Компании
Еден од преземачите на Макпетрол е колекционер на огромен број светски уметнички дела
– Александар Каплан, еден од основачите на „Балкан Петролеум“ којашто претендира да стане нов сопственик на македонски „Макпетрол“
За Александeр Смузиков и за Александар Каплан, основачите на „Балкан Петролеум“, компанијата којашто искажа намера да ја преземе македонскиот нафтена комапнија „Макпетрол’, нафтениот бизнис дефинитивно е позната територија.
За Александeр Смузиков и за Александар Каплан, основачите на „Балкан Петролеум“, компанијата којашто искажа намера да ја преземе македонскиот нафтена комапнија „Макпетрол’, нафтениот бизнис дефинитивно е позната територија.
Неодмна во нивното прво интервју за македонски медиум, Каплан истакна дека „јавната понуда до акционерите на ‘Макпетрол’ не е само за доверба, туку, исто така, е за пари“. „Ние нудиме добра цена за акциите и дополнително, ние имаме пари за да ја поддржиме оваа понуда’, порача бизнисменот.Несомнено, македонската јавноста ја интересира кој е Каплан. Според расположливите информации, станува збор за личност којашто има дваесетгодишно искуство во нафтениот бизнис и бизнисот со гас во Русија, како и во останатите земји од поранешниот СССР.Повеќе од дваесет години тој се наоѓал на менаџерски позиции во компанијата за нафта и гас „TNK-BP’ (British Petroleum), во која удело во соодност 50 – 50 отсто имаа удел „British Petroleum“ и нафтената компанија „Tuemen“. Своевремено TNK-BP беше третата по големина компанија во Русија за нафта и гас.Како извршен заменик претседател за производство и трговија и како прв заменик–извршен потпретседател за производство и трговија, Каплан беше дел од донесувањето на важни одлуки за развојот на компанијата. Каплан дипломирал и се стекнал со диплома по право на универзитетите во Москва и во Чикаго, САД, каде ги завршил неговите бизнис студии во лидерство и маркетинг. А неговото прво работно искуство датира од 1994 година во „Alfa Eco“.Каплан е оженет и е татко на две ќерки. Тој во своите интервјуа постојано истакнува дека семејството му е најголемата поддршка во бизнисот и дека секој момент од своето слободно време го користи за дружење со своите ќерки и сопругата. Иако, за неговата приватност, која Каплан инаку многу ја цени, нема многу во медиумите, сепак руските новинари знаат да напишат дека Александар совршено добро знае да го балансира својот професионален живот и семејството, особено ако се знае дека станува збор за бизнисмен со големо работно искуство и постојана вклученост во проектите на кои тој работи. Неговиот партнер Александер Смузиков, исто така, има значително оперативно работно искуство во нафтената и петрохемиската иднустрија. Тој, имено е е основач на „Magistral Group“, која започнала да работи со дистрибуцијата на нафтени производи, чии главни клиенти беа „Lukoil“, BP, “Tatneft’ … Смузиков подоцна ја продава Magistral Group на TNK-BP (British Petroleum). Смузиков, инаку дипломирал право од Moscow State University of Service. За јавноста е познат како страствен колекционер на значајни руски уметнички авангардни дела. Во неговата богата колекција, која важи за една од најдобрите во Русија, се истакнуваат делата од пионерот во апстрактната уметност, Казимир Малевич, кој има оставено голем впечаток во апстрактната светска уметност, што најверојатно е причина за одушевувањето кај Смузиков. Исто така, Смузиков е познат колекционер на дела од конструктивизмот, супрематизмот, модерните уметнички дела од 20-от век, како и пост-воената и современата уметност. Економскиот магазин Financial Times во едно од своите изданија истакна дека Смузиков, уметничките слики од својата колекција ги позајмува и изложува во музеи каде истите се достапни на широката популација. „Можноста да се видат и во живо да се погледнат делата од приватните колекции е прекрасна. Александер Смузиков е токму еден неколкуте приватни колекционери кои својата колекција ја изложува во галериите и музеите, со што истата ја прави достапна на јавноста која нема друга шанса како да ги види скапите и важните уметнички дела од историјата“, стои во текстот објавен во Financial Times. /крај/мф/бб
