Компании
Светската премиера на два нови автомобила од Volkswagen
Оваа година Volkswagen го збогати GTI митингот со две светски премиери на два неверојатни Golf модели од иднината: Golf GTI Clubsport и Golf GTE Sport.
Golf GTE Sport е концепт автомобил со карбонска каросерија, со ново осмислена патничка кабина и plug-in хибриден систем со моќност од 295 kW / 400 КС, како и погон на сите тркала. Volkswagen покажа што сè може да се постигне кога GT идејата e пресликана во иднината. Во меѓувреме беше донесена одлуката идната година Golf GTI Clubsport со моќност од 195 kW / 265 КС да биде поставен на производната лента како јубилеен модел по повод 40-тиот роденден на GTI.
Повеќе од три децении во месец мај, јужниот брег на езерото Вуртерзе во Австрија е Мека за GTI фановите. Овој настан премина во традиција на која Volkswagen прикажува посебни автомобилски изненадувања за посетителите, чии број честопати достигнува и до 200 000.
Покрај светските премиери, Volkswagen покажа и три нови автомобили на брегот на езерото Вуртерзе: новиот Scirocco GTS и две исклучителни изведби на Golf традиционално дизајнирани од страна на практикантите на Volkswagen.
Golf GTE Sport ја пренесува традицијата на Volkswagen GT во иднината. Вкупно три варијанти на мотори се комбинираат со хибридниот погонски систем со моќност од 295 kW / 400 КС кој ја дополнува моќта на високо технолошкиот Golf, кој во голема мера е изработен од карбон. Концепт автомобилот за кратко време ја достигнува максималната брзина од 280 km / h ја намалува разликата помеѓу патничките и тркачките автомобили. Овој исклучителен автомобили со својот прогресивен хибриден погонски систем на сите тркала, лесна каросерија, со одлична аеродинамичност и оптимално ниво на аеродинамичниот “downforce” ефект, шасијата која е изработена со висока прецизност, новата мотоспорт патничка кабина и новиот извонреден концепт за седење дополнително ги засилува неверојатните перформанси. Со едноставно притискање на само едно копче, концепт автомобилот ги нуди истите одлични перформанси и е во состојба да помине 50 километри само на електричен погон, притоа не загадувајќи ја околината.
Со моќност од 195 kW / 265 КС и врвни перформанси кои дополнително можат да се зголемат за уште 10%, благодарение на функција „boost“, Golf GTI Clubsport е подготвен да биде лансиран на пазарот на почетокот на 2016 година како најмоќниот GTI модел од производство досега. Јубилејниот модел ќе биде лансиран не само со новиот исклучителен мотор, но исто така тој ќе понуди многу можности за индивидуализација во ентериерот и голем избор на ексклузивни детали на каросеријата. Иновативната аеродинамика на Golf GTI Clubsport е многу блиску до професионалниот мотоспорт со сензационално зголемување на вертикалната сила на притисок врз подлогата преку аеродинамичниот “downforce” ефект.
