Контакт

Македонија

ССМ го промовираше предлог протоколот за социјален напредок

Објавено пред


Сојузот на Синдикатите на Македонија(ССМ) изработи предлог Проткол за социјален напредок во Република Македонија, кој претставува стратешки документ за унапредување на позицијата на работниците во рамките на општеството.

Предлог Протоколот за социјален напредок во РМ е изработен според основните уставни начела за економските слободи и социјални права, Законот за работни односи на РМ, определбата на Република Македонија како социјална држава, концептот за социјални права дефиниран во Европската социјална повелба и темелните конвенции на МОТ.

На настан по повод промоција на предлог Протоколот беа претставени идните заложби на ССМ кои се во интерес на промоција, остварување и подобрување на социјалната и економската положба на работниците на РМ, поттикнување на вработување, борба против социјалната исклученост, подобрување и заштита на животните и работните услови, нивото на образованието, обука и заштита на здравјето на работниците, зајакнување на социјалниот дијалог, во насока на обезбедување на фундаменталното значење на социјалниот напредок.

Предлог протоколот за социјален напредок во РМ особено ќе се фокусира на прашањето на натамошен раст на минималната плата со цел изработка на стратегија за зголемување на платите, зајакнување на економскиот раст, пополнување на разликите во работните места и секторите, елиминирање на сиромаштијата и нееднаквоста.

Со усвојување на новиот Протокол ќе се актуелизираат и ќе се решаваат проблемите со колективните договори. Во фокус ќе бидат измени во работното законодавство кои предвидуваат поцврсти одредби за колективното преговарање и склучување на колективни договори, како и отворање на процес за формирање на заеднички фонд за унапредување на социјалниот дијалог, изготвување, потпишување, измени и едукација за колективното преговарање.

Предлог Протоколот за социјален напредок во РМ предвидува овозможување на дополнителни ослободувања од трошоци при работа, користењето на одредени надоместоци, како и прашањата за бенефициран стаж особено во градежништвото, сообраќајот, железницата и шумарството, како и други професии каде ќе има потреба.

Страните кои заеднички треба да го реализираат Протоколот за социјален напредок ја изразија својата спремност дека посветено ќе работат на остварување на целите и содржината на Протоколот во духот на взаемно разбирање и соработка почитувајќи ги меѓусебно своите и општествените цели, програми и позиции и благовремено ќе се информираат и координираат за начинот, динамиката и форматот на остварување на Протоколот

По усвојувањето, Сојузот на синдикатите на Македонија, Протоколот ќе го достави до сите останати синдикални централи и синдикати, за да се приклучат во остварувањето на неговата суштина и целите на оваа иницијатива. Предлог Протоколот ќе биде доставен и до новата Влада, штом биде формирана, како и до Економско социјалниот совет. /крај/со/ст



©Makfax.com.mk Доколку преземете содржина од оваа страница, во целост сте се согласиле со нејзините Условите за користење.

Економија

СДСМ: Наместо да измислуваат лаги, ВМРО-ДПМНЕ и Мицкоски да кажат за нивното раководење со АД ЕЛЕМ

Објавено пред

Од

ВМРО-ДПМНЕ не може да се помири со одговорното, транспарентно и домаќинско работење на Владата предводена од СДСМ и државните и јавни институции и претпријатија и затоа секојдневно измислува лажни вести, порачаа од СДСМ.

„Лажни се тврдењата за наводни незаконски постапувања во АД ЕЛЕМ. Според јавно објавените информации од АД ЕЛЕМ, тендерот за избор на фирма за технолошко чистење во РЕК Битола, за кој денеска ВМРО-ДПМНЕ неосновано обвинува, е поништен на шести март откако е утврден пропуст во тендерската документација, а по добивањето на дополнителната документација од службата во рудниците во РЕК Битола, тендерот повторно ќе биде објавен во текот на следната недела“, наведуваат од владејачката партија.

Паралелно со конкретниот тендер, како што велат од СДСМ, во скратена постапка пет компании доставиле понуди по што бил склучен договор со компанијата што понудила најниска цена, а сумата што се исплаќа на оваа компанијата за технолошкото чистење во рудниците во себе ги содржи сите други издатоци, како превоз, исхрана, лични заштитни средства итн., објаснуваат од партијата.

„ВМРО-ДПМНЕ не може да разбере дека наместените тендери, незаконското работење и партизацијата на државните и јавните претпријатија заврши со нивното заминување во опозиција. Заврши периодот кога ВМРО-ДПМНЕ раководеше со АД ЕЛЕМ и РЕК Битола, време кога токму поради неспособноста на ВМРО-ДПМНЕ не се чистеа багерите, одлагачите и транспортерите, кога целиот систем во рудникот беше затрпан со пепел и предизвикуваше штети и застој на целокупната работа“, се наведува во соопштението на партијата.

