Економија
Македонската жена потенцијал за успешен претприемач
Фактот дека 50 отсто од популацијата во Македонија се жени и дека 43,1 отсто се на пазарот на трудот, говори дека македонската жена е неискористен потенцијал, истакна во понеделникот Ленче Угриновска од Здружението на жени менаџери ЕЛИТ на отворањето на 11-от „Европскиот ден на претприемачот & Европската недела на МСП“, која се одржа истовремено со конференцијата „Женско лидерство, личен развој и етика“.
Честа за да го прогласи настанот за отворен му припадна на Димитар Ристовски, извршниот директор на европската бизнис асоцијација. Идејата на овој проект е, на европско ниво да му се даде поттик на претприемништвото како единствен начин и алатка за прогрес на една локална економија.
„Особено е битно претприемнштвото за Република Македонија, затоа што со оваа бројка на невработени сметаме дека единствен излез за надминување на овие потешкотии во поглед на вработувањето, невработеноста, развојот на македонската економија е агресивно вртење кон претприемништвото и поттикнување на сите оние млади луѓе, студенти и невработени и веќе основани млади, средни пертпријатија да се насочат кој претпиемништвото и основањето на сопствен бизнис“, рече Ристовски за Макфакс.
Според него, низ текот на годините оваа инситуционална поддршка расте, од самиот почеток на настанот кој се довиваше во понеделникот во скопско МКЦ, овој настан па сé до денес, бројката на они програми коишто го поддржуваат претприемништвото е драстично променета. Во овој период, продолжи нашиот соговорник, може да се забележи дека сé повеќе се организираат настани посветени на претприемништво, постојат голем број програми обезбедени од Владата на Република Македонија преку којшто се стимулира самовработувањето, се даваат одредени финансиски средства како помош на нови претприемачи на мали и средни претпријатија, така да од овој аспект работите се движат во нагорна линија.
„Не е најсјајно, како и секаде во изминативе години, свесни сме дека се соочувавме со големи економски и финансиски кризи, па така и Македонија не беше имуна на тоа. Во Македонија сé повеќе расте свеста за претпиемништво, со оглед на тоа што Македонија е излезена од еден голем, гломазен социјалистички систем на економија, каде што сé било базирано на големи идустриски капацитети, така што за свеста за претприемништво е потребно време за да се развие низ текот на годините. Ние, од наша страна, сме среќни затоа што се повеќе млади луѓе се стремат кон тоа да отворат свои фирми, особено во IT индустријата. Клучот за успешен петприемач лежи во тие кои имаат најдобра визија, јасна цел, што знаат како да ја организираат компанијата, луѓето кои ќе одберат вистински партнери, што ќе креираат добар производ ќе успеат“, додаде Ристовски.
„Согласно законот за еднакви и работни можности ние сме еднакви и не смее да постои родов дисбаланс во бизнисот, но за жал во пракса тоа не е така. И покрај тоа што се знае, не се предвидуваат никакви мерки ниту санкции за тоа да се спроведе“, се надоврза Угриновска.
Нагласи дека приматот на мажите во одлучувачките функции жените можат да го преземат само ако се воведат системски мерки. Според Угриновска околу 30 отсто се жени оснивачи на компании каде што основниот влог е над 50 проценти, но, како што рече, тоа се микро компании со малку вработени.
„Ние се залагаме жените да ја најдат својата раководна функција, односно да одлучуваат во големите компании. Тоа го правиме преку еден проект кој што е наречен женско лидерство каде што, согласно законот за еднакви и работни можности ние сме еднакви и не смее да постои родов дисбаланс во бизнисот, но за жал во пракса тоа не е така. И покрај тоа што се знае, не се предвидуваат никакви мерки ниту санкции за тоа да се спроведе“, појасни Угриновска.
Според Мади Шарма член на Европскиот економски и социјален совет во Македонија постои многу потенцијал.
„Луѓето имаат одлични идеи кои можат да ги придвижат заедниците напред со цел да се намали сиромаштијата, да се направат промени, да се воведат нови технологии. Претприемништвото значи вреднување на човечкиот капитал, а тој капитал го има многу во Македонија“, рече Шарма и додаде дека затоа е многу важно младинското и женското претприемништвото и дека треба да им се даде шанса на сите да бидат претприемачи.
Според Томиќ, експерт за родова еднаквост и основач на Еднакви.мк., потребно е да се развива женската солидарност, односно меѓусебната соработка во бизнисот, политиката и невладиниот сектор со цел да им се овозможи на жените претприемачи подобри услови и подобри можности да го развијат својот бизнис./крај/мф/дѓ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.