Компании
‘Газпром’ очекува решение со ЕУ со почитување на договорите
„Газпром“ по забелешките од Европската комисија за произлезени од нејзината антимонополска истрага, очекува разрешување на ситуацијата со почитување на договорите меѓу надлежните власти на Русија и на Европската комисија, се истакнува во соопштението на рускиот енергетски гигант испратено до медиумите во средата.
„Газпром“ по забелешките од Европската комисија за произлезени од нејзината антимонополска истрага, очекува разрешување на ситуацијата со почитување на договорите меѓу надлежните власти на Русија и на Европската комисија, се истакнува во соопштението на рускиот енергетски гигант испратено до медиумите во средата.
Антимонополското регулаторно тело на Европската унија седмицава недела формално ќе подигне тужба против руската државна компанија „Газпром“, беше објавено на интернет страницата на Европската комисија. Европската комисија покрена формална истрага околу работењето на „Газпром“ во источните и јужните европски држави во 2012 година, наведувајќи дека таа компанија ја злоупотребувала доминантната позиција во снабдувањето со гас во тие земји.
„’Газпром’ очекува разрешување на ситуацијата со земање предвид на договорите коишто претходно се постигнати меѓу руската влада и Европската комисија, за наоѓање заемно прифатливи решенија на владино ниво во врска со прашањето за антимонополската истрага“, се вели во соопштението.
Од руската компанија реагираа откако во средата на официјалната интернет страница на Европската комисија беше објавено соопштението за медиумите, во кое се истакнува дека Комисијата ја усвоила „изјавата за приговор“ (statement of objections) во актуелната антимонополска истрага против работењето на „Газпром“ во Европската унија.
Притоа се додава дека барањата од Европската комисија кон „Газпром“ во компанијата ги сметаат за неосновани Приговорот на ЕЈ во овој случај е само една етапа од антимонополската истрага и не значи дека „Газпром“ е прогласен за виновен за кршење на антимонополското законодавство во ЕУ.
Компанијата истакнува и дека „строго се придржува до сите норми на меѓународното право и законодавството во земјите во коишто Групацијата ‘Газпром’ е активна“.
„Дејствувањето на Групацијата на пазарот во ЕУ, вклучително и примената на принципите за формирање на цената на гасот, ги исполнува стандардите коишто ги користат и другите производители и извозници на гасот“, се додава во соопштението на руската корпорација.
Од друга страна, извор од „Газпром“ во вторникот рече дека таа компанија минатата седмица покажала дека е подготвена да се реши случајот. Случајот против „Газпром“ би можел да заврши со пенали против руската компанија во износ од повеќе милијарди евра.
Во тој поглед преговорите се во поодмината фаза, бидејќи слична практика имаат и другите компании за снабдување со гас, наведува The Wall Street Journal.
Некои држави на Балтикот и во југоисточна Европа целосно се потпираат врз „Газпром“ во снабдувањето со гас, предупреди во вторникот The Wall Street Journal и додава дека при покренувањето истрага пред две ипол години, ЕК го осомничи „Газпром“ за неправично работење.
ЕК испитуваше дали „Газпром“ ги спречувал државите да го извезуваат гасот што го купувале од оваа компанија. Исто така, испитувано е дали компанијата некои аспекти од договорот со потрошувачите, како цените, ги поврзувал со соработка во други области, како што е изградба на нови гасоводи. ЕК ја разгледувала практиката на „Газпром“ да ја поврзува цената за гасот со цената на нафтата на меѓународните пазари./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
„Зегин онлајн“ е најпопуларна е-продавница за здравје, нега и убавина за 2023 година
Во организација на Асоцијацијата за е-трговија на Македонија вчеравечер се одржа Ecommerce Awards, избор на најдобрите во македонската е-трговија.
Компанијата Зегин со е-продавницата www.zegin.com.mk беше номинирана во неколку категории, а го освои првото место во категоријата „Најпопуларна е-продавница за здравје, нега и убавина“, што претставува уште една потврда дека квалитетот, професионалноста, вложениот труд и љубов секогаш резултираат со успех.
Изборот на најдобрите е-трговци има за цел да ги препознае и награди најдобрите со што ќе придонесе за мотивација и охрабрување за уште подобра работа, да ја крене свеста за потенцијалот и да ја промовира е-трговијата, како и да ја зајакне конкурентноста и да охрабри унапредување на работењето кај постојните и идни е-трговци.
„Оваа награда, трета по ред претстаува уште еден доказ за успешноста на работењето на онлајн продавницата на Зегин- www.zegin.com.mk и е одлична мотивација за уште попосветена работа, поквалитетна понуда, како и позадоволни купувачи во иднина. Ви благодариме за лојалноста и довербата!“, велат од компанијата за наградата.
Манифестација за доделување на македонските Награди за е-трговија за 2023 година – E-commerce Awards, се одржа во присуство на членките на АЕТМ, поддржувачите и партнерите, жири комисијата и наградените е-трговци.
(ПР)
Економија
Тековните предизвици и можности на винските пазари и значењето на географските ознаки за македонското вино – теми во фокусот на регионалната конференција за вино
Како да се искористат актуелните трендови на глобалните вински пазари за подобро позиционирање на македонското вино, како да се зголеми препознатливоста на нашите вина, зошто е исклучително важно воведувањето географски ознаки на виното и какви придобивки ќе донесе овој процес. Ова се само некои од прашањата за кои се имаше дискусија на регионалната конференција за вино, што ја организираа здружението „Вина од Македонија“ и винарската визба „Тиквеш“, во соработка со Германското друштво за меѓународна соработка (GIZ).
