Компании
Волво Карс претстави два нови концепти на мали автомобили
Компанијата Волво Карс (Volvo Cars), познат производител на премиум автомобили, претстави два нови концепти на мали автомобили, кои означуваат промена на стратешката насока на шведскиот бренд.
Волво го демонстрираше новиот концепт на возила од серијата 40 со кој планира да се прошири на огромниот и лукративен глобален пазар на мали автомобили со возила кои комбинираат смел надворешен и внатрешен дизајн со водечка технологија во поврзувањето, електрификацијата и технологијата на автономно возење.Новите возила ќе бидат изработени на новиот Волво концепт Compact Modular Architecture (CMA), специјално креиран за мали возила, кој овозможува слободен пристап од страна на дизајнерите и инженерите за нови креативни храбри правци.„Секој производ, член на нашето семејство, има свој посебен карактер, исто како и членовите на вистинското семејство. CMA помогна да доловиме нешто посебно, нешто младешко во нашиот концепт на автомобили. Тие имаат енергија, разорен и урбан карактер, што ги издвојува од толпата. Ова е вкусот на малите Волво автомобили кои доаѓаат“, вели Томас Ингенхалт, постар заменик претседател за дизајн во компанијата Volvo Car Group.Стратегијата на производство на Volvo мали автомобили е суштински елемент во тековната глобална оперативна и финансиска трансформација. Шведската компанија, во моментов, спроведува амбициозен план за репозиционирање на брендот во натпревар со своите глобални конкуренти во следните четири години.Новата гама мали автомобили ќе се состои од потполно електрични возила, како и “plug-in” хибридни верзии (алтернативна понуда), во согласност со заложбата на компанијата за целосна електрификација на своето портфолио. Волво планира да продаде до милион електрични возила до 2025 година на глобално ниво.„Со прифаќање на модуларниот пристап за архитектурата на возилото и развојот на моторот имаме успех во премиум сегментот. Нашите нови електрични мотори отвораат уште едно возбудливо поглавје во приказната на Volvo“, вели др. Петер Мертенс, постар заменик претседател на одделот за Истражување и развој. На врвот на смелиот надворешен дизајн и новите електрични мотори, автомобилите, исто така, ќе понудат палета иновативни услуги за поврзување плус светски најнапредните безбедносни карактеристики и важниот скандинавски дизајн на ентериер.„Новата серија 40 на автомобили имаат потенцијал да го подобрат нашето пробивање на пазарот во еден многу важен растечки сегмент. Електричната програма мотори, вклучувајќи го и новиот plug in компактен двоен хибриден мотор, како и чисто електричниот автомобил, се централни за нашата архитектура CMA“, вели Хакан Самуелсон, претседател и главен извршен директор. Тој додава дека првата серија 40 нови автомобили ќе почне со производство во 2017 година.Објавувањето на новата глобална стратегија мали автомобили доаѓа по силниот старт на годината во однос на продажбата и профитабилноста. Компанијата по првите три месеци од оваа година најави зголемени приходи за 24 отсто, односно SEK41.7 bn, генерирање на оперативен зафат од SEK 3.1 bn и оперативен профит од 7.5 отсто. Глобалната продажба, во првиот квартал на 2016 година, се зголеми за 11.9 отсто на 120.591 автомобил. Volvo, на среден рок, има амбиција да продава 800.000 автомобили годишно, откако лани продаде 503.000 парчиња. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
„Зегин онлајн“ е најпопуларна е-продавница за здравје, нега и убавина за 2023 година
Во организација на Асоцијацијата за е-трговија на Македонија вчеравечер се одржа Ecommerce Awards, избор на најдобрите во македонската е-трговија.
Компанијата Зегин со е-продавницата www.zegin.com.mk беше номинирана во неколку категории, а го освои првото место во категоријата „Најпопуларна е-продавница за здравје, нега и убавина“, што претставува уште една потврда дека квалитетот, професионалноста, вложениот труд и љубов секогаш резултираат со успех.
Изборот на најдобрите е-трговци има за цел да ги препознае и награди најдобрите со што ќе придонесе за мотивација и охрабрување за уште подобра работа, да ја крене свеста за потенцијалот и да ја промовира е-трговијата, како и да ја зајакне конкурентноста и да охрабри унапредување на работењето кај постојните и идни е-трговци.
„Оваа награда, трета по ред претстаува уште еден доказ за успешноста на работењето на онлајн продавницата на Зегин- www.zegin.com.mk и е одлична мотивација за уште попосветена работа, поквалитетна понуда, како и позадоволни купувачи во иднина. Ви благодариме за лојалноста и довербата!“, велат од компанијата за наградата.
Манифестација за доделување на македонските Награди за е-трговија за 2023 година – E-commerce Awards, се одржа во присуство на членките на АЕТМ, поддржувачите и партнерите, жири комисијата и наградените е-трговци.
(ПР)
Економија
Тековните предизвици и можности на винските пазари и значењето на географските ознаки за македонското вино – теми во фокусот на регионалната конференција за вино
Како да се искористат актуелните трендови на глобалните вински пазари за подобро позиционирање на македонското вино, како да се зголеми препознатливоста на нашите вина, зошто е исклучително важно воведувањето географски ознаки на виното и какви придобивки ќе донесе овој процес. Ова се само некои од прашањата за кои се имаше дискусија на регионалната конференција за вино, што ја организираа здружението „Вина од Македонија“ и винарската визба „Тиквеш“, во соработка со Германското друштво за меѓународна соработка (GIZ).
