Компании
Дојче Телеком организира натпревар на идеи за смарт мода
Дојче Телеком организира меѓународен натпревар за идеи за смарт мода „Fashion Fusion“, на кој се бара визионерски концепти кои ја комбинираат модата и високата технологија.
Студенти, млади професионалци и стартап компании од секторите на модата, дизајнот и технологијата, вклучително и од Македонија, можат да ги достават своите концепти до 1 август 2016 година.Областите на висока технологија и мода се спојуваат за да создадат смарт конфекција. Дојче Телеком здружен со угледни партнери го започнува предизвикот „Fashion Fusion“. Станува збор за меѓународен натпревар преку кој млади таленти од цела Европа ќе имаат ексклузивна и единствена можност да ја искористат помошта на експерти од индустријата, секторот на мода и сцената на стартап компании, за да ги реализираат своите визионерски концепти за конфекција со висока технологија, облека и предмети што се носат и производи за дигитален животен стил и истите да ги пласираат на пазарот.Глобалната технолошка компанија Интел и иновативното списание WIRED од Германија ќе го поддржат „Fashion Fusion“ со своја експертиза, материјали и енергични заложби. Спортскиот бренд Адидас ќе придонесе за пренесување на знаење и искуство од модата со учеството на Дирк Шонбергер, како член на „Fashion Fusion“ жирито. Како меѓународен експерт и двигател на иновации во модната индустрија, партнерот ПРЕМИУМ со #FASHIONTECH го обезбедува професионалниот аспект за презентирање на „Fashion Fusion“. Фазата на пријавување за натпреварот е отворена. Студенти, млади професионалци и стартап компании од секторите на модата, дизајнот и технологијата, вклучително и од Македонија, можат да ги достават своите концепти до 1 август 2016 година. Апликациите можат да се регистрираат во една од трите категории: Поврзани уреди и дополнителна опрема, Дигитално усовршена мода и Смарт услуги.„Следната голема работа во модата ќе биде смарт и поврзана конфекција и дополнителна опрема. Денешните визионерски концепти можеби веќе од утре ќе се најдат во вашиот плакар. Затоа е многу важно за нас да бидеме партнер за иновативни, поврзани производи и услуги. Со Fashion Fusion, ние ги поврзуваме важните играчи и надежни таленти од цела Европа и им ја даваме можноста да ги претворат своите визии во реалност“, изјави Клаудија Немат, член на Одборот на директори на Дојче Телеком и одговорна за Европа и Технологија, којашто е покровител на „Fashion Fusion“ натпреварот.Жири составено од престижни претставници од индустријата ќе ги избере најдобрите идеи. „Тоа би можело да биде смарт часовник или рачна торба со полнач на соларно напојување. Спортска конфекција која е смарт и одржлива преку материјали или рециклирање на производи, или пак палта кои се префрлуваат на режим на подобра изолација во зима. Fashion Fusion поддржува визионерски идеи и концепти кои имаат долгорочен потенцијал да се етаблираат на пазарот,“ објаснува основоположникот на Smart Fashion, Лиса Ленг, куратор на концептот на натпреварот, која имаше клучна улога во започнувањето на овој предизвик.Во центарот на натпреварот е Лабораторијата „Fashion Fusion“: тримесечна работилница во која максимум десет избрани тимови ќе работат на прилагодување на своите модни концепти. Заедно со експерти од индустријата и специјалисти во областите на иновативна мода и технологија, тимовите ќе произведуваат високо квалитетни прототипи на нивните концепти. Учесниците ќе можат да ја искористат значителната експертиза на Лабораторијата и ќе добијат сместување и сите неопходни материјали потребни за нивните идеи да заживеат. Лабораторијата е отворена платформа за иновации поддржана од hub:raum, инкубаторот на Дојче Телеком.Првиот Fashion Fusion натпревар ќе кулминира со презентацијата на прототипите на #FASHIONTECH за време на Модната недела во Берлин во јануари 2017 година.