„За да се зголемат продуктивноста и додадената вредност на домашната винска индустрија, нејзината конкурентност и вредноста на извозот, како и нејзината отпорност на тековните предизвици, вклучувајќи ги и ризиците од климатските промени, неопходни се големи вложувања во знаење, во нови технологии и дигитализација, во организација, окрупнување на лозјата и создавање ефикасни кооперантски односи, како и во воведување нови правила, стандарди и механизам за државна поддршка и поголема регионална соработка. Сето ова мора да се заснова на научен пристап користејќи ги искуствата на развиените земји, кои поминале низ оваа трансформација и може да ни помогнат да го оствариме она што е нашата главна задача – зголемување на извозот на квалитетно вино, кое ќе биде препознатливо и ценето од потрошувачите во светот“, порача во своето воведно обраќање на конференцијата претседателот на здружението „Вина од Македонија“, Светозар Јаневски.
Во рамките на конференцијата се одржаа три работни сесии на кои реномирани експерти од Универзитетот „Гајзенхајм“ во Германија, професорите Јон Ханф и Силвија Димер говореа за состојбите на глобалниот пазар на вино, за спецификите на посебните пазарни нишки во Европа и за значењето на правните и техничките услови за извоз на вино. Една од поважните пораки што ја потенцираа експертите се однесуваа на важноста на заедничкиот настап на компаниите на пазарот истакнувајќи дека ваквиот пристап може да креира ефективни резултати доколку секоја компанија настапи одговорно и самостојно покрај заедничките активности како кластер.
Поздравувајќи ја организацијата на оваа конференција, регионалниот советник за земјоделство во германската амбасада во Скопје, Франк Мулер, го нагласи значењето на соработката помеѓу здружението „Вина од Македонија“ и ГИЗ акцентирајќи дека за долгорочен одржлив развој на винската индустрија неопходна е соработка и со универзитетите бидејќи научниот пристап во воведувањето и примената на унифицирани стандарди за производство и пласман на висококвалитетно вино од регионот е повеќе од неопходен.
За најновите движења во интрарегионалната трговија со грозје и вино во рамките на Западен Балкан говореше и извршната директорка на здружението „Вина од Македонија“, Елена Младеновска-Јеленковиќ, која ја нагласи неопходноста од воспоставување заеднички вински бренд со загарантирано географски потекло како еден од клучните предуслови за зголемување на препознатливоста на овдешните вина од страна на потрошувачите на пазарите во ЕУ и пошироко.
Економија
Традиционалното закројување на лозјата на „Тиквеш“ за Свети Трифун во знакот на новите прогресивни практики на винарницата
ВВ „Тиквеш“ го одбележа празникот Св. Трифун со свечено закројување на лозјата во Лепово. На настанот присуствуваа бројни гости – претставници на институции, на дипломатскиот кор, соработници на винарницата и лозари.
Годинешниот настан беше во знакот на воведување на ЕСГ стандардите во работењето на винарницата. Со нивното имплементирање, „Тиквеш“ станува единствена винарница во регионот која воведува нови прогресивни активности и култура во своето работење, дополнително инвестирајќи во грижата за животната средина, влијанието и придонесот во развојот на општеството и доброто управување.
Гостите ги поздрави новата генерална директорка на ВВ „Тиквеш“ Бранка Славеска, која во своето обраќање фокусот го стави на посветеноста на „Тиквеш“ за развој на винската индустрија во земјава и регионот, претставувајќи пример за останатите деловни субјекти во индустријата.
„Производството на квалитетно вино е императив во работата на „Тиквеш“. Тоа може да се постигне само со имплементација на современи практики и технологии, примена на науката и, најбитно, со поставување и следење на највисоки стандарди во своето работење. Воведувањето на ЕСГ стандардите за нас и за нашите соработници значи дополнителен поттик за раст на компанијата, но и за позитивно влијание на општеството во целост“, изјави генералната директорка на „Тиквеш“ Бранка Славеска и нагласи дека „Тиквеш“, кој е своевиден амбасадор на државата, чувствува должност да вложува во трасирање на патеката за освојување на светските пазари и градење на имиџот на македонското вино.
ВВ „Тиквеш“ посветено работи на целосна трансформација во т.н. „зелена” винарница. Во рамки на овој процес, го произведува првото органско вино, токму на лозовите насади на Лепово, користи најсовремени научни методи, како и вештачка интелигенција во насока на заштита на лозовите насади и обезбедување квалитетно грозје, имплементира проекти кои имаат за цел заштита на животната средина, намалување на отпадните води како и намалување на емисиите на CO₂ и вложува во обновливи извори на енергија преку инсталирање на фотоволтаици. Притоа, сето ова го споделува и со своите кооперанти и со останатите чинители во индустријата.
„Тиквеш“ како општествено одговорна компанија во целокупното работење е посветена на минимизирање на своето влијание врз животната средина, поддршка на локалните заедници и практикување највисоки стандарди за корпоративно управување.
ПР