Контакт

Компании

„Европа АД“ ја доби битката со „Пионир“ пред српските судови

Објавено пред

Стопанскиот суд во Белград ги отфрли сите обвинувања на српски „Пионир“ според кои „Европа“ АД – Скопје наводно фалсификувала нивни бонбони, соопшти македонската компанија во четвртокот.

 

Македонската компанија со 132-годишно искуство, чии количини од производот„Бонбон ноар“ пред неколку месеци беа запленети од властите кај северниот сосед, доби и правна потврда на тоа што од самиот почеток јавно го тврдеше – дека овие слатки се оригинални, односно дека воопшто не го повредуваат жигот на српскиот конкурент.

Следна постапка на „Европа“ АД – Скопје ќе биде поднесување тужба против „Пионир“ за изгубена добивка и за нарушен углед.

 

„Обвинувањата за фалсификат, запленувањето на стоката, како и поднесената пријава, беа настани во чие развивање „Европа АД“ немаше никаква улога. Нашата компанија со децении работи на српскиот пазар, каде што има долгогодишни, докажано лојални, купувачи. Тие самите знаат да го изберат вистинскиот квалитет, а со тоа што верно ги следат нашите производи истакнуваат дека и самите ја препознаваат разликата помеѓу плагијат и фалсификат“,вели Сава Димитрова, претседател на управниот одбор на „Европа“ АД – Скопје. 

 

„Пионир“ поднесе тужба пред српските судови и во неа бараше: да се утврди дека „Европа“ АД – Скопје го повредила жигот на компанијата и да се забрани производството, испораката, извозот, понудата и ставањето во промет на „Бонбон ноар“. За секоја од овие точки познатиот македонски бренд доби правна потврда дека се неосновани и целосно отфрлени. Тоа значи дека македонското претпријатие ќе може слободно и во иднина да го продава овој продукт во Србија затоа што сега има и судска одлука дека тој не е плагијат на „Негро“ на „Пионир“.

 

„Ова решение и правно го потврди тоа што ние пред неколку месеци го нагласивме – дека е во прашање крајно несериозно обвинување што нема издржаност во реалноста. „Европа“ АД – Скопје секогаш ги има предвид потребите, почитта и ставовите на своите потрошувачи и знаејќи го тоа на ум, ние никогаш не би си дозволиле да направиме нешто со кое би ја нарушиле таа доверба. Сосема спротивно, понатаму посветено ќе продолжиме да ги подобруваме веќе долго популарните производи, но и да креираме нови“,- истакнува Димитрова.

 

„Европа“ АД – Скопје уште еднаш потсетува дека во поглед на содржината, „Бонбон ноар“ е непроменет продукт којшто се создава повеќе од половина век. Тој за првпат е внесен во каталогот на компанијата пред повеќе од три децении, односно во 1982 година. Под актуелната амбалажа, пак, бонбоната се продава од 2003 и оттогаш е присутна и на пазарот во Србија, значи безмалку цели 11 години. Македонската компанија нагласува дека „Бонбон ноар“ и „Негро“ имаат различен состав.

 

Слично е што обете се базирани на лакрицот како состојка, меѓутоа, процентот на масното полнење, филувањето и изгледот на самата бонбона немаат допирни точки. Лакрицот во светот на бонбоните е применет од неколку стотини производители. Амбалажата на најголем дел од нив е комбинација од црна, бела и црвена боја. Причина за тоа е токму лакрицот чијшто изглед најчесто се комуницира со овој колорит. И глобални марки како „Харибо“, „Салос“, „Јанки“ и „Клене“ за своите бонбони базирани на лакриц со години се придржуваат до истиот пристап, се појаснува во соопштението на скопксата компанија. /крај/

 

Економија

„Шкода“ претстави дизајн-скици од новата „октавија“

Објавено пред

-Прв поглед кон новата генерација на бестселерот на „Шкода“
-Новата „октавија“ со футуристички дизајн кој вклучува поголема експлицитност од кога било.

„Шкода“ претстави два ексклузивни дизајн скици кои претставуваат прв поглед кон новата „октавија“. Новиот дизајнерски јазик на „Шкода“ гарантира дека новата, четврта генерација на „октавија“ ќе има многу поемотивен изглед, истовремено комбинирајќи ги компактните димензии со голема просторност во внатрешноста.

