Контакт

Компании

Здравје Радово промовираше нов јогурт, наскоро со уште една фабрика и нови вработувања

Објавено пред

Млекарницата Здравје Радово во вторникот во Скопје го промовираше новиот функционален јогурт Здравје +, а воедно најави дека наскоро ќе отвори нов производствен капацитет во Битола и ќе отвори нови работни места.
 

Млекарницата Здравје Радово во вторникот во Скопје го промовираше новиот функционален јогурт Здравје +, а воедно најави дека наскоро ќе отвори нов производствен капацитет во Битола и ќе отвори нови работни места.

 

 

Со новиот јогурт, Здравје Радово ја збогати палетата на висококвалитетни млечни производи, во кои се и стандардните јогурти Здравје со 3,2 и 1,5 масленост.

 

Извршниот директор на компанијата Панделе Панделески истакна дека виталноста, енергијата и хармонијата биле трите столба на кои што работеле технолозите на фабриката при изработката на новиот јогурт.

 

„Овој производ е наменет за сите оние кои внимаваат на себе и на своето здравје. За деновите кога виталноста значи се, кога е потребна енергија плус, и кога хармонијата е движечка сила која носи здравје. Новиот функционален јогурт Здравје + го раздвижува дигестивниот систем, создавајќи рамнотежа во организмот на нашите консументи“ изјави Панделески.

 

Директорката на маркетинг Милка Исјановска посочи дека компанијата внимателно ја разработувала целата стратегија, од дизајн до маркетинг алатки.

 

„Големите компании како Млекара Здравје Радово не треба само да го следат вкусот на консументите, тие треба да бидат креатори на здрави и квалитетни вкусови.

 

Одговорноста кон потрошувачите е огромна, затоа ќе продолжиме да инвестираме во здравјето на нашите потрошувачи. Здравје + е функционален високо квалитетен јогурт каков што заслужуваат нашите консументи“, рече Исјановска.

 

Од компанијата најавија дека до крајот на годината ќе биде отворена целосно нова модерна фабрика во Битола која ќе работи со нова технологија и ќе ги исполнува највисоките стандарди.

 

Директорот Панделески појасни дека  потребата за нова фабрика се наметнала од зголемената побарувачка и со отворањето на можноста за извоз на големиот руски пазар.

 

„Големата побарувачка на наши производи ја наметна потребата од дополнителни капацитети за производство. Со гордост можам да најавам дека во овие турбулентни времиња кај нас и во поширокото опкружување, одлучивме да инвестираме во нов, четврти капацитет“, рече Панделески, додавајќи дека тоа ќе биде можност за вработувања на нови лица.

 

Исјановска, пак, најави дека како први производи кои ќе излезат од новиот капацитет ќе бидат ухт и свежото млеко во нови модернизирани пакувања.

 

Млекарницата Здравје Радово, која започна со осум вработени и дневна обработка на 2.500 литри млеко, денес има над 340 вработени, а капацитетот за обработка надминува 100.000 литри млеко на ден./крај/ап



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Кои се даночните олеснувања за компаниите што ги осигурале своите вработени?

Објавено пред

Какви се бенифитите за една компанија ако ги осигура своите вработени? Дали има реални бенефити или станува збор само за покажан гест на грижа? Одговорот е и двете, компанијата и вработените имаат бенефит.

Со направените законски измени кои се во сила од јануари 2019 година, на оданочување со данок на личен доход не подлежи уплатената премија за животно осигурување за вработени лица во една календарска година, во висина до две просечни месечни бруто‐плати во Република Северна Македонија, објавени во јануари во тековната година според податоците на Државниот завод за статистика.

Овие даночни олеснувања може да имаат големо значење за работодавците, посебно во големи и компании со голем број вработени. Но, животното осигурување на вработените има и други предности за компаниите. На овој начин им обезбедуваат на своите вработени финансиска заштита од непредвидени животни ситуации и покажуваат дека се грижат и за финансиската безбедност и заштита на нив и нивните семејства, со што ја стекнуваат нивната доверба и лојалност. А постоењето на ваква практика позитивно се одразува и воопшто врз пазарот на трудот, врз статусот и третманот на вработените, врз вреднувањето на вработените и нивниот придонес во пазарната економија на една држава.

