Контакт

Компании

„Европа АД“ ја доби битката со „Пионир“ пред српските судови

Објавено пред

Стопанскиот суд во Белград ги отфрли сите обвинувања на српски „Пионир“ според кои „Европа“ АД – Скопје наводно фалсификувала нивни бонбони, соопшти македонската компанија во четвртокот.

 

Македонската компанија со 132-годишно искуство, чии количини од производот„Бонбон ноар“ пред неколку месеци беа запленети од властите кај северниот сосед, доби и правна потврда на тоа што од самиот почеток јавно го тврдеше – дека овие слатки се оригинални, односно дека воопшто не го повредуваат жигот на српскиот конкурент.

Следна постапка на „Европа“ АД – Скопје ќе биде поднесување тужба против „Пионир“ за изгубена добивка и за нарушен углед.

 

„Обвинувањата за фалсификат, запленувањето на стоката, како и поднесената пријава, беа настани во чие развивање „Европа АД“ немаше никаква улога. Нашата компанија со децении работи на српскиот пазар, каде што има долгогодишни, докажано лојални, купувачи. Тие самите знаат да го изберат вистинскиот квалитет, а со тоа што верно ги следат нашите производи истакнуваат дека и самите ја препознаваат разликата помеѓу плагијат и фалсификат“,вели Сава Димитрова, претседател на управниот одбор на „Европа“ АД – Скопје. 

 

„Пионир“ поднесе тужба пред српските судови и во неа бараше: да се утврди дека „Европа“ АД – Скопје го повредила жигот на компанијата и да се забрани производството, испораката, извозот, понудата и ставањето во промет на „Бонбон ноар“. За секоја од овие точки познатиот македонски бренд доби правна потврда дека се неосновани и целосно отфрлени. Тоа значи дека македонското претпријатие ќе може слободно и во иднина да го продава овој продукт во Србија затоа што сега има и судска одлука дека тој не е плагијат на „Негро“ на „Пионир“.

 

„Ова решение и правно го потврди тоа што ние пред неколку месеци го нагласивме – дека е во прашање крајно несериозно обвинување што нема издржаност во реалноста. „Европа“ АД – Скопје секогаш ги има предвид потребите, почитта и ставовите на своите потрошувачи и знаејќи го тоа на ум, ние никогаш не би си дозволиле да направиме нешто со кое би ја нарушиле таа доверба. Сосема спротивно, понатаму посветено ќе продолжиме да ги подобруваме веќе долго популарните производи, но и да креираме нови“,- истакнува Димитрова.

 

„Европа“ АД – Скопје уште еднаш потсетува дека во поглед на содржината, „Бонбон ноар“ е непроменет продукт којшто се создава повеќе од половина век. Тој за првпат е внесен во каталогот на компанијата пред повеќе од три децении, односно во 1982 година. Под актуелната амбалажа, пак, бонбоната се продава од 2003 и оттогаш е присутна и на пазарот во Србија, значи безмалку цели 11 години. Македонската компанија нагласува дека „Бонбон ноар“ и „Негро“ имаат различен состав.

 

Слично е што обете се базирани на лакрицот како состојка, меѓутоа, процентот на масното полнење, филувањето и изгледот на самата бонбона немаат допирни точки. Лакрицот во светот на бонбоните е применет од неколку стотини производители. Амбалажата на најголем дел од нив е комбинација од црна, бела и црвена боја. Причина за тоа е токму лакрицот чијшто изглед најчесто се комуницира со овој колорит. И глобални марки како „Харибо“, „Салос“, „Јанки“ и „Клене“ за своите бонбони базирани на лакриц со години се придржуваат до истиот пристап, се појаснува во соопштението на скопксата компанија. /крај/

 

Економија

Зелена машина на „Брако“ ја чистеше Белата куќа пред инаугурацијата на Бајден

Објавено пред

Еколошката машина GM500ze на македонската компанија „Грин машинс“ (Green Machines), која е во сопственост на велешки „Брако“, го чистеше дворот на Белата куќа во Вашингтон во пресрет на вчерашната инаугурација на новиот американски претседател Џо Бајден.

Станува збор за иновативна машина за одржување хигиена во урбани средини, која работи без воопшто да испушта јаглероден диоксид. GM 500ze е првата целосно електрична машина од овој тип и веќе добро е позната меѓу градовите и институциите што се стремат кон паметни и зелени решенија во процесот на одржувањето на хигиената во урбани средини.

