Контакт

Македонија

Компании дискутираа за можностите за извоз и за предизвиците

Објавено пред

Тркалезна маса на тема „Развој на извозот и можности за трговски партнерства“, се одржа во средата во Скопје во организација на Македонија2025.

 

 

На тркалезната маса се дискутираа можностите за извоз на македонските компании, предизвиците со кои се соочуваат при откривање на нови пазари и промените кои треба да бидат имплементирани за да бидат поконкурентни.

 

Претседавачи со тркалезната маса беа Вера Ставроф, Претседател и Извршен Директор на HerbalScience и член на Одборот на директори на Македонија2025 и Живко Мукаетов, Извршен Директор и Претседател на Управниот Одбор на Алкалоид АД Скопје, исто така член на Одборот на директори на Македонија2025.

 

На тркалезната маса учествуваа некои од најуспешните македонски компании од кондиторската индустрија, производители на вино и други прехрамбени производи кои веќе успешно извезуваат во регионот но и во светски рамки.

 

 

Мукаетов истакна дека овие се некои од клучните индустрии кои би можеле да и помогнат на Македонија да се позиционира како светски препознатлив бренд.  Но, за да може сето тоа да се реализира потребна е синергија во дејствувањето на македонската бизнис заедница, институциите и на македонската бизнис дијаспора.

 

Македонија2025 како организација која има за цел да го помогне економскиот развој на земјата, преку својата глобална мрежа се труди да им ги отвори вратите на иновативните македонски компании кон светот. Тркалезната маса беше настан кој го најавува Форумот кој Македонија2025 ќе го одржи во Торонто, Канада на 23 и 24 октомври. Покрај бројните претставници од Северна Америка на Форумот ќе учествуваат и владини претставници од Македонија кои ќе ги презентираат инвестициските потенцијали на земјата како и бизнис делегација од Македонија. /крај/

Економија

Се зајакнува соработката меѓу Стопанската комора на северозападна Македонија и Министерството за економија

Објавено пред

Министерот за економија, Крешник Бектеши, оствари работна средба со претседателот на Стопанската комора на Северозападна Македонија, Неби Хоџа, и потпретседателите Арсим Папранику, Ејуп Абдулаи и членот на Комората, Ќаније Селими.

Како што информираат од Министерството, целта на состанокот била зајакнување на соработката помеѓу Комората и Министерството за економија во делот на креирање мерки и политики за подобрување на условите за работа на компаниите.

За таа цел, Стопанската комора на северозападна Македонија назначила еден од своите членови да биде директна врска помеѓу Комората и Министерството во делот на креирање мерки за поддршка на бизнисот.

„Една од мерките во четвртиот сет, како одговор на долгогодишните барања на бизнисот, е намалување е парафискалните давачки, кои бизнис-секторот ги посоочува како еден од клучните фактори за подобрување на конкурентноста“, рекол Бектеши и посочил дека во тек е формирање мултиинституционална работна група, која во наредните неколку месеци ќе работи на утврдување на оние услуги што имаат карактер на парафискални давачки, а кои би можеле да се намалат и да се скратат.

„Нашата цел е да се намалат колку што може административните обврски и трошоците на бизнисот“, додал министерот.

На средбата се дискутирало и за идните предизвици и мерки за олеснување на условите за работа на бизнисот, особено во услови на пандемија.

Прикажи повеќе...

Економија

Бектеши: Занаетчиите ќе ги поддржиме со 15 милиони денари за набавка на алати и репроматеријали

Објавено пред

Министерот за економија, Крешник Бектеши, денеска оствари работен состанок со претставници од Секцијата на фризери при Занаетчиската комора на Скопје.

На состанокот министерот ги информираше претставниците на фризерските салони за мерките за поддршка на занаетчиите и самостојните вршители на дејност преку Министерството за економија, како и за финансиската поддршка од четвртиот сет мерки коишто ги донесе Владата.

„По донесувањето на ребалансот на буџетот, Министерството за економија од Програмата за конкурентност, иновации и претприемништво (КИП) ќе објави јавен повик за кофинансирање на трошоци за занаетчии при што се предвидува надоместување на 60% од трошоците или максимум 30.000 денари направени за набавка на алати и репроматеријали по апликант. За оваа намена од буџетот на Министерството за економија се предвидени 15 милиони денари“, информираше министерот Бектеши.

Министерот додаде дека од 1 јануари следната година ДДВ на занаетчиски услуги ќе се намали од 18% на 5%, а овој предлог веќе е доставен до Собранието. На занаетчиите и на самостојните вршители на дејности, како што посочи министерот, и натаму им остануваат на располагање и другите мерки, како што е поддршката за исплата на платите или пристапот до бескаматните кредити од Развојната банка на Северна Македонија.

Прикажи повеќе...

