалната конференција за вино, што ја организираа здружението „Вина од Македонија“ и винарската визба „Тиквеш“, во соработка со Германското друштво за меѓународна соработка (GIZ).
„За да се зголемат продуктивноста и додадената вредност на домашната винска индустрија, нејзината конкурентност и вредноста на извозот, како и нејзината отпорност на тековните предизвици, вклучувајќи ги и ризиците од климатските промени, неопходни се големи вложувања во знаење, во нови технологии и дигитализација, во организација, окрупнување на лозјата и создавање ефикасни кооперантски односи, како и во воведување нови правила, стандарди и механизам за државна поддршка и поголема регионална соработка. Сето ова мора да се заснова на научен пристап користејќи ги искуствата на развиените земји, кои поминале низ оваа трансформација и може да ни помогнат да го оствариме она што е нашата главна задача – зголемување на извозот на квалитетно вино, кое ќе биде препознатливо и ценето од потрошувачите во светот“, порача во своето воведно обраќање на конференцијата претседателот на здружението „Вина од Македонија“, Светозар Јаневски.
Во рамките на конференцијата се одржаа три работни сесии на кои реномирани експерти од Универзитетот „Гајзенхајм“ во Германија, професорите Јон Ханф и Силвија Димер говореа за состојбите на глобалниот пазар на вино, за спецификите на посебните пазарни нишки во Европа и за значењето на правните и техничките услови за извоз на вино. Една од поважните пораки што ја потенцираа експертите се однесуваа на важноста на заедничкиот настап на компаниите на пазарот истакнувајќи дека ваквиот пристап може да креира ефективни резултати доколку секоја компанија настапи одговорно и самостојно покрај заедничките активности како кластер.
Поздравувајќи ја организацијата на оваа конференција, регионалниот советник за земјоделство во германската амбасада во Скопје, Франк Мулер, го нагласи значењето на соработката помеѓу здружението „Вина од Македонија“ и ГИЗ акцентирајќи дека за долгорочен одржлив развој на винската индустрија неопходна е соработка и со универзитетите бидејќи научниот пристап во воведувањето и примената на унифицирани стандарди за производство и пласман на висококвалитетно вино од регионот е повеќе од неопходен.
За најновите движења во интрарегионалната трговија со грозје и вино во рамките на Западен Балкан говореше и извршната директорка на здружението „Вина од Македонија“, Елена Младеновска-Јеленковиќ, која ја нагласи неопходноста од воспоставување заеднички вински бренд со загарантирано географски потекло како еден од клучните предуслови за зголемување на препознатливоста на овдешните вина од страна на потрошувачите на пазарите во ЕУ и пошироко.