Заради многуте предности и фактичка, материјална корист што произлегуваат од животното осигурување на вработените, осигурителните компании ја зголемуваат понудата, а менаџерите се почесто се одлучуваат на овој тип осигурување. За Кроациа осигурување – живот овој тип осигурување дава многу можности.

„Создадовме неколку вида производи за правни лица и компаниите имаат можност да изберат. Менаџерското осигурување на живот е начин за стимулирање на лојалноста и посветеноста на вработените и е современ начин за наградување на клучните кадри во компанијата, а во исто време нуди врвна заштита и покритие. Колективно осигурување живот кое е наменето за работодавачи кои сакаат да им обезбедат на своите вработени финансиска заштита од непредвидени животни ситуации. Корпоративното ризико осигурување, пак, има за цел да обезбеди целосна финансиска заштита на вработените од евентуален несреќен случај а се осигуруваат вработените во текот на целото деноноќие, без разлика дали се на работното место или вон него“, велат од Кроациа.

Една компанија со осигурување на својот клучен кадар ја потврдува неговата стручност и улогата што ја имаа во компанијата, покажува дека го вреднува трудот што го вложуваат, го цени нивниот потенцијал и свесна е за нивната улога и влијание врз деловните резултати. (ПР)

Прикажи повеќе...

Економија

Шпаркасе Банка го започнува третиот циклус од програмата „Чекор по чекор“ за поддршка на старт-ап бизниси

Објавено пред

Шпаркасе Банка Македонија го објави почетокот на третиот циклус од програмата „Чекор по чекор“, наменета за поддршка на старт-ап бизнисите во Република Северна Македонија. Преку оваа програма Шпаркасе Банка Македонија веќе трета година по ред на стартапите им овозможува пристап до потребните финансиски средства за развој на нивните микро и мали компании, како и вклучително едукација и менторство за правилен развој и одржливост на бизнис-идеите.

Програмата „Чекор по чекор“ е прва акцелераторска програма од овој вид во Република Северна Македонија, која започна во 2019 година во соработка со партнерите „Business Impact Lab“ и „Startup Academy“. Целта на програмата е да обезбеди парична и општествена поддршка на компаниите што се во почетната фаза на развој на сопствен бизнис, со можност за кредитирање во износи до 25.000 евра, вклучително со пакет на образовна, финансиска и менторска поддршка.

Како прва банка што воведе специјална програма за финансирање и поддршка на развојот на старт-ап бизнисите, Шпаркасе Банка Македонија во претходните два циклуса успеа да овозможи кредитирање на 22 старт-ап компании, со вкупен износ од околу 200.000 евра. Само во 2019 г. беа финансирани првите 14 старт-ап компании, додека во 2020 г., иако беше година на пандемија, сепак циклусот беше целосно спроведен преку онлајн платформите и со неговото финализирање произлегоа дополнителни 6 нови успешни старт-ап проекти, со кои денес се гордееме“, изјави Владимир Кечовски, директор на Дирекцијата за мали и средни компании за Регион Скопје.

Шпаркасе Банка Македонија во претходните два циклуса успешно ја реализираше програмата „Чекор по чекор“ во соработка со партнерите „Business Impact Lab“ и „Start Up Academy“, кои беа задолжени за спроведување 8 различни образовни модули наменети за едукација на старт-ап менаџерите за квалитетна изработка на потребните бизнис-планови. Но, исто така, со своето менторство ги насочуваа стартапите како правилно да ги употребат финансиските средства и да ја продолжат инвестициската активност за да го обезбедат потребниот фиксен капитал.

„Најголемата придобивка од програмата е фактот што повеќе од 20 старт-ап бизниси добија финансиски средства за реализација на нивните бизнис-идеи во околности каде што шансите за добивање поволни финансиски средства од други финансиски институции беа и сѐ уште се минимални. Благодарение на програмата, имаме 20 бизниси што успешно работат и дополнително го развиваат претприемничкиот екосистем во Македонија. Од друга страна, пак, повеќе од 50 компании ја поминаа програмата и имаат развиени бизнис-идеи, кои со минимално подобрување и со поголема посветеност на претприемачите можат да прераснат во нови успешни приказни не само за Банката, туку и за заедниците во кои функционираат“,  изјави Виктор Митевски од „Startup Academy“.

