Контакт

Македонија

(Видео) Тим од десет лица од Турција помага на детската кардиoхирургија во „Систина“

Објавено пред

Тим од десет медицински лица со дваесетгодишно искуство од болниата „Аџибадем Бакарој“ во Истанбул, Турција му е ставен на располагање на домашниот тим во „Систина“ за операции на срце кај деца. „Систина“ од оваа есен прави операции на срце кај деца на товар на Фондот за здравствено осигурување.

Операциите ги врши тимот предводен од детскиот кардиохирург Владимир Чадиковски, а турскиот тим ги надгледува и дава поддршка. Детскиот кардиохирург и професор Тајар Сариоглу од детската кардиохирургија во „Аџибадем Бакарој“ во Истанбул вели дека одлучиле да помогнат на детската кардиохирургија во Скопје поради големиот број пациенти од Балканот кај нив.

„Имаме многу пациенти од Балканот што доаѓаат кај нас. Ја забележавме потребата да се отвори детска кардиохирургија во ‘Систина’ и го забрзавме тој процес. Таму ќе работи тимот кој сега се формира, а засега тим од овде ќе патува во Скопје за да им помогне. Во тимот за поддршка има околу десет медицински лица, детски кардиохирург, анестезиолог, медицинска сестра, медицинкса сестра за интензивна нега. Сите имаат над дваесет години искуство“, вели професорот Сариоглу.

Само во Истанбул, Сариоглу вели дека се прваат по 600 операции на срце кај деца годишно од кои успешни се над 95 отсто. Една третина од пациентите што доаѓаат кај нив се деца со вродени срцеви маани, за кои докторот вели дека е најважно да бидат оперирани во првите три месеци по раѓањето.

Тој ја расчисти дилемата дали кардиохирург за возрасни може да оперира и деца, за која веќе неколку месеци се расправа во Македонија.

„Детската кардиохирургија е многу специфична гранка. Разликата помеѓу детски кардиохирург и кардиохирург за возрасни е огромна. Во никој случај не смее кардиохирург за возрасни да оперира деца. Детскиот кардиохирург мора да биде обучен и да има големо искуство зад себе. Не само кај нас, и во Европа и во целиот свет за да оперираш бебе или дете мора да бидеш специјалист за детска кардиохирургија“, нагласи Сариоглу.

Тој, заедно со тим од Турција, ги надгледувал четирите операции на срце кај деца направени изминативе две недели во „Систина“ по потпишувањето на договорот со Фондот за здравствено осигурување. Вели дека плановите на „Аџибадем“ се „Систина“ да стане регионален детски кардиохируршки центар кој ќе ги преземе пациентите од Балканот кои сега патуваат до Истанбул.

 

 

 

Економија

Заев на средба со Стопанската комора: Создаваме креативна, модерна, дигитална економија

Објавено пред

Претседателот на Социјалдемократскиот сојуз, Зоран Заев, се сретна со претседателот на Стопанската комора на Македонија, Бранко Азески, со претставници на Комората и бизнисмени од разни сектори.

Во изјавата за медиуми Заев истакна дека СДСМ продолжува со креирање на новата изборна програма, која ќе понуди решенија за подобар живот за сите граѓани.

„Во подготовка сме на нашата изборна програма, која веруваме дека ќе стане владина програма. Во духот на консултациите тргнуваме во постапка на консултација на многу организации, здруженија, сојузи, комори, синдикати и слично затоа што политичките партии ги претставуваат своите ветувања и видувања. Сакаме преку инклузивен процес да ги вградиме сите оние важни, добри работи, кои практичарите во секојдневното работење ги имаат увидено и може да бидат наша водилка и главна преокупација во наредниот четиригодишен период“, рече Заев.

Сакаме да создадеме креативна, модерна, дигитална економија, додаде тој, која ќе значи современа економија на третата денценија на 21 век.

На средбата беа слушнати аргументите на бизнис-секторот, нивните потреби и барања, со цел заеднички да се изнајдат решенија за развој и унапредување на економијата во интерес на граѓаните и подигнување на нивниот животен стандард.

Прикажи повеќе...

Економија

(Видео) Манчевски: Вработени го напуштаат државниот сектор поради повисоките плати кај приватниците

Објавено пред

Министерот за информатичко општество и администрација, Дамјан Манчевски, ја уверува јавноста дека не сака некои луѓе да останат без работа и да има жртви на процесот на реорганизација на јавната администрација. Тој денес на средба со претставниците на синдикатите разговарал за пет модели на можна реорганизација на вработените во јавната администрација.

