Контакт

Компании

Здравје Радово промовираше нов јогурт, наскоро со уште една фабрика и нови вработувања

Објавено пред

Млекарницата Здравје Радово во вторникот во Скопје го промовираше новиот функционален јогурт Здравје +, а воедно најави дека наскоро ќе отвори нов производствен капацитет во Битола и ќе отвори нови работни места.
 

Млекарницата Здравје Радово во вторникот во Скопје го промовираше новиот функционален јогурт Здравје +, а воедно најави дека наскоро ќе отвори нов производствен капацитет во Битола и ќе отвори нови работни места.

 

 

Со новиот јогурт, Здравје Радово ја збогати палетата на висококвалитетни млечни производи, во кои се и стандардните јогурти Здравје со 3,2 и 1,5 масленост.

 

Извршниот директор на компанијата Панделе Панделески истакна дека виталноста, енергијата и хармонијата биле трите столба на кои што работеле технолозите на фабриката при изработката на новиот јогурт.

 

„Овој производ е наменет за сите оние кои внимаваат на себе и на своето здравје. За деновите кога виталноста значи се, кога е потребна енергија плус, и кога хармонијата е движечка сила која носи здравје. Новиот функционален јогурт Здравје + го раздвижува дигестивниот систем, создавајќи рамнотежа во организмот на нашите консументи“ изјави Панделески.

 

Директорката на маркетинг Милка Исјановска посочи дека компанијата внимателно ја разработувала целата стратегија, од дизајн до маркетинг алатки.

 

„Големите компании како Млекара Здравје Радово не треба само да го следат вкусот на консументите, тие треба да бидат креатори на здрави и квалитетни вкусови.

 

Одговорноста кон потрошувачите е огромна, затоа ќе продолжиме да инвестираме во здравјето на нашите потрошувачи. Здравје + е функционален високо квалитетен јогурт каков што заслужуваат нашите консументи“, рече Исјановска.

 

Од компанијата најавија дека до крајот на годината ќе биде отворена целосно нова модерна фабрика во Битола која ќе работи со нова технологија и ќе ги исполнува највисоките стандарди.

 

Директорот Панделески појасни дека  потребата за нова фабрика се наметнала од зголемената побарувачка и со отворањето на можноста за извоз на големиот руски пазар.

 

„Големата побарувачка на наши производи ја наметна потребата од дополнителни капацитети за производство. Со гордост можам да најавам дека во овие турбулентни времиња кај нас и во поширокото опкружување, одлучивме да инвестираме во нов, четврти капацитет“, рече Панделески, додавајќи дека тоа ќе биде можност за вработувања на нови лица.

 

Исјановска, пак, најави дека како први производи кои ќе излезат од новиот капацитет ќе бидат ухт и свежото млеко во нови модернизирани пакувања.

 

Млекарницата Здравје Радово, која започна со осум вработени и дневна обработка на 2.500 литри млеко, денес има над 340 вработени, а капацитетот за обработка надминува 100.000 литри млеко на ден./крај/ап



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

380 компании симнале апликација за брзо закрепнување од Ковид-19, жените прептприемачи имаат предност

Објавено пред

jovan-despotovski

За да не изразуваме жалење одново и одново поради тоа што малку компании раководени од жени аплицираат за државна поддршка, воведовме поткритериум со кој ќе им дадеме предност и шанса плус на овие компании, вака директорот на Фондот за иновации, Јован Деспотовски, го најави последниот повик за државна помош за компании за брзо закрепнување од последиците од Ковид-19. Од Фондот велат дека иако сè уште немаат податоци колку компании раководени од жени аплицирале, има интерес за оваа поддршка за која аплицирањето почна во петокот. Освен за компаниите раководени од жени, предност е дадена и на компании од помалку развиените региони.

„ На јавниот повик Кофинансирани грантови за технолошки развој за надминување на последиците од Ковид-19 од објавувањето на 29.05 до 03.06 се симнати 380 апликациски пакети, што покажува дека има голем интерес кај компаниите. Ова е прв повик во кој директно се поттикнува рамномерен регионален развој и женско претприемништво“, велат од Фондот за иновации.

Компаниите раководени од жени и компаниите од помалку развиените региони ќе имаат предност во бодувањето. За нивото на технолошки развој и степенот на дигитализација предвидени се 35 од сто поени, за квалитетот на изготвениот предлог 10 од 100, за капацитетот на проектниот тим 10 од сто и за влијанието на проектот можни се 45 од сто поени. Поткритериумите за предност на женско претприемништво и за рамномерен регионален развој се сместени во критериумот влијание, кој носи најмногу поени.