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
SEAT S.A. постигна историски рекордни финансиски резултати благодарение на двоцифрениот раст и ефикасноста на SEAT и успехот на CUPRA
“Кога станува збор за SEAT, ви ветувам дека најдоброто допрва доаѓа“
SEAT S.A. постигна историски рекордни финансиски резултати, благодарение на двоцифрениот раст и ефикасноста на SEAT и успехот на CUPRA
· Оперативната добивка на SEAT S.A. достигна рекордни 625 милиони евра, повратот од продажба достигна 4,4%, а прометот за минатата година се зголеми на 14,3 милијарди евра
· Нова инвестиција во брендот SEAT се новите освежувања на Ibiza и Arona, како и подобрувањето на Leon и Ateca
· Во 2024 година е планирано лансирањето на CUPRA Tavascan и CUPRA Terramar
SEAT S.A. ги претстави своите резултати за 2023 година заедно со својата стратегија за претстојните години. Минатата година, според Меѓународните сметководствени правила (МСФИ), оперативната добивка достигна рекордни 625 милиони евра, зголемувајќи се за 592 милиони евра (2022: 33 милиони евра). Ова претставува подобрување на повратот на продажбата од 4,1 процентен поен, од 0,3% на позитивни 4,4%. Годишниот промет исто така достигна историски 14,333 милијарди евра, 31,0% повеќе од 2022 година (10,941 милијарди). Овие резултати ја потврдуваат силата на компанијата и успехот на нејзината постојана стратегија за трансформација.
„Зад себе оставаме година во која SEAT S.A. ги објави најдобрите финансиски резултати во својата 73-годишна историја, осигурувајќи се дека нашата компанија продолжува на својот пат кон попрофитабилна иднина“, рече Вејн Грифитс, извршен директор на SEAT и CUPRA. „2023 година беше година на огромни контрасти за автомобилската индустрија, како и за нашата компанија, бидејќи продолживме да се движиме низ морето на несигурност додека ја претрпевме најголемата трансформација во нашата историја“.
„Во 2023 година, SEAT S.A. направи голем чекор на своето патување на трансформација: имавме за цел да направиме значително подобрување и тоа е она што успеавме да го направиме. Постигнавме рекорди на сите времиња во промет, оперативна добивка и оперативен готовински тек. Ова совршено ги одразува позитивните ефекти од растот на обемот на марката CUPRA и обновувањето на обемот на марката SEAT, како и важноста на напредокот што го постигнавме со нашата програма за подобрување на перформансите“, рече Дејвид Пауелс, потпретседател за финансии и ИТ во SEAT. С.А.
ИНВЕСТИЦИИ ВО БРЕНДОТ НА SEAT
Гледајќи во иднината, SEAT S.A. ја има поставено вистинската стратегија за да го одржи профитабилниот раст на компанијата. Брендот SEAT ќе игра клучна улога во ова и компанијата ќе лансира подобрени plug-in хибридни и штедливи автомобили на SEAT.
Arona и Ibiza ќе добијат подобрување во 2025 година, а во следните месеци, марката ќе лансира нова и подобрена верзија на SEAT Leon, со технички и технолошки надградби. Понатаму, Ateca ќе биде подобрен и неговиот животен циклус ќе се продолжи.
„Го враќаме брендот SEAT таму каде што припаѓа, продолжувајќи го двоцифрениот раст од минатата година со нови инвестиции во брендот и неговите модели. Исто така, разгледуваме што можеме да испорачаме во електричниот свет под брендот SEAT. Кога станува збор за SEAT, ви ветувам дека најдоброто допрва доаѓа“, додаде Вејн Грифитс.
(ПР)
Економија
„Зегин онлајн“ е најпопуларна е-продавница за здравје, нега и убавина за 2023 година
Во организација на Асоцијацијата за е-трговија на Македонија вчеравечер се одржа Ecommerce Awards, избор на најдобрите во македонската е-трговија.
Компанијата Зегин со е-продавницата www.zegin.com.mk беше номинирана во неколку категории, а го освои првото место во категоријата „Најпопуларна е-продавница за здравје, нега и убавина“, што претставува уште една потврда дека квалитетот, професионалноста, вложениот труд и љубов секогаш резултираат со успех.
