Контакт

Македонија

Компании дискутираа за можностите за извоз и за предизвиците

Објавено пред

Тркалезна маса на тема „Развој на извозот и можности за трговски партнерства“, се одржа во средата во Скопје во организација на Македонија2025.

 

 

На тркалезната маса се дискутираа можностите за извоз на македонските компании, предизвиците со кои се соочуваат при откривање на нови пазари и промените кои треба да бидат имплементирани за да бидат поконкурентни.

 

Претседавачи со тркалезната маса беа Вера Ставроф, Претседател и Извршен Директор на HerbalScience и член на Одборот на директори на Македонија2025 и Живко Мукаетов, Извршен Директор и Претседател на Управниот Одбор на Алкалоид АД Скопје, исто така член на Одборот на директори на Македонија2025.

 

На тркалезната маса учествуваа некои од најуспешните македонски компании од кондиторската индустрија, производители на вино и други прехрамбени производи кои веќе успешно извезуваат во регионот но и во светски рамки.

 

 

Мукаетов истакна дека овие се некои од клучните индустрии кои би можеле да и помогнат на Македонија да се позиционира како светски препознатлив бренд.  Но, за да може сето тоа да се реализира потребна е синергија во дејствувањето на македонската бизнис заедница, институциите и на македонската бизнис дијаспора.

 

Македонија2025 како организација која има за цел да го помогне економскиот развој на земјата, преку својата глобална мрежа се труди да им ги отвори вратите на иновативните македонски компании кон светот. Тркалезната маса беше настан кој го најавува Форумот кој Македонија2025 ќе го одржи во Торонто, Канада на 23 и 24 октомври. Покрај бројните претставници од Северна Америка на Форумот ќе учествуваат и владини претставници од Македонија кои ќе ги презентираат инвестициските потенцијали на земјата како и бизнис делегација од Македонија. /крај/

Македонија

(Видео) Тим од десет лица од Турција помага на детската кардиoхирургија во „Систина“

Објавено пред

Тим од десет медицински лица со дваесетгодишно искуство од болниата „Аџибадем Бакарој“ во Истанбул, Турција му е ставен на располагање на домашниот тим во „Систина“ за операции на срце кај деца. „Систина“ од оваа есен прави операции на срце кај деца на товар на Фондот за здравствено осигурување.

Операциите ги врши тимот предводен од детскиот кардиохирург Владимир Чадиковски, а турскиот тим ги надгледува и дава поддршка. Детскиот кардиохирург и професор Тајар Сариоглу од детската кардиохирургија во „Аџибадем Бакарој“ во Истанбул вели дека одлучиле да помогнат на детската кардиохирургија во Скопје поради големиот број пациенти од Балканот кај нив.

„Имаме многу пациенти од Балканот што доаѓаат кај нас. Ја забележавме потребата да се отвори детска кардиохирургија во ‘Систина’ и го забрзавме тој процес. Таму ќе работи тимот кој сега се формира, а засега тим од овде ќе патува во Скопје за да им помогне. Во тимот за поддршка има околу десет медицински лица, детски кардиохирург, анестезиолог, медицинска сестра, медицинкса сестра за интензивна нега. Сите имаат над дваесет години искуство“, вели професорот Сариоглу.

Само во Истанбул, Сариоглу вели дека се прваат по 600 операции на срце кај деца годишно од кои успешни се над 95 отсто. Една третина од пациентите што доаѓаат кај нив се деца со вродени срцеви маани, за кои докторот вели дека е најважно да бидат оперирани во првите три месеци по раѓањето.

Тој ја расчисти дилемата дали кардиохирург за возрасни може да оперира и деца, за која веќе неколку месеци се расправа во Македонија.

„Детската кардиохирургија е многу специфична гранка. Разликата помеѓу детски кардиохирург и кардиохирург за возрасни е огромна. Во никој случај не смее кардиохирург за возрасни да оперира деца. Детскиот кардиохирург мора да биде обучен и да има големо искуство зад себе. Не само кај нас, и во Европа и во целиот свет за да оперираш бебе или дете мора да бидеш специјалист за детска кардиохирургија“, нагласи Сариоглу.

Тој, заедно со тим од Турција, ги надгледувал четирите операции на срце кај деца направени изминативе две недели во „Систина“ по потпишувањето на договорот со Фондот за здравствено осигурување. Вели дека плановите на „Аџибадем“ се „Систина“ да стане регионален детски кардиохируршки центар кој ќе ги преземе пациентите од Балканот кои сега патуваат до Истанбул.

 

 

 

Прикажи повеќе...

Економија

(Видео) Заев: Со фотоволтаичните системи на јавните објекти сметките за струја се помали за 81%

Објавено пред

Преку новиот Закон за енергетика и со силните инвестиции во обновливи извори на енергија и гасификација, Владата го стабилизираше вртоглавиот раст на цената на струјата. Денеска граѓаните плаќаат пониска просечна цена за киловат/час, споредено со времето на претходната влада, кога цената на струјата порасна за 100%“, изјави премиерот Заев.

