Контакт

Македонија

Компании дискутираа за можностите за извоз и за предизвиците

Објавено пред

Тркалезна маса на тема „Развој на извозот и можности за трговски партнерства“, се одржа во средата во Скопје во организација на Македонија2025.

 

 

На тркалезната маса се дискутираа можностите за извоз на македонските компании, предизвиците со кои се соочуваат при откривање на нови пазари и промените кои треба да бидат имплементирани за да бидат поконкурентни.

 

Претседавачи со тркалезната маса беа Вера Ставроф, Претседател и Извршен Директор на HerbalScience и член на Одборот на директори на Македонија2025 и Живко Мукаетов, Извршен Директор и Претседател на Управниот Одбор на Алкалоид АД Скопје, исто така член на Одборот на директори на Македонија2025.

 

На тркалезната маса учествуваа некои од најуспешните македонски компании од кондиторската индустрија, производители на вино и други прехрамбени производи кои веќе успешно извезуваат во регионот но и во светски рамки.

 

 

Мукаетов истакна дека овие се некои од клучните индустрии кои би можеле да и помогнат на Македонија да се позиционира како светски препознатлив бренд.  Но, за да може сето тоа да се реализира потребна е синергија во дејствувањето на македонската бизнис заедница, институциите и на македонската бизнис дијаспора.

 

Македонија2025 како организација која има за цел да го помогне економскиот развој на земјата, преку својата глобална мрежа се труди да им ги отвори вратите на иновативните македонски компании кон светот. Тркалезната маса беше настан кој го најавува Форумот кој Македонија2025 ќе го одржи во Торонто, Канада на 23 и 24 октомври. Покрај бројните претставници од Северна Америка на Форумот ќе учествуваат и владини претставници од Македонија кои ќе ги презентираат инвестициските потенцијали на земјата како и бизнис делегација од Македонија. /крај/

Економија

Горивата поскапуваат

Објавено пред

Регулаторната комисија за енергетика и водни услуги донесе одлука со која се врши зголемување на малопродажните цени на нафтените деривати во просек за 1,23 % во однос на Одлуката од 12.10.2021 година.

Малопродажните цени на бензините еуросупер БС-95 и еуросупер БС-98, како и на еуродизел (Д-Е V) и на екстра лесното масло за домаќинство (ЕЛ-1) се зголемуваат за 1,00 ден за литар, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 12.10.2021 година.

Малопродажната цена на Мазутот М-1 НС се зголемува за 0,249 денари за килограм и сега ќе изнесува 43,010 ден за килограм.

Од 19.10.2021 година од 00:01 часот максималните цени на нафтените деривати ќе изнесуваат:

Моторен бензин еуросупер БС – 95 76,50 (денари/литар)

Моторен бензин еуросупер БС -98 78,50 (денари/литар)

Дизел гориво еуродизел БС (Д-Е V) 68,50 (денари/литар)

Масло за горење екстра лесно 1 (ЕЛ-1) 68,00 (денари/литар)

Мазут М-1 НС 43,010 (денари/килограм)

Во изминатиот седумдневен период сите референтни цени на светските берзи во просек бележат зголемување: кај бензинот за 2,197 %, кај дизелот за 2,842 %, кај екстра лесното масло за 2,853 % и кај мазутот за 0,554 %.

Во истиот период курсот на денарот во однос на доларот е повисок за 0,164 % , информираат од Регулаторна комисија за енергетика.

Прикажи повеќе...

Економија

(Видео) Заев: Спроведуваме политики што обезбедија стабилност и раст и во услови на Ковид-19

Објавено пред

Западен Балкан во постковид-светот: Кој е вистинскиот пат до стабилност и просперитет?, е темата на самитот на Западен Балкан во организација на лондонски „Економист“.

Самитот го отвори премиерот Зоран Заев и зборувајќи за идните чекори до повисок раст на економиите, за реформите и нивно спроведување, за конкурентноста, социјалната кохезија, финансиските системи, бизнис-партнерствата и сето тоа во контекст на нашиот заеднички пат и визија кон ЕУ.

„На самитот на ‘Економист’ во Атина, што се одржа во јули оваа година, ја истакнав важноста од економски просперитетен Балкан на 21 век интегриран во Европската Унија. Тоа се постигнува исклучиво со заедничка соработка со државите од регионот, Европската Унија, САД и сите пријателски држави, со посветена работа и верба во подобра иднина.

Заев истакна оти се гордее што Северна Македонија постигна договор со Грција и што денес сме членки на НАТО.

„Тоа значи сигурност и безбедност, како и можност за економски развој, инвестиции и економски просперитет. Нашата држава ги исполни сите услови за почеток на преговорите за членство во ЕУ, што е безусловно потврдено од страна на Европската комисија. Им се заблагодарувам на сите држави членки на ЕУ, кои ни ја даваат безрезервната поддршка во овој процес, а посебна благодарност за премиерот на Грција за поддршката, особено во последните неколку месеци и за континуираната поддршка на САД“, рече Заев.

