Контакт

Македонија

Парното поефтинува за 4,67 отсто-проширена

Објавено пред

Цената на топлинската енергија за домаќинствата кои ги користат услугите на Балкан Енерџи Груп (БЕГ) од 1-ви август би требало да се намали за 4,67 отсто.

 

 

Ваков предлог во средата даде Регулаторната комисија за енергетика (РКЕ) најавувајќи дека конечната одлука ќе биде донесена во четврток, со тоа што се можни минимално корекции на предложениот процент за намалување.

 

Истовремено Регулаторната комисија предлага цената на парното греење за останатите корисници на БЕГ да се намали за 16,6 отсто.

 

Цената на топлинската енергија за корисниците на Топлификација Скопје Север се намалува за домаќинства за 0,48 отсто, додека останатите корисници ќе плаќаат пониски цени за 5,2 отсто.

 

Корисниците на услугите на Елем Енергетика ќе плаќаат пониски цени за 4,09 отсто. Цените на усугите на оваа компанија се пресметуваат линеарно, со оглед дека се уште важи стариот тарифен систем.

 

Претседателот на РКЕ Димитар Петров  информираше дека компаниите на денешната подготвителна седница доставиле одредени забелешки, кои ќе бидат разгледани на утрешната главна седница.

 

Петров не ја отфрли можноста да дојде до извесна корекција на предложеното поевтинување, но истакна дека не се очекуваат позначителни промени.

 

„Со оглед на поволаната ситуација од минатата година и намалените трошоци за производство, претежно намалената цена на природниот гас, како и на количината на горивото кое што е потрошено, даде можност да се направи овој чекор“, ги појасни Петров причините за поевтинувањето.

 

Првиот човек на регулаторна потсети дека ова е трето поевтинувањре во низа на цената на топлинската енергија за корисниците на БЕГ, со што намалувањето на цената на услугите на оваа компанија во рок од една година достигна  21 отсто за домаќинствата, односно 34 отсто за останатите корисници.

 

„Ова намалување ќе прати јасна порака до поторошувачите кои се приклучени на мрежата на БЕГ да останат приклучени и да продолжат да ги користат услугите за топлинска енергија“, рече Петров, додавајќи дека процесот на исклучување од мрежата на БЕГ е прилично стопиран, а има и барања за нови приклучоци.

 

Петров информираше дека  минатата недела РКЕ направила измена на процентот на соодносот на домаќинствата со останатите корисници од 1:2, кој е намален на 1:75.

 

„На некој начин го направивме првиот чекор во намалувањето на вкрстеното субвенционирање од страна категоријата останати кроисници према категоријата домаќинства“, рече Петров.

 

Тој истакна дека дел од компаниите побарале во трошоците за производство да им се пресмета ризикот од евентуална гасна криза и прекин во снабдувањето од Украина.

 

„Ние во нашите пресметки не ставивме таква калкулација од проста причина што доколку навистина има такви сознанија во правилникот постои можност за интервентна корекција на цената доколку вкупните трошоци надминуваат пет отсто од трошоците утврдени со одлуката“, појасни Петров./крај.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Започна распределбата на картичките за новите корисници на зелена нафта по програма 2020 година

Објавено пред

Министерот за земјоделство, шумарство и водостопанство, Трајан Димковски и директорот на Агенцијата за финансиска поддршка во земјоделството и руралниот развој, Николче Бабовски, беа во посета на Струмичкиот регион од каде што информираа за започнувањето на распределбата на картичките за новите корисници на зелена нафта.

Преку подрачните единици на МЗШВ, ќе се поделат новите картички во сите региони во државата.

Оние кои веќе имаат картички од лани, по автоматизам ќе им бидат надополнети и ќе можат да почнат со користење на картичките, односно да точат „еуродизел за земјоделска механизација“.

„Преку оваа мерка, во овој момент опфаќаме околу 51 илјада земјоделци. Вкупната поддршка за оваа мерка изнесува 224 милиони денари. Ова се сериозни средства кои ги враќаме кај земјоделците токму во време кога имаат и најмногу активности на поле. Со оваа мерка којашто за прв пат ја воведе Владата од минатата година, се придонесува за намалуваме на производствените трошоци, со тоа земјоделското производство е одржливо, а кај земјоделците остануваат повеќе пари“, изјави министерот Димковски.

