Контакт

Компании

„Европа АД“ ја доби битката со „Пионир“ пред српските судови

Објавено пред

Стопанскиот суд во Белград ги отфрли сите обвинувања на српски „Пионир“ според кои „Европа“ АД – Скопје наводно фалсификувала нивни бонбони, соопшти македонската компанија во четвртокот.

 

Македонската компанија со 132-годишно искуство, чии количини од производот„Бонбон ноар“ пред неколку месеци беа запленети од властите кај северниот сосед, доби и правна потврда на тоа што од самиот почеток јавно го тврдеше – дека овие слатки се оригинални, односно дека воопшто не го повредуваат жигот на српскиот конкурент.

Следна постапка на „Европа“ АД – Скопје ќе биде поднесување тужба против „Пионир“ за изгубена добивка и за нарушен углед.

 

„Обвинувањата за фалсификат, запленувањето на стоката, како и поднесената пријава, беа настани во чие развивање „Европа АД“ немаше никаква улога. Нашата компанија со децении работи на српскиот пазар, каде што има долгогодишни, докажано лојални, купувачи. Тие самите знаат да го изберат вистинскиот квалитет, а со тоа што верно ги следат нашите производи истакнуваат дека и самите ја препознаваат разликата помеѓу плагијат и фалсификат“,вели Сава Димитрова, претседател на управниот одбор на „Европа“ АД – Скопје. 

 

„Пионир“ поднесе тужба пред српските судови и во неа бараше: да се утврди дека „Европа“ АД – Скопје го повредила жигот на компанијата и да се забрани производството, испораката, извозот, понудата и ставањето во промет на „Бонбон ноар“. За секоја од овие точки познатиот македонски бренд доби правна потврда дека се неосновани и целосно отфрлени. Тоа значи дека македонското претпријатие ќе може слободно и во иднина да го продава овој продукт во Србија затоа што сега има и судска одлука дека тој не е плагијат на „Негро“ на „Пионир“.

 

„Ова решение и правно го потврди тоа што ние пред неколку месеци го нагласивме – дека е во прашање крајно несериозно обвинување што нема издржаност во реалноста. „Европа“ АД – Скопје секогаш ги има предвид потребите, почитта и ставовите на своите потрошувачи и знаејќи го тоа на ум, ние никогаш не би си дозволиле да направиме нешто со кое би ја нарушиле таа доверба. Сосема спротивно, понатаму посветено ќе продолжиме да ги подобруваме веќе долго популарните производи, но и да креираме нови“,- истакнува Димитрова.

 

„Европа“ АД – Скопје уште еднаш потсетува дека во поглед на содржината, „Бонбон ноар“ е непроменет продукт којшто се создава повеќе од половина век. Тој за првпат е внесен во каталогот на компанијата пред повеќе од три децении, односно во 1982 година. Под актуелната амбалажа, пак, бонбоната се продава од 2003 и оттогаш е присутна и на пазарот во Србија, значи безмалку цели 11 години. Македонската компанија нагласува дека „Бонбон ноар“ и „Негро“ имаат различен состав.

 

Слично е што обете се базирани на лакрицот како состојка, меѓутоа, процентот на масното полнење, филувањето и изгледот на самата бонбона немаат допирни точки. Лакрицот во светот на бонбоните е применет од неколку стотини производители. Амбалажата на најголем дел од нив е комбинација од црна, бела и црвена боја. Причина за тоа е токму лакрицот чијшто изглед најчесто се комуницира со овој колорит. И глобални марки како „Харибо“, „Салос“, „Јанки“ и „Клене“ за своите бонбони базирани на лакриц со години се придржуваат до истиот пристап, се појаснува во соопштението на скопксата компанија. /крај/

 

Економија

Клучни работи што треба да ги знаете за „Лајконет“ (Lyconet)

Објавено пред

Веројатно сте слушнале за Lyconet („Лајконет“), но дали точно знаете за каква всушност компанија станува збор? Од каде потекнува, која е нејзината историја, колкави се заработките во мрежата на Lyconet – се само дел од прашањата што ќе се обидеме да ви ги одговориме за да ја добиете целосната слика.

Lyconet како бренд е за прв прат претставен во 2014 година во Грац, Австрија и во моментов компанијата брои преку 300,000 маркетри, физички и правни лица кои работат како независни агенти. Активна е на 49 пазари ширум светот, како глобална платформа за водење на сопствена лојална програма.

Користејќи  „нетворк маркетинг“ како канал и начин на промовирање и продавање на производи тоа им овозможува на своите членови да напредуваат во својата кариера и притоа да остваруваат одлични месечни заработки. Но она што е интересно и за многумина непознато, е дека овие заработки, без разлика во која држава се наоѓаат марктерите, се исти. На пример, исто заработуваат маркетери, да речеме во Германија и во Македонија, а замислете, Lyconet брои дури 300,000 маркетери низ целиот свет кои ја делат оваа предност.