Економија

Подобра координација меѓу институциите за навремена исплата на помошта од економските мерки

Објавено пред

Во подготовка на законските решенија за имплементација на економските мерки од четвртиот пакет да има подобра координација меѓу надлежните институции и да бидат прифатени забелешките во однос на процедурите што ги дава приватниот сектор, побара Комората на сметководителите на Македонија на денешната прес-конференција. Само така ќе се донесат функционални решенија, кои ќе овозможат предвидената помош за надминување на штетните ефекти од пандемијата врз стопанството да стигне до оние на кои им е најпотребна и нема да се остави простор за разни толкувања на законските одредби, што ќе создаде дополнителна правна несигурноста.

„Уште во фаза на подготовка на законските решенија мора да постои подобра координација меѓу сите надлежни институции, а особено меѓу Министерството за финансии и Управата за јавни приходи, каде што се обработуваат и систематизираат податоците за деловните субјекти врз основа на кои потоа се дефинираат критериумите и условите за добивање на помошта. Исто така, критериумите и условите важно е да бидат прецизно и јасно дефинирани за да не остава простор за разни толкувања и конфликтни ситуации меѓу засегнатите страни“, изјави Александра Андреева, член на Управниот одбор на Комората на сметководителите.

Таа посочи дека во законот за финансиска помош за исплата на плати за последните три месеци на 2020 година, кој се очекува да биде разгледуван во Собранието, би требало јасно да се дефинира дали со предвидената помош треба да се исплати бруто или нето-плата. Ако остане недефинирано, како што беше со уредбата за истата мерка во претходните пакети за економска поддршка, повторно може да се појават разни толкувања од надлежните институции и несигурност кај деловните субјекти.

Комората на сметководителите потенцира и дека при носењето на законските решенија за економските мерки мора да се имаат предвид рокови во кои тие треба да се имплементираат, но и роковите што веќе се дефинирани во другите важечки закони, како и реалното време потребно за да изготви документацијата за аплицирање.

„Денеска сме 27 октомври, а законот за финансиска поддршка за исплата на плата за октомври, ноември и за декември уште не е донесен. Пријавата за добивање финансиска помош ќе треба да се поднесе најдоцна до 7 ноември, а за да може да се поднесе, ќе треба да се направат и пресметки за остварени приходи и да се обезбедат сите потребни документи. Ако се земе предвид како досега функционираа работите кога беше во прашање аплицирањето за економските мерки, повторно товарот ќе падне врз сметководителите, а некои претпријатија, поради кусите рокови, може и да не успеат да аплицираат и да останат без неопходната помош. Во нормални услови пресметките за исплата на плати почнуваат од 25 во месецот за да може навреме да се исплатат личните доходи до 15 наредниот месец. Јасни и навремени законски решенија и подобра техничка институционална подготвеност за нивно спроведување е од голема важност за непречено функционирање на стопанството, особено во услови на криза“, изјави Андреева.

Благоја Грозданов, член на УО на Комората на сметководителите, истакна дека иако сметководителите очекуваа подобрување на нивниот статус и решавање на проблемите да се постигне со измени на Законот за вршење на сметководствените работи, законските измени повторно се носат во процес кој е нетранспарентен и неинклузивен.

„Во услови на пандемија, спроведувањето на сите економски мерки во пракса беше токму на товар на сметководителите како единствен линк меѓу државата и стопанството. Професионалното усовршување се одвиваше деноноќно следејќи и толкувајќи ги сите комплицирани уредби, чести измени и нефункционалност на системи и сите рокови беа уредно запазени и при рестриктивните мерки. Наместо давање правна сигурност и заштита, со ваков начин на постапување, без консултација со сите засегнати страни за реалните потреби на фелата и постапување според тоа, државата повторно ја занемарува значајноста на оваа професија и се соочува со ризик за неколку години да биде во недостиг на сметководители“, изјави Грозданов.

Тој појасни и дека сите професионални дејности што нудат услуги имаат потреба од континуирано усовршување, a Министерство за финансии треба да ги отстрани сите недостатоци и недоречености за изведување на процесот.

„Воедно, би сакале да упатиме и апел до надлежните институции да размислуваат во насока на намалување на обемот и опфатот на податоците што се бараат во даночните и статистичките извештаи и да размислуваат за продолжување на роковите заради тоа што товарот во услови на здравствено-економска криза што врз себе го понесуваат сметководителите е огромен. Не смее да се заборави дека тоа што во овие кризни услови се здравствените работници во својот сегмент, тоа се сметководителите за економијата“, изјави Грозданов.

Прикажи повеќе...

Најново

Македонија1 час

Излезе од затвор Панче Ангелов, напаѓачот на Шекеринска од 27 април

Излезе од затвор Панче Ангелов, напаѓачот на сегашната министерка за одбрана Радмила Шекеринска на 27 април 2017 година во Собранието....

