Контакт

Компании

„Европа АД“ ја доби битката со „Пионир“ пред српските судови

Објавено пред

Стопанскиот суд во Белград ги отфрли сите обвинувања на српски „Пионир“ според кои „Европа“ АД – Скопје наводно фалсификувала нивни бонбони, соопшти македонската компанија во четвртокот.

 

Македонската компанија со 132-годишно искуство, чии количини од производот„Бонбон ноар“ пред неколку месеци беа запленети од властите кај северниот сосед, доби и правна потврда на тоа што од самиот почеток јавно го тврдеше – дека овие слатки се оригинални, односно дека воопшто не го повредуваат жигот на српскиот конкурент.

Следна постапка на „Европа“ АД – Скопје ќе биде поднесување тужба против „Пионир“ за изгубена добивка и за нарушен углед.

 

„Обвинувањата за фалсификат, запленувањето на стоката, како и поднесената пријава, беа настани во чие развивање „Европа АД“ немаше никаква улога. Нашата компанија со децении работи на српскиот пазар, каде што има долгогодишни, докажано лојални, купувачи. Тие самите знаат да го изберат вистинскиот квалитет, а со тоа што верно ги следат нашите производи истакнуваат дека и самите ја препознаваат разликата помеѓу плагијат и фалсификат“,вели Сава Димитрова, претседател на управниот одбор на „Европа“ АД – Скопје. 

 

„Пионир“ поднесе тужба пред српските судови и во неа бараше: да се утврди дека „Европа“ АД – Скопје го повредила жигот на компанијата и да се забрани производството, испораката, извозот, понудата и ставањето во промет на „Бонбон ноар“. За секоја од овие точки познатиот македонски бренд доби правна потврда дека се неосновани и целосно отфрлени. Тоа значи дека македонското претпријатие ќе може слободно и во иднина да го продава овој продукт во Србија затоа што сега има и судска одлука дека тој не е плагијат на „Негро“ на „Пионир“.

 

„Ова решение и правно го потврди тоа што ние пред неколку месеци го нагласивме – дека е во прашање крајно несериозно обвинување што нема издржаност во реалноста. „Европа“ АД – Скопје секогаш ги има предвид потребите, почитта и ставовите на своите потрошувачи и знаејќи го тоа на ум, ние никогаш не би си дозволиле да направиме нешто со кое би ја нарушиле таа доверба. Сосема спротивно, понатаму посветено ќе продолжиме да ги подобруваме веќе долго популарните производи, но и да креираме нови“,- истакнува Димитрова.

 

„Европа“ АД – Скопје уште еднаш потсетува дека во поглед на содржината, „Бонбон ноар“ е непроменет продукт којшто се создава повеќе од половина век. Тој за првпат е внесен во каталогот на компанијата пред повеќе од три децении, односно во 1982 година. Под актуелната амбалажа, пак, бонбоната се продава од 2003 и оттогаш е присутна и на пазарот во Србија, значи безмалку цели 11 години. Македонската компанија нагласува дека „Бонбон ноар“ и „Негро“ имаат различен состав.

 

Слично е што обете се базирани на лакрицот како состојка, меѓутоа, процентот на масното полнење, филувањето и изгледот на самата бонбона немаат допирни точки. Лакрицот во светот на бонбоните е применет од неколку стотини производители. Амбалажата на најголем дел од нив е комбинација од црна, бела и црвена боја. Причина за тоа е токму лакрицот чијшто изглед најчесто се комуницира со овој колорит. И глобални марки како „Харибо“, „Салос“, „Јанки“ и „Клене“ за своите бонбони базирани на лакриц со години се придржуваат до истиот пристап, се појаснува во соопштението на скопксата компанија. /крај/

 

Економија

Јунајтед Груп лансира EON TV платформа во Грција

Објавено пред

ЕОН сега е достапен на пазар од над 40 милиони луѓе

 

Јунајтед Груп, водечката телекомуникациска и медиумска компанија во Југоисточна Европа, денеска објави дека ја започна платформата ЕОН во Грција.

