Компании
Макпетрол објави рекордна продажба и добивка над 109 млн денари
Најголемата нафтена македонска компанија „Макпетрол“ АД Скопје го објави во вторникот својот деловен извештај за првата половина од годинава според кој остварила рекордна продажба на нафтени деривати и добивка од повеќе од 109 милиони денари.
Во периодот јануари-јуни, компанијата го подобрила остварениот финансиски резултат за 370 милиони денари, ја зголемила продажбата на енергенси на мало за 12 отсто и „создаде услови за реално очекување за исплата на дивиденда и ја зголеми книговодствената вредност на акцијата“ на 515,5 евра.
„Со ова, компанијата го задржува континуитетот на остварена добивка, по позитивните резултати во 2015 година“, наведува во извештајот.
Во извештајниот период од 2016 година „Макпетрол“ АД Скопје прикажува добивка пред оданочување во висина од 126,6 милиони денари, односно добивка по оданочување во висина од 109,2 милиони денари, што е 370 милиони денари подобар резултат во однос на минатата година.
Физичкиот обем на вкупната продажба на стоки и услуги на „Макпетрол“ во периодот јануари-јуни е зголемен за 16 отсто. Во првата половина од годинава компанијата остварла вкупен приход во износ од 7,46 милијарди денари. Во истиот период, остварени се вкупни расходи во висина од 7,33 милијарди денари.
Обајвениот извештај покажува дека набавната вредност на стоките со коишто тргува компанијата во посоченио период изнесувале 6,35 милијарди денари во 2016 година и учествува со приближно 85 отсто во искажаните вкупни приходи и расходи. Тоа претставува намалување за 21 индексен поен во однос на минатата 2015 година, кога изнесувала 8,04 милијарди денари.
Основните причини за остварената добивка на „Макпетрол“ во 2016 година се, како што оценуваат во комапнијата, во прв ред сс зголемување на остварената продажба на енергенси, особено продажбата на деривати во малопродажбата, со што е зголемен и пазарниот удел на Друштвото. Во првото полугодие од 2016 година, „Макпетрол“ успеал да оствари рекордна продажба на нафтени деривати, зголемена за 12 отсто во однос на истиот период од претходната година и тоа во висина од 108.073 тони.
Како втора причина во извештајот се наведуваат намалените расходи од камати во однос на минатата година за 22 проценти, поради продолжување на трендот на намалување на кредитната задолженост на компанијата кон банките.
Двојно зголемени приходи од камати и курсни разлики во однос на минатата година, исто така, придонеле за позитивниот извештај за првото годинешно полугодие, како и зголемени приходи од промет со другите стоки кои се нудат во придоавниците на бензинските станици на „Макпетрол“ за 16 отсто и зголемена маржа од промет со нив за 23 отсто. Намалени трошоци на суровини и други материјали за 74 отсто, исто така, се посочуваат како една од главните причини за остварента добивка.
Во однос на финансискиот резултат прикажан според принципот на ЕБИТДА, „Макпетрол“ АД Скопје прикажал добивка во висина од 284,9 милиони денари, за разлика од минатата година кога за истиот извештаен период, остварил загуба во износ од 65,6 милиони денари. Ова претставува подобрување на финансискиот резултат за 350 милиони денари, без данокот на добивка.
Билансната кредитната задолженост на Друштвото вo однос на минатата година е намалена за 393,5 милиони денари или за 19,6% додека само во извештајниот период е намалена за 174,7 милиони денари или 9,7 отсто.
Планираните вредности на физичкиот обем на реализацијата се надминати за 11 отсто, а планот на остварување на финансискиот резултат е надминат за цели 4,2 пати.
Очекувањата за претстојниот период се оптимистички, проценуваат во „Макпетрол“, бидејќи според нив прелиминарните согледувања за остварената добивка со крајот на јули укажуваат на зголемување на бруто добивката на износ од 230 до 250 милиони денари.
„Се очекува и натамошно намалување на билансната кредитна изложеност, особено поради фактот што во јули и првите 20-на дена од август, таа е намалена за дополнителни 230 милиони денари“, се заклучува во извештајот во кој воедно се наведува дека компанијата продолжува со континуираната политика на инвестиции во инфраструктурата, во пристапот кон клиентите и подобрувањето на нивното искуство на бензинските станици.
Во овој период, имено, пуштена е во работа новата бензинска станица Пинтија, а во поодмината фаза е изградбата на бензинските станица Вевчани и Ќојлија./крај/мф/ст
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
„Зегин онлајн“ е најпопуларна е-продавница за здравје, нега и убавина за 2023 година
Во организација на Асоцијацијата за е-трговија на Македонија вчеравечер се одржа Ecommerce Awards, избор на најдобрите во македонската е-трговија.
Компанијата Зегин со е-продавницата www.zegin.com.mk беше номинирана во неколку категории, а го освои првото место во категоријата „Најпопуларна е-продавница за здравје, нега и убавина“, што претставува уште една потврда дека квалитетот, професионалноста, вложениот труд и љубов секогаш резултираат со успех.
Изборот на најдобрите е-трговци има за цел да ги препознае и награди најдобрите со што ќе придонесе за мотивација и охрабрување за уште подобра работа, да ја крене свеста за потенцијалот и да ја промовира е-трговијата, како и да ја зајакне конкурентноста и да охрабри унапредување на работењето кај постојните и идни е-трговци.
„Оваа награда, трета по ред претстаува уште еден доказ за успешноста на работењето на онлајн продавницата на Зегин- www.zegin.com.mk и е одлична мотивација за уште попосветена работа, поквалитетна понуда, како и позадоволни купувачи во иднина. Ви благодариме за лојалноста и довербата!“, велат од компанијата за наградата.
