Економија
Почина ‘европскиот крал на обувките’ Дајхман
Германскиот милијардер кој го создаде најголемиот продажен синџир на обувки во Европа, Хајнц-Хорст Дајхман, починал на 2-ри октомври во 88 година од животот во Есен, објавија во вторникот германските медиуми.
Долгогодишниот член на клубот на милијардерите на реномираниот економски магазин Forbes, Хајнцц-Хорст Дајхман, која оваа година беше рангиран како 359-от најбогат човек н апланетата со нето заработка од 4,2 милијарди американски долари, ја поседуваше најголемата малопродажна мрежа на обувки „Deichmann – Schuhe SE“, којашто минатата 2013 година остварила продажба од шест милијарди долари. Компанијата којашто под себе има 3.500 продавници, ги вклучува и синџирите „Rack Room Shoes“ и „Off Broadway“ во САД, минатата година во целиот свет продала 167 милиони чифта чевли. Компанијата од 1999 година ја води неговиот син Хајнрих Дајхман.Семејството Дајхман во бизнисот со обувки е цело столетие. Родителите на Хајнц-Хорст го започнале во 1913 година со мала продавница за чевли, а кога неговиот татко починал на 52-годишна возраст, со своите 14 години започнал уште повеќе да се ангажира во дуќанот.Иако студирал медицина и теологија во Бон и во Диселдорф, постојано ѝ помагал на мајка си за да се одржи продавницата. Во 1956 година ја напуштил својата ортопедска ординација и целосно се посветил на семејниот бизнис.Во медиумите беше омилен бидејќи на своето богатство гледаше со она што сега се нарекува полна општествена одговорност. Како голем филантроп, на своите вработени им овозможи голем број повластици, како бесплатни лекарски третмани во Швајцарија. Соработуваше и со многу хуманитарни организации, од кои најпозната е програмата „Wortundtat“, првично замислена како помош за заболените од лепра во Индија, која во моментов дава медицински услуги за околу 130 илјади луѓе во Индија, Танзанија, Молдавија, Грција и Германија.Тој и неговата покојна сопруга Рут се познати и по големите донации за израелскиот универзитет „Бен Гурион“ во Негева, вклучително и за математичкиот и природонаучниот отсек односно Катедрата Х.Х. Дајхман за деловна етика./крај/мф/сн
Извор: DPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.