Најпопуларната ТВ платформа во Југоисточна Европа сега е достапна за корисниците на компанија Нова благодарение на Јунајтед Груп, која исто така ја носи најмодерната технологија и голем избор на ексклузивни кино и спортски содржини на грчкиот пазар, со врвни квалитетни услуги достапни за секого. ТВ платформата ЕОН беше претставена заедно со пакетите ЕОН со супер брз оптички интернет и фиксна телефонија.

Во рамките на Јунајтед Груп, во С. Македонија работи компанијата Тотал Тв преку која е активна мобилната апликација ЕОН и за корисницте во С. Македонија.

Платформата ЕОН ТВ, развиена од Јунајтед Клауд, иновативен центар на на Јунајтед Груп, сега им нуди на клиентите во Грција, како што тоа го правеше во Србија веќе три години, иновативен начин за гледање телевизија со најдобро корисничко искуство достапно во секое време, насекаде, преку Smart Box или преку EON апликациите на мобилен телефон, таблет, компјутер или телевизор.

Покрај бројните функционалности, како што се враќање на содржина до 7 дена на скоро сите канали, мулти -екран, гласовно пребарување, EON профили, EON Kids и многу други, EON доаѓа со елегантен далечински управувач кој што е награден со признание Red Dot Design.

Како дел од пакетот ЕОН, достапни се Нова Спорт девет канали во Грција, кои имаат ексклузивни права за пренос на натпревари од Премиер лигата во следните шест сезони, почнувајќи од август следната година – грчката Супер лига, Ла Лига, Бундеслига и Лига 1, како како и повеќе од 3.000 преноси во живо во повеќе од 40 врвни натпревари и турнири со најдобрите тимови и спортисти од целиот свет.

Нова потпиша ексклузивни договори со некои од најголемите холивудски филмски студија – Universal, Sony Pictures, MGM и Warner Bros, што и овозможува на компанијата исклучиво да емитува холивудски филмови и серии.

Откако започна со работа во Бугарија и Хрватска на почетокот на оваа година и беше воведен во Грција, ЕОН стана водечка ТВ-платформа во Југоисточна Европа, која е достапна за дијаспората ширум светот, како и пазарите на Јунајтед Груп за повеќе од 40 милиони луѓе.

За Јунајтед Груп:

Јунајтед груп, со седиште во Холандија, е водечки телекомуникациски и медиумски оператор во Југоисточна Европа. Компанијата работи во осум земји, има приближно 11 милиони клиенти, речиси 14.500 вработени и годишен приход од околу 2 милијарди евра. Јунајтед Груп има најширока мрежна покриеност во регионот и им нуди на корисниците најатрактивен избор на ТВ -содржини од целиот свет. Значајни инвестиции во дигитална инфраструктура, медиумска содржина и технологија, обезбедуваат извонредност на производите и услугите што им ги нуди на клиентите. Од март 2019 година, Јунајтед Груп е во мнозинска сопственост на BC Partners, една од најголемите инвестициски компании во светот. Во рамки на Јунајтед Груп (United Group) во Р.С. Македонија работи Тотал ТВ.

 

 

(ПР текст)

Прикажи повеќе...

Економија

Германските амбасадори од регионот во посета на „Дрекслмајер Кавадарци“

Објавено пред

Амбасадорите на Сојузна Република Германија во земјите од регионот предводени од Анке Холштајн, амбасадор на Германија во земјава, како дел од агендата во рамки на регионалната конференција чиј домаќин беше германската амбасада, остварија посета на „Дрекслмајер“ како германски инвеститор во земјава. На воведната презентација им беа прикажани најважните моменти од основањето на компанијата, како и идните стратешки проекти.

За време на обиколката низ фабриката, гостите беа придружувани од страна на генералниот менаџер на „Дрекслмајер“ Македонија, Лукас Мирингер, и добија целосна слика за целокупниот синџир за производство на производи наменети за премиум сегментот во автомобилската индустрија.

„Драго ни е што имавме можност да им посакаме добредојде на германските амбасадори од земјите од регионот во ‘Дрекслмајер Кавадарци’. За време на нашата средба со нив ги разгледавме најважните аспекти за нас како што се нашите вработени и меѓународните Дрекслмајер стандарди имплементирани на двете локации во земјава, а ги претставивме и идните перспективи и планови“, вели генералниот менаџер на „Дрекслмајер Македонија“, Лукас Мирингер.