Најдобриот тим ќе добие парична награда од 20.000 евра и можност да ја пласира својата креација на пазарот, заедно со Дојче Телеком и неговите партнери.Лабораторијата Fashion Fusion е долгорочен проект и секоја година може да отвори простор за заедничка работа и простории за работилници во различни европски метрополи. Повеќе информации за натпреварот за идеи „Fashion Fusion“ може да се најдат на сајтот: fashionfusion.telekom.com./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
SEAT S.A. постигна историски рекордни финансиски резултати благодарение на двоцифрениот раст и ефикасноста на SEAT и успехот на CUPRA
“Кога станува збор за SEAT, ви ветувам дека најдоброто допрва доаѓа“
SEAT S.A. постигна историски рекордни финансиски резултати, благодарение на двоцифрениот раст и ефикасноста на SEAT и успехот на CUPRA
· Оперативната добивка на SEAT S.A. достигна рекордни 625 милиони евра, повратот од продажба достигна 4,4%, а прометот за минатата година се зголеми на 14,3 милијарди евра
· Нова инвестиција во брендот SEAT се новите освежувања на Ibiza и Arona, како и подобрувањето на Leon и Ateca
· Во 2024 година е планирано лансирањето на CUPRA Tavascan и CUPRA Terramar
SEAT S.A. ги претстави своите резултати за 2023 година заедно со својата стратегија за претстојните години. Минатата година, според Меѓународните сметководствени правила (МСФИ), оперативната добивка достигна рекордни 625 милиони евра, зголемувајќи се за 592 милиони евра (2022: 33 милиони евра). Ова претставува подобрување на повратот на продажбата од 4,1 процентен поен, од 0,3% на позитивни 4,4%. Годишниот промет исто така достигна историски 14,333 милијарди евра, 31,0% повеќе од 2022 година (10,941 милијарди). Овие резултати ја потврдуваат силата на компанијата и успехот на нејзината постојана стратегија за трансформација.
„Зад себе оставаме година во која SEAT S.A. ги објави најдобрите финансиски резултати во својата 73-годишна историја, осигурувајќи се дека нашата компанија продолжува на својот пат кон попрофитабилна иднина“, рече Вејн Грифитс, извршен директор на SEAT и CUPRA. „2023 година беше година на огромни контрасти за автомобилската индустрија, како и за нашата компанија, бидејќи продолживме да се движиме низ морето на несигурност додека ја претрпевме најголемата трансформација во нашата историја“.
„Во 2023 година, SEAT S.A. направи голем чекор на своето патување на трансформација: имавме за цел да направиме значително подобрување и тоа е она што успеавме да го направиме. Постигнавме рекорди на сите времиња во промет, оперативна добивка и оперативен готовински тек. Ова совршено ги одразува позитивните ефекти од растот на обемот на марката CUPRA и обновувањето на обемот на марката SEAT, како и важноста на напредокот што го постигнавме со нашата програма за подобрување на перформансите“, рече Дејвид Пауелс, потпретседател за финансии и ИТ во SEAT. С.А.
ИНВЕСТИЦИИ ВО БРЕНДОТ НА SEAT
Гледајќи во иднината, SEAT S.A. ја има поставено вистинската стратегија за да го одржи профитабилниот раст на компанијата. Брендот SEAT ќе игра клучна улога во ова и компанијата ќе лансира подобрени plug-in хибридни и штедливи автомобили на SEAT.
Arona и Ibiza ќе добијат подобрување во 2025 година, а во следните месеци, марката ќе лансира нова и подобрена верзија на SEAT Leon, со технички и технолошки надградби. Понатаму, Ateca ќе биде подобрен и неговиот животен циклус ќе се продолжи.
„Го враќаме брендот SEAT таму каде што припаѓа, продолжувајќи го двоцифрениот раст од минатата година со нови инвестиции во брендот и неговите модели. Исто така, разгледуваме што можеме да испорачаме во електричниот свет под брендот SEAT. Кога станува збор за SEAT, ви ветувам дека најдоброто допрва доаѓа“, додаде Вејн Грифитс.
(ПР)
Економија
„Зегин онлајн“ е најпопуларна е-продавница за здравје, нега и убавина за 2023 година
Во организација на Асоцијацијата за е-трговија на Македонија вчеравечер се одржа Ecommerce Awards, избор на најдобрите во македонската е-трговија.
