Контакт

Економија

Opel Rocks-e премиера: Ново електрично возило за нови времиња низ градските улици

Објавено пред

• Почеток на SUM ерата: Новиот Opel Rocks-e означува одржлива урбана мобилност

dobivaj vesti na viber

• Нова мобилност: Opel SUM го затвора јазот помеѓу скутер и патнички автомобил

• Мојот прв Оpel: За млади од 15 години (со соодветна возачка дозвола)

• е-возило: Електричен опсег до 75 km според WLTP

• Лесно полнење: На секој приклучок за домаќинство

• Двосед: Кул дизајн со Opel визирот и врати што се отвораат во спротивни насоки

Германскиот производител на автомобили Оpel, денес го претставува првиот SUM.

Новиот Opel Rocks-e означува одржлива урбана мобилност. (Sustainable Urban Mobility) Електричното возило со основно ниво на опременост, е одговор на тековните барања за мобилност, нудејќи електрична мобилност со заштита од ветер и дожд-прогресивен, смел и чист, типично Opel: во склад со времето дизајн. Со краткиот двосед од 2,41 m, Opel ја продолжува својата офанзива за електрификација. Германскиот производител на автомобили го проширува своето портфолио на модели со електрично возило SUM со батерија од Corsa-e што речиси секој возач може да си го дозволи, од млади почетници до урбани патници.

„Нашиот нов Opel Rocks-e е бескомпромисен во секој поглед. Дизајнот е смел и чист, димензиите се екстремно компактни. Нашиот SUM вози чисто на електрична енергија и цената е непобедлива. Rocks-e овозможува паметна и функционална електрична мобилност за секого и ќе привлече големо внимание“, вели шефот за продажба и маркетинг на Opel, Stephen Norman.

Мојот прв Opel: Паметна, екстра кул мобилност во градот

Новиот Opel Rocks-e е едноставно различен; стилско мало возило за двајца без емисија на гасови што бара малку простор за маневрирање. Најдобро од сè, Rocks-e е долг само 2,41 m, широк 1,39 m (без надворешни ретровизори) и тежи само 471 kg (вклучително и влечна батерија), што значи дека е официјално класифицирано како лесно моторно возило.

Паметниот билет на Opel за влез во електричната мобилност нуди опсег до 75 km според WLTP, кој може да се помине до 45 km/h. Ова го прави идеален за секојдневниот градски сообраќај-не само за младите возачи, туку и за оние кои сакаат да патуваат без емисија на штетни гасови и не сакаат да поминат долго време во потрага по паркинг место на нивната дестинација. Тркалата од 14” и кругот на вртење од само 7,20 m го прават Rocks-e идеален за град, совладувајќи тесни свиоци и вклопувајќи се во мали паркинг места.
Батеријата од 5,5 kWh на Opel Rocks-e може целосно да се наполни за околу 3,5 часа преку кој било стандарден приклучок за домаќинство. Придружниот кабел за полнење долг три метри е трајно сместен во SUM и едноставно се извлекува од совозачката врата кога е потребно. Opel нуди адаптер за полнење на јавна станица.

SUM со стил: Вратите се отвораат во спротивни насоки и Opel визирот

Rocks-e го има новото лице на брендот Opel визирот, вклучувајќи LED предни светла и индикатори. Вратите од двете страни се идентични што го подобрува неговиот смел и чист изглед. Совозачката врата се врти напред како и обично, додека возачката врата се врти наназад во спротивна насока. Слични се и предните и задните панели на каросеријата.

Во внатрешноста, двете седишта се поместуваат така што совозачот има удобен простор за нозете, а возачот може да го помести седиштето по должина. Просторот за глава е доволен, дури и за луѓе високи повеќе од 1,90 m. И покрај компактните димензии, новиот Rocks-e нуди волумен за багаж до 63 l во просторот за патници, плус паметна кука за торба за пазарење со големина XXL.

Кокпитот ги исполнува барањата на модерната млада генерација: јасен и фокусиран на најважните работи. Екранот на прв поглед ја покажува брзината, режимот на возење (Drive, Neutral, Reverse), состојбата на полнење на батеријата, преостанатиот опсег и километражата. Практичните детали го вклучуваат држачот за паметни телефони сместен на централната конзола. Услугите како што е апликацијата „myOpel“ обезбедуваат дополнителни практични информации.

Благодарение на компактните димензии и големите прозорци, возачите на Opel Rocks-e уживаат во одличната прегледност. Осветлена, пријатна атмосфера во внатрешноста обезбедува стандардниот панорамски стаклен покрив – невообичаен за возило од оваа ценовна категорија. Rocks-e е достапен во три карактеристични нивоа на оременост: како Opel Rocks-e, Opel Rocks-e “Klub” и Opel Rocks-e “TeKno”.

Името „Rocks“ има традиција кај германскиот производител на автомобили. До неодамна Opel ADAM Rocks и Opel KARL Rocks додадоа своја оригиналност на брендот-посебно опремени, со одлични теренски додатоци и затоа се подготвени за секојдневно возење низ урбаната џунгла.