Право на користење на оваа поддршка имаат сите кои биле корисници на субвенции по Програма 2019- та година. Финансиската поддршка на платежната картичка зависи од големината на површините и земјоделските култури за кои конкурирале земјоделците за субвенции во 2019 година.
Лани кофинансирањето на трошоците за набавка на зелена нафта за земјоделска механизација беше 30 %, оваа година поддршката е зголемена на 50%

„Со оваа мерка во овој момент опфатени се близу 51 илјада земјоделци. Во струмичко зелена нафта ќе користат 5 илјади земјоделци.
Земјоделците кои имаат картички од лани, ќе можат да точат „еуро дизел гориво“ веќе од понеделник по 10 часот. Исто така и земјоделците кои прв пат годинава стекаа право за добивање на картичка за зелена нафта, веќе од понеделник ќе може да одат во Подрачните единици на МЗШВ и да ги подигнат зелените картички. Во овој период земјоделците имаат најмногу трошоци за гориво затоа што сме во екот на берба, на жетва“- изјави директорот Бабовски.

Безготовинската зелена картичка е персонализирана и е наменета за набавка на дизел гориво на било која бензинска станица на Макпетрол АД на целата територија на Република Северна Македонија. Со картичката не може да се подигаат пари или да се купуваат други производи. Картичката може да се користи повеќекратно се до исцрпување на средствата. По првото точење на гориво, земјоделците добиваат сметка на која може да видат уште колку средства имаат на располагање на картичката.

Преку мерката за зелена нафта, се овозможува рентабилно земјоделско производство и конкурентни домашните земјоделски производи.

Прикажи повеќе...

Економија

Ангеловска на тркалезна маса на Светската банка за поддршка на приватниот сектор во Ковид-19

Објавено пред

Министерката за финансии Нина Ангеловска учествуваше на настан на Светска банка од висок профил – Тркалезна маса на тема “Политики за поддршка на приватниот сектор“ за справување со кризата предизвикана од КОВИД-19. Целта на овој онлајн настан е да собере високи претставници од областа на финансии и економијата за да зборуваат за своите искуства и мерките кои ги преземаат за справување со последиците од КОВИД- 19 кризата и ефектите врз стопанството.

На тркалезната маса, покрај Ангеловска учествуваа министри за финансии, за економија, за инвестиции, гувернери на централни банки, како и високи претставници на Светска банка – Сејла Пазарбасиоглу потпретседател за рамномерен развој, финансии и институции, Мари Пангетсу, оперативен директор за развој и партнерство и други високи претставници.

Светска банка останува наш посветен партнер, како во поволни економски услови, кога ни е поддршка во мерките кои се преземаат за развој на економијата и општеството, така и сега – кога преземаме мерки за надминување на последиците на КОВИД-19 кризата, најголемата економска криза по Големата депресија. Инаку преку Светска банка се обезбедени дел од средствата за мерката за финансиска поддршка од 14.500 денари по вработен, со која околу 20.000 или една третина од сите компании во земјава кои вработуваат преку 130.000 лица, да ги задржат вработените и да исплатат пристојни плати во време на кризата, во услови кога нивните приходи се намалија за над 30 проценти.

Прикажи повеќе...

Економија

Ангеловска: Работиме на зголемување на бројот на општините за чии услуги граѓаните ќе плаќаат со картичка

Објавено пред

Ковид-19 нуди можност за побрза транзиција од кога било кон безготовинско општество, која треба да ја искористиме, смета министерката за финансии, Нина Ангеловска.

Како што напиша таа на својот фејсбук-профил, за да се искористи можноста, сите треба да го дадат својот придонес – Владата, банките, граѓаните, компаниите, стопанските комори, но и општините – за подобри и поквалитетни услуги за граѓаните.

Ангеловска објаснува дека во Министерство за финансии направиле мапирање на состојбата во општините и можностите за плаќање со картичка на нивните услуги што им ги даваат на граѓаните.

„Од 66 општини, кои одговорија, 41 имаат ПОС-терминал за плаќање со картички. На месечно ниво, вкупно во сите општини се реализираат околу 6.000 плаќања на општински услуги преку ПОС-терминалите (173 од општина). Општини со најмногу трансакции и промет на ПОС-терминали се општина Штип и општина Прилеп (кои прават над 40 % од вкупниот реализиран промет од јануари 2019 до мај 2020)“, пишува Ангеловска.

Таа посочува дека врз основа на таа анализа биле дадени и усвоени препораки кон Министерство за локална самоуправа и Заедницата на единиците на локалната самоуправа и општините – да дадат придонес кон зголемување на бројот на општини што ќе воведат ПОС-терминал за безготовински плаќања.

„Предлагаме и годишен натпревар помѓеу општините – иницијатива за наградување на општината која ќе биде лидер во безготовински плаќања со грант-средства за капитален проект, кој им е најпотребен на граѓаните“, објасни министерката на „Фејсбук“.

Прикажи повеќе...

Најново

Топ23 минути

Се удави скопјанец во езерото Младост

Дваесет и осумгодишен скопјанец вчера се удави во водите на езерото Младост во Велес. Според информациите од МВР, М.С. влегол...