Од таму порачуваат дека ВМРО-ДПМНЕ треба да престане да измислува, како што се наведува, наводни скандали и да шири лажни вести, а нивниот претседател Христијан Мицкоски по шест денови криење, треба да излезе и да даде одговори на прашањата поврзани со договорите вредни 10.5 милиони евра, склучени во неспоредни спогодби, во период кога токму тој раководел со ЕЛЕМ, се додава во соопштението.

Прикажи повеќе...

Економија

Анѓушев: Странските компании во земјата тешко се поврзуваат со домашните доставувачи

Објавено пред

Од

Вицепремиерот задолжен за економски прашања, Кочо Анѓушев, се обрати на конференцијата за зголемување на конкурентноста на домашните мали и средни претпријатија во организација на Стопанската комора на Македонија, Советот на странски инвеститори и Машинскиот факултет од Скопје.

Притоа, Анѓушев потенцира дека соработката помеѓу странските компании што работат во технолошко-индустриските развојни зони и домашните доставувачи е на многу ниско ниво, односно дека повеќето од страските компании од вкупните трошоци издвојуваат само 1 отсто за набавки на стоки и услуги од македонски доставувачи.

„Тоа, според анализите, се должи, пред сè, на фактот дека повеќето од овие компании се во средината во синџирот на производството и нивните продукти се наменети за големи, мултинационални компании, па одлуките за локални доставувачи не можат да ги носат бргу и самостојно и мора да го консултираат крајниот корисник. Воедно, се поставува и прашање колку македонските компании се подготвени да прават промени во својата организациска структура и технолошки да ги развиваат производните процеси за да ги задоволат стандардите и барањата на странските компании“, нагласи вицепремиерот.

Истакна дека целта на Владата е да се стимулира соработката помеѓу домашните и странските компании.

„Странските компании ќе добиваат поврат од 1 отсто од вкупните средства за направени набавки доколку 15 отсто од набавките се направени од домашни производители. Од друга страна, ги стимулираме домашните компании да инвестираат во технолошки развој и организациски да напредуваат со цел да развиваат производи што би биле конкурентни според количина, цена и квалитет и на тој начин би ја зголемиле соработката со странските. Владата ќе обезбеди поврат од 10 отсто од направената инвестиција, а доколку со неа се овозможи и зголемена конкурентност на пазарите во странство, поддршката од страна на Владата ќе се искачи на 20 отсто од вредноста на направената инвестиција“, рече Анѓушев.

Тој ги повика компаниите да ја препознаат можноста за инвестиции бидејќи, како што рече, мерките што ги усвои Владата првпат даваат толку силна поддршка на домашните компании да се развиваат.

Прикажи повеќе...

Економија

ВМРО-ДПМНЕ: Поради прелевањето на акумулациите, изгубени се над половина милион евра

Објавено пред

Од

Од опозициската ВМРО-ДПМНЕ денеска реагираат на, како што велат, фактот дека ХЕЦ „Глобочица“ веќе три недели прелева, а од пред три дена прелева и ХЕЦ „Шпилје“.

„Неспособното раководство на АД ЕЛЕМ не го искористи водниот потенцијал на ‘Глобочица’ и на „Шпилје“ во зимскиот период и со тоа не изврши празнење на акумулациите во пресрет на сезоната на дождови и топењето на снеговите. Поради таквата неодговорност, акумулациите прелеваат, а со тоа досега се изгубени над половина милион евра, пари што можеле да се генерираат доколку навреме била произведена електричната енергија“, стои во партиското соопштение.

Од ВМРО-ДПМНЕ истакнуваат дека додека АД ЕЛЕМ се соочува со пропусти во производството и загуби, раководството на претпријатието, наместо во нови инвестиции и развојни проекти, парите ги троши за вработување на партиски кадри.

„СДСМ без распишан оглас за вработување ги удоми во АД ЕЛЕМ на државна плата синот на Мирослав Грчев, човекот за кој македонската нација не постои, негатор на македонската историја, и ќерката на Талат Џафери, човек што себе си се претставува за претседател на Собранието. Власта на државна плата во АД ЕЛЕМ го згрижи и сопругот на Магдалена Несторовска, државен секретар во МВР, човек на 60 години. И додека граѓаните минуваат подолг период додека да најдат работа, роднините на функционерите на власта преку ноќ добиваат државна работа во едно од најдобрите државни претпријатија“, нагласуваат од опозициската партија.

Додаваат дека Република Македонија е заробена држава од врхушката на власт.

„Државата и државните ресурси се злоупотребуваат со цел материјален бенефит на партиската елита. Додека се богати мала група луѓе, јавноста се замајува со цел да не ја види хаваријата во државата што настанува со владеењето на СДСМ. Десетина патриоти неосновано се ставени во затвор со една единствена цел – да ја дефокусираат јавноста од неработењето, незнаењето и неспособноста на власта, но и од расипничкото трошење и богатењето на мала група луѓе од врвот на власта“, се наведува во соопштението на ВМРО-ДПМНЕ, од каде што велат дека на ваквото неработење мора да се стави крај.

Прикажи повеќе...