Тој додаде дека Владата, долгорочно и стратегиски, обезбеди регулатива и политики за максимално искористување на обновливите извори на енергија и од тој аспект развојот на капацитетите за производство на електрична енергија што ги користат сонцето, ветерот и водите, имаа централно место во Стратегијата за енергетика на Република Северна Македонија.

Со Проектот за проектирање и поставување на фотоволтаични системи во 36 општини и на 108 јавни објекти, не само што се зголемува производството на електрична енергија од обновливи извори, туку и се намалуваат трошоците за електрична енергија, на јавните институции и на објектите што се формирани од општините.

„Вкупниот износ на Програмата, кофинансирана од страна на Владата и ЕУ, изнесува 20,6 милиони евра. Програмата ја имплементираше Министерството за финансии, во соработка со Светската банка како посебен сегмент за ИПА-рурални инвестиции во рамките на проектот за подобрување на општинските услуги“, рече премиерот Заев и објасни дека вкупната заштеда на средства за сите 108 објекти годишно може да изнесува околу 190.000 евра и дека согласно заштедата, инвестицијата ќе се врати за 7,5 години.

Министерката за финансии, Нина Ангеловска, рече дека користењето на сончевата енергија од фотоволтаици забележува зголемување во целиот свет бидејќи технологиите се усовршуваат и материјалните трошоци се намалуваат.

„Соларната енергија е примарен извор за обновлива енергија и е особено важен за неразвиените земји. Како сончева земја навистина треба да го користиме овој извор за генерирање енергија, кој е и поевтин, па ефектите се двонасочни“, рече министерката Ангеловска.

Ангеловска ги наброи ефектите од заштедите од поставувањето на овие фотоволтаични системи и соопшти дека градинката „7 Септември“ во Пехчево, за месеците мај, јуни, јули и август 2018 има сметка за електрична енергија од 15.185 денари, додека за истите месеци оваа година сметката е 8.672 денари. Заштедата за четири месеци е 6.513 денари, односно сметките за овие четири месеци се помали за 43%, како резултат на поставените фотоволтаични системи.

Слични се заштедите и кај сите останати јавни објекти, а како позначаен е примерот на пумпната станица за водоводен систем ГЕРИЗИ, во с.Таринци, во општина Карбинци, каде што сметките за електрична енергија за периодот мај-јули од 429.326 денари лани, се симнати на 82.412 денари оваа година, или заштедата за трите месеци изнесува 346.914 денари, односно сметките за овие три месеци се помали за 81%.

На крај министерката за финансии Ангеловска рече дека подобрувањето на енергетската ефикасност не е само заложба, туку цел преточена во резултати.

„Политиките на оваа Влада во делот на енергетиката покажуваат дека земјата е на прав пат. Донесовме регулатива во согласност со европската. Го реформиравме енергетскиот сектор. И ова не е само наша оценка. Енергетската заедница пред три години велеше дека државата потфрла во реформите и дека е во пролонгиран период на енергетски ќор-сокак. Оваа Влада покажа дека промените се случуваат како резултат на планска работа, во интерес на граѓаните“, рече министерката Ангеловска.

Прикажи повеќе...

Економија

Во Сити мол почна саемот за мерката „Купи куќа, купи стан“

Објавено пред

Саемот за мерката „Купи куќа, купи стан“ почна денеска во Скопје сити мол, каде граѓаните ќе можат да се информираат целосно за проектот на едно место, односно ќе имаат прилика на исто место да ги најдат Министерството за финансии, банките и градежните компании.

Саемот ќе трае од денес до недела, секој ден од 10 до 22 часот.

Од Министерството за финансии информираат дека со промените направени во проектот годинава, значително се подобрени условите за граѓаните.

„Најголема поволност за граѓаните е намалувањето на каматните стапки за одобрување на субвенциониран станбен кредит, и тоа: за моделите каде се субвенционира ратата од кредитот од страна на државата, каматната стапка се намали од 3,95% на 2,9%, додека за четвртата и петата година каматната стапка е намалена од 4,44% на 3,9%. И кај моделите каде се субвенционира учеството каматната стапка е намалена од 4,5%+ЕУРИБОР на 4%+ЕУРИБОР“, се наведува во соопштението на ресорното министерство.

Дополнителна нова поволност во проектот е во насока на подигнување на наталитетот во земјата. За секое новородено или посвоено дете во текот на првите десет години од користење на кредитот, корисникот на кредитот добива дополнителна субвенција од 30% на ратата во текот на една година плус.

„Има и нови модели, особено поволни за младите со возраст до и наполнети 35 години. За купување  стан, каде и интересот е најголем, субвенцијата на месечната рата е зголемена од 50% на 70% – ова значи дека во првите пет години од исплатата на кредитот 70% од месечната рата ќе плаќа државата, додека корисникот на кредитот ќе плаќа само 30%. Исто така зголемена е и субвенцијата за моделите каде се субвенционира учеството од 50% на 70%. Ова значи дека доколку корисникот на проектот го искористи овој модел, 70% од учеството од кредитот ќе му го плати државата“, појаснуваат од Министерството за финансии.