Компанијата Зегин со е-продавницата www.zegin.com.mk беше номинирана во неколку категории, а го освои првото место во категоријата „Најпопуларна е-продавница за здравје, нега и убавина“, што претставува уште една потврда дека квалитетот, професионалноста, вложениот труд и љубов секогаш резултираат со успех.
Изборот на најдобрите е-трговци има за цел да ги препознае и награди најдобрите со што ќе придонесе за мотивација и охрабрување за уште подобра работа, да ја крене свеста за потенцијалот и да ја промовира е-трговијата, како и да ја зајакне конкурентноста и да охрабри унапредување на работењето кај постојните и идни е-трговци.
„Оваа награда, трета по ред претстаува уште еден доказ за успешноста на работењето на онлајн продавницата на Зегин- www.zegin.com.mk и е одлична мотивација за уште попосветена работа, поквалитетна понуда, како и позадоволни купувачи во иднина. Ви благодариме за лојалноста и довербата!“, велат од компанијата за наградата.
Манифестација за доделување на македонските Награди за е-трговија за 2023 година – E-commerce Awards, се одржа во присуство на членките на АЕТМ, поддржувачите и партнерите, жири комисијата и наградените е-трговци.
(ПР)
Економија
Тековните предизвици и можности на винските пазари и значењето на географските ознаки за македонското вино – теми во фокусот на регионалната конференција за вино
Како да се искористат актуелните трендови на глобалните вински пазари за подобро позиционирање на македонското вино, како да се зголеми препознатливоста на нашите вина, зошто е исклучително важно воведувањето географски ознаки на виното и какви придобивки ќе донесе овој процес. Ова се само некои од прашањата за кои се имаше дискусија на регионалната конференција за вино, што ја организираа здружението „Вина од Македонија“ и винарската визба „Тиквеш“, во соработка со Германското друштво за меѓународна соработка (GIZ).
„За да се зголемат продуктивноста и додадената вредност на домашната винска индустрија, нејзината конкурентност и вредноста на извозот, како и нејзината отпорност на тековните предизвици, вклучувајќи ги и ризиците од климатските промени, неопходни се големи вложувања во знаење, во нови технологии и дигитализација, во организација, окрупнување на лозјата и создавање ефикасни кооперантски односи, како и во воведување нови правила, стандарди и механизам за државна поддршка и поголема регионална соработка. Сето ова мора да се заснова на научен пристап користејќи ги искуствата на развиените земји, кои поминале низ оваа трансформација и може да ни помогнат да го оствариме она што е нашата главна задача – зголемување на извозот на квалитетно вино, кое ќе биде препознатливо и ценето од потрошувачите во светот“, порача во своето воведно обраќање на конференцијата претседателот на здружението „Вина од Македонија“, Светозар Јаневски.
Во рамките на конференцијата се одржаа три работни сесии на кои реномирани експерти од Универзитетот „Гајзенхајм“ во Германија, професорите Јон Ханф и Силвија Димер говореа за состојбите на глобалниот пазар на вино, за спецификите на посебните пазарни нишки во Европа и за значењето на правните и техничките услови за извоз на вино. Една од поважните пораки што ја потенцираа експертите се однесуваа на важноста на заедничкиот настап на компаниите на пазарот истакнувајќи дека ваквиот пристап може да креира ефективни резултати доколку секоја компанија настапи одговорно и самостојно покрај заедничките активности како кластер.
Поздравувајќи ја организацијата на оваа конференција, регионалниот советник за земјоделство во германската амбасада во Скопје, Франк Мулер, го нагласи значењето на соработката помеѓу здружението „Вина од Македонија“ и ГИЗ акцентирајќи дека за долгорочен одржлив развој на винската индустрија неопходна е соработка и со универзитетите бидејќи научниот пристап во воведувањето и примената на унифицирани стандарди за производство и пласман на висококвалитетно вино од регионот е повеќе од неопходен.
За најновите движења во интрарегионалната трговија со грозје и вино во рамките на Западен Балкан говореше и извршната директорка на здружението „Вина од Македонија“, Елена Младеновска-Јеленковиќ, која ја нагласи неопходноста од воспоставување заеднички вински бренд со загарантирано географски потекло како еден од клучните предуслови за зголемување на препознатливоста на овдешните вина од страна на потрошувачите на пазарите во ЕУ и пошироко.