Новиот Opel Rocks-e е совршено поприлагоден за употреба низ градски улици. Чисто електричен, без штетни емисии и речиси тивок, новиот модел е одличен за грижа за животната средина.

(ПР текст)

Економија

Ангеловска-Бежоска: Родовата еднаквост не само квантитативно, туку и квалитативно ќе го поттикне економскиот раст

Објавено пред

Последователните економски шокови изминатите години дополнително го отежнуваат намалувањето на родовата нееднаквост, поради нивното понеповолно влијание врз женската популација. Така, кај повеќето земји од регионот на Западен Балкан стапката на активност е повеќе намалена кај жените отколку кај мажите, што е слично и со глобалните трендови. Според анализата на Светската банка, земјите во регионот од Западен Балкан секоја година губат околу 18% од БДП поради родовиот јаз на пазарот на труд, при што две третини од загубата се објаснува со ниската стапка на активност на жените, а преостанатиот дел на разликите во изборот на занимањата помеѓу мажите и жените. Оттаму, водењето соодветни политики за поголема вклученост на жените на пазарот на трудот може значително да придонесе за повисок економски раст, порача гувернерката на Народната банка, Анита Ангеловска-Бежоска на работилницата „Улогата на жената во економската трансформација на општеството“ во организација на Економскиот факултет при Универзитетот „Св. Кирил и Методиј“ во Скопје.

dobivaj vesti na viber

Глобално и во регионот, неодамнешните кризи посилно ги погодија секторите со поголемо учество на жените и неповолно се одразија врз активноста и јазот. „Според Светскиот економски форум (СЕФ), ако напредокот продолжи со досегашната динамика, на глобално ниво ќе бидат потребни 131 година за да се постигне целосна рамноправност. За споредба, пред пандемијата беше проценето дека се потребни 100 години за да се постигне родова еднаквост, што укажува на последиците од неодамнешните шокови врз женската популација и родовиот јаз“, посочи Ангеловска-Бежоска.

Ангеловска-Бежоска посочува дека позитивен ефект од намалувањето на родовиот јаз врз растот би имало не само од зголемениот број на работната сила, туку и од различните вештини и карактеристики на жените, коишто можат да дадат поинаква квалитативна димензија на пазарот на трудот и пооптимално одлучување.

Гувернерката додаде дека за да се постигне тоа се потребни реформи во повеќе сегменти, како откривање на сите извори на родовите разлики присутни во институционалните, регулаторните, образовните и традиционалните норми, развивање политики коишто ќе ги поттикнат жените да се вратат на пазарот на труд, разбивање на стереотипите и создавање еднакви можности за кариерен развој на жените (учество во лидерските и високите позиции), соодветна поддршка на жените од државата и работодавачите во однос на обврските кон семејството/децата, осмислување нови иновативни технолошки решенија коишто ќе овозможат поголема финансиска инклузија и пристап до финансирање на жените со ниски примања.

На работилницата во организација на Катедрата по економија, на која и гувернерката одржа предавање, учествуваа и ректорката на Универзитетот „Св. Кирил и Методиј“ во Скопје, Билјана Ангелова и претседателката на Организацијата на работодавачи на Македонија (ОРМ), Владанка Трајкоска. Работилницата ја отвори деканот на Економскиот факултет, Предраг Трпески, а воведни обраќања имаа и професорките Даниела Бојаџиева и Билјана Ташевска.

Прикажи повеќе...

Економија

Комерцијална банка склучи договор за продажба на „Еуроникел“

Објавено пред

Комерцијална банка информира дека склучи договор за продажба на имотот на комбинатот „Еуроникел индустри“ од Кавадарци со друштва основани од холандската холдинг-компанија Polynickel Holding BV, која е дел од групацијта Yildirim Group. За финална реализација на купопродажниот договор останува уште да се исполнат сите правни и регулаторни предуслови, се наведува во соопштението.

dobivaj vesti na viber

Во исто време, банката со групацијата Yildirim склучи договор за продажба и на имотот на фабриката „Нова рефрактори“ во Пехчево.

„Убедени сме дека продажбата е долгорочно решение за комбинатот ‘Еуроникел’ имајќи ги предвид кредибилитетот и капацитетот на групацијата Yildirim. Веруваме дека со ова е надминат неизвесниот период за сите доверители и, пред сè, за вработените во комбинатот, кои покажаа максимална посветеност и професионалност и покрај тешката состојба во која се најдоа не по нивна вина.

Групацијата Yildirim е глобален индустриски конгломерат со седиште во Амстердам и во Истанбул. Основана е 1963 година и моментно работи во 56 земји на 5 континенти, вработува 25.000 лица во девет индустрии: метали и рударство, управување со пристаништа, вештачки ѓубрива и хемикалии, енергија и енергетски производи, транспорт и логистика, финансиски услуги, градежништво и недвижности и меѓународната трговија.