Изјава од Кристијан Милески

„’Бизнис импакт лаб’ како акцелератор што работи активно и е дел од нашиот екосистем, слободно можам да кажам дека ‘Чекор по чекор’ е една од ретките програми што има за цел да им го олесни пристапот до финансии на стартапите. Програмата ги следи економските текови и се адаптира во согласност со настанатите промени на глобално ниво. Градејќи ги капацитетите на стартапите, а посебно оние што имаат одредено влијание врз околината со нивното работење, нашата цел е да им помогнеме во нивниот раст и надвор од нашите граници“, изјави Кристијан Милески, соосновач на „Бизнис импакт лаб“.

Програмата „Чекор по чекор“ е наменета за компании што се регистрирани пред помалку од 24 месеци и кои имаат потреба од дополнителни финансиски средства и едукација за унапредување на нивните претприемачки вештини, кои се наоѓаат во старт-ап фаза или во фаза на развој на бизнис-идеја и вработуваат еден или помалку од 10 вработени.

Повеќе информации за програмата „Чекор по чекор“ погледнете на веб-страницата на Банката (www.sparkasse.mk), а сите заинтересирани учесници во третиот циклус ги покануваме да се пријават со пополнување онлајн апликацијата на следниот линк.

(ПР текст)

Прикажи повеќе...

Економија

Регулаторна почна постапка за одземање лиценци на четири компании за трговија со мазут

Објавено пред

Регулаторна комисија за енергетика и водни услуги почна постапка за одземање лиценци на трговците на големо РКМ ДООЕЛ Скопје, Супертрејд ДООЕЛ увоз-извоз Скопје, Пертинакс ДООЕЛ Скопје, Ли оил ДБ ДООЕЛ увоз-извоз Кавадарци поради непоседување на оперативни резерви на мазут, изјави директорот на РКЕ, Марко Бислимовски. Овие неусогласености кај сите четири трговци на големо ги констатирал Државниот пазарен инспекторат при вршење инспекциски надзор, за што се изречени прекршочни платни налози.

„Оперативните резерви треба да бидат на ниво утврдено согласно Правилникот за нивото и начинот на пресметка на оперативните резерви и неисполнувањето на обврската за почитување на Законите и другите прописи и општи акти кои се однесуваат на вршење на дејноста трговија на големо со сурова нафта, нафтени деривати биогорива и горива за транспорт – трговија на големо со мазут (М-1) е основа поради која РКЕ утврди дека постои причина за почнување постапка за одземање лиценци“, соопшти РКЕ.

Почнувањето на постапката е во согласност со Правилникот на РКЕ за лиценци, во кој се предвидуваат неколку фази: РКЕ ги известува компаниите за постоење причини за почнување постапка за одземање  лиценци, по што во рок од 7 дена трговците на големо ќе мора да се произнесат за посочените причини поради кои е настанатото прекршување на одредбите од член 146 од Законот за енергетика и одредбите од Правилникот за ниво и начинот на пресметка на оперативните резерви. Потоа РКЕ врз основа на добиените наводи во одговорот од трговците компании на големо на седница ќе донесе соодветни одлуки за идно постапување.

Прикажи повеќе...

Најново

Македонија9 часа

Мицкоски: Ги почитуваме стратешките интереси на партнерите, но ги почитуваме и македонските национални интереси

ВМРО-ДПМНЕ ги почитува стратешките интереси на стратешките партнери, но тоа не значи дека немаме право да ги почитуваме и да се...

Македонија10 часа

Заев: Извозот на канабис за медицински цели oд Северна Македонија во ЕУ станува реалност

Извозот на сув цвет од канабис за медицински цели од Северна Македонија за пазарите во Европската Унија станува реалност, пишува...

Спорт11 час

Ериксен во стабилна состојба префрлен во болница

Данскиот репрезентативец, Кристијан Ериксен, во стабилна состојба е префрлен во болницата во Копенхаген. Натпреварот, помеѓу Данска и Финска е прекинат...

Македонија16 часа

Османи: Зголемена е активноста на ЕУ за почеток на преговорите, но исходот е непредвидлив

Се забележува една невообичаена зголемена активност од сите земји членки за Македонија да ги почне преговорите со ЕУ, истакна министерот...

