Компании
Германските индустриски гиганти под истраги за корупција во Грција
Германските индустриски гиганти „Siemens“, „Daimler“ и „Rheinmetall“ се под зголемен надзор на грчките судски власти коишто веќе девет години водат истрага за нивното наводно давање мито на грчките функционери поради добивање исплатливи зделки во јавните набавки, дознава агенцијата AFP.
Датумот на судењето сé уште не е одреден, а со долгогодишната истрага биле опфатени повеќе од 60 лица и би требало да го расветли најголемиот корпоративен скандал во грчката повоена историја, како што го нарекува американското здружение на активисти „CorpWatch“.
Германски „Siemens“ е под сомнение дека дал мито на повеќе државни службеници, за да ги добие работите на целосната модернизација на грчките мрежи за фиксна телефонија во втората половина од 1990-те години. Оваа индустриска групација наводно потрошила 70 милиони евра на мито во Грција, наведуваат за AFP неименувани извори во грчкото правосудство. Портпаролот на оваа компанија во седиштето во Минхен не сакал да го коментира овој случај.
Меѓу обвинетите за корупција е и поранешниор челник на „Siemens“ во Грција, Михалис Христофоракос, кој има и грчки и германско државјанство, и веројатно нема да биде седнат на обвинителната клупа, имајќи предвид дека уште во 2009 година избега во Германија. Германското правосудство го одби барањето за негово предавање во Грција. Случајот на корупцијата на „Siemens“ на грчките функционери дополнително ги затегна нарушените односи меѓу Атина и Берлина, оптоварени со грчката должничка криза и германското инсистирање на жестоките мерки за штедење.
Сега веќе поранешната претседателка на грчкиот парламент, Зоја Константопулу, изјави дека германското одбивање за екстрадиција на Христофоракос ги навестува двојните стандарди на Берлин. „Тоа е прашање на праведноста, која покажува дека Германија применува двојни стандарди“, изјави грчката политичарка во разговорот за францускиот дневен весник Liberation.
„Коруптивните активности на германските компании во Грција добро се познати, но таквите случаи само повремено се истражуваат“, напиша во својот извештај неодамна германскиот Институт за надворешна политика.
Според Transparency International во неговиот индекс на перцепцијата за корупцијата во 2014 година, грчкиот јавен сектор спаѓа меѓу најкорумпираните во Европската унија. Според процените, пак, на парламентарната истрага во текот на кулминацијата на грчката економска криза во 2011 година, надуените трошоци во јавните набавки го оштетиле државниот буџет за две милијарди евра.
Набавката воена опрема спаѓале меѓу многу профитните области са германските компании, имајќи предвид дека Грција со години издвојуваше најмногу буџетски средства во тие цели меѓу членките на Европската унија и НАТО, дури 2,2 отсто од бруто домашниот производ (БДП) во 2014 година, на пример, истакнува германската пратеничка Сара Вангенкнехт, од партијата Левица (Die Linke), која инаку е благонаклонета кон Грција и бараше отпишување на нејзините долгови. „Германските компании остварувале значајни профити од огромните грчки купувања оружје“, вели Вангенкнехт во разговорот за AFP.
Годинава во Грција беше покрената и истрага во врска со сомневањата дека германскиот производител на автомобили „Daimler“ ги подмитил грчките функционери во случајот на набавка на воени возила во износ од 100 милиони евра. Под истрага во Минхен е и производителот на тенковите „Loepard“, „Krauss Maffei Wegmann“, додека судот во Бремен уше во 2012 година на „Rheinmetall“ му изрече парична глоба од 37 милиони ера во случајот на корупција поврзана со продажба на системи за противвоздушна одбрана во износ од 150 милиони евра. Два поранешни функционери на претпријатието за индустриски услуги „Ferrostal“ се осудени во Германија, а компанијата мораше да плати парична казна во износ од 140 милиони евра за случај во кој биле подмитени грчките власти во зделки со германски подморници. Коментаторите притоа истакнуваат дека паричните казни ниту одблизу не се соодветни на вредноста на договорените зделки, па е мала веројатноста дека ќе го сузбијат таквото однесување на компаниите./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
„Зегин онлајн“ е најпопуларна е-продавница за здравје, нега и убавина за 2023 година
Во организација на Асоцијацијата за е-трговија на Македонија вчеравечер се одржа Ecommerce Awards, избор на најдобрите во македонската е-трговија.
Компанијата Зегин со е-продавницата www.zegin.com.mk беше номинирана во неколку категории, а го освои првото место во категоријата „Најпопуларна е-продавница за здравје, нега и убавина“, што претставува уште една потврда дека квалитетот, професионалноста, вложениот труд и љубов секогаш резултираат со успех.
Изборот на најдобрите е-трговци има за цел да ги препознае и награди најдобрите со што ќе придонесе за мотивација и охрабрување за уште подобра работа, да ја крене свеста за потенцијалот и да ја промовира е-трговијата, како и да ја зајакне конкурентноста и да охрабри унапредување на работењето кај постојните и идни е-трговци.
„Оваа награда, трета по ред претстаува уште еден доказ за успешноста на работењето на онлајн продавницата на Зегин- www.zegin.com.mk и е одлична мотивација за уште попосветена работа, поквалитетна понуда, како и позадоволни купувачи во иднина. Ви благодариме за лојалноста и довербата!“, велат од компанијата за наградата.
Манифестација за доделување на македонските Награди за е-трговија за 2023 година – E-commerce Awards, се одржа во присуство на членките на АЕТМ, поддржувачите и партнерите, жири комисијата и наградените е-трговци.