Во целиот изминат период од декември 2023 година, кога Комерцијална банка го презеде имотот на комбинатот во своја сопственост, бевме посветени на наоѓањето сериозен инвеститор, кој ќе ја продолжи дејноста на еден од најзначајните индустриски капацитети во земјата. Со цел да се одржи комбинатот во добра состојба за безбедно и ефикасно рестартирање на производниот процес, банката во изминатите четири месеци обезбеди речиси 100 милиони денари за одржување на технолошкиот минимум на комбинатот и за давање шанса за продолжување на работењето“.

Банката, како што се дополнува во информацијата, останува посветена и понатаму да придонесе со сите свои капацитети за фер наплата на доверителите и вработените во рамките на стечајната постапка. Прв услов за тоа е сите должници на ‘Еуроникел’ веднаш да ги платат своите обврски“.

Прикажи повеќе...

Економија

Од полноќ поскапуваат горивата

Објавено пред

Регулаторната комисија за енергетика донесе одлука со која се врши зголемување на малопродажните цени на нафтените деривати во просек за 1,33 % во однос на одлуката од 22.3.2024 година.

dobivaj vesti na viber

Од 26.3.2024 година од 00.01 часот максималните цени на нафтените деривати ќе изнесуваат:

моторен бензин ЕВРОСУПЕР БС-95 – 85,00 (денари/литар)

моторен бензин ЕВРОСУПЕР БС-98 – 87,00 (денари/литар)

дизел-гориво ЕВРОДИЗЕЛ БС (Д-Е V) – 77,00 (денари/литар)

масло за горење екстра-лесно 1 (ЕЛ-1) – 76,00 (денари/литар)

„мазут М-1 НС“ – 44,776 (денари/килограм)

Малопродажната цена на бензинот ЕВРОСУПЕР БС-95 не се менува.

Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство (ЕЛ-1) се зголемуваат 1,00 денар/л, а малопродажната цена на бензинот ЕВРОСУПЕРОТ БС-98 се зголемува 1,50 денар/л.

Малопродажната цена на „мазутот М-1 НС“ се зголемува 0,979 денари/кг и сега ќе изнесува 44,776 денари/кг.

Курсот на денарот во однос на доларот во изминатиот период по кој беа формирани цените со претходната пресметка е повисок 0,028 %.

Прикажи повеќе...

Најново

Македонија12 минути

Ванковска: Преспанскиот и Бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет27 минути

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет39 минути

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско каде мостот Френсис...

Македонија43 минути

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион1 час

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет1 час

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет1 час

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија16 часа

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија17 часа

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија19 часа

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија20 часа

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...

Македонија20 часа

„Вреди“: Албанците нема да му простат на Бујар Османи за случајот Монструм

Претходно кога објаснувавме кој е Бујар Османи, дојде време да се откриваат неговите корупциски скандали, но и политичките ставови што...

Македонија22 часа

Мицкоски: Имаме принципиелен договор за настап на парламентарните избори врз кој ќе функционираме како идна влада

Ние имаме принципиелни разговори и преговори и принципиелен заеднички договор за настап на следните парламентарни избори и очекуваме понатаму, врз...

Свет24 часа

Бајден: Да ja ​​заштитиме Украина од месарот Путин

Американскиот претседател Џозеф Бајден уште еднаш го навреди рускиот претседател Владимир Путин говорејќи пред гласачите во американската сојузна држава Северна...

Регион1 ден

Вучиќ: Следуваат тешки денови за Србија, не ми е лесно да кажам какви вести добивме

Српскиот претседател Александар Вучиќ синоќа изјави дека пред Србија претстојат тешки денови, пренесува „Нова.рс“. Вучиќ најави дека во наредните денови...

Македонија1 ден

СДСМ: Скопје е запустен град, граѓаните се изневерени, ДПМНЕ нема план за иднината

Платформа од минатиот век се новите лажни ветувања на ДПМНЕ по примерот на Скопје. Откако ги изневерија граѓаните на Скопје,...

Регион1 ден

Трае потрагата по исчезнатото двегодишно девојче во Србија

Трае потрагата по двегодишното девојче, кое исчезна вчера околу 13.45 часот во приградската населба Бањско Поле, недалеку од Бор во...

Свет1 ден

Израел во текот на ноќта жестоко го бомбардира јужниот дел на Газа: „Луѓето умираат само за да добијат конзерва туна“

Израел во текот на ноќта интензивно го бомбардираше јужниот дел на Појасот Газа, и покрај меѓународниот притисок за итен прекин...

Свет1 ден

„Не веруваме дека ќе ги пронајдеме живи“: Запрена потрагата по исчезнатите лица по уривањето на мостот во Балтимор

Спасувачките екипи ја прекинаа потрагата по шест лица исчезнати по уривањето на мостот во Балтимор, бидејќи се претпоставува дека се...

Македонија1 ден

Османи со дипломатскиот кор за четвртата годишнина од членството на Македонија во НАТО

Со цел одбележување на 4-та годишнина од членството на Северна Македонија во НАТО, министерот за надворешни работи, Бујар Османи, денеска...