„Во однос на застапеноста на жени сопственици и управители во самите компании, бодувањето е многу едноставно. Сите апликанти кои во сопственичката структура или во управувачката структура имаат жена ќе имаат 5 поена, сите останати ќе имаат нула. Тоа значи дека во рамки на овој поткритериум во делот на влијание, охрабруваме, и ја користам оваа прилика повторно да ги охрабрам жените претприемачи да аплицираат“, објасни директорот Деспотовски кога го претстави овој инструмент за брзо закрепнување од последиците од Ковид – 19.

Во рамки на критериумот за влијание е сместен и поткритериумот со кој се дава предност на компании од помалку развиените региони.

„ Компанија која доаѓа од Северозападниот Плански Регион ќе има максимален број по тој поткритериум, додека компанија која доаѓа од главниот град ќе има минимален број. Тоа значи дека сите компании од помалку развиените региони имаат шанса плус, предност при аплицирањето и ги охрабрувам да аплицираат“, рече директорот Деспотовски.

Во рамки на критериумот влијание има поткритериуми кои се однесуваат на потенцијалот за генерирање  приходи и добивка на самиот бизнис план. Има критериум колку самиот проект предвидува спроведување на заштитни мерки за вработените и потрошувачите, и, она што од Фондот сметаат дека е многу важно, има соодветен поткритериум кој оценува како самиот апликант ќе се однесува во однос на работните места кои во моментот ги има компанијата. Овозможено е соодветно оценување, односно наградување на сите оние кои ќе предвидат, не само задржување, туку и зголемување на бројот на работни места во компанијата.
Новина со овој повик е и тоа што нема подарок пари од државата, како што вели директорот Деспотовски, туку компаниите кои добиле грант, кога ќе почнат да остваруваат добивка, ќе враќаат пари на државата. Оние кои нема да остварат добивка нема да имаат таква обврска.

Буџетот на Фондот за овој повик е 3,3 милиони евра, пари со кои може да се обезбеди поддршка за околу 150 микро, мали и средни компании. Компаниите може да аплицираат со проекти за дигитализација во компаниите, воведување протоколи за заштита на вработените, подобрување на организациската структура и реорганизација на работните процеси, воведување нови производи и услуги или значително подобрување на постојните, особено на оној сегмент за којшто постои зголемена побарувачка и во време на криза и за кој се очекува дека ќе постои побарувачка и во време на посткризниот период, обука за среднорочно планирање на бизнисот и обука за вработените, како и сите мерки кои компаниите сметаат дека ќе им помогнат не само во подобро прилагодување туку и во развој.

Во овој повик, за разлика од претходните од Фондот, дозволено е платите за луѓето кои ќе го реализираат проектот да бидат прикажани како трошоци кои може да се покријат од грантот.

Повикот ќе биде отворен со 26 јуни.

Прикажи повеќе...

Економија

„Еуроимпекс“ во партнерство со меѓународниот проект во рамките на Програмата „Еразмус+“

Објавено пред

Компанијата „Еуроимпекс“ го продолжува партнерството со меѓународниот проект во рамките на Програмата „Еразмус+“, која се случи во февруари оваа година.

Продолжувајќи ја традицијата на взаемна соработка, Еуроимпекс и оваа година соработуваше со АСУЦ „Боро Петрушевски“ на Град Скопје, во процесот на реализирањето на проект од Програмата „Еразмус+“, под името: „Развивање на професионалните и меките вештини за полесно вклучување на пазарот на труд“.

Сите фотографии објавени во горенаведениот текст се креирани во февруари месец 2020та година. Со тоа лицата на фотографиите не се задолжени да носат заштитни маски

Сите фотографии се креирани во февруари 2020 година. Со тоа лицата на фотографиите не се задолжени да носат заштитни маски

Учениците реализираа практична обука во времетраење од 14 дена, во февруари месец оваа година, во сервисните центри за возила во Вилниус, а исто така, реализираа и часови по практична настава во партнерското стручно училиште ”Vilniaus automechanikos ir verslo mokykla”.

Со цел учениците да можат полесно да се вклучат и да се адаптираат на работните услови во сервисните центри за возила во Вилниус, Еуроимпекс ДОО овозможи професионална подготовка на тој начин што учениците беа директно вклучени во сервисниот работен процес во Еуроимпекс, реализирајќи различни задачи во областа на автомобилската мехатроника, користејќи најразличен алат и опрема, со несебична поддршка и менторство од страна на одговорните лица на компанијата. Во процесот на подготовка, учениците учествуваа во тимската работа на компанијата, го подигнаа квалитетот на своите комуникациски способности и сл.