Дизајн-скиците прикажуваат дека задниот дел на „октавија“ е благо издигнат, следејќи ја силуетата на купе лимузина. Динамична предница, големи тркала и задни светла со кристални елементи се главните работи кои се истакнуваат. Четвртата генерација на бестселерот ќе ја продолжи успешната приказна на свој уникатен начин. Сè започна пред 60 години, со првата генерација на „октавија“, модел кој до денес бележи продажба од над 6,5 милиони возила.

Прикажи повеќе...

Економија

Новиот „пасат“ е најдобар бизнис-автомобил за 2019 година

Објавено пред

Успешнo лансирање нa новиот „пасат“! Само неколку недели по претставувањето, новиот „пасат“ ја освои наградата „Најдобар бизнис-автомобил за 2019 година“. Новото издание на овој бестселер на Volkswagen, веќе го обезбеди првото место на важните компаративни тестови, истакнувајќи дека новиот „пасат“ е исто така меѓу најдобрите бизнис-модели на пазарот.

Наградата „Најдобар бизнис-автомобил“, иницирана од уредничкиот тим на AUTO BILD според изборот на читателите, ја доби новиот „пасат“ во обемната категоријата „Автомобили со средна големина“. Моделот „пасат“ е возило по кое сите возила во оваа категорија се споредуваат. Списанието AUTO BILD пишува: „Овие бизнис-автомобили претежно се возат на националните патишта и автопати, како и на подолги патувања. Мноштвото на системи за безбедност и врвниот комфор на возачот и патниците ги прават долгите патувања многу попријатни и побезбедни.”

Есенцијата на новиот  „пасат“ е во деталите, како што се LED предните и задни светла, адаптивниот темпомат, помош за задржување на лента Lane Assist, предупредување при ризик од фронтален судар со можност за автономно сопирање Front Assist, систем за детекција на пешаци, најновиот инфозабавниот систем, вклучувајќи и интерфејс за мобилен телефон, поврзување со паметни телефони преку App Connect и многу мобилни услуги преку интернет, новиот Passat нуди одличен сооднос на цена и перформанси.

Моторите на „пасат“ се ефикасни и одржливи, од турбо бензински мотори (TSI) преку турбо дизел-мотори (TDI) до моделот Passat GTE со хибриден погон (160 kW / 218 КС). Во компаративно тестирање од реномирани списанија за автомобили, новиот „пасат“ повторно се искачи на врвот. Два примери: Во AUTO ZEITUNG тестот, моделот Passat 2.0 TDI со 140 kW/190 ги победи своите клучни конкуренти. Како што пресудуваат оценувачите: „Со преземените мерки за одржување, моделот ‘фолксваген пасат’ ја зацементира својата доминантна позиција во категорија на автомобили со средна големина.„Во споредбата што ја изврши AUTO BILD, и моделот Passat 2.0 TSI со 140 kW/190 го зазема највисокото место. Членовите на панелот ги сумираа неговите квалитетни карактеристики на следниов начин: „Простран внатрешен простор на возилото, балансирани возни карактеристики, фантастична мултимедија и безбедност“. Накусо: совршен бизнис-автомобил.

Прикажи повеќе...

Економија

Пиварци и пријателите исчистија неколку километри од кејот на Вардар

Објавено пред

Во најновата екоакција, што се спроведе во рамките на повеќегодишната платформа „Рециклирате ли!?“, волонтерите на „Пивара Скопје“ исчистија неколку километри од кејот на реката Вардар во скопските општини Аеродром и Гази Баба. Притоа беше собран целиот сув отпад од патеките и бреговите на двете страни на реката, кој понатаму ќе биде соодветно селектиран и рециклиран.

Како и на претходните така и во оваа волонтерска еко-акција на Пивара Скопје активно се вклучија амбасадорите на Холандија, Велика Британија и САД, со членови на персоналот на амбасадите, а овој пат засилување пристигна и од волонтерите од СОС Детско село и Стопанската комора на северозападна Македонија. Акцијата ја поздрави и градоначалникот на Гази Баба. Традиционално, целокупната логистичка поддршка при транспортот, селектирањето и рециклирањето на собраниот отпад во акцијата ја даде Пакомак. За вадењето на отпадот од реката се погрижија нуркачите од спелеолошкото друштво „Врело“.

