Македонија
Саем Австралија ЕКСПО првпат во Македонија – можност за работа, студии и живеење во оваа земја
Саем Австралија ЕКСПО ќе се одржи во сабота од 10 до 20 часот во новоотворениот хотел Мериот на Плоштад Македонија.
Овој саем се организира за прв пат до сега во нашата држава, но и на Балканот, и ќе го концентрира интересот и фокусот на сите македонски граѓани во однос на сите поволности што ги нуди Австралија. „Овој настан претставува единствена и уникатна шанса на сите заинтересирани македонски граѓани да се информираат за сите можности кои ги нуди Австралија како една најатрактивна дестинација за живеење, работа, туризам, студирање и инвестирање. Воедно, една од целите на саемот е и да се информираат македонските граѓани за големиот број на визи за Австралија што ќе им го олесни начинот на влез во државата од информативен аспект“, информираат организаторите.За да се добијат подетални и целосни информации за Австралија како неверојатна можност која што има многу што да понуди за сите заинтересирани македонски граѓани, самиот настан ќе биде официјално отворен од страна на почесниот Австралиски конзул во Република Македонија, Зоран Костовски како претставник на Австралиската влада. Меѓу излагачите на саемот е и претставникот на владата на Викторија, Зејн Ребоња, кој ќе ги информира посетителите за инвестирањето и за можностите на оваа држава да спонзорира идни кандидати. Тој ќе информира исто така, за тоа кои се дефицитарните насоки и за начините за аплицирање за спонзорирана виза. Како излагачи на саемот се и Роберт Дејановиќ – извршен директор на АГБ Тренинг, Игор Велички – регионален менаџер за продажба и маркетинг од ЕдуКо, Дејан Трајковски – претставник на Australian Migration Office. Следствено, агентите за миграција ќе ги запознаат граѓаните со условите за аплицирање за визи (визи за постојан престој врз основа на струката, работни визи, туристички визи за туризам или посета на роднини, визи за студирање и др.) како и за законите и потребните документи за поднесување молба за адекватната виза.За уште поисполнета и побогата програма на заемот учество и излагање има и Образовниот Информативен Центар од Скопје кој што ќе изнесе целосно објаснување за подготовката и полагањето на тестовите IELTS и TOEFL. Како излагачи се јавуваат и претставниците на познатите училишта во Австралија кои ќе им овозможат на сите потенцијални студенти да станат дел од нивното едукативно семејство кое што константно нуди ново искуство, нови успеси, нова мрежа на контакти и дополнително унапредување во животната кариера на студентите како што се: Кембриџ Интернејшнл Колеџ (Cambridge International College), Универзитетот Саутерн Крос (Souther Cross University), Баркли Колеџ (Barkly College) и многу други училишта што ќе информираат за условите за студентска виза, ќе ги понудат своите програми за студирање, цените на школарините или стипендии и начините на школување во Австралија и ќе им овозможат на сите студенти ново искуство, нови успеси, нова мрежа на контакти и дополнително унапредување во својата животна кариера. “Интересот за Австралија на овие простори е секогаш огромен бидејќи позната ни е поврзаноста на луѓето од Македонија со Австралија со децении наназад, но позната ни е и комплексноста во аплицирањето за виза, долгата низа на документи и сложените процедури. Се надеваме на голема посетеност на саемот кој ќе прерасне во традиционален. Австралија Експо нуди можност самите граѓани да ги пронајдат одговорите на нивните прашања и на тој начин да ја остварат својата цел. Со тоа ќе ја доближиме Австралија до Македонија и обратно. Ве покануваме да не посетите на овој настан и да поминете еден информативен и забавен ден со сите нас. Овој саем има за цел да ја зголеми мотивацијата и иницијативата кај македонските граѓани за усовршување на својата кариера и воедно подобрување на експертизата и бизнис климата во РМ во иднина. РМ има одлична можност да ја зацврсти претходно заснованата позитивна соработка со Австралија и да ја зголеми професионалната експертиза за РМ во иднина,” – изјави Дејан Трајковски, Организатор на Австралија Експо. Сите заинтересирани македонски граѓани имаат бесплатна можност за посета на ваквиот настан од уникатен карактер, сепак, единствената молба за сите заинтересирани граѓани се однесува на нивна претходна регистрација за учество на настанот на следниов линк: www.AustraliaExpo.mk и тоа се со цел да се овозможи беспрекорна организација и координација на активностите во текот на денот. Но, ако заинтересираните не се во можност да се регистрираат преку горенаведениот линк, во тој случај слободно можат да дојдат на настанот и евиденцијата ќе биде направена во самиот хотел. Многу корисни и интересни информации за настанот и Австралија можат да се видат и на фан страницата Facebook: www.facebook.com/AustraliaExpo. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Трипуновски: Јаболкото во Ресен ќе остане неоткупено поради големиот увоз на странско јаболко во Македонија
Дополнителниот заменик министер за земјоделство, шумарство и водостопанство Цветан Трипуновски денес е во работна посета на Ресен каде што оствари работни средби со овоштарите од овој регион.