Регион1 час

Ребиќ: Странски служби ја рушат Србија

Директорот на српската полиција, Владимир Ребиќ истакна дека зад насилните протести во Србија, стојат странски разузнавачки служби. Според него, тие...

Топ1 час

Приведени и казнети „диви тркачи“ од скопските улици

Секторот за сообраќајни работи при Бирото за јавна бебзедност во координација со Одделението за безбедност на сообраќајот при Секторот за...

Свет1 час

Турист во Шпанија загинал по пад од тераса, а усмртил уште еден човек

Турист во Шпанија починал откако паднал од тераса на хотелот каде бил сместен, а усмртил и друг маж, кој во...

Свет2 часа

Во Бразил над 35 илјади нови случаи, сопругата и ќерките на Болсонаро негативни на ковид-19

Во Бразил во последните 24 часа се регистрирани нови 35.512 случаи на ковид-19, а починале уште 1.071 пациент. Од почетокот...

Свет2 часа

Трамп првпат во јавност се појави со заштитна маска

Американскиот претседател Доналд Трамп ја посети воената болница во предградие на Вашингтон и првпат во јавност носеше маска поради пандемијата...

Македонија3 часа

Мицкоски со писмо до народот: Ви ветувам макотрпна работа и обнова на државата

Кус е периодот во кој можевте да ме запознаете, да стекнете впечаток за мене и за она што го преставувам...

Регион15 часа

(Видео) Петти ден протести во Србија, демонстрантите во Нови Сад ја блокираа полициската станица

И вечерва граѓаните на Нови Сад излегоа на протест на улиците и на половина час ја блокираа полициската станица „Стар...

Македонија17 часа

Од коронавирус почина 24-годишна пациентка од Тетово, немала хронични заболувања

Вчера на Инфективната клиника почина 24 годишна пациентка од Тетово од Ковид-19. Таа е еднa од најмладите пациенти во земјава...

Македонија19 часа

Нови 199 заболени и осум починати од коронавирус во земјата

Министерството за здравство информира дека во последните 24 часа се направени 1545 тестирања, а регистрирани се 199 нови случаи на...

Топ20 часа

Мaж нападнал четири лица во авто-кампот „Градиште“, има повредени

Доцна синоќа во полицијата било пријавено насилство кое се случило во авто-кампот „Градиште“ во Охрид. Според пријавеното, А.К.(32), кој претходно...

Регион20 часа

Хрватска, Албанија и БиХ бележат рекордни бројки на новозаразени од појавата на пандемијата

Во регионот деновиве забележан е пораст на бројот на заболени од ковид-19. Во Хрватска, Албанија и БиХ денеска е регистриран...

Македонија21 час

Пендаровски за геноцидот во Сребреница: Идеите за етнички чисти територии секогаш водат кон трагедии

Претседателот, Стево Пендаровски, упати порака по повод 25-годишнината од геноцидот во Сребреница. „Пред 25 години се случи геноцидот во Сребреница...

Регион21 час

Грција бара санкции за Турција: „Ердоган направи историска грешка“

Атина ќе изврши притисок врз меѓународните организации и ЕУ да воведат санкции кон Турција, поради промената на статусот на музејот...

Македонија1 ден

Уште два дена кампања

Уште два дена ќе трае предизборната кампања за парламентарните избори кои ќе се одржат в среда. Денеска и утре политичките...

Македонија1 ден

Свети Николе станува ново жариште на коронавирусот, двете фабрики се затворени

Во Свети Николе вчера беа регистрирани 29 новозаразени од ковид-19, за првпат во овој град, кој станува ново жариште на...

Македонија1 ден

Рекорден број на заразени и излечени во земјава за едно деноноќие

Во Македонија вчера беше регистриран рекорден број на новозаразени и излечени пациенти во последните 24 часа. Како што информира Министерството...

Македонија1 ден

Дел од болницата „8-ми Септември“ ќе се пренамени за пациенти кои не се заболени од ковид

Во наредните десетина дена почнуваат подготовки за ослободување на дел од капацитетите во ГОБ „8ми Септември“, најави министерот за здравство,...

Македонија1 ден

Заев од централната трибина во Скопје: Мора да продолжиме по правиот пат, од вас зависи

Мора да продолжиме по правиот пат, не смееме да скршнеме од него, тоа е наша заедничка задача, порача синоќа претседателот...

Македонија1 ден

Филипче: Тестираме масовно и ги откриваме и асимптоматските случаи за прекин на ланецот на ширење

Тестираме масовно и ги откриваме и асимптоматските случаи за прекин на ланецот на ширење, истакна министерот за здравство, Венко Филипче,...

Досие