Деновиве во американските медиуми сè беше насочено кон преземањето на функцијата на новиот претседател. Беа објавени голем број стории, кои се фокусираа и на најситните детали од подготовките за инаугурацијата. Во една таква сторија на престижниот „Политико“ се појави и зелената машина на „Брако“. Еј-би-си, пак, објави прилог во кој вели дека и вообичаено сè е блескаво чисто во Белата куќа, но овој пат, имајќи ја предвид и пандемијата на Ковид-19, било спроведено длабинско чистење какво што не се памети.

Од „Брако“ велат дека GM500ze не се нашла случајно во Белата куќа бидејќи нивните производи веќе подолго време се извезуваат на американскиот пазар. Благодарение на сертифицираниот квалитет, нечујноста и иновативната технологија што не загадува, зелените машини ги чистеле пешачките зони и на други познати локации, како Бакингемската палата во Лондон, плоштадот Свети Петар во Ватикан, улиците на Сингапур, „Дизниворлд“, Тајмс сквер во Њујорк итн.

Поради својот футуристички дизајн, овие возила го привлекуваат вниманието и на филмските режисери и се појавуваат во сцени од Man In Black 3 и Star Wars: Episode I – The Phantom Menace.
GM 500ze е претходникот на најновата иновација што ја произведе „Брако“, која пред неколку месеци беше презентирана во Европа и светот. Тоа е неверојатната машина GM 500H2 што работи на водород и испушта вода наместо издувни гасови. И ова возило ја продолжува визијата на велешката компанија, чија цел е да придонесе за минимизирање на човечкото влијание врз природата и максимално да ја зголеми ефикасната употреба на ресурсите.

Прикажи повеќе...

Економија

Најубавите моменти заслужуваат да бидат сочувани: „Нептун“ и LG со генијален предизвик за малите палавковци

Објавено пред

Детството е незаменливо, а детската палавост уште повеќе. Никој не може да одолее и да ѝ замери на слатката детска насмевка, без разлика за каква палавштина се работи – милион истрчани километри во маало, модрици на колената, искршени играчки, одбивање на утринскиот појадок, врева додека се пејат најгласно новите песнички со другарчињата пред зграда и уште многу разни палавштини на кои родителите не можат, а да не се насмеат.

Денес е сепак поинаку. Пандемијата го промени начинот на функционирање и веќе повеќето од родителите работат од дома и истовремено се грижат за своите деца, правејќи напор за создавање на баланс за удоволување на нивните барања и потреби и зачувување на времето за себе. Во овој период секој родител е зафатен со смислување на различни забавни сценарија за да им го направат денот поубав, поинтересен и секако повеќе продуктивен. Играта и дружбите од минатото, денес се сведени на минимум и се значајно лимитирани кога се во прашање роденденските прослави, дружбите на родителите и децата, посетата на забавните паркови и искрената и топла прегратка на палавковците со своите другарчиња.
Многу добро е познато колку родителската улога е значајна и важна и за таа цел Нептун и LG се одлучија да ги поддржат сите родители кои прават сѐ за своите деца во овие невообичаени времиња, со едно ново изненадување: забавен фото-предизик, кој покрај загарантирана забава и креативност, за некој ќе донесе и многу вредни награди.

Родители и палавковци, овој предизвик е само за вас!
Нептун заедно со LG се во потрага по најпалавото дете.

Сите родители и деца имаат многу едноставна и интересна задача – да ја направат најкреативната фотографија од палавштините на своите деца и да ја споделат јавно на својот Instagram профил со хаштаг во описот #lgпалавковци и таг на профилот на @neptunmakedonija.

Потрагата по најпалавото дете започнува од 21 јануари, заедно со Сара Мејс, Димитар Атанасовски и нивната слатка ќеркичка Илина и трае до 20 февруари. Нејзините палавштини и креативни моменти ќе бидат дополнителна инспирација за секој родител да го реализира предизвикот и неговото дете да биде следниот палав добитник на некоја од наградите за најдобрите палавковци во овој креативен предизвик.
На крајот од потрагата, 1та и 2та награда ќе бидат доделени на оној кој ќе има најмногу гласови и ќе се гласа на страната на Нептун, на следниот линк https://bit.ly/3o815ol, сликите ќе може да се постираат од 21јануари, а гласањето ќе биде отворено на 27јануари. 3та награда ќе биде одбрана и доделена од страна на Сара Мејс, Димитар Атанасовски и Илина.