„Овоштарите од Ресен претрпуваат големи губитоци заради погрешните политики на СДС и големиот увоз на странско јаболко во Република Македонија. Согласно податоците, додека ресенското јаболко стои неоткупено, од 1 септември 2023 година до сега во Македонија се влезени околу 4 милиони килограми јаболко што е главна причина што ресенчани ги преживуваат најцрните денови во историјата на овоштарството во Македонија“, изјави Трипуновски.
Како поголеми проблеми на земјоделците од Ресенскиот регион, Трипуновски ги посочи неисплатените субвенции како и неисплатените штети од природните непогоди од пред некоја година, откупно-дистрибутивниот центар којшто требаше да биде завршен во 2023 година сѐ уште не е ни започнат со градба.
„Цврсто им ветив дека идната Влада предводена од ВМРО-ДПМНЕ има сериозен план и конкретни мерки со кои ќе се стави крај на маките на ресенчани“, заврши Трипуновски.
Економија
Ангеловска-Бежоска на Пролетните средби на ММФ и СБ: Носителите на политики ќе дискутираат за состојбите и перспективите во економијата
Гувернерката на Народната банка, Анита Ангеловска-Бежоска, и заменик-министерот за финансии, Филип Николоски, ја предводат нашата делегација, која учествува на Пролетните средби на групацијата на Светскатa банка (СБ) и Меѓународниот монетарен фонд (ММФ) во Вашингтон, САД. Во делегацијата на Народната банка на овие средби ќе земе учество и вицегувернерот Фадил Бајрами.
Гувернерката Ангеловска-Бежоска и вицегувернерот Бајрами на претстојните Пролетни средби ќе одржат состаноци со заменик-директор на Меѓународниот монетарен фонд, Бо Ли, со директорот на ММФ за Европа, Алфред Камер, како и со извршниот директор на ММФ и алтернативниот извршен директор, Пол Хиберс и Лук Дресе. На состаноците со високите претставници на ММФ ќе стане збор за економските состојби во нашата земја и поставеноста на монетарната политика, којашто придонесе за стабилизирање на инфлацијата. Делегацијата на Народната банка, предводена од гувернерката, ќе оствари средба и со претставниците на одделите за статистика и за монетарни и капитални пазари при Меѓународниот монетарен фонд, на која ќе се споделат досегашните достигнувања и резултати од заемната успешна соработка.
Во рамките на Пролетните средби, Ангеловска-Бежоска ќе одржи состаноци и со високи претставници на Светската банка, заменик-претседателката на СБ, Антонела Басани и со извршниот директор на СБ за Конституенцата во која членува нашава земја, Јуџин Ругенаат. Исто така, делегацијата на Народната банка ќе учествува и на редовниот состанок на земјите членки на Конституенцата.
Одржувањето на Пролетните средби секоја година на едно место ги собира носителите на политиките, односно првите луѓе на централните банки и министрите за финансии од земјите членки, кои ќе разговараат за политиките и финансиските реформи во насока на остварување на целите за одржлив раст (SDG), особено поврзани со климатските промени и родовата еднаквост.
Економија
Работилници за одржлив туризам оваа недела во Скопје и Крушево
Одржливиот туризам се смета за суштинска и долгорочна економска исплатливост на дестинациите. Со заштита на природните и културните добра, дестинациите можат да привлечат посетители на долг рок, да ги диверзифицираат нивните туристички понуди и да ги поддржат локалните економии без да ги деградираат нивните ресурси или да го загрозат квалитетот на животот на жителите.