(ПР)
Економија
Тековните предизвици и можности на винските пазари и значењето на географските ознаки за македонското вино – теми во фокусот на регионалната конференција за вино
Како да се искористат актуелните трендови на глобалните вински пазари за подобро позиционирање на македонското вино, како да се зголеми препознатливоста на нашите вина, зошто е исклучително важно воведувањето географски ознаки на виното и какви придобивки ќе донесе овој процес. Ова се само некои од прашањата за кои се имаше дискусија на регионалната конференција за вино, што ја организираа здружението „Вина од Македонија“ и винарската визба „Тиквеш“, во соработка со Германското друштво за меѓународна соработка (GIZ).
„За да се зголемат продуктивноста и додадената вредност на домашната винска индустрија, нејзината конкурентност и вредноста на извозот, како и нејзината отпорност на тековните предизвици, вклучувајќи ги и ризиците од климатските промени, неопходни се големи вложувања во знаење, во нови технологии и дигитализација, во организација, окрупнување на лозјата и создавање ефикасни кооперантски односи, како и во воведување нови правила, стандарди и механизам за државна поддршка и поголема регионална соработка. Сето ова мора да се заснова на научен пристап користејќи ги искуствата на развиените земји, кои поминале низ оваа трансформација и може да ни помогнат да го оствариме она што е нашата главна задача – зголемување на извозот на квалитетно вино, кое ќе биде препознатливо и ценето од потрошувачите во светот“, порача во своето воведно обраќање на конференцијата претседателот на здружението „Вина од Македонија“, Светозар Јаневски.
Во рамките на конференцијата се одржаа три работни сесии на кои реномирани експерти од Универзитетот „Гајзенхајм“ во Германија, професорите Јон Ханф и Силвија Димер говореа за состојбите на глобалниот пазар на вино, за спецификите на посебните пазарни нишки во Европа и за значењето на правните и техничките услови за извоз на вино. Една од поважните пораки што ја потенцираа експертите се однесуваа на важноста на заедничкиот настап на компаниите на пазарот истакнувајќи дека ваквиот пристап може да креира ефективни резултати доколку секоја компанија настапи одговорно и самостојно покрај заедничките активности како кластер.
Поздравувајќи ја организацијата на оваа конференција, регионалниот советник за земјоделство во германската амбасада во Скопје, Франк Мулер, го нагласи значењето на соработката помеѓу здружението „Вина од Македонија“ и ГИЗ акцентирајќи дека за долгорочен одржлив развој на винската индустрија неопходна е соработка и со универзитетите бидејќи научниот пристап во воведувањето и примената на унифицирани стандарди за производство и пласман на висококвалитетно вино од регионот е повеќе од неопходен.
За најновите движења во интрарегионалната трговија со грозје и вино во рамките на Западен Балкан говореше и извршната директорка на здружението „Вина од Македонија“, Елена Младеновска-Јеленковиќ, која ја нагласи неопходноста од воспоставување заеднички вински бренд со загарантирано географски потекло како еден од клучните предуслови за зголемување на препознатливоста на овдешните вина од страна на потрошувачите на пазарите во ЕУ и пошироко.
Економија
Традиционалното закројување на лозјата на „Тиквеш“ за Свети Трифун во знакот на новите прогресивни практики на винарницата
ВВ „Тиквеш“ го одбележа празникот Св. Трифун со свечено закројување на лозјата во Лепово. На настанот присуствуваа бројни гости – претставници на институции, на дипломатскиот кор, соработници на винарницата и лозари.
Годинешниот настан беше во знакот на воведување на ЕСГ стандардите во работењето на винарницата. Со нивното имплементирање, „Тиквеш“ станува единствена винарница во регионот која воведува нови прогресивни активности и култура во своето работење, дополнително инвестирајќи во грижата за животната средина, влијанието и придонесот во развојот на општеството и доброто управување.
Гостите ги поздрави новата генерална директорка на ВВ „Тиквеш“ Бранка Славеска, која во своето обраќање фокусот го стави на посветеноста на „Тиквеш“ за развој на винската индустрија во земјава и регионот, претставувајќи пример за останатите деловни субјекти во индустријата.
„Производството на квалитетно вино е императив во работата на „Тиквеш“. Тоа може да се постигне само со имплементација на современи практики и технологии, примена на науката и, најбитно, со поставување и следење на највисоки стандарди во своето работење. Воведувањето на ЕСГ стандардите за нас и за нашите соработници значи дополнителен поттик за раст на компанијата, но и за позитивно влијание на општеството во целост“, изјави генералната директорка на „Тиквеш“ Бранка Славеска и нагласи дека „Тиквеш“, кој е своевиден амбасадор на државата, чувствува должност да вложува во трасирање на патеката за освојување на светските пазари и градење на имиџот на македонското вино.
ВВ „Тиквеш“ посветено работи на целосна трансформација во т.н. „зелена” винарница. Во рамки на овој процес, го произведува првото органско вино, токму на лозовите насади на Лепово, користи најсовремени научни методи, како и вештачка интелигенција во насока на заштита на лозовите насади и обезбедување квалитетно грозје, имплементира проекти кои имаат за цел заштита на животната средина, намалување на отпадните води како и намалување на емисиите на CO₂ и вложува во обновливи извори на енергија преку инсталирање на фотоволтаици. Притоа, сето ова го споделува и со своите кооперанти и со останатите чинители во индустријата.
„Тиквеш“ како општествено одговорна компанија во целокупното работење е посветена на минимизирање на своето влијание врз животната средина, поддршка на локалните заедници и практикување највисоки стандарди за корпоративно управување.
ПР