Како се се станува Lyconet маркетер?

Lyconet маркетер се станува со препорака преку друг маркетер, односно преку мрежата на неависните Lyconet маркетери. Зачленувањето како маркетер е комплетно бесплатно! Секој маркетер пред да започне со работа склучува договор за независен Lyconet маркетер и потоа преку достапните алатки во сопствениот профил на вебсајтот lyconet.com/mk, добива онлајн обука и насоки за водење на бизнисот.

Lyconet носи и голема одговорност кога станува збор за бизнис партнерите и секогаш се води по принципите на интегритет, чесност и праведност. Истите вредности писмено се прифатени од секој Lyconet маркетер пред да започне со дејноста со прифаќање на кодот за етика на компанијата.

Како се заработува?

Оваа компанија има две основи по кои ги наградува своите членови и по кои маркетерите можат да го следат својот раст во кариерата. Како прво, тука е „кариерниот програм“ кој претставува патот по кој маркетерите напредуваат во својата кариера и „балансниот програм“ каде се евидентираат шопинг поените остварени на секој маркетер или тим од маркетери кој им носи одреден финансиски надоместок согласно транспарентниот компензациски план.

За да можете да започнете да заработувате, потребни ви се поени со кои ќе напредувате. Едноставно, за да остварувате што поголем број на поени потребни ви се продажби, а за вашите поени уште повеќе да се зголемуваат, можете да изградите сопствен тим од маркетери од кои и вие ќе остварувате дополнителни поени. Поените кои ќе ги остварат маркетерите се пресметуваат неделно и според нив се добива одредена сума на пари која претставува ваша исплата на она што го имате остварено како продажба. Има неколку видови на „баланс програми“: персонален, национален, континентален и интернационален баланс, каде се распоредени сите поени кои ги остаруваат членовите во мрежата, а кои притоа се целосно транспарентни и може секој маркетер да ги следи, сѐ со цел секој член да има увид во својот успех и напредок.

Транспарентност во работењето

Постојат многу компании кои работат на овој принцип на работа и ги наградуваат своите вработени според остварените продажби на производи или слично. Но, она што е специфично кај Lyconet е токму транспарентноста. Покрај тоа што компанијата има изградена силна мрежа на маркетери, таа има и свои јасно истакнати правилата и прописи според кои секој член мора да се придржува, се разбира со цел да се избегнат какви било неправилности во мрежата. Правилата, напредувањата во кариерните нивоа, како и баланс програмите се јавно достапни на нивната веб страна https://www.lyconet.com/mk за секој заинтересиран потенцијален член да може поубаво да се запознае со начинот на работењето на компанијата.

Покрај правилата и начините при работа, целосно транспарентни се и видовите на заработки кои им се пресметуваат на сметките на маркетерите и тие во секое време можат да го следат својот статус. Всушност, како еден од глобалните лидери во „нетворк маркетинг“ индустријата, Lyconet носи и голема одговорност кога станува збор за своите бизнис партнери, па оттука неминовно е и целиот принцип на работа да биде транспарентен.

Lyconet e наменет за претприемачи, расположени да ја користат оваа мрежа како платформа за изградба на сопствениот бизнис и да остварат одлични дополнителни месечни заработки. Компанијата секогаш се води по принципите на интегритет, чесност и праведност, а истите принципи мора да бидат прифатени и од страна на секој Lyconet маркетер.

(ПР-текст)

Прикажи повеќе...

Економија

Бектеши: Со Законот за енергетската ефикасност до нови инвестиции во енергетски ефикасно осветление во општините

Објавено пред

Министерот за економија, Крешник Бектеши, присуствуваше на потпишување договори за јавно- приватно партнерство по ЕСКО-модел за јавно осветление помеѓу општините Македонска Каменица и Чешиново-Облешево како корисници и ЕСКО-компанијата „Македонски телеком“ АД Скопје. Овој проект е дел од регионална програма за енергетска ефикасност во Република Северна Македонија, која ја поддржува енергетската ефикасност со фокус на јавниот сектор, преку Европската банка за обнова и развој (ЕБОР) за што е обезбедена финансиска поддршка од инвестициската рамка на Европската Унија за Западен Балкан.

„Со новиот Закон за енергетската ефикасност, кој од вчера официјално влегува во сила, нашата држава во целост ги имплементира соодветните прописи за енергетска ефикасност на Европската Унија. Уште поважно, новиот закон ќе овозможи реализација на потребните инвестиции и мерки во областа на енергетска ефикасност следејќи ги позитивните примери од земјите на ЕУ и регионот, каде што енергетската ефикасност донесува корист на повеќе нивоа како за граѓаните така и за економијата воопшто. Меѓу другото, законот ќе овозможи реализација на долгорочни договори за енергетски услуги од страна на друштва даватели на енергетски услуги – ЕСКО. Со ова законско решение се прецизираат одредбите и модел-договорите, кои овозможуваат реализација на проекти за подобрување на енергетската ефикасност, како за ефикасно осветление така и за други вложувања во енергетска опрема и инсталации, каде што, меѓу другото, опфатени се и реконструкции на згради“, истакна Бектеши по потпишување на договорите.