Македонија17 часа

Регистрирани 21 нов случај на коронавирус, почина едно лице

Денеска се регистрирани 21 нов случај на Ковид-19, оздравени се 7 пациенти, а пријавенo е едно починатo лицe. Во последните...

Македонија18 часа

Заев отвори канцеларија за директни средби со граѓаните во Струмица

Претседателот на Владата, Зоран Заев, денеска во Струмица ја отвори Канцеларијата за непосреден контакт со граѓаните. Од Владата велат дека...

Македонија20 часа

Средношколскиот сојуз: Училишта бараат пари од учениците за издавање на свидетелства

Сојузот на средношколците реагира дека некои училишта бараат од учениците пари за издавање на свидетелства. „Изминативе неколку денови Сојузот на...

Македонија21 час

Македонија повеќе не е на германската листа на ризични земји

Според новите податоци, објавени од државниот германски институт „Роберт Кох“, Македонија повеќе не се смета за ризична држава од Ковид-19....

Спорт22 часа

Арнаутовиќ: Не го отпишувајте Пандев поради неговите години

Македонија и Австрија, утре ќе го одиграат првиот натпревар во Ц-групата на Европското првенство. Дуелот на двете селекции, во Букурешт,...

Спорт1 ден

Пандев со обраќање до нацијата: Генерацијата која ја обедини цела Македонија

Капитенот Горан Пандев преку Инстаграм прати порака до нацијата пред историскиот настап на Европското првенство во фудбал, во кое зборува...

Регион2 дена

Србија ја одобри вакцината на „Фајзер“ за деца од 12 до 15 години

Агенцијата за лекови и медицински помагала на Србија ја одобри вакцината на „Фајзер“ и „Бионтек“ за деца на возраст од...

Македонија2 дена

Заев – Брнз: Извршната наредба на Бајден ги штитат САД, Северна Македонија и сојузниците

Премиерот, Зоран Заев, денеска имаше средба со амбасадорката на Соединетите Американски Држави, Кејт Брнз, при што во фокусот на разговорите...

Македонија2 дена

Андоновска: Системот за вакцинирање со сериозен недостаток, ако се пријавите повеќе пати, се регистрира последното пријавување

Ако веќе еднаш сте пријавени на vakcinacija.mk не се пријавувајте повторно, затоа што се евидентира само датата на вашата последна...

Македонија2 дена

Регистрирани 20 нови случаи на Ковид-19, починале две лица

Во последните 24 часа се направени 2.885 тестирања, а регистрирани се 20 нови случаи на КОВИД-19 од: Куманово – 5,...

Македонија2 дена

Еко-активистите бараат увид во извештајот за состојбата на исечените дрвја, Богдановиќ тврди дека биле стари и суви

Еко-активистите изразија револтираност од, како што велат, масакрот на дрвјава на улицата „Орце Николов“ во Дебар Маало, направен вчера. Од...

Македонија2 дена

Македонски полицајци ќе се грижат за безбедноста на Европското фудбалско првенство

По повод Европското првенство во фудбал ЕУРО 2020, на кое првпат ќе учествува и македонската фудбалска репрезентација, Министерството за внатрешни...

Македонија2 дена

Продолжен притворот на Орце Камчев

Бизнисменот Орце Камчев останува во затворот во „Шутка“. Кривичниот совет му ја продолжи мерката за нови 30 дена. Судиите сметаат...

Македонија2 дена

САД со поддршка за почеток на преговорите на Македонија со ЕУ, без одложување

САД изразија поддршка за итен почеток на преговорите за Македонија и Албанија во ЕУ, објави портпаролот на американскиот Стејт департмент,...

Македонија2 дена

Во тек се двете трансплантации на бубрег од починатата донорка

Во моментов на Клиниката за урологија во тек се двете трансплантации на бубрег од 44-годишната пациентка која вчера беше дијагностицирана со...

Топ2 дена

Албански државјанин им дал мито на полицајците, кои во неговиот камион пронајдоа дрога вредна 200.000 евра

Албанскиот државјанин кој вчера беше фатен со голема количина дрога во камион со приколка на патот Прилеп-Градско, претходно им понудил...

Досие