Најново

Македонија4 часа

(Видео) Приведена скопјанката која пушеше марихуана на улица

Полицијата ја приведе скопјанката која пушеше марихуана на улица и снимката ја сподели на „Фејсбук“. Двајца полицајци попладнево ја лоцирале...

Македонија5 часа

(Видео) Груевски: И сведоците предложени од СЈО сведочеа во наша корист

По денешното судење во кривичниот суд за предметот „Тенк“, поранешниот премиер Никола Груевски се пожали дека судот повторно, како што...

Македонија5 часа

(Видео) Симовски: Етничка припадност ќе нема на пописот оти е непотребен податок

Директорот на Државниот завод за статистика, Апостол Симовски, најавува револуционери измени на претстојниот попис. Во интервју за „Макфакс“ тој вели...

Македонија10 часа

Владата допрва ќе одлучува дали Орце Камчев ќе стане почесен конзул на Бугарија

Владата допрва ќе одлучува за барањето на Бугарија бизнисменот Орце Камчев да биде именуван за почесен конзул во Македонија. Портпаролот...

Македонија10 часа

Скопје ќе добие нов екоавтобус

Нов екоавтобус ќе сообраќа на линијата со број 2 на релацијата од Автокоманда до Сарај и обратно, објави денеска градоначалникот...

Македонија10 часа

Манчевски: Регистарот на населението не е замена за попис

Министерството за информатичко општество и администрација денеска организира јавна трибина за Законот за централен регистар на населението и Законот за...

Македонија11 час

Фејзи Азири ќе биде вратен во затвор

Фејзи Азири, обвинет во случајот „Монструм“, ќе биде вратен во затвор за издржување затворска казна за нелегално поседување оружје. Кривичниот...

Македонија11 час

Двајца обвинети за крвавиот четврток излегуваат од притвор бидејќи понудиле гаранција

Две лица, кои се меѓу обвинетите за наслилствaта во Собранието од 27 април минатата година, ќе излезат од притвор бидејќи...

Македонија14 часа

Ердоган: Македонија има поддршка од Турција за влез во НАТО

Претседателот на Собранието, Талат Џафери, во Анкара се сретна со турскиот претседател, Реџеп Таип Ердоган. Како што соопшти собраниската прес-служба,...

Свет15 часа

Лавров: Путин и Трамп нема да дозволат вооружен судир

Владимир Путин и Доналд Трамп нема да дозволат вооружен судир меѓу Русија и САД, изјави рускиот министер за надворешни работи,...

Македонија15 часа

Ново рочиште за набавката на „мерцедесот“ од 600.000 евра

Во кривичниот суд денеска се очекува да продолжи судењето за предметот „Тенк“ на специјалното јавно обвинителство, кој се однесува на...

Македонија15 часа

Јанакиески на суд за „Сончев Град“

Во кривичниот суд за денеска е закажано ново рочиште за предметот „Топлик“ на специјалното јавно обвинителство, во кој се обвинети...

Македонија1 ден

ЕЛЕМ: Децата на Грчев и Џафери се ангажирани оти имаа исклучителни биографии

По вработувањето на Димитар Грчев, син на архитектот Мирослав Грчев, и Бесијана Џафери, ќерка на собранискиот спикер Талат Џафери, од ЕЛЕМ за „Макфакс“...

Македонија2 дена

Мицкоски појадуваше со Могерини – „Постои сомнеж дека власта е вмешана во криминал“

Претседателот на ВМРО-ДПМНЕ, Христијан Мицкоски, денеска оствари работен појадок со високата претставничка на ЕУ за надворешна политика и безбедност, Федерика Могерини,...

Македонија2 дена

Судењето за „Насилство во Центар“ одложено за 1 јуни

Судењето за предметот „Насилство во Центар“ е прекинато и одложено за 1 јуни поради неможноста на претседателот на кривичниот суд,...

Регион2 дена

Харадинај побара од Хан визна либерализација за Косово

Косовскиот премиер, Рамуш Харадинај, побара од Европскиот комесар за проширување и добрососедство, Јоханес Хан, да ја вклучи Приштина во европскиот...

Македонија2 дена

Могерини: Да се продлабочат реформите за да има позитивни вести во јуни

Високата претставничка на Европската Унија за надворешна политика, Федерика Могерини, во обраќањето пред пратениците во Собранието забележа дека треба да...

Македонија2 дена

Кривична пријава за основките што претепаа соученичка во Неготино

Полицијата поднесе кривична пријава за насилство против трите ученички во основното училиште „Гоце Делчев“ во Неготино, кои истепаа своја соученичка....

Свет2 дена

Трамп: Никој не е поостар од мене кон Русија

Американскиот претседател Доналд Трамп изјави дека никоја не е остар кон Русија како што е тој и порача дека на...

Македонија2 дена

(Фото) Премиерите од Западен Балкан вечераа во Скопје

Претседателот на Владата на Република Македонија, Зоран Заев, и високата претставничка за надворешни работи и безбедносна политика на ЕУ и...

Досие