Манифестација за доделување на македонските Награди за е-трговија за 2023 година – E-commerce Awards, се одржа во присуство на членките на АЕТМ, поддржувачите и партнерите, жири комисијата и наградените е-трговци.
(ПР)
Економија
Тековните предизвици и можности на винските пазари и значењето на географските ознаки за македонското вино – теми во фокусот на регионалната конференција за вино
Како да се искористат актуелните трендови на глобалните вински пазари за подобро позиционирање на македонското вино, како да се зголеми препознатливоста на нашите вина, зошто е исклучително важно воведувањето географски ознаки на виното и какви придобивки ќе донесе овој процес. Ова се само некои од прашањата за кои се имаше дискусија на регионалната конференција за вино, што ја организираа здружението „Вина од Македонија“ и винарската визба „Тиквеш“, во соработка со Германското друштво за меѓународна соработка (GIZ).
„За да се зголемат продуктивноста и додадената вредност на домашната винска индустрија, нејзината конкурентност и вредноста на извозот, како и нејзината отпорност на тековните предизвици, вклучувајќи ги и ризиците од климатските промени, неопходни се големи вложувања во знаење, во нови технологии и дигитализација, во организација, окрупнување на лозјата и создавање ефикасни кооперантски односи, како и во воведување нови правила, стандарди и механизам за државна поддршка и поголема регионална соработка. Сето ова мора да се заснова на научен пристап користејќи ги искуствата на развиените земји, кои поминале низ оваа трансформација и може да ни помогнат да го оствариме она што е нашата главна задача – зголемување на извозот на квалитетно вино, кое ќе биде препознатливо и ценето од потрошувачите во светот“, порача во своето воведно обраќање на конференцијата претседателот на здружението „Вина од Македонија“, Светозар Јаневски.
Во рамките на конференцијата се одржаа три работни сесии на кои реномирани експерти од Универзитетот „Гајзенхајм“ во Германија, професорите Јон Ханф и Силвија Димер говореа за состојбите на глобалниот пазар на вино, за спецификите на посебните пазарни нишки во Европа и за значењето на правните и техничките услови за извоз на вино. Една од поважните пораки што ја потенцираа експертите се однесуваа на важноста на заедничкиот настап на компаниите на пазарот истакнувајќи дека ваквиот пристап може да креира ефективни резултати доколку секоја компанија настапи одговорно и самостојно покрај заедничките активности како кластер.
Поздравувајќи ја организацијата на оваа конференција, регионалниот советник за земјоделство во германската амбасада во Скопје, Франк Мулер, го нагласи значењето на соработката помеѓу здружението „Вина од Македонија“ и ГИЗ акцентирајќи дека за долгорочен одржлив развој на винската индустрија неопходна е соработка и со универзитетите бидејќи научниот пристап во воведувањето и примената на унифицирани стандарди за производство и пласман на висококвалитетно вино од регионот е повеќе од неопходен.
За најновите движења во интрарегионалната трговија со грозје и вино во рамките на Западен Балкан говореше и извршната директорка на здружението „Вина од Македонија“, Елена Младеновска-Јеленковиќ, која ја нагласи неопходноста од воспоставување заеднички вински бренд со загарантирано географски потекло како еден од клучните предуслови за зголемување на препознатливоста на овдешните вина од страна на потрошувачите на пазарите во ЕУ и пошироко.
Економија
Традиционалното закројување на лозјата на „Тиквеш“ за Свети Трифун во знакот на новите прогресивни практики на винарницата
ВВ „Тиквеш“ го одбележа празникот Св. Трифун со свечено закројување на лозјата во Лепово. На настанот присуствуваа бројни гости – претставници на институции, на дипломатскиот кор, соработници на винарницата и лозари.
Годинешниот настан беше во знакот на воведување на ЕСГ стандардите во работењето на винарницата. Со нивното имплементирање, „Тиквеш“ станува единствена винарница во регионот која воведува нови прогресивни активности и култура во своето работење, дополнително инвестирајќи во грижата за животната средина, влијанието и придонесот во развојот на општеството и доброто управување.
Гостите ги поздрави новата генерална директорка на ВВ „Тиквеш“ Бранка Славеска, која во своето обраќање фокусот го стави на посветеноста на „Тиквеш“ за развој на винската индустрија во земјава и регионот, претставувајќи пример за останатите деловни субјекти во индустријата.
„Производството на квалитетно вино е императив во работата на „Тиквеш“. Тоа може да се постигне само со имплементација на современи практики и технологии, примена на науката и, најбитно, со поставување и следење на највисоки стандарди во своето работење. Воведувањето на ЕСГ стандардите за нас и за нашите соработници значи дополнителен поттик за раст на компанијата, но и за позитивно влијание на општеството во целост“, изјави генералната директорка на „Тиквеш“ Бранка Славеска и нагласи дека „Тиквеш“, кој е своевиден амбасадор на државата, чувствува должност да вложува во трасирање на патеката за освојување на светските пазари и градење на имиџот на македонското вино.
ВВ „Тиквеш“ посветено работи на целосна трансформација во т.н. „зелена” винарница. Во рамки на овој процес, го произведува првото органско вино, токму на лозовите насади на Лепово, користи најсовремени научни методи, како и вештачка интелигенција во насока на заштита на лозовите насади и обезбедување квалитетно грозје, имплементира проекти кои имаат за цел заштита на животната средина, намалување на отпадните води како и намалување на емисиите на CO₂ и вложува во обновливи извори на енергија преку инсталирање на фотоволтаици. Притоа, сето ова го споделува и со своите кооперанти и со останатите чинители во индустријата.
„Тиквеш“ како општествено одговорна компанија во целокупното работење е посветена на минимизирање на своето влијание врз животната средина, поддршка на локалните заедници и практикување највисоки стандарди за корпоративно управување.
ПР