„Пивара Скопје посветено работи на остварување на поставените цели и своите заложби за ‘Свет без отпад’. Оваа еко-акција, како и претходните, покажуваат дека како компанија, но и како поединци, сме подготвени да одвоиме средства и дел од своето своето работно време, за да придонесеме во остварување на тие заложби. Ме радува што со секоја нова волонтерска акција бројот на нашите партнери кои ги делат истите вредности и кои нѐ поддржуваат во оваа наша мисија, постојано се зголемува“, изјави генералниот директор на Пивара Скопје, Дан Тимотин. „Со ваквите волонтерски активности кои ги организираме заедно со нашите партнери, сакаме да упатиме јасна порака и апел до целата заедница дека сите треба да го преземат својот дел од одговорноста и повеќе да се ангажираат во решавањето на проблемот со загадувањето, со што ќе создадеме одржлива иднина за нас и за идните генерации“, потенцираше Тимотин.

Платформата „Рециклирате ли!?“, наменета за подигнување на јавната свест за потребата од собирање и рециклирање на отпадот, започна да се реализира во 2016-та година, со организација на првата еко-акција за чистење на кејот на реката Вардар, а продолжи и во наредните две години, со втората еко-акција за чистење на кејот и водите на Вардар, како и чистење на околината и водите на езерото Матка. Во овие акции беа собрани вкупно над 30m³ отпад, за што беа вложени над 300 часови волонтерска работа. Минатата година беше организирана и волонтерска активност за подигнување на јавната свест за замена на неразградливите пластични кеси со алтернативни решенија кои не ја загадуваат животната средина, а беше спроведен и едукативен караван со кој беа опфатени над 10.000 основци.

За извршниот директор на Пакомак, специјализирана компанија за управување со отпад од пакување која е партнер на Пивара Скопје во сите вакви акции, одговорноста и обврските за решавање на предизвиците поврзани со заштитата на животната средина треба да бидат рамномерно распределени на сите засегнати субјекти во општеството.

„Уште од нашето основање, па сѐ до денеска, благодарение на финансиите и поддршката од нашите основачи, како Пивара Скопје и другите наши членови, успешно ги исполнуваме и ги надминуваме еколошките цели и таргети за собирање и правилен третман на отпадот од пакување што ги одредува државата. Но, постојат компании и субјекти кои пласираат различна амбалажа на пазарот и генерираат отпад, а не учествуваат во финансирањето на системите за негово собирање и рециклирање, ниту ѝ плаќаат на државата за тоа, со што директно го оштетуваат буџетот и животната средина. Ова е проблем кој мора соодветно да се адресира и да се решава“, изјави Ико Брдароски, менаџер за грижа на корисници во Пакомак.

Следејќи го глобалното лидерство на групацијата Coca-Cola HBC во доменот на одржливиот развој, како и практиките за одржливост на HEINEKEN, „Пивара Скопје“ континуирано вложува и спроведува практики што придонесуваат за почиста животна средина, како што е употребата на амбалажа која целосно може да се рециклира, примена на мерки за заштеда на вода и енергија, како и за намалување на сите емисии од прозводството, вклучувајќи го и соодветниот третман и реупотреба на водата што се користи во производствениот процес. Како еден од основачите на „Пакомак“, „Пивара Скопје“ постојано вложува и во ефикасноста на системот за собирање и рециклирање на целокупниот отпад од пакување во земјата.

За предводничката улога во доменот на одржливиот развој и евидентните резултати во заштита на животната средина, „Пивара Скопје“ има добиено голем број домашни и меѓународни признанија, меѓу кои и годинешната награда „Предводници на целите за одржлив развој“ на Обединетите нации, што се доделува во рамките на проектот „Градење меѓусекторски партнерства за одржлив развој“, кој е финансиран од Европската Унија, а го спроведува граѓанската организацијата „Конект“.

За повеќе информации, посетете ја страницата „Полна чаша“ на www.polnacasa.mk

(ПР-текст)

Прикажи повеќе...

Најново

Македонија59 минути

Одбиени барањата на Јанева и Боки 13 за укинување на притворот

Основниот кривичен суд Скопје ги одби барањата за укинување на мерката притвор на поранешната специјална јавна обвинителка Катица Јанева и...

Македонија3 часа

Вучиќ: Дали за косовското прашање ќе добиеме гаранции од ЕУ какви што доби Северна Македонија?

Српскиот претседател Александар Вучиќ во интервју за австрискиот весник „Стандард“ ја исклучи можноста Белград да го признае Косово во актуелните...