„Едниот предлог е трансфер на вработените од јавниот во приватниот сектор, со тоа што приватната фирма би понудила повисока плата за вработените, а државата во одреден временски период би ги плаќала придонесите. Потоа, пакети за преквалификација на вработените од јавниот во приватниот сектор, во согласност со потребите што ни ги доставиле претставниците на приватниот сектор, стопанските комори и Агенцијата за вработување. Третиот пакет е испратнина по своја волја на вработени што сакаат да го напуштат јавниот сектор. Имаме предлог за преквалификација за внатрешни потреби и внатрешна реорганизација. Се зборуваше и за некој вид јавни приватни партнерства, ова е предлог што доаѓа од другите партнери на овој дијалог и треба дополнително да се разработи“, изјави Манчевски.

И покрај генералното мислење во јавноста дека вработувањето во јавната администрација е најпосакувано, министерот Манчевски тврди дека луѓето секојдневно своеволно ги напуштаат своите работни места мотивирани од покачувањата на платите во приватниот сектор.

Според Манчевски, овој процес на анализа за реорганизација на јавната администрација е нешто што се случува првпат во последните 30 години и затоа е потребна искрена намера од сите фактори за јавниот сектор да стане поефикасен.

Манчевски изјави дека новиот предлог-закон за организација на органите на државната управа ќе ѝ се предложи на јавноста на почетокот на февруари.

Денешната средба е остварена кога Синдикатот на администрацијата и државната управа (САДУ) пред неколку дена побара од министерот Манчевски да не форсира трансфер на вработени од јавниот во приватниот сектор.

Министерот Манчевски минатата година најави реорганизација и укинување на некои институции и намалување на трошоците на администрацијата по што следуваа многубројни реакции од јавноста.

 

Искра Манојлоска

Прикажи повеќе...

Економија

Елези: Со помош на Светска банка ќе се модернизираат земјоделството и административните услуги на социјалното осигурување

Објавено пред

Проект за модернизација на земјоделството во вредност од 50 милиони евра, како и проект за администрирање на социјалното осигурување во вредност од 13,8 милиони евра ќе се реализираат во рамки на четиригодишната Рамка за соработка со Светска банка.

Заменик-министерката за финансии Ширет Елези пред Собранието ги образложи законите со чие усвојување се овозможува финансирање на овие проекти.

„Проектот за модернизација на земјоделството ќе придонесе за подобрување на квалитетот на земјоделските производи и воведување стандарди во земјоделското производство, со што ќе се зголемат вредноста и конкурентноста на земјоделските производи на меѓународните пазари, ќе се воспостави систем за безбедно отстранување нуспроизводи од животинско потекло, ќе се зајакнат институционалните капацитети, во насока на планирање врз основа на докази, мониторинг и евалуација на програмите за земјоделство и рурален развој, потоа ќе се зајакнат институционалните капацитети за подобро искористување на европските фондови и ќе се воспостави систем за управување со државното земјоделско земјиште“, истакна Елези.

Проектот ќе го имплементира Министерството за земјоделство, шумарство и водостопанство, кое ќе воспостави и одржува Единица за имплементација на проектот (ЕИП), која ќе биде одговорна за реализација на проектот.
Вкупниот износ на проектот е 50 милиони евра, од кои 46 милиони евра се заем од Светска банка, а 4 милиони евра се грант од ЕУ.

„Проектот за администрирање на социјалното осигурување ќе го унапреди квалитетот на услугите во администрирањето на социјалното осигурување и тоа преку воспоставување единствен централизиран регистар за социјално осигурување и унапредување и модернизирање на деловните процеси на Фондот на пензиското и инвалидското осигурување, сè со цел на осигурениците во првиот столб да им служи поефикасно и поефективно“, потенцира Елези, образложувајќи го Законот за задолжување на РСМ со заем кај СБ по Договор за заем за финансирање на проектот за администрирање на социјалното осигурување.

Прикажи повеќе...

Најново

Свет7 часа

Пожарите би можеле да го чинат австралискиот туризам 3,1 милијарди долари

Разорните пожари во Австралија би можеле да го чинат туристички сектор најмалку 3,1 милијарди американски долари до крајот на годината....

Свет8 часа

Како ќе заработуваат Хари и Меган по заминувањето од кралското семејство

Многу прашања остануваат отворени за иднината на принцот Хари и Меган по одлуката да не користат кралски титули и да...