На самитот, истакна Заев, ќе се разговара за теми што ги засегаат Северна Македонија, Западен Балкан, како и светот, особено кога станува збор за економски напредок во постковид-периодот, стабилност, подобар стандард и економски развој.

„Ќе ги чуеме очекувањата за ЕУ и Западен Балкан и што ќе имаме можност да разговараме за предизвиците во постковид-економијата со кои сите ние се соочуваме. Важно е и да слушнеме за безбедносните предизвици и контекстот на безбедносната политика, како и приоритетите на САД за Западен Балкан“, истакна Заев.

Тој повтори дека Владата посветено работи на економскиот развој на државата, на отворање нови и подобри платени работни места, преку нови вложувања од нов карактер и фер пазарни услови за инвестирање како за домашните,така и за странските инвеститори.

„Нашите заложби за креирање предвидлив деловен амбиент, воспоставување механизми за владеење на правото, водење стабилни економски политики и креирање поволни услови за инвестирање се веќе потврдени“, истакна Заев.

Косовскиот премиер, Албин Курти, рече дека е важна заедничката соработка во регионот и јакнење на институциите, ослободени од криминал и корупција. За тоа, рече, Курти, потребни се функционални реформи и владеење на правото.

Тој истакна и дека е важен и социјалниот и економскиот напредк во регионот и тој како социјалдемократ верува во фер економија со еднакви можности за мажите и жените.

Прикажи повеќе...

Економија

НЛБ Банка прва на пазарот овозможува користење електронски идентитет во соработка со Mastercard

Објавено пред

НЛБ Банка е првата институција во земјата која од денеска во своето работење интегрира користење на електронски идентитет, овозможувајќи им на клиентите да почнат целосно ново, дигитално искуство при вршење банкарски услуги.

Ова во прaкса значи дека клиентите на НЛБ Банка можат да користат банкарски услуги од далечина, без да треба физички да дојдат во експозитура и без користење  хартија. Електронскиот идентитет им овозможува на клиентите на Банката да се идентификуваат и да потпишуваат е-документи со својот квалификуван е-потпис, од кое било место во светот.

„Ова е уште еден голем успех за НЛБ Банка Скопје и целиот тим кој посветено работеше на имплементација на ова решение, во соработка со нашиот партнер Mastercard. Со интергација на ова решение, како банка веќе сме целосно подготвени да идентификуваме лице без физичко присуство во Банката, како и да проследиме електронска документација на корисник идентификуван на ваков начин, и повратно да добиеме електронски потпишан документ. Ова е супериорно корисничко искуство кое на клиентите ќе им овозможи целосна флексибилност во извршување на банкарските услуги. Горди сме на фактот што сме прва институција воопшто, која овозможи користење на националната шема за електронска идентитфикација при извршување на банкарските услуги, со што потврдуваме дека сме лидер во дигитализацијата. Продолжуваме да бидеме пионери во имплементација на технолoшки напредни решенија во банкарството сè со цел, подобрено клиентско искуство, оптимизација и поедноставување на работењето со клиентите, но и оптимизација и автоматизација на интерните процеси во Банката. Дигитализацијата е новото време кое го живееме, а НЛБ Банка одлично одговара на овој предизвик“ – истакнува Антонио Аргир, претседател на Управниот одбор на НЛБ Банка, Скопје.

Електронската идентификација е услуга овозможена од Mastercard, управувана од Evrotrust, водечки провајдер на решенија за дигитален идентитет во Југоисточна Европа. Evrotrust e првиот регистриран издавач на шема за електронска идентификација во земјата, а за да истата може да се користи, потребна е интеграција со нивните системи, нешто што за првпат на пазарот го направи НЛБ Банка АД Скопје.

„Mastercard е горд со имплементацјата на ова иновативно решение со кое дава силна поддршка во реализација на стартешката определба на НЛБ Банка за дигитализација на своето работење. ID Operated by Evrotrust ги исполнува највисоките глобални стандарди на Mastercard за дигитални решенија од далечина. Услугата не само што е лесна и едноставна за употреба, туку е и безбедна, и во согласност со сите локални и европски регулативи“ – истакнува Вања Манова, Mastercard менаџер за Северна Македонија, Бугарија, Албанија и Косово.

Постапката за дигитализација на идентитетот е брза и едноставна, достапна преку апликацијата ID Operated by Evrotrust на Google Play и App Store. Со апликацијата, освен електронска идентификација, корисникот добива и квалификуван дигитален сертификат, кој е замена за неговиот своерачен потпис.

Електронската идентификација е овозможена во РС Македонија согласно Законот за електронски документи, електронска идентификација и доверливи услуги. Evrotrust како регистриран издавач на шема за електронска идентификација во нашата држава, имплементира највисоки безбедносни принципи за ракување и заштита на личните податоци.

(ПР)

Прикажи повеќе...

Најново

Македонија49 минути

19 починати и 107 заболени од Ковид-19 во последните 24 часа

Министерството за здравство информира дека во последните 24 часа направени се 1.668 тестирања, а регистрирани се 107 нови случаи на...