Изборот на најдобрите е-трговци има за цел да ги препознае и награди најдобрите со што ќе придонесе за мотивација и охрабрување за уште подобра работа, да ја крене свеста за потенцијалот и да ја промовира е-трговијата, како и да ја зајакне конкурентноста и да охрабри унапредување на работењето кај постојните и идни е-трговци.
„Оваа награда, трета по ред претстаува уште еден доказ за успешноста на работењето на онлајн продавницата на Зегин- www.zegin.com.mk и е одлична мотивација за уште попосветена работа, поквалитетна понуда, како и позадоволни купувачи во иднина. Ви благодариме за лојалноста и довербата!“, велат од компанијата за наградата.
Манифестација за доделување на македонските Награди за е-трговија за 2023 година – E-commerce Awards, се одржа во присуство на членките на АЕТМ, поддржувачите и партнерите, жири комисијата и наградените е-трговци.
(ПР)
Економија
Тековните предизвици и можности на винските пазари и значењето на географските ознаки за македонското вино – теми во фокусот на регионалната конференција за вино
Како да се искористат актуелните трендови на глобалните вински пазари за подобро позиционирање на македонското вино, како да се зголеми препознатливоста на нашите вина, зошто е исклучително важно воведувањето географски ознаки на виното и какви придобивки ќе донесе овој процес. Ова се само некои од прашањата за кои се имаше дискусија на регионалната конференција за вино, што ја организираа здружението „Вина од Македонија“ и винарската визба „Тиквеш“, во соработка со Германското друштво за меѓународна соработка (GIZ).
„За да се зголемат продуктивноста и додадената вредност на домашната винска индустрија, нејзината конкурентност и вредноста на извозот, како и нејзината отпорност на тековните предизвици, вклучувајќи ги и ризиците од климатските промени, неопходни се големи вложувања во знаење, во нови технологии и дигитализација, во организација, окрупнување на лозјата и создавање ефикасни кооперантски односи, како и во воведување нови правила, стандарди и механизам за државна поддршка и поголема регионална соработка. Сето ова мора да се заснова на научен пристап користејќи ги искуствата на развиените земји, кои поминале низ оваа трансформација и може да ни помогнат да го оствариме она што е нашата главна задача – зголемување на извозот на квалитетно вино, кое ќе биде препознатливо и ценето од потрошувачите во светот“, порача во своето воведно обраќање на конференцијата претседателот на здружението „Вина од Македонија“, Светозар Јаневски.
Во рамките на конференцијата се одржаа три работни сесии на кои реномирани експерти од Универзитетот „Гајзенхајм“ во Германија, професорите Јон Ханф и Силвија Димер говореа за состојбите на глобалниот пазар на вино, за спецификите на посебните пазарни нишки во Европа и за значењето на правните и техничките услови за извоз на вино. Една од поважните пораки што ја потенцираа експертите се однесуваа на важноста на заедничкиот настап на компаниите на пазарот истакнувајќи дека ваквиот пристап може да креира ефективни резултати доколку секоја компанија настапи одговорно и самостојно покрај заедничките активности како кластер.
Поздравувајќи ја организацијата на оваа конференција, регионалниот советник за земјоделство во германската амбасада во Скопје, Франк Мулер, го нагласи значењето на соработката помеѓу здружението „Вина од Македонија“ и ГИЗ акцентирајќи дека за долгорочен одржлив развој на винската индустрија неопходна е соработка и со универзитетите бидејќи научниот пристап во воведувањето и примената на унифицирани стандарди за производство и пласман на висококвалитетно вино од регионот е повеќе од неопходен.
За најновите движења во интрарегионалната трговија со грозје и вино во рамките на Западен Балкан говореше и извршната директорка на здружението „Вина од Македонија“, Елена Младеновска-Јеленковиќ, која ја нагласи неопходноста од воспоставување заеднички вински бренд со загарантирано географски потекло како еден од клучните предуслови за зголемување на препознатливоста на овдешните вина од страна на потрошувачите на пазарите во ЕУ и пошироко.