Првиот LG палавковец ќе добие LG телевизор UHD TV LG 50 UN 7400, вториот LG палавковец ќе добие мобилен телефон LG Velvet, а третиот LG палавковец ќе стане Нептун инфлуенсер во некоја од следните кампањи на Нептун.

Учествувајте во предизвикот на Нептун, постирајте фотографии од вашите мали #lgпалавковци на Instagram и зачувајте ги најубавите моменти со Нептун и LG. Пробајте да ги воодушевите вашите омилени ѕвезди – можеби токму вашиот мал палавковец ќе биде одбран како иден Нептун инфлуенсер, а гласовите на вашата фотографија можеби ќе му донесат примамлива награда на вашиот мал палавковец.
Најубавите моменти заслужуваат да бидат сочувани! Потрагата започнува!

(ПР текст)

Прикажи повеќе...

Економија

Porsche ја збогатува понудата на Taycan

Објавено пред

Со новиот Taycan, Porsche ја лансира четвртата варијанта на својот прв целосно електричен спортски автомобил, овој пат со погон само на задните тркала и две варијанти на големина на батерија.

Со стандардната батерија, новиот модел на почетно ниво испорачува 408 коњски сили. Во режим на „Overboost“со Launch Control, моќноста се зголемува до 476 коњски сили. Со опционалната „Performance Battery Plus“ батерија со зголемен досег, моќноста изнесува 326 коњски сили, додека во режимот „Оverboost“, моќноста се зголемува до 380 коњски сили.

Новиот Taycan

Како и кај останатите варијанти, опционалната опрема вклучува „HeadUp“ дисплеј во боја и полнач за во автомобил со капацитет за полнење до 22 kW. Со Functions on Demand (FoD), возачите на Taycan можат да купат разни дополнителни функции за погодност или помош. Оваа функција е достапна по испораката на возилото, како и за оригиналната конфигурација на спортскиот автомобил. Активирање преку Интернет значи дека не е потребно да се посети Porsche сервис. Во моментов, ова е можно за функциите Porsche Intelligent Range Manager (PIRM), Power Steering Plus, Active Lane Keeping Assist и Porsche InnoDrive.

Избор од две батерии

Стандардната еднослојна батерија се карактеризира со бруто-капацитет од 79,2 kWh. Опционалната двослојна батерија „Performance Battery Plus“ има капацитет од 93,4 kWh. Опсегот, во согласност со WLTP, е до 431 или до 484 километри, соодветно.

Taycan забрзува до 100 км/ч за 5,4 секунди и со двете верзии на батерија. Неговата максимална брзина е исто така 230 км на час и во двете конфигурации, додека максималниот капацитет на полнење е до 225 kW со основната батерија или до 270 kW (Performance Battery Plus). Ова значи дека и двете батерии можат да се полнат од пет до 80 проценти SoC за 22,5 минути и дека напојувањето за уште 100 километри се постигнува по само пет минути.

Иновативен електричен мотор и динамички перформанси

Импресивно забрзување, моќност карактеристична за спортските автомобили и извонредно континуирано забрзување – новиот основен модел на Taycan ги има и овие уникатни карактеристики. Постојано „возбудениот“ синхрон мотор на задната оска има активна должина од 130 милиметри и затоа е со иста должина со оној што е вграден во Taycan 4S. Инверторот контролиран со пулс на задната оска работи до 600 ампери.

Покрај трајно „возбудениот“ синхрон мотор на задната оска, погонската архитектура вклучува и двостепен менувач. Исто како и кај останатите модели, најзначајни карактеристики вклучуваат интелигентно управување со полнењето, како и врвна аеродинамика. Со воздушен отпор од 0,22, аеродинамиката на Taycan дава значителен придонес во малата потрошувачка на енергија и големиот досег на батеријата. Максималната моќност на рекуперација на електрична енергија изнесува 265 kW.