Поддршката од страна на компанијата Еуроимпекс беше од големо значење и придонесе за зголемувањето на успешноста на реализирањето на обуката, со оглед на тоа што учениците за време на практичната обука во Вилниус, вршеа комплетен сервис на различни видови возила, дијагностика, користеа современ алат и уреди, ги усовршија и своите меки вештини (комуникација, однос со вработени, тимска работа и сл.), се запознаа со најсовремени системи на возила, тестери, макети, симулатори и сл. Добиените меѓународни сертификати за секој ученик поединечно, ја потврдуваат успешноста на реализираната практична обука во Литванија.

Сите фотографии се креирани во февруари 2020 година. Со тоа лицата на фотографиите не се задолжени да носат заштитни маски

Во проектот, беа вклучени и 6 наставници, кои разменија искуства со наставниците од партнерското училиште во Вилниус, чиишто искуства можат да се применат во иднина во АСУЦ „Боро Петрушевски“ на Град Скопје, а, исто така, и во процесот на соработка со долгогодишниот социјален партнер Еуроимпекс ДОО.

„Отворањето на вратите на нашите сервисни центри и пружање на професионални обуки на студентите и учениците, секогаш било добредојдено во нашата компанија. Еуроимпекс како општествено одговорна компанија има за цел да им овозможи на идните генерации можност одблиску да се запознаат со работењето и да стекнат искуство повеќе при соочување со реален проблем и сервис на некое возило. На тој начин во иднина истите тие студенти ќе можат да дадат свој придонес во општеството и подобрување на работниот кадар на автомобилските компании“, изјави, Зоран Серафимовски – извршен директор на Еуроимпекс.

*Сите фотографии објавени во горенаведениот текст се креирани во февруари месец 2020та година. Со тоа лицата на фотографиите не се задолжени да носат заштитни маски.

(ПР текст)

Прикажи повеќе...

Економија

Ангеловска: Кризата донесе можности за жените претприемачи и дигитализацијата

Објавено пред

Оваа криза предизвикана од Ковид-19 донесе големи предизвици, но истовремено и можности за технологиите и жените претприемачи и таа треба да се искористи за да ги направиме работите подобри во иднина, порача министерката за финансии, Нина Ангеловска, на виртуелната меѓународна конференција организирана од Women in Tech на панел со тема „Дипломатската визија да се охрабрат жените во науката, технологијата, инженерство и математиката“.

„Дигиталниот е единствениот начин за развој, за одењето чекор понатаму. Веќе ја немаме можноста да избираме дали ќе работиме на традиционален или дигитален начин, сега сите мора да се адаптираат. Ова мора да се искористи мудро, особено од страна на жените претприемачи. Оваа пандемија ќе заврши – а кога ќе заврши, од нас зависи колку попаметно, поефективно и подобро ќе функционираме. Сè ќе зависи од тоа колку бргу ќе се адаптираме на ситуацијата. Вработените, граѓаните и фирмите ќе имаат нови способности, нови бизнис-модели ќе се развијат, голем дел ќе се промени, а технологијата, дефинитивно, ќе одигра клучна улога во сето тоа, во секоја дејност и економија во светот“, рече Ангеловска.

На виртуелната меѓународна конференција „Жени во технологијата“ учествуваа 150 говорници од 60 земји од светот. Инаку, Ангеловска е една од првите седум амбасадорки на дигитална трговија на УНКТАД – телото на Oбединетите нации за трговија и развој.

Прикажи повеќе...

Најново

Македонија2 минути

Заев до Ахмети: Ако ДУИ условува со позицијата премиер, нема да биде дел од идната Влада

Доколку ДУИ има услов за коалиција за Влада, тогаш ДУИ нема да биде дел од идната Влада, порача на „Фејсбук“...

Македонија2 часа

Коронавирусот се врати во Дебар, заразена e жена која била во контакт и со медицински персонал

Градоначалникот на Дебар, Хекуран Дука, вели дека во градот се појавил еден нов случај на жител заразен со коорнавирус. Тој...

Свет3 часа

Босанец осомничен за напад на полицајци при немирите во Њујорк, се поврзува со тероризам

Џенан Камовиќ, Босанец кој живее во Америка, е осомничен дека повредил тројца полицајци во Њујорк. ФБИ сега истражува дали станува...