Македонија4 часа

Шилегов очекува победа во вториот изборен круг

Петре Шилегов, кандидатот на СДСМ за Град Скопје, вели дека влегува во изборната трка во втор круг, со изедначен број...

Македонија4 часа

Арсовска: Во вториот круг влегувам со голема предност, време е за модерно и современо Скопје

Независната кандидатка за градоначалничка на Скопје Данела Арсовска со повик до скопјани и во вториот круг да ја поддржат на...

Македонија5 часа

Поткуп на гласачи, изнуда, дошол пијан да гласа – Јавното обвинителство постапува по изборните нерегуларности

Во текот на организирањето и спроведувањето на локалните избори заклучно со првиот круг на гласање одржан на 17 октомври 2021...

Македонија5 часа

ВМРО-ДПМНЕ победи во 20, а СДСМ во 9 општини во првиот круг, според досега целосно обработените податоци

Oд целосно обработените податоци од Државната изборна комисија (ДИК), на локалните избори во првиот круг избрани се  32 градоначалници. Според...

Економија6 часа

Горивата поскапуваат

Регулаторната комисија за енергетика и водни услуги донесе одлука со која се врши зголемување на малопродажните цени на нафтените деривати...

Македонија6 часа

ДИК го заврши пребројувањето во Куманово – Димитриевски води со 22 гласа пред Илиевски

Актуелниот градоначалник на Куманово, Максим Димитриевски, води пред кандидатот на СДСМ Оливер Илиевски за 22 гласа, согласно последната промена направена...

Топ7 часа

Прилепчанец со автомобил удрил во четворица пешаци, од кои две деца

Дваесет и деветгодишен прилепчанец со автомобил удрил во четворица пешаци, од кои двајца малолетни. Едно лице се здобило со тешки...

Свет8 часа

Напад со нож во трговски центар во Мелбурн – избодени двајца мажи

Двајцата мажи се пренесени во болница откако биле избодени со нож во трговски центар во Мелбурн. И двајцата се здобиле...

Македонија17 часа

(Видео) Заев: На крајот СДСМ ќе има повеќе градоначалници oд ВМРО-ДПМНЕ

Лидерот на СДСМ, Зоран Заев, изјави дека СДСМ и коалицијата победуваат или имаат водство во повеќе од 30 општини во...

Македонија18 часа

(Видео) Мицкоски соопшти каде победи ВМРО-ДПМНЕ, а каде има предност: „Ова е победа на народот“

Претседателот на ВМРО-ДПМНЕ, Христијан Мицкоски презентираше резултати од изборите кои според аналитичкиот центар на партијата донеле победа во првиот круг....

Македонија19 часа

(Видео) Николовски: СДСМ води во Скопје и уште во најмалку 25 општини

СДСМ победува во Скопје и води во првиот круг од локалните избори, изјави Љупчо Николовски, генерален секретар на партијата и...

Македонија19 часа

Алијанса за Албанците и Алтернатива прогласија победа во Гостивар и Дебар

Алијанса за Албанците и Алтернатива прогласија победа во Гостивар и Дебар. Партискиот претседател на Алијансата, Зијадин Села соопшти дека во ...

Македонија19 часа

(Видео) Зурли и тапани пред штабот на ВМРО-ДПМНЕ во Скопје, симпатизерите радосни за изборниот резултат

Со зурли, тапани, гласна музика и пиротехнички средства, симпатизери на ВМРО-ДПМНЕ слават пред централниот штаб во Скопје. Присутните се радуваат...

Македонија19 часа

Ахмети прогласи победа во Сарај, Липково и Пласница

Лидерот на ДУИ, Али Ахмети, прогласи победа во Сарај, Липково и Пласница. Ахмети рече дека партијата е во водство во...

Македонија20 часа

ВМРО-ДПМНЕ најави победа во Велес, Штип и Свети Николе а води во Битола и Охрид

Во Велес, Штип и Свети Николе води ВМРО-ДПМНЕ, брифираат од партијата. Оттаму според нивните неофицијални информации посочуваат и дека имаат...

Македонија21 час

Мицкоски: Победа и голема одговорност

Претседателот на ВМРО-ДПМНЕ, Христијан Мицкоски, по завршување на изборниот ден, посочи дека победиле а со тоа доаѓа и одговорноста. Тој...

Македонија22 часа

Спасовски: Изборниот ден помина со незначителен број на неправилности

Изборниот ден помина со незначителен број на неправилности, истакна министерот за внатрешни работи, Оливер Спасовски, кој оцени дека првиот изборен...

Македонија22 часа

ЗНМ го осуди односот на Даштевски кон новинарите

Здружението на новинарите регира на односот на претседателот на Државната изборна комисија, Александар Даштевски, кон новинарите во текот на попладневната...

Македонија23 часа

Членови на избирачки одбори самите си одлучиле да не ги користат биометриските уреди

Државната изборна комисија добила информации дека на повеќе избирачки места членовите на избирачките одбори на своја рака престанале да ги...

Досие