Надворешен дизајн со вистинско Porsche ДНК

Со својот чист дизајн, Taycan сигнализира почеток на нова ера. Во исто време, тој ја задржува непогрешливата ДНК на дизајнот на Porsche. Од предната страна, електричниот спортски автомобил изгледа особено низок и широк, со многу контурни елементи. Неговата силуета е обликувана според неговата спортска линија на покривот што се спушта надолу кон задниот дел, додека карактеристични се и многуте извајани странични делови. Елегантната кабина, впечатливо вовлечените Ц-столбови и изразените задни крилја резултираат во остро нагласен заден дел, типичен за Porsche. Овие карактеристики се надополнети со иновативни елементи како што е натписот од стакло за логото на Porsche во задната светлосна лента. Карактеристичните одлики на Taycan вклучуваат аеродинамички оптимизирани 19-инчни фелни Taycan Aero и црни анодизирани калипери на сопирачки. Деталите во предниот дел, страничните прагови и задниот дифузер во црна боја се исти како оние на Taycan 4S.

Уникатен дизајн на внатрешност

Кокпитот на Taycan означи почеток на нова ера со својата јасна структура и целосно нова архитектура. Самостојниот заоблен склоп на инструменти ја формира највисоката точка на контролната табла. Ова става јасен фокус на возачот. Другите елементи вклучуваат централен 10,9-инчен инфозабавен систем и дополнителен дисплеј пред совозачот.

Стандардно, Taycan доаѓа со делумно кожен ентериер, како и предни комфорни седишта со електрично прилагодување во осум насоки. Автомобилот се одликува со два оддели за багаж: 84 литри напред, и до 407 литри одзади. Taycan е исто така првиот модел на Porsche достапен со внатрешност без кожа. Ентериерите направени од иновативни рециклирани материјали го истакнуваат концептот за одржливост на електричниот портски автомобил.

Централно вмрежен систем на шасија

Porsche користи централен, мрежно контролен систем за шасијата на Taycan. Интегрираната контрола на шасијата на Porsche 4D ги анализира и синхронизира сите системи на шасијата во реално време. Стандардната суспензија на Taycan, како и опционалната адаптивна воздушна суспензија со три комори се надополнети со електронскиот систем за контрола на суспензијата PASM (Porsche Active Suspension Management).

Адаптивната воздушна суспензија е опремена и со функција Smartlift. Ова му овозможува на Taycan да се адаптира на подлогата на возење со тоа што автоматски се подигнува возилото кога патот го наложува тоа, како на пример при преминување преку регулатори на брзина на улиците. Функцијата Smartlift исто така може активно да влијае на висината на возилото при патувања на автопат и може да ја прилагоди висината на возењето на возилото за најдобар можен компромис помеѓу ефикасноста и удобноста при возење.

Опсег на Taycan

Taycan стандардно е опремен со шест клипни алуминиумски моноблок сопирачки со фиксен калипер напред и четири клипни алуминиумски моноблок сопирачки со фиксиран калипер одзади. Внатрешно вентилирачките дискови на сопирачките имаат дијаметар од 360 mm напред и 358 mm одзади. Калиперите на сопирачките имаат црна елоксирана боја. Дополнителна опција се Porsche Surface Coated Brake (PSCB) сопирачки со високи перформанси. Неговите дискови имаат дијаметар од 410 mm напред и 365 mm назад.

Успешна година за Taycan

Porsche успешно ја започна визијата за електрична иднина, испорачувајќи повеќе од 20.000 Taycan модели на клиенти ширум светот во 2020 година. Електричниот спортски автомобил веќе има добиено околу 50 меѓународни награди, пред сè на нејзините главни пазари во Германија, САД, Велика Британија и Кина. Новиот Taycan со погон на задните тркала го постави новиот Гинисов Рекорд за најдолг дрифт со електричен автомобил од точно 42,171 километри.

 

(ПР текст)

Прикажи повеќе...

Најново

Свет28 минути

(Видео) Бајден: Ќе ги поместиме небото и земјата за да вакцинираме што е можно повеќе луѓе

Новиот американски претседател Џо Бајден ѝ се обрати на американската јавност по повод презентацијата на планот за борба против пандемијата...

Европа2 часа

Холандија воведува полициски час, луѓето веќе смислуваат начини како да го избегнат

Предлогот на холандската влада да воведе полициски час, прв по Втората светска војна, помина во парламентот, пренесува АФП. #BREAKING Dutch...