Топ4 часа

Паркиран камион се придвижил и удрил во две лица во Виница, жена почина на самото место

Во попладневните часови на 4 јуни кај стариот градски „Зелен пазар“ во Виница, претходно паркирано товарно возило „застава“ без регистарски...

Европа5 часа

Регионална шпанска влада осудена за негрижа кон здравствените работници

Судот во провинцијата Арагон, на истокот на Шпанија, ја осуди регионалната власт затоа што не им обезбеди на лекарите заштитен...

Свет5 часа

(Видео) Илјадници луѓе на комеморацијата за убиениот Џорџ Флојд

Илјадници луѓе присуствуваа на комеморацијата за Афроамериканецот Џорџ Флојд, кој беше убиен за време на полициско апсење во Минеаполис. Меѓу...

Регион17 часа

Семејна трагедија во Дубровник: ја застрелал мајка си во главата, а болниот татко во градите

Десетици полицајци го блокираа хрватскиот град Дубровник при обид да го лоцираат 37-годишниот маж, кој ја застрелал мајка си во...

Регион18 часа

Нови 48 случаи на коронавирус во Србија, заразени 28 лица во старски дом во Нови Сад

Уште едно лице почина од коронавирус во Србија во последните 24 часа, а потврдени се и 48 нови случаи на...

Македонија19 часа

Велешкото Обвинителство отвори предмет по повикот на Агатангел за масовно одење во верските храмови

Основното јавно обвинителство Велес отвори предмет по допрен глас по објавите во медиумите и јавното соопштение на митрополитот Агатангел и...

Топ21 час

Пријава за охриѓанец кој со лажна полициска палка запирал возила на патот Охрид – Кичево

СВР Охрид поднесе кривична пријава против А. И. (44) од Охрид поради лажно претставување. На 15.3.2020, на социјалната мрежа „Фејсбук“,...

Македонија21 час

Судот во Стразбур донесе пресуда во корист на Љубе Бошкоски за случајот „Кампања“

Судот во Стразбур донесе пресуда во корист на претседателот на Обединети за Македонија, Љубе Бошкоски, за случајот „Кампања“. Како што...

Македонија22 часа

Филипче: Епископот да го повлече повикот да се посетуваат верските храмови

Министерот за здравство, доц. д-р Венко Филипче, одговорајќи на новинарско прашање за повикот на епископот верниците да ги посетуваат храмовите...

Македонија24 часа

Заев: Ако Мицкоски се грижеше за здравјето на граѓаните, немаше да ги крши мерките

Ако Мицкоски се грижеше за здравјето на граѓаните, немаше да ги крши здравствените мерки, вели лидерот на СДСМ, Зоран Заев,...

Регион1 ден

Во Словенија има само девет активни случаи на коронавирус

Во Словенија во последните 24 часа се тестирани 828 лица и не се потврдени нови случаи на коронавирус, објави словенечката...

Македонија1 ден

Отфрлена кривичната пријава против кумановскиот градоначалник за непочитување на мерките за заштита

Кумановското основно јавно обвинителство донесе решение за отфрлање на кривичната пријава против градоначалникот на Куманово, Максим Димитриевски, и раководителот на...

Македонија1 ден

Двајца починати и 120 нови случаи на коронавирус во Македонија

Две лица починаа од коронавирус во последните 24 часа во Македонија, а регистрирани се 120 нови случаи, што е една...

Топ1 ден

Пукање на улицата Џон Кенеди во Чаир, полицијата го истражува случајот

Истрели од огнено оружје се слушале утрово во скопски Чаир, што ги вознемирило жителите, кои подоцна настанот го пријавиле во...

Македонија1 ден

Поради полицискиот час се поместуваат термините за аплицирање за лични документи

Граѓаните кои имаат закажано термини за аплицирање за лични документи во деновите кога во дел од општините на сила ќе...

Регион1 ден

(Видео) Нереди на протест во Атина за смртта на Џорџ Флојд – употребени молотови коктели и солзавец

Грчката полиција употребила солзавец за да ги растера демонстрантите кои фрлале молотови коктели за време на протестот што се одржа...

Свет1 ден

СЗО продолжува со тестирање на лекот против маларија кај пациенти со Ковид-19

Светската здравствена организација ќе продолжи со тестирање на хидроксихлорокинот како потенцијален лек против коронавирусот, изјави директорот на СЗО, Тедрос Аданом...

Досие