„За да се зголемат продуктивноста и додадената вредност на домашната винска индустрија, нејзината конкурентност и вредноста на извозот, како и нејзината отпорност на тековните предизвици, вклучувајќи ги и ризиците од климатските промени, неопходни се големи вложувања во знаење, во нови технологии и дигитализација, во организација, окрупнување на лозјата и создавање ефикасни кооперантски односи, како и во воведување нови правила, стандарди и механизам за државна поддршка и поголема регионална соработка. Сето ова мора да се заснова на научен пристап користејќи ги искуствата на развиените земји, кои поминале низ оваа трансформација и може да ни помогнат да го оствариме она што е нашата главна задача – зголемување на извозот на квалитетно вино, кое ќе биде препознатливо и ценето од потрошувачите во светот“, порача во своето воведно обраќање на конференцијата претседателот на здружението „Вина од Македонија“, Светозар Јаневски.
Во рамките на конференцијата се одржаа три работни сесии на кои реномирани експерти од Универзитетот „Гајзенхајм“ во Германија, професорите Јон Ханф и Силвија Димер говореа за состојбите на глобалниот пазар на вино, за спецификите на посебните пазарни нишки во Европа и за значењето на правните и техничките услови за извоз на вино. Една од поважните пораки што ја потенцираа експертите се однесуваа на важноста на заедничкиот настап на компаниите на пазарот истакнувајќи дека ваквиот пристап може да креира ефективни резултати доколку секоја компанија настапи одговорно и самостојно покрај заедничките активности како кластер.
Поздравувајќи ја организацијата на оваа конференција, регионалниот советник за земјоделство во германската амбасада во Скопје, Франк Мулер, го нагласи значењето на соработката помеѓу здружението „Вина од Македонија“ и ГИЗ акцентирајќи дека за долгорочен одржлив развој на винската индустрија неопходна е соработка и со универзитетите бидејќи научниот пристап во воведувањето и примената на унифицирани стандарди за производство и пласман на висококвалитетно вино од регионот е повеќе од неопходен.
За најновите движења во интрарегионалната трговија со грозје и вино во рамките на Западен Балкан говореше и извршната директорка на здружението „Вина од Македонија“, Елена Младеновска-Јеленковиќ, која ја нагласи неопходноста од воспоставување заеднички вински бренд со загарантирано географски потекло како еден од клучните предуслови за зголемување на препознатливоста на овдешните вина од страна на потрошувачите на пазарите во ЕУ и пошироко.
Економија
Традиционалното закројување на лозјата на „Тиквеш“ за Свети Трифун во знакот на новите прогресивни практики на винарницата
ВВ „Тиквеш“ го одбележа празникот Св. Трифун со свечено закројување на лозјата во Лепово. На настанот присуствуваа бројни гости – претставници на институции, на дипломатскиот кор, соработници на винарницата и лозари.
Годинешниот настан беше во знакот на воведување на ЕСГ стандардите во работењето на винарницата. Со нивното имплементирање, „Тиквеш“ станува единствена винарница во регионот која воведува нови прогресивни активности и култура во своето работење, дополнително инвестирајќи во грижата за животната средина, влијанието и придонесот во развојот на општеството и доброто управување.
Гостите ги поздрави новата генерална директорка на ВВ „Тиквеш“ Бранка Славеска, која во своето обраќање фокусот го стави на посветеноста на „Тиквеш“ за развој на винската индустрија во земјава и регионот, претставувајќи пример за останатите деловни субјекти во индустријата.
„Производството на квалитетно вино е императив во работата на „Тиквеш“. Тоа може да се постигне само со имплементација на современи практики и технологии, примена на науката и, најбитно, со поставување и следење на највисоки стандарди во своето работење. Воведувањето на ЕСГ стандардите за нас и за нашите соработници значи дополнителен поттик за раст на компанијата, но и за позитивно влијание на општеството во целост“, изјави генералната директорка на „Тиквеш“ Бранка Славеска и нагласи дека „Тиквеш“, кој е своевиден амбасадор на државата, чувствува должност да вложува во трасирање на патеката за освојување на светските пазари и градење на имиџот на македонското вино.
ВВ „Тиквеш“ посветено работи на целосна трансформација во т.н. „зелена” винарница. Во рамки на овој процес, го произведува првото органско вино, токму на лозовите насади на Лепово, користи најсовремени научни методи, како и вештачка интелигенција во насока на заштита на лозовите насади и обезбедување квалитетно грозје, имплементира проекти кои имаат за цел заштита на животната средина, намалување на отпадните води како и намалување на емисиите на CO₂ и вложува во обновливи извори на енергија преку инсталирање на фотоволтаици. Притоа, сето ова го споделува и со своите кооперанти и со останатите чинители во индустријата.
„Тиквеш“ како општествено одговорна компанија во целокупното работење е посветена на минимизирање на своето влијание врз животната средина, поддршка на локалните заедници и практикување највисоки стандарди за корпоративно управување.
ПР