Македонија2 часа

Кафе-барот „Интермецо“ ја отстранил пломбата и продолжил со работа и покрај забраната

Кафе-барот „Интермецо“ продолжил со работа и покрај забраната од 30 дена што ја изрече Општина Центар заради бучава. Градоначалникот на...

Свет2 часа

(Видео) Снимки од дрон го покажуваат ужасот по земјотресот во Измир

Снимките направени со дрон го покажуваат ужасот што го остави силниот земјотрес што вчера го погоди турскиот град Измир. Може...

Регион3 часа

Во Словенија 1.796 новозаболени со коронавирус и 23 починати

Во текот на претходниот ден, во Словенија се регистрирани 1.796 новозаразени со коронавирус, а 23 лица починаа. Процентот на позитивни...

Македонија3 часа

Мицкоски: Потребни се бесплатни ковид-тестови еднаш месечно за сите негувателки, учителки и наставнички

Лидерот на ВМРО-ДПМНЕ, Христијан Мицкоски, вели дека се потребни бесплатни ковид-тестови еднаш месечно за сите негувателки, учителки и наставнички. „Образованието...

Македонија3 часа

УНИЦЕФ: Училиштата да се затворат единствено тогаш кога нема други алтернативи

Училиштата треба да бидат последни што ќе се затворат, а први што ќе се отворат, изјави Патриција ди Џовани, претставничка...

Македонија3 часа

Милевски: По 40 години, Пониква добива реконструирани ски лифтови

Владата преку Јавното претпријатие за државни патишта издвои средства да се реконструира патот за еден помасовен туризам на Пониква, а...

Регион3 часа

Во Хрватска 2.769 нови случаи на коронавирус

Во последните 24 часа во Хрватска се потврдени 2.769 нови случаи на коронавирус, а 15 лица починаа, објави Националниот штаб...

Свет5 часа

Бројот на загинати во земјотресот во Измир се искачи на 24

Бројот на загинати во силниот земјотрес што го погоди егејскиот брег на Турција и источниот грчки остров Самос се искачи...

Свет19 часа

Сведоштва: Луѓето трчаа во паника, улиците се преплавени со мртви риби

Луѓето панично трчаа во турскиот град Измир, изјавија очевидци, откако земјотресот со јачина од седум степени според Рихтеровата скала започна...

Македонија19 часа

Ексминистерот Наќе Чулев заразен со Ковид-19

Поранешниот министер за внатрешни работни Наќе Чулев, кој беше претставник на ВМРО-ДПМНЕ во техничката влада на Оливер Спасовски, е позитивен...

Свет19 часа

(Видео) Бројот на жртви во земјотресот во Турција се искачи на 14, над 400 лица се повредени

Бројот на жртви во денешниот земјотрес кој се случи во Турција и Грција, се искачи на 14. Епицентарот на земјотресот...

Свет21 час

Меркел е против затворање на границите на ЕУ поради Ковид-19

Германската канцеларка Ангела Меркел предупреди дека е против затворање на границите во рамките на земјите-членки на Европската Унија во услови...

Македонија21 час

Вучиќ, Рама и Заев разговараа за обновување на иницијативата за регионална соработка

Лидерите на Србија, Албанија и Северна Македонија – претседателот Александар Вучиќ, премиерите Еди Рама и Зоран Заев денеска одржаа состанок...

Регион21 час

Вучиќ: Од 10 ноември без ПЦР-тест меѓу Србија, Албанија и Македонија

Претседателот на Србија, Александар Вучиќ, изјави дека биле донесени неколку важни одлуки на видеосостанокот на тема „Мал шенген“, чија имплементација...

Македонија23 часа

Обвинителството отвори истрага за Лидија Димова за злоупотреба на европските фондови

Основното јавно обвинителство за гонење организиран криминал и корупција отвори истрага за директорката на Националната агенција за европски образовни програми...

Македонија23 часа

Бојан Јовановски оди во домашен притвор

Апелациониот суд Скопје ја уважи жалбата на обвинетиот Бојан Јовановски – Боки 13 за предметот „Рекет“, со што ја укина...

Македонија1 ден

Царовска: Нема ширење на Ковид-19 во училиштата

Немаме ширење на Ковид-19 во училиштата, додека не се создадат услови за затворање, остануваме на овој модел, изјави министерката за...

Македонија1 ден

СОНК бара да се преиспита наставата со физичко присуство

СОНК бара Министерството за образование и наука да ја преиспита одлуката за настава со физичко присуство, односно да им овозможи...

Македонија1 ден

Советничка група на ВМРО-ДПМНЕ: Скандал е што наместо оставка, Шилегов го награди Караџовски

Советничката група на ВМРО-ДПМНЕ на град Скопје реагира за доделената награда „13 Ноември“ на епидемиологот Жарко Караџовски. Тие велат дека...

Досие