Македонија
Позитивниот тренд во туризмот е резултат на владините мерки, проекти и активности
Позитивниот тренд во туризмот е резултат на владините мерки, проекти и активности коишто во последните три години и мерките ги презема Владата и Министерство за економија, инфромираа во вторникот на прес-конференција вицепремиерот задолжен за економски прашања Владимир Пешевски и министерот за економија Беким Незири.
Позитивниот тренд во туризмот е резултат на владините мерки, проекти и активности коишто во последните три години и мерките ги презема Владата и Министерство за економија, инфромираа во вторникот на прес-конференција вицепремиерот задолжен за економски прашања Владимир Пешевски и министерот за економија Беким Незири.
„Имено минатата година првпат бројот на туристи ја надмина бројката од 700 илјади туристи која беше и главна цел согласно Стратегијата за развој на туризмот, при што важно е да се напомне дека бројот на странските туристи во Македонија изминативе осум години двојно е зголемен, и изнесува 98 отсто, а вкупниот број на туристи забележува раст од 40 отсто, истакна Пешевски додавајќи дека оваа година бројот на туристите во периодот од јануари до мај, во однос на истиот период од минатата година, е зголемен за 6,7 проценти, и тоа кај домашните туристи за 9,9 отсто, додека кај странските за 4,8 отсто.
Овие позитивни трендови, истакна Пешевски се резултат на низа политики, мерки и активности кои Владата на Република Македонија ги спроведуваше во изминатиот период. Една од активностите кои Владата ги спроведе во изминатиот период е субвенционирањето на странскиот организиран туристички промет како и субвенционирањето на авиолетовите на ниско буџетните компании.
Министерот за економија Беким Незири информираше дека со мерките за поддршка на туризмот отворени се многу нови работни места, и дека постојано расте бројот на работни места во овој многу значаен сектор.
„Позитивен тренд и ефект од развојот на туризмот е креирањето на нови работни места. Минатата година во Македонија биле вработени 8.500 лица во туризмот, што претставува 1,2 проценти од вкупниот број вработени во земјава“, истакна Незири, додавајќи дека според процените на Светскиот совет за патување и туризам, годинава бројот на вработени во овој значаен сектор ќе достигне 10 илјади, а тоа ќе претставува и зголемување на учеството во БДП од 1,9 проценти.
Министерот Незири додаде дека заедно со дејностите коишто се поврзани со туризмот, во Македонија се вработени уште 31 илјади лица, а тоа е веќе 4,5 проценти од вкупниот број евидентирани лица коишто работеле во 2013 година. Проекциите укажуваат дека годинава и оваа бројка ќе претрпи нагорна корекција и ќе достигне 32.500 лица, коишто ќе бидат работно ангажирани во овој сектор, со очекувања дека до 2024 година тие ќе се искачат до 40 илјади.
„Учеството на туризмот во бруто домашниот производ (БДП) во 2012 и во 2013 изнесува 1,4 отсто, а целта е до 2020 година приходите од туризмот да постигнат 5 отсто од вкупниот БДП“, информира министерот Незири, додавајќи дека сето ова се должи на сет проекти и мерки на Владата, кои се спроведуваа во изминатите години, и тоа намалувањето на стапката на ДДВ од 18 на 5 отсто за ноќевањата, сместувањата со појадок, полупансионите и полните пансиони во сите видови комерцијални угостителски објекти, проектот за одбележување (сигнализација) на туристичките места по Коридорите 10 и 8, субвенциите за разни туристички манифестации и форуми како и субвенциите за странскиот организиран туристички промет.
Што се однесува до субвенциониран странски организиран туристички промет секоја година, листата на земји од каде се субвенционираат туристи континуирано се проширува. Освен за земјите од Бенелукс, Финска, Норвешка, Данска, Шведска, Русија, Украина, Обединетите Арапски Емирати и Јапонија, од годинава субвенционирањето ќе важи и за туристи од Кина и Индија, а од 2015 година и за оние од Казахстан, Азербејџан, Катар, Германија, САД и Англија. Годинава за субвенционирање се наменети 155 милиони денари (2.5 милиони евра), од кои 110 милиони од Програмата за промоција и поддршка на туризмот за 2014 година, а 45 милиони од игри на среќа./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Трипуновски: Јаболкото во Ресен ќе остане неоткупено поради големиот увоз на странско јаболко во Македонија
Дополнителниот заменик министер за земјоделство, шумарство и водостопанство Цветан Трипуновски денес е во работна посета на Ресен каде што оствари работни средби со овоштарите од овој регион.
„Овоштарите од Ресен претрпуваат големи губитоци заради погрешните политики на СДС и големиот увоз на странско јаболко во Република Македонија. Согласно податоците, додека ресенското јаболко стои неоткупено, од 1 септември 2023 година до сега во Македонија се влезени околу 4 милиони килограми јаболко што е главна причина што ресенчани ги преживуваат најцрните денови во историјата на овоштарството во Македонија“, изјави Трипуновски.
Како поголеми проблеми на земјоделците од Ресенскиот регион, Трипуновски ги посочи неисплатените субвенции како и неисплатените штети од природните непогоди од пред некоја година, откупно-дистрибутивниот центар којшто требаше да биде завршен во 2023 година сѐ уште не е ни започнат со градба.
„Цврсто им ветив дека идната Влада предводена од ВМРО-ДПМНЕ има сериозен план и конкретни мерки со кои ќе се стави крај на маките на ресенчани“, заврши Трипуновски.
Економија
Ангеловска-Бежоска на Пролетните средби на ММФ и СБ: Носителите на политики ќе дискутираат за состојбите и перспективите во економијата
Гувернерката на Народната банка, Анита Ангеловска-Бежоска, и заменик-министерот за финансии, Филип Николоски, ја предводат нашата делегација, која учествува на Пролетните средби на групацијата на Светскатa банка (СБ) и Меѓународниот монетарен фонд (ММФ) во Вашингтон, САД. Во делегацијата на Народната банка на овие средби ќе земе учество и вицегувернерот Фадил Бајрами.
Гувернерката Ангеловска-Бежоска и вицегувернерот Бајрами на претстојните Пролетни средби ќе одржат состаноци со заменик-директор на Меѓународниот монетарен фонд, Бо Ли, со директорот на ММФ за Европа, Алфред Камер, како и со извршниот директор на ММФ и алтернативниот извршен директор, Пол Хиберс и Лук Дресе. На состаноците со високите претставници на ММФ ќе стане збор за економските состојби во нашата земја и поставеноста на монетарната политика, којашто придонесе за стабилизирање на инфлацијата. Делегацијата на Народната банка, предводена од гувернерката, ќе оствари средба и со претставниците на одделите за статистика и за монетарни и капитални пазари при Меѓународниот монетарен фонд, на која ќе се споделат досегашните достигнувања и резултати од заемната успешна соработка.
Во рамките на Пролетните средби, Ангеловска-Бежоска ќе одржи состаноци и со високи претставници на Светската банка, заменик-претседателката на СБ, Антонела Басани и со извршниот директор на СБ за Конституенцата во која членува нашава земја, Јуџин Ругенаат. Исто така, делегацијата на Народната банка ќе учествува и на редовниот состанок на земјите членки на Конституенцата.
Одржувањето на Пролетните средби секоја година на едно место ги собира носителите на политиките, односно првите луѓе на централните банки и министрите за финансии од земјите членки, кои ќе разговараат за политиките и финансиските реформи во насока на остварување на целите за одржлив раст (SDG), особено поврзани со климатските промени и родовата еднаквост.