Гостите беа запознаени со бројните проекти во рамки на делот за општествена одговорност кои „Дрекслмајер“ ги иницира и ги реализира заедно со своите вработени. Дипломатите ја посетија и специјализираната училница за практична настава во рамки на моделот на дуално образование според германски стандарди.

„Добивме многу позитивен впечаток за она што го видовме во ‘Дрекслмајер’ на локацијата Кавадарци. Воодушевени сме од добрата организација во фабриката. Особено го поздравуваме залагањето на ‘Дрекслмајер’ во делот на спроведувањето на германскиот модел на дуално образование. Младите луѓе се нашата иднина. Поддршката која ‘Дрекслмајер’ ја дава кон заедницата во којашто делува е одличен пример за општествено одговорно однесување“, рече амбасадорката Холштајн.

Прикажи повеќе...

Економија

„Опел“ проверка на системот за сопирање

Објавено пред

Еуроимпекс, генерален увозник за брендот Opel во Македонија, Србија, Црна Гора, Косово и Албанија им понудува на своите клиенти -15% на системот за сопирање.

„Не се плашам да се движам напред, сè до дека можам силно да закочам“ е новиот слоган на кампањата на брендот, која повикува на безгрижно користење на својот автомобил „опел“.

Воедно брендот повикува на совесно користење на своето возило, со цел продолжување на неговиот животен век, како и поголема безбедност на патниците. Под совесно користење на возилото се подразбира редовна грижа за истото и навремена проверка на системот на сопирање. Системот за сопирање игра клучна улога во безбедноста и за возачот и за патниците и за сите други учесници во сообраќајот и како таков мора редовно и навремено да се прегледува и одржува.

Дисковите и плочките се основниот безбедносен елемент на возилото и се подложни на абење. Системот за сопирање е составен од елементи кое се трошат при сопирање и кочење, потребна е нивна проверка и доколку е потребно промена.Посебно треба да се проверат при подолго патување со повеќе патници и багаж или, пак, доколку автомобилот е во отежнати услови на работа. Па токму поради тоа од Еуроимпекс советуваат да се консултирате со овластените сервисни точки на „опел“ и да се врши редовна проверка и замена на течноста за сопирачките во одреден временски период препорачан од производителот.

Ова е одлична можност за сите сопственици на „опел“, да го проверат системот за сопирање со промотивна цена на деловите и работната рака.

Акцијата е во важност за промотивниот период во рамките на целата овластена мрежа на Opel во Македонија и истата е со времетраење до 15.11.2021 година.

Еуроимпекс им стои на располагање на своите клиенти за сите консултации и совети. Повеќе на www.opel.mk

Компанијата Еуроимпекс е основана 1990 година како мала трговска фирма за увоз-извоз. Започнува скромно и по осамостојувањето на Македонија, Еуроимпекс е првата приватна компанија чие работење е насочено кон трговија со автомобили и моторни возила од лесна категорија уште од далечната 1992 година, со првиот увоз на  автомобили „пежо“.
Соработката со брендот Opel ја започнува кон крајот на 2020та година со што прераснува во генерален увозник и дистрибутер на брендот OPEL за Македонија, Србија, Црна Гора, Косово и Албанија; Овој успех го круниса 30 годишниот јубилеј на Еуроимпекс кој беше одбележан истата година.

(ПР текст)

Прикажи повеќе...

Најново

Македонија1 час

35 Авганистанци ја напуштија земјава и заминаа за Грција каде што ќе добијат траен престој

35-мина граѓани на Авганистан кои привремено престојуваа во Северна Македонија денеска заминаа за Грција, која им обезбеди трајно прибежиште, информираа...

Македонија2 часа

Единствениот лек против Ковид-19 ќе биде достапен и во Македонија

Министерството за здравство ја информира јавноста дека ќе го набави лекот „молнупиравир“, единствен лек против Ковид-19. Министерството стапило во контакт...

Европа3 часа

(Видео) Силно невреме ја парализира Западна Европа – 250.000 луѓе во Франција останаа без струја

Околу 250.000 француски домови останаа без струја, а поради силните ветрови сообраќајот е во прекин во делови од северна Франција,...