Градење на капацитите и зголемување на свеста за одржлив туризам со цел да се обезбедат насоки за туристичкиот сектор во нашата земја за да се зголеми нивната подготвеност за дојдовен туризам преку усвојување на одржливи практики во туризмот, е целта на трите работилници кои се организираат оваа недела во Скопје и Крушево.
Работилниците се во организација на Агенцијата за промоција и поддршка на туризмот, Стопанската комора на Северна Македонија и Националната асоцијација за дојдовен туризам – НАИТМ, со поддршка од Владата на Швајцарија преку Програмата за промоција на увозот (SIPPO) и Програмата за зголемување на пазарната вработливост (IME).
Со овие активности фокусирани на одржливиот туризам, со интернационална експертиза и ресурси ќе им се помогне на бизнис организациите од областа на туризмот и приватниот туристички сектор во нашата земја, да го подобрат нивното разбирање за практиките за одржлив туризам со цел да ги интегрираат во нивните операции, преку пристап до релевантни алатки и најдобри практики од регионот и светот.
„Oдржливиот туризам е важен за одржување на деликатната рамнотежа помеѓу економскиот развој, зачувувањето на животната средина и социјалната еднаквост, поттикнувајќи одговорно патување кое им користи и на сегашните и на идните генерации. Со сѐ поголемиот притисок и новите регулаторни барања на ЕУ како и барањата од здруженијата за туризам во Европската Унија – бизнисите да усвојат одговорни практики, да се усогласат со прописите за животната средина и да се придржуваат до етичките стандарди, засегнатите страни во туристичката индустрија во сите земји сѐ повеќе ја препознаваат важноста на одржливоста во развојот на туризмот.“, изјави Даниела Михајловска Василевска, координатор на угостителство и туризам при Стопанска Комора на Северна Македонија
„Трендовите на пазарот и преференците на потрошувачите растат сѐ повеќе во делот на одржлив туризам бидејќи туристите бараат автентични, значајни искуства кои се усогласуваат со нивните вредности. Странските туристи се спремни да поддржат бизниси и дестинации кои покажуваат посветеност на одржливост, поттикнувајќи промена кон одговорни туристички практики. Одржливиот туризам може да биде и најдобрата компаративна предност на македонските дестинации во иднина, но потребна е заедничка напорна работа од страна на сите чинители во секторот и државата., истакна Влатко Сулев, претседател на здружението НАИТМ.
„Значајно е да се напомене дека неопходно е да се преземат мерки и активности кои го намалуваат загадувањето на природата, но секако и спроведување на стандарди за заштита на биодиверзитетот, животната средина и културното наследство. Особено доколку знаеме дека масовноста во туризмот носи зголемени негативни влијанија пред сѐ на животната средина. Затоа овие форми на туризам велимедека се посеопфатни, посовесни и поодговорни бидејќи нивна основна цел е да се одржи баланс помеѓу масовноста во туризмот и намалување на загадувањето и заштитата на животната средина. Токму затоа активностите на Агенцијата за туризам и во наредниот период ќе бидат насочени кон организирање на низа обуки и работилници пред сѐ наменети за туристичкото стопанство, а ќе бидат во насока на подигнување на свеста за значајноста, придобивкитеи спроведувањетона мерки за одржливост во туризмот, како и промоција на одговорното патување. Реализирањето на дополнителните работилници во текот на годината се планира да биде во рамките на дестинациите во нашата земја, но и ќе останеме отворени за соработка со странските програми, фондови и амбасади за реализација на проекти во насока на градење на одржливи дестинации.“
„За следната година се разгледуваат можностите во соработка со странските партнери за имплементација на ЕСГ стандардите во рамките на хотелиерството, која ќе овозмозможи нивна поголема конкурентност, препознатливост, транспарентност, економски развој, но и привлекување на одржливо финансирање и инвестиции.”- изјави м-р Јасмина Лескаровска, директор на Агенцијата за промоција и поддршка на туризмот.
Преку заеднички напори, бизнис организациите, приватниот сектор и државните институции е потребно да работат заеднички за промовирање на одржливиот туризам како двигател на економскиот раст, општествениотразвој и зачувувањето на животната средина во земјата.