Минатото летото, во голема мера беше обновен легендарниот спортски автомобил Scirocco. Врз основа на тој најнов модел, Volkswagen на брегот на езерото Вуртерзе за првпат во Европа го претстави Scirocco GTS. Со моќниот мотор од 162 kW / 220 КС, тој е најпопуларен модел од Scirocco семејството, бидејќи ги има истите спортски гени како и моторот на Golf GTI. Scirocco забрзува од 0 до100 km / h за само 6,5 секунди, а максималната брзина изнесува 246 km / h кај моделот со мануелен менувач (кај Scirocco GTS со DSG автоматски менувач максималната брзина изнесува 244 km / h). Ознаката „GTS“ подразбира стандардна спортска опрема вклучувајќи ги и новите 18-инчни алуминиумски тркала и спортските браници како и многу други детали наменети за индивидуализација на надворешноста и внатрешноста. Купето како опција може да се нарача и со спортска GTS фолија за каросеријата на возилото. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
SEAT S.A. постигна историски рекордни финансиски резултати благодарение на двоцифрениот раст и ефикасноста на SEAT и успехот на CUPRA
“Кога станува збор за SEAT, ви ветувам дека најдоброто допрва доаѓа“
SEAT S.A. постигна историски рекордни финансиски резултати, благодарение на двоцифрениот раст и ефикасноста на SEAT и успехот на CUPRA
· Оперативната добивка на SEAT S.A. достигна рекордни 625 милиони евра, повратот од продажба достигна 4,4%, а прометот за минатата година се зголеми на 14,3 милијарди евра
· Нова инвестиција во брендот SEAT се новите освежувања на Ibiza и Arona, како и подобрувањето на Leon и Ateca
· Во 2024 година е планирано лансирањето на CUPRA Tavascan и CUPRA Terramar
SEAT S.A. ги претстави своите резултати за 2023 година заедно со својата стратегија за претстојните години. Минатата година, според Меѓународните сметководствени правила (МСФИ), оперативната добивка достигна рекордни 625 милиони евра, зголемувајќи се за 592 милиони евра (2022: 33 милиони евра). Ова претставува подобрување на повратот на продажбата од 4,1 процентен поен, од 0,3% на позитивни 4,4%. Годишниот промет исто така достигна историски 14,333 милијарди евра, 31,0% повеќе од 2022 година (10,941 милијарди). Овие резултати ја потврдуваат силата на компанијата и успехот на нејзината постојана стратегија за трансформација.
„Зад себе оставаме година во која SEAT S.A. ги објави најдобрите финансиски резултати во својата 73-годишна историја, осигурувајќи се дека нашата компанија продолжува на својот пат кон попрофитабилна иднина“, рече Вејн Грифитс, извршен директор на SEAT и CUPRA. „2023 година беше година на огромни контрасти за автомобилската индустрија, како и за нашата компанија, бидејќи продолживме да се движиме низ морето на несигурност додека ја претрпевме најголемата трансформација во нашата историја“.
„Во 2023 година, SEAT S.A. направи голем чекор на своето патување на трансформација: имавме за цел да направиме значително подобрување и тоа е она што успеавме да го направиме. Постигнавме рекорди на сите времиња во промет, оперативна добивка и оперативен готовински тек. Ова совршено ги одразува позитивните ефекти од растот на обемот на марката CUPRA и обновувањето на обемот на марката SEAT, како и важноста на напредокот што го постигнавме со нашата програма за подобрување на перформансите“, рече Дејвид Пауелс, потпретседател за финансии и ИТ во SEAT. С.А.
ИНВЕСТИЦИИ ВО БРЕНДОТ НА SEAT
Гледајќи во иднината, SEAT S.A. ја има поставено вистинската стратегија за да го одржи профитабилниот раст на компанијата. Брендот SEAT ќе игра клучна улога во ова и компанијата ќе лансира подобрени plug-in хибридни и штедливи автомобили на SEAT.
Arona и Ibiza ќе добијат подобрување во 2025 година, а во следните месеци, марката ќе лансира нова и подобрена верзија на SEAT Leon, со технички и технолошки надградби. Понатаму, Ateca ќе биде подобрен и неговиот животен циклус ќе се продолжи.
„Го враќаме брендот SEAT таму каде што припаѓа, продолжувајќи го двоцифрениот раст од минатата година со нови инвестиции во брендот и неговите модели. Исто така, разгледуваме што можеме да испорачаме во електричниот свет под брендот SEAT. Кога станува збор за SEAT, ви ветувам дека најдоброто допрва доаѓа“, додаде Вејн Грифитс.
(ПР)
Економија
„Зегин онлајн“ е најпопуларна е-продавница за здравје, нега и убавина за 2023 година
Во организација на Асоцијацијата за е-трговија на Македонија вчеравечер се одржа Ecommerce Awards, избор на најдобрите во македонската е-трговија.
Компанијата Зегин со е-продавницата www.zegin.com.mk беше номинирана во неколку категории, а го освои првото место во категоријата „Најпопуларна е-продавница за здравје, нега и убавина“, што претставува уште една потврда дека квалитетот, професионалноста, вложениот труд и љубов секогаш резултираат со успех.