Прикажи повеќе...

Најново

Македонија32 минути

Пронајдени 27 килограми марихуана, приведени две лица од Албанија 

Полицијата пронашла 27 килограми марихуана во автомобил кај селото Кажани-на патот за битолското село Ѓавато. Уапсени се две лица, возачот...

Свет1 час

Избрана новата премиерка на Финска, најмлада во светот

Владејачката социјалдемократска партија на Финска ја избра новата премиерка 34-годишната министерка и пратеничка Сана Марин. Таа ќе биде најмладата претседателка...

Свет1 час

Тежок понеделник во Франција, продолжува штрајкот и сообраќајните проблеми

И денеска продолжува штрајкот во Франција, а со тоа и хаосот во сообраќајот. Вчера, во четвртиот ден од штрајкот на...

Свет2 часа

(Видео) Ерупција на вулкан на Нов Зеланд, има и жртви

Едно лице загина, а 20-на се повредени во ерупција на вулкан на новозеландскиот Бел остров (White Island), популарна туристичка дестинација...

Регион14 часа

Во Хрватска годишно се фрлаат повеќе од 300.000 тони храна

Повеќе од 300 илјади тони храна се фрла годишно во Хрватска, додека бројни здруженија и организации истовремено бараат да се...

Топ16 часа

(Видео) Страотна сообраќајка во Бутел – излетал oд патот, ја пробил оградата и се превртел на булеварот

Страотна сообраќајка се случи вечерва во скопската населба Бутел. Момче и девојка кои се наоѓале во возило со тетовски регистарски...

Регион16 часа

Поради густата магла откажани сите летови во Сараево

Речиси сите летови до и од главниот град на Босна и Херцеговина од меѓународниот аеродром во Сараево се откажани поради...

Топ19 часа

Девојче повредено во тешка сообраќајка на Качанички пат

Во тешка сообраќаjна несреќа која попладнево се случила на Качанички пат повредено е девојче кое во инцидентот добило скршеница на...

Топ20 часа

Напаѓачот кој прободе момче во Бутел има 12 години, кривична ќе добие и неговиот татко

Скопската полиција ќе поднесе кривични пријави против четворица малолетници од Скопје (двајца од 16 години, еден 15 и еден 12...

Македонија21 час

Се запали стан на „Рузвелтова“, пожарот избил при готвење

Скопската противпожарна бригада денеска интервенираше при пожар кој изби во стан во зграда на улицата „Рузвелтова“. Според информациите од терен,...

Македонија23 часа

Османи: Венецијанската комисија не вели да се отфрли двојазичноста во судството, туку да се создадат услови

Секој обид за еднострано поместување на балансот во македонско-албанските односи кој е постигнат со многу труд, со многу жртва од...

Култура23 часа

Две престижни признанија за документарецот „Медена земја“ во Лос Анџелес

Документарецот „Медена земја“ освои две престижни признанија на 35. Интернационални документарни награди (ИДА), што се одржаа вчеравечер (7. декември) во...

Свет23 часа

Оружје пронајдено кај демонстранти во Хонгконг, еден од нив имал и пиштол

Во полициска акција спроведена пред почетокот на денешните протести во Хонгконг, уапсени се 11 лица кај кои е пронајдено оружје....

Топ24 часа

Кривична против дилер од Арачиново во чиј автомобил бил пронајден хероин

Кумановската полиција поднесе кривична пријава против 27-годишник од скопското село Арачиново, откако во автомобил кој го управувал бил пронајден хероин....

Македонија1 ден

Пендаровски: Делото на Свети Климент Охридски е од значење за севкупната европска култура

Претседателот, Стево Пендаровски, по повод христијанскиот празник Свети Климент Охридски упати честитка до поглаварот на Македонската православна црква – Охридска...

Регион2 дена

(Видео) Разбојници барале 250.000 евра за Македонец киднапиран во Тирана, го спасила полицијата

Две лица се уапсени во Албанија под обвинение дека во главниот град Тирана, вчера киднапирале 23-годишен македонски државјанин. Според информациите...

Македонија2 дена

Полесно повредените македонски патници во автобуската несреќа во Србија се враќаат дома

Според последните информации добиени од болницата во Прокупље, каде беа згрижени 16 од вкупно 26 патници повредени откако се преврте...

Македонија2 дена

Полицијата разби криминални групи од Грчец и Арачиново – 12 приведени, запленети автомобили, оружје и дрога

Десет лица од скопските села Грчец и Арачиново се уапсени во големата полициска акција која започна денеска во пет часот...

Македонија2 дена

Заев: Законот за јазици ќе се ревидира согласно забелешките на Венецијанската комисија

Премиерот Зоран Заев најави ревидирање на Законот за јазици во согласност со забелешките на Венецијанската комисија. „Законот за јазици ќе...

Економија2 дена

Арсовска: Македонија ја нема на ранг листата на светски препознатливи брендови

Македонските брендови тешко се позиционираат, мала e застапеностa на нашите производи на глобалните пазари, a истото се должи генерално на...

Досие