Координаторот на проектот, Здравко Стефковски, истакна дека ЕСКО-компаниите се дефинирани со новиот Закон за енергетската ефикасност, кој веќе е донесен и вчера стапи во сила.

„ЕСКО-компаниите ја носат целокупната инвестиција на висококвалитетна ЛЕД-технологија за улично осветление, а крајниот корисник, во овој случај општините, финансиски не учествуваат. Крајниот корисник, Општината, ја враќа инвестицијата на ЕСКО-компанијата исклучиво преку заштедата на енергија. Во тендерската постапка Општината ја избира онаа ЕСКО компанија која има уредна документација според тендерската документација и ќе понуди најголемата нето-финансиска добивка за Општината. Времето на враќање на инвестицијата изнесува во просек шест години, а понудениот животен век на светилките е 100.000 работни часа. За времетраење на договорот целокупното одржување на опремата, која е предмет на договорот, потпаѓа под ЕСКО-компанијата. По завршување на договорот, целокупната заштеда на енергија и опремата остануваат на крајниот корисник, т.е. Општината. Ако се земе предвид дека системот за улично осветление во просек работи 4.200 работни часа годишно, во тој случај светилките би требало да работат околу 23 години“, потенцира Стефановски.

Градоначалниците на општините Македонска Каменица и Чешиново-Облешево, Соња Стаменковска и Горанчо Крстев, им се заблагодарија на Министерството за економија и ЕБРД за можноста да учествуваат во ваков проект и да може да инвестираат во енергетски ефикасна инфраструктура во своите општини.

Прикажи повеќе...

Економија

Бислимоски: РКЕ излегува на слободниот пазар за електрична енергија

Објавено пред

Регулаторната комисија за енергетика и водни услуги донесе одлука да спроведе постапка за јавна набавка на електрична енергија, со што ја исполнува обврската пропишана во согласност со Законот за енергетиката. Огласот за јавна набавка е објавен на Електронскиот систем за јавни набавки. На снабдувачот што ќе понуди најниска цена, ќе му биде понудено да склучи договор со РКЕ.

„Станува збор за исполнување обврска во согласност со Законот за енергетиката. Регулаторна комисија за енергетика и водни услуги преку транспарентна постапка ќе избере снабдувач за електрична енергија за една година, а договорот за јавна набавка ќе го добие оној снабдувач со електрична енергија што ќе понуди најниска цена во текот на електронската аукција, а чија понуда претходно ќе биде оценета како прифатлива. Постапка ќе заврши со спроведување електронска аукција, во која ќе се изврши рангирање на понудувачите според висината на понудените цени. Евалуацијата на понудите ќе се врши во согласност со методологијата пропишана од министерот за финансии. По потпишувањето на договорот со најповолниот снабдувач, практично РКЕ ќе излезе на слободниот пазар за електрична енергија“, истакна Марко Бислимоски, претседател на Регулаторната комисија за енергетика и водни услуги.

Регулаторната комисија им укажува на сите јавни претпријатија во државна сопственост и во сопственост на општините што ги исполнуваат критериумите и се квалификуваат да излезат на слободниот пазар дека треба да изберат снабдувач со електрична енергија, односно да спроведат набавка за електрична енергија и да склучат договори најдоцна до 31 март 2020 година.

Регулаторна комисија за енергетика се најде на листата што ја објави „Електродистрибуција“ ДОЕЛ Скопје, на правни субјекти што треба да изберат снабдувач на електрична енергија на отворениот пазар и не влегуваат во дефиницијата на мали потрошувачи. Во оваа последна фаза на потрошувачи што имаат обврска да излезат на слободниот пазар на електрична енергија опфатени се 2.474 потрошувачи, а РКЕ е со реден број 1.483. Освен Регулаторна комисија за енергетика и водни услуги, на листата се наоѓаат и основни училишта, градинки, јавни здравствени установи, судови, банки и други потрошувачи што се квалификуваат да излезат на слободниот пазар за електрична енергија.

Прикажи повеќе...

Најново

Македонија1 минута

(Видео) Падна пресуда за „Змиско око“ – четворица вработени на патарините починале за време на судењето

По 13 години низ судските лавиринти, денеска падна првостепената пресуда за веќе историскиот случај „Змиско око“. Претходно, во два наврати...