Македонија3 часа

Филипче: Попис во време на пандемија е голем предизвик, но може да се спроведе

Спроведувањето на пописот во време на пандемија е голем предизвик, но процесот може да се спроведе и заврши по сите...

Македонија5 часа

15 починати и 356 новозаразени од Ковид-19

Министерството за здравство информира дека во последните 24 часа се направени 1.906 тестирања, а регистрирани се 356 нови случаи на...

Свет5 часа

(Видео) Најмалку петмина мртви во пожарот што ја зафати зградата на најголемиот светски производител на вакцини

Голем пожар избувна денес во Индискиот институт за серуми (SII), фабрика за производство на вакцини во градот Пуна. Пожарот го...

Македонија7 часа

Фетаи: Oд доказите произлегува дека изборот на жртвите е да се Македонци

Обвинетите Алил Демири, Африм Исмаиловиќ, Агим Исмаиловиќ да бидат осудени на доживатна казна затвор, на Фејзи Азири да му биде...

Македонија9 часа

Собранието го изгласа законот за попис

По 19 години, во април ќе се одржи попис на населението во земјата. Собрането денеска со 62 гласа „за“, без...

Македонија9 часа

Брнабиќ: Ќе помогнеме вакцините на „Фајзер“ да се регистрираат во Северна Македонија

Српската премиерка Ана Брнабиќ за ТВ „Хепи“ изјави дека земјата е подготвена да испрати 8.000 вакцини во Северна Македонија и...

Македонија10 часа

Фетаи за „Монструм“: Овој чин не заслужува ништо помалку од доживотен затвор

Обвинителката Фатиме Фетаи, која го застапува случајот „Монструм“, преку анализа на доказите, односно вештачењата и сведочењата, му докажуваше на судот...

Македонија11 час

Матурантите ја бојкотираат наставата

Матурантите го бојкотираат почетокот на второто поллугодие. Тие бараат да полагаат два наместо четири предмети од државната матура. „Сојузот на...

Македонија11 час

Обвинение за двајцата насилници што во автобус на ЈСП се закануваа дека ќе стават патници во киселина

Скопското Обвинителство поднесе обвинение за двајцата насилници што во автобус на ЈСП се закануваа дека ќе стават патници во киселина....

Македонија12 часа

Министерството за здравство: Состојбата со коронавирусот е стабилна

Во согласност со неделните извештаи на Институтот за јавно здравје за изминатиот месец се бележи стабилизација на епидемијата во земјата,...

Европа12 часа

Научниците од „Оксфорд“ подготвуваат вакцина против новите видови коронавирус

Научниците од Универзитетот „Оксфорд“ се подготвуваат што побргу да произведат нови верзии на вакцина, кои ќе може да се борат...

Свет13 часа

По 10 години, демократите ја презедоа контролата и над Сенатот на САД

Тројца нови американски сенатори вчера положија заклетва непосредно по преземањето на претседателската функција на Џозеф Бајден давајќи ѝ на Демократската...

Македонија14 часа

Угостителските објекти од денеска ќе работат до 21 часот

Рестораните и другите угостителски објекти од денеска, наместо до 18, ќе работат до 21 часот. Во согласност со одлуката на...

Свет1 ден

Кина воведе санкции кон 28 лица од администрацијата на Трамп

Кина воведе санкции за 28 лица од Америка, вклучително и официјални лица од поранешната администрација на Трамп, обвинувајќи ги за...

Свет1 ден

(Видео) По силната експлозија во Мадрид, една зграда е уништена, три лица загинаа

Една зграда е уништена, а околните згради се оштетени од силната експлозија којашто се случи недалеку од туристичката атракција Пуерта...

Свет1 ден

(Видео) Бајден положи заклетва: Победи демократијата

„Ова е ден на Америка, ден на демократија. Денес го славиме триумфот не на кандидатот, туку на пораката. Се слушна...

Македонија1 ден

Заев: Пописот е статистички процес неопходен за креирање на долгорочни развојни економски политики

„Остануваме целосно посветени на успешното спроведување на пописот, на неговата афирмација во делот на спроведување и поддршка на самиот попис....

Спорт1 ден

Финишот на полувремето кобен за Македонија, пораз од Словенија со 21-31

Добрите две третини од првиот дел од мечот меѓу Македонија и Словенија во рамки на главната фаза од ракометниот Мундијал...

Досие