Македонија4 часа

(Видео) Нови вработувања и подобри услови за истражувачка работа бараат од Институтот за хемија

Создаваме способни оформени кадри кои заминуваат во странство бидејќи со години не се овозможуваат вработувања на млади соработници, уловите за...

Македонија4 часа

Ѓоко Поповски повторно доби 9 години затвор за набавката на полициски возила

Судијката Добрила Кацарска попладнево повторно го осуди на казна затвор од 9 години поранешниот помошник-министер во МВР, Ѓоко Поповски, откако...

Македонија5 часа

Вебер: Од Скопје и Тирана баравме многу, а сега вратата им е затворена пред носот

Лидерите на најголемите политички групи во Европскиот парламент едногласно ја осудија одлуката за одложување на преговорите со Северна Македонија и...

Македонија5 часа

Заев: Не треба да го одложуваме пописот, ќе разговараме со директорот за термините

Пописот не треба да го одложиме, изјави премиерот Зоран Заев одговарајќи на новинарско прашање. Тој најави дека следната недела ќе...

Македонија6 часа

Туск пред пратениците во ЕП: Голема грешка е одлуката за Северна Македонија и Албанија

Претседателот на Европскиот совет, Доналд Туск денеска пред пратениците во Европскиот парламент рече дека е голема грешка тоа што не...

Свет7 часа

Нарухито прогласен за јапонски цар, помилувани половина милион осуденици

Јапонската влада помилува околу 550.000 осуденици за помали кривични дела по повод востоличувањето на императорот Нарухито. Одлуката, одобрена од владата...

Свет8 часа

„Фејсбук“ ги објави новите мерки за претседателските избори во САД

„Фејсбук“ најави дека внимателно ќе ги следи „медиумите кои се контролирани од државата“ и се обидуваат да манипулираат со расположението...

Регион8 часа

Грчката полиција изнесе малолетници од кино на филмот „Џокер“

Во Грција изби широка полемика зошто полицијата минатиот викенд изнела малолетници од две кина во Атина, во кои се прикажувал...

Свет8 часа

Торнадо остави неколку илјади домаќинства без струја во Далас

Десетина илјади домаќинства и деловни објекти во Далас останаа без струја поради торнадо што го погоди овој американски град. Ударите...

Регион8 часа

Чавушоглу: Санкциите и заканите нема да нè спречат во офанзивата во Сирија

Меѓународните санкции или закани со санкции нема да ја присилат Турција да ја спречи својата афанзива во Северна Сирија, изјави...

Македонија20 часа

(Видео) Мицкоски: Едногласно ја преименувавме коалицијата во „Обнова на Македонија“

По средбата со коалициските партнери, Мицкоски рече дека едногласно се договориле да го сменат името на коалицијата во „Обнова на...

Македонија20 часа

(Видео) Мицкоски на средба со коалициските партнери

Лидерот на ВМРО-ДПМНЕ, Христијан Мицкоски, вечерва во седиштето на партијата е на средба со своите коалициски партнери. Состанокот следува по...

Регион21 час

Протест пред француската амбасада во Бугарија против одлуката на Макрон за Северна Македонија

Десетици интелектуалци, јавни личности и граѓани се собраа вечерва пред француската амбасада во Софија за да го искажат своето несогласување...

Свет22 часа

Претседателот на британскиот Парламент одби гласање за договорот за брегзит

Барањето на британската влада пратениците да гласаат со „да“ или „не“ за договорот за брегзит, што го постигна премиерот Борис...

Македонија24 часа

Конте: Преговорите за проширување на Балканот треба да почнат во ноември

Италијанскиот премиер, Џузепе Конте, порача дека Рим ќе предложи Европската Унија повторно во ноември да ги почне преговорите за проширување...

Топ1 ден

Млад скопјанец се фрлил од вториот кат на зграда

Во Полициската станица Центар во вечерните часови на 20 октомври било пријавено дека на скопскиот булевар Кирил и Методиј едно...

Македонија1 ден

(Видео) Симовски: Нема попис во април, ќе се пролонгира

Април е непогоден термин за пописот и треба да се пролонгира, вели Апостол Симовски, директор на Државниот завод за статистика,...

Економија1 ден

Бензините поевтинуваат, цената на дизелот останува иста

Бензините од ноќеска на полноќ ќе поевтинат, додека цената на дизелот останува иста, соопшти Регулаторната комисија за енергетика. Малопродажната цена...

Досие