Македонија56 минути

Работниците од Кина што влегоа во државата немаат коронавирус, но ќе поминат 14 дена во карантин

Двете лица од Кина, кои се работно ангажирани од кинеската компанија „Синохидро“, а кои вчера пристигнаа во државата, немаат симптоми...

Македонија2 часа

(Видео) Русковска: Адвокатите на обвинетите за организирање на 27 април предлагаат по 300 сведоци

Шефицата на Основното јавно обвинителство за организиран криминал, Вилма Русковска, по денешното рочиште за судење на организаторите на 27 април,...

Македонија2 часа

Судење за „Монструм“: Ахмети имал информации дека момчињата не биле само убиени, туку масакрирани

Лидерот на ДУИ, Али Ахмети, го почна своето денешно сведочење во случајот „Монструм“ претставувајќи се како пратеник. „За овој грозоморен...

Забава3 часа

Ѓоковиќ објави екстремен предизвик на „Инстаграм“

Српскиот тенисер Новак Ѓоковиќ објави нов предизвик на „Инстаграм“ по капењето во ледена река.   View this post on Instagram...

Свет3 часа

Дуња Мијатовиќ е против екстрадицијата на Асанж во САД

Основачот на „Викиликс“, Џулијан Асанж, не треба да биде екстрадиран во САД затоа што тоа би имало ужасен ефект врз...

Регион4 часа

Јамајка демантира дека го признала Косово

Министерката за надворешни работи на Јамајка, Камина Џонсон Смит, ја демантира изјавата на косовскиот претседател Хашим Тачи дека државата ја признала...

Свет4 часа

Нови 889 случаи на заразени од коронавирус во Кина

Во Кина се забележани 889 новопотврдени случаи на заразени од коронавирус и 118 починати. Од смртните случаи, 115 се во...

Свет4 часа

Во април почнуваат клиничките тестирања на вакцината против коронавирусот

Кон крајот на април ќе почнат клиничките испитувања на вакцината против коронавирусот, од кој во Кина починаа повеќе од 2.000...

Свет5 часа

(Видео) Украинци пречекани со камења дома кога беа евакуирани од Кина

Украинци евакуирани од кинескиот град Вухан биле пречекани од револтираните мештани, кои со камења мавале по автобусите што се упатиле...

Македонија15 часа

Истрага за две лица по акцијата во која беше запленет кокаин во Сарај

Заврши распитот на лицата што вчера вечерта беа приведени во акцијата во селото Крушопек, Општина Сарај, по добиени сознанија за...

Топ21 час

Момче прободено со нож, уапсена девојка осомничена за обид за убиство

Дваесет и тригодишен државјанин на Турција синоќа бил пронајден на излез од Гостивар, на магистралниот пат кон Тетово, со повреда од...

Топ23 часа

(Видео) Кокаинот од Колумбија бил скриен во банани, приведени се четири лица

МВР соопшти детали за запленетиот килограм кокаин по потекло од Колумбија, кој беше запленет во полициска акција во селото Крушопек...

Македонија1 ден

Јовановски до Русковска: Не се дери, ти ги знаеме гласовните способности

Половина час пред судот, првообвинетиот за „Рекет“, Бојан Јовановски, образложува зошто треба да му биде заменета мерката притвор со домашен....

Македонија1 ден

Димишков: Сакаа да ме искористат како адвокат за мојата сестра судијка да биде изземена од предметот

Судењето за „Рекет“ продолжува со сослушување на сведоците на Бојан Јовановски – Боки 13. Адвокатот Васил Димишков, брат на судијката...

Македонија1 ден

ОЈО проверува дали има неправилности при поништувањето на решенијата на Наќе Чулев

Основното јавно обвинителство ќе проверува дали има неправилности при поништувањето на решенијата донесени од техничкиот министер за внатрешни работи, Наќе...

Македонија1 ден

Заев и Ципрас добитници на меѓународна награда за мир за преспанскиот договор

Поранешните премиери на Северна Македонија и на Грција, Зоран Заев и Алексис Ципрас, се годинешни добитници на меѓународната награда за...

Регион1 ден

(Видео) Пријава за Јосипа Лисац поради лоша изведба на хрватската химна

Адвокатот Бошко Жупановиќ поднесе пријава против хрватската пејачка Јосипа Лисац за нејзината изведба на хрватската химна на инаугурацијата на новоизбраниот,...

Европа1 ден

Детали за масакрот во Германија – напаѓачот бил екстремен десничар

Германскиот весник „Билд“ објави дека напаѓачот, кој во градот Ханау во Германија синоќа со огнено оружје уби девет луѓе, е...

Свет1 ден

Трамп му понудил помилување на Асанж под еден услов

Американскиот претседател, Доналд Трамп, му понудил помилување на основачот на „Викиликс“, Џулијан Асанж, ако каже дека Русија немала врска со...

Досие