Изборот на најдобрите е-трговци има за цел да ги препознае и награди најдобрите со што ќе придонесе за мотивација и охрабрување за уште подобра работа, да ја крене свеста за потенцијалот и да ја промовира е-трговијата, како и да ја зајакне конкурентноста и да охрабри унапредување на работењето кај постојните и идни е-трговци.
„Оваа награда, трета по ред претстаува уште еден доказ за успешноста на работењето на онлајн продавницата на Зегин- www.zegin.com.mk и е одлична мотивација за уште попосветена работа, поквалитетна понуда, како и позадоволни купувачи во иднина. Ви благодариме за лојалноста и довербата!“, велат од компанијата за наградата.
Манифестација за доделување на македонските Награди за е-трговија за 2023 година – E-commerce Awards, се одржа во присуство на членките на АЕТМ, поддржувачите и партнерите, жири комисијата и наградените е-трговци.
(ПР)
Економија
Тековните предизвици и можности на винските пазари и значењето на географските ознаки за македонското вино – теми во фокусот на регионалната конференција за вино
Како да се искористат актуелните трендови на глобалните вински пазари за подобро позиционирање на македонското вино, како да се зголеми препознатливоста на нашите вина, зошто е исклучително важно воведувањето географски ознаки на виното и какви придобивки ќе донесе овој процес. Ова се само некои од прашањата за кои се имаше дискусија на регионалната конференција за вино, што ја организираа здружението „Вина од Македонија“ и винарската визба „Тиквеш“, во соработка со Германското друштво за меѓународна соработка (GIZ).
„За да се зголемат продуктивноста и додадената вредност на домашната винска индустрија, нејзината конкурентност и вредноста на извозот, како и нејзината отпорност на тековните предизвици, вклучувајќи ги и ризиците од климатските промени, неопходни се големи вложувања во знаење, во нови технологии и дигитализација, во организација, окрупнување на лозјата и создавање ефикасни кооперантски односи, како и во воведување нови правила, стандарди и механизам за државна поддршка и поголема регионална соработка. Сето ова мора да се заснова на научен пристап користејќи ги искуствата на развиените земји, кои поминале низ оваа трансформација и може да ни помогнат да го оствариме она што е нашата главна задача – зголемување на извозот на квалитетно вино, кое ќе биде препознатливо и ценето од потрошувачите во светот“, порача во своето воведно обраќање на конференцијата претседателот на здружението „Вина од Македонија“, Светозар Јаневски.
Во рамките на конференцијата се одржаа три работни сесии на кои реномирани експерти од Универзитетот „Гајзенхајм“ во Германија, професорите Јон Ханф и Силвија Димер говореа за состојбите на глобалниот пазар на вино, за спецификите на посебните пазарни нишки во Европа и за значењето на правните и техничките услови за извоз на вино. Една од поважните пораки што ја потенцираа експертите се однесуваа на важноста на заедничкиот настап на компаниите на пазарот истакнувајќи дека ваквиот пристап може да креира ефективни резултати доколку секоја компанија настапи одговорно и самостојно покрај заедничките активности како кластер.
Поздравувајќи ја организацијата на оваа конференција, регионалниот советник за земјоделство во германската амбасада во Скопје, Франк Мулер, го нагласи значењето на соработката помеѓу здружението „Вина од Македонија“ и ГИЗ акцентирајќи дека за долгорочен одржлив развој на винската индустрија неопходна е соработка и со универзитетите бидејќи научниот пристап во воведувањето и примената на унифицирани стандарди за производство и пласман на висококвалитетно вино од регионот е повеќе од неопходен.
За најновите движења во интрарегионалната трговија со грозје и вино во рамките на Западен Балкан говореше и извршната директорка на здружението „Вина од Македонија“, Елена Младеновска-Јеленковиќ, која ја нагласи неопходноста од воспоставување заеднички вински бренд со загарантирано географски потекло како еден од клучните предуслови за зголемување на препознатливоста на овдешните вина од страна на потрошувачите на пазарите во ЕУ и пошироко.