Македонија5 часа

Во текот на вчерашниот ден се вакцинирале над 2.000 граѓани

Во текот на вчерашниот ден аплицирани се вкупно 2.919 дози вакцини, од кои 565 се аплицирани како прва доза, 1.286...

Топ6 часа

Пресечен меѓународен транспорт на дрога од Албанија за Грција, вреден 200.000 евра

Во заедничка полициска акција на полициски службеници од Одделот за криминалистичка полиција – Сектор за недозволена трговија со дрога, оружје...

Свет6 часа

(Видео) Експлозија на гас уништи цел ресторан во Кина, има загинати и повредени

Најмалку тројца луѓе загинаа, а повеќе од 30 се повредени во експлозија на гас во ресторан во градот Шенџијанг во...

Свет7 часа

Трамп го возвраќа ударот – најави отворање на нова социјална мрежа

Поранешниот претседател на САД, Доналд Трамп објави дека ќе отвори своја социјална мрежа наречена Truth Social, откако во јануари беше...

Свет7 часа

Мелбурн се подготвува да излезе од најдолгиот „локдаун“ во светот

Милиони луѓе во Мелбурн се подготвуваат да излезат од најдолгото затворање поради Ковид-19 во светот, иако бројот на случаи сè...

Економија17 часа

Биткоинот достигна досега највисока цена

Биткоинот денеска достигна рекордна цена, во моментот е над 66.000 долари. Криптовалутата се зголеми над претходниот максимум од 64.889 долари...

Свет20 часа

Ужас во Франција – пронајдено обезглавено тело на маж со извадена утроба

Тело на маж без глава и отстранета утроба е пронајдено во малиот француски град Болен. Полицијата интензивно трага по Алекс...

Македонија21 час

Мицкоски: Заев ништо не разбрал, народот е веќе обединет, но против него

Зоран Заев ништо не разбрал. Зоран Заев само ја повторува истата прес-конференција од лани кога исто така лажеше дека ја...

Македонија22 часа

(Видео) Заев: Свесни сме дека повеќе нема толеранција за повторување на истите грешки

Претседателот на СДСМ и премиер, Зоран Заев, смета дека не може да влечат назад, а Владата да води напред. Затоа...

Топ23 часа

Со ремен ја тепал сопругата, замавнал со нож кон ќерката, гостиварец вршел семејно насилство

43-годишен гостиварец е обвинет за семејно насилство, информираа надлежните. Основното јавно обвинителство Гостивар поднесе Обвинителен предлог против 43-годишен гостиварец за...

Македонија24 часа

Починати 15 лица, регистрирани нови 487 случаи на Ковид-19

Министерството за здравство информира, согласно податоците од Институтот за јавно здравје дека во последните 24 часа се направени 3.491 тестирањe,...

Македонија1 ден

Борел и Блинкен бараат без одлагање почеток на преговори за Македонија

Во заедничката изјава за Западен Балкан, европскиот министер за надворешни работи, Жозеп Борел, и американскиот државен секретар, Ентони Блинкен, повикаа...

Македонија1 ден

Гир: Европската комисија очекува прва Меѓувладина конференција до крајот на годинава

Извештајот доаѓа во контекст на неодамнешниот Самит на Европската Унија за Западен Балкан, каде се даде недвосмислена поддршка за европерспективата...

Свет1 ден

Во Израел откриена мутација на делта-сојот од коронавирус, момче сместено во карантин

Израел го потврди првиот случај со мутација на делта-сојот на коронавирус, кој претходно беше откриен во некои европски земји, објави...

Македонија1 ден

Со една доза вакцинирани се 49,4% од населението над 18-годишна возраст

Заклучно со 17 октомври со една доза на вакцина против Ковид-19 вакцинирани се 49,4% од населението над 18-годишна возраст. Кај...

Македонија1 ден

Пендаровски: Извештајот на ЕК претставува објективна слика за состојбите во државата

Претседателот Стево Пендаровски денеска имаше средба шефот на делегацијата на Европската Унија, амбасадорот Дејвид Гир, кој му го предаде извештајот...

Македонија1 ден

До ДИК поднесени 13 приговори за изборните резултати

До Државната изборна комисија се поднесени 13 приговори за постапката за гласање и за постапката за сумирање и утврдување на...

Досие