Забава9 часа

Кина: Новиот вирус може да се контролира, но изворот не е познат

Кинеската национална комисија за здравство соопшти дека епидемијата на нов вид на коронавирус може да се контролира, објави Ројтерс.Комисијата се...

Регион12 часа

Земјотрес со јачина од 4,4 степени ја погоди Албанија

Земјотрес со јачина од 4,4 степени ја погоди денеска Албанија.Епицентарот на земјотресот е на 64 километри северо-источно од Тирана.         ...

Свет12 часа

Иранците ги враќаат телата на жртвите од паднатиот авион, но не и црните кутии

Телата на 11 украински државјани коишто загинаа при падот на авионот кај Техеран  се  пренесени од Иран во Киев, но...

Македонија16 часа

(Видео) Скопјанецот Кристијан Ниневски исто како лани прв дојде до крстот во водите на Вардар

Скопјенецот Кристијан Ниневски (26) и годинава беше најсреќниот од околу 140 верници кои се фрлија по светиот крст во водите...

Европа17 часа

Осум мртви во Чешка, се запалил дом за лица со попреченост

Најмалку осум лица загинаа во пожар во Чешка, кој денеска избувнал во дом за лица со инвалидитет. Повредени се околу...

Македонија18 часа

Петар Рупески од Варош по петти пат го фати крстот во Охрид

Петар Рупески, 30-годишник од Варош, беше најсреќен меѓу неколкуте стотини верници кои денеска влегоа во студените води на Охридското Езеро...

Македонија19 часа

Пендаровски: Богојавление е потсетник материјалните предизвици да не нè оттргнат од духовните вредности

Претседателот Стево Пендаровски, по повод големиот христијански празник Богојавление – Водици, упати честитка до поглаварот на Македонската православна црква –...

Европа1 ден

Хари и Меган останаа без кралските титули

Принцот Хари и неговата сопруга Меган веќе нема да добиваат јавни пари за кралските должности, нема да ги користат титулите...

Македонија1 ден

Шилегов: Тргнати се основите за панорамското тркало, добивме мост без барокни елементи

Скопскиот градоначалник Петре Шилегов, на „Фејсбук“ објави фотографии од кои се гледа дека јавните служби од коритото на реката Вардар...

Македонија1 ден

Емил Јакимовски кој им се закануваше на две новинарки доби осумдневен притвор

Судија на претходна постапка попладневно му одреди осумдневен притвор на Емил Јакимовски, поранешен вработен во Централниот регистар. „Осумдневниот притвор му...

Македонија2 дена

Заев: Остануваме отворени за соработка на изборите со сите, освен со ВМРО-ДПМНЕ

Во однос на прашањето за евентуални изборни коалиции, претседателот на СДСМ, Зоран Заев денеска истакна дека СДСМ е политички субјект...

Свет2 дена

(Видео) Макрон евакуиран од театарот во Париз, демонстранти се обидоа да влезат во зградата

Француските безбедносни сили го евакуираа претседателот на земјата, Емануел Макрон од театарот Ле Буфе ду Норд во Париз поради напад...

Топ2 дена

Разбојниците по кражбата во НЛБ банка го запалиле возилото

Три вооружени лица најверојатно го извршиле грабежот во еокспозитурата на НЛБ банка во Ѓорче Петров.Тие го извршиле грабежот со „опел...

Економија2 дена

(Видео) Aнгеловска: Буџетот е во добра кондиција, платите и пензиите ќе бидат исплатени навреме

„Буџетот е во добра кондиција, финансиите се стабилни. Минатата година имавме добра динамика на наплата со реализација на проекцијата за...

Свет2 дена

Седум планинари исчезнаа во лавина во Непал

Најмалку четворица јужнокорејци и тројца непалски водичи исчезнаа во лавина на популарната патека за планинарење во Непал, соопштија властите.         ...

Култура2 дена

Џејми Ли Кертис за „Медена земја“ твитна: Колку совршен филм, воодушевена сум

Македонскиот документарец номиниран за два оскари, „Медена земја“ ги освои симпатиите и на познатите холивудски актерски имиња. What a perfect...

Економија2 дена

Луксембург – земја со најголема минимална плата во ЕУ

Минималната месечна плата во Луксембург се зголеми на 1 јануари и сега изнесува 2,14 илјади евра. Дури и пред ова...

Економија2 дена

Комората на сметководители препорачува: Канцерогените фискални ленти итно да се забранат како во ЕУ

Од 1 јануари годинава во Европската Унија, стапи на сила забраната за употреба на штетната хемиска материја Бисфенол А или...

Досие