Контакт

Економија

Porsche Mission E Cross Turismo: Eлектричен спортист за активен животен стил

Објавено пред

На престижниот меѓународен саем за автомобили во Женева, „Порше“ ја најави иднината со новиот модел Mission E Cross Turismo, концепт на CUV (Cross Utility Vehicle) со електричен погон.

Предностите на Cross Turismo со четири врати вклучуваат емоционален дизајн со впечатливи „оф-роуд“ елементи, како и иновативен екран и оперативен концепт со екран на допир и контрола со движење на очите.

Со должина од 4,95 метри, концепт возилото има погон на сите тркала и 800-волтна литиумска батерија подготвена за спојување на мрежата за брзо полнење. Овoј концепт на „Порше“, кое инаку успеа да ги привлече погледите на илјадници присутни на саемот во Женева, може да се полни со индукција, на бензинска пумпа или, пак, користејќи го домашниот систем на „Порше“ за полнење со електрична енергија. Со едно полнење може да се поминат околу 400 километри, а батеријата се полни за околу 15 минути.

Дизајн: Непогрешливата ДНК на „Порше“

Ниската хауба и силно заоблените краеви, како и целиот преден дел на Mission E Cross Turismo ја откриваат врската со спортската автомобилска икона Porsche 911. Вертикалните воздушни отвори на предниот дел, познати како воздушни завеси, само го дополнуваат карактеристичниот дизајн. Уште еден стилски печат се и LED светлата во стилот на „матрикс“. Типичните светла се развиени во тесни, тридимензионални стаклени елементи.

Истовремено, возилото има високи перформанси со технологијата Porsche X-Sight. „Оф-роуд“ дизајнираните елементи вклучуваат робусна заштита на тркалото и прагови на вратите, впечатлив преден и спуштен заден спојлер. Силуетата е дефинирана од спортската линија на кровот која се спушта наназад, што дизајнерите на „Порше“ ја нарекуваат „flyline“. Ова потсетува на задниот дел на моделот Panamera Sport Turismo. Еднакво карактеристичнo за брендот е и динамичниот облик на страничните прозорци.

Внатрешност: Видливи лесни структури

Внатрешноста ги реинтерпретира класичните елементи на „Порше“, кои го внесуваат брендот во дигиталната ера. Доколку како промер се земе конторлната табла, таа ја нагласува ширината на возилото и е составена од горен и долен дел во форма на крило. Таблата со инструменти е хоризонтално јасно организирана со свеж дизајн и TFT екрани.

Возење: Спортски е-перформанс благодарение на 600 KS

Двата синхронизирани мотори со постојан магнет (PSM) имаат сила поголема од 600 KS (440 kW) и му овозможуваат на Mission E Cross Turismo забрзување до 100 километри за час за помалку од 3,5 секудни и достигнување брзина од 200 километри на час за помалку од 12 секунди.

Моќноста што ја нуди новиот концепт на „Порше“ е неспоредлива со кој било друг електричен автомобил, особено во делот со забрзувањето кое што следи без губење на перформансите.

Економија

Ако залади, грејната сезона може да почне и порано

Објавено пред

Регулаторната комисија за енергетика и водни услуги одржа координативен состанок со снабдувачите на топлинска енергија Снабдување со топлина БЕГ, ЕСМ Енергетика и Скопје Север. Претставниците на енергетските компании разговараа с регулаторите за подготвеноста на топланите за снабдување со топлинска енергија во пресрет на новата грејна сезона 2020/2021 година.

„ БЕГ, ЕСМ Енергетика и Скопје Север ги имаат направено сите неопходни подготовки за старт на грејната сезона. Две опции се можни во однос на почетокот на грејната сезона. Според првата, грејната сезона започнува на 15 октомврии трае до 15 април наредната година. Според втората опција, по исклучок, снабдувањето може да започне и од 1 октомври доколку прогнозата за средната надворешна температура за следниот ден е помала или еднаква од 12 степени целзиусови, според податоците на УХМР. Инаку сите три топлани согласно препораките од Министерството за Здравство се соодветно организирани во тимови кои ќе работат на смени се со цел да им излезат во пресрет на потребите на потрошувачите. Во изминатиот период поради состојбата со Ковид 19 најголем дел од енергетските компании ги дигитализираа услугите, за информирање и пријавување на дефекти за сервис преку соодветни платформи на нивните веб страни.

Да ве информирам дека до 31 октомври поедноставени се условите за исклучување на корисниците на топлинска енергија од системот чии што станови се празни, односно не се користат. Граѓаните ќе треба да достават само барање за исклучување и изјава до Снабдувачот, кое практично и автоматски ќе се прифати, со што овие граѓани ќе го плаќаат фиксниот надоместок за топлинска енергија. Но, по завршувањето на грејната сезона овие граѓани ќе мора да потврдат дека станот бил празен во текот на грејната сезона со тоа што во мај наредната година ќе треба да приложат сметки за електрична енергија со максимална дозволена фактурирана потрошувачка до 50 kW/h месечно или максимално до 350 kWh за изминатата грејна сезона“ изјави претседателот на Регулаторната комисија, Марко Бислимоски.

Во Скопје вкупно околу 60.000 домаќинства и објекти се греат на топлинска енергија. Од почетокот на годината до сега има околу 1 000 нови потрошувачи приклучени на системот за дистрибуција на топлина.

Прикажи повеќе...

Економија

(Видео) Битиќи: Да ги доведеме до минимум бирократските процеси, за полесна работа на компаниите и подобар живот на граѓаните

Објавено пред

Дури и во денешното време на дигитализација и брз проток на информации во многу земји од светот сè уште на бирократијата се гледа како на масивен, тром и неефикасен систем, кој бавно се приспособува на потребите на реалниот сектор и на потребите на граѓаните, истакна заменикот на претседателот на Владата, задолжен за економски прашања, координација со економските ресори и инвестиции, Фатмир Битиќи, кој по покана на организацијата „Македонија 2025“, се обрати на настанот на кој беше претставен Индексот на бирократија, истражување направено во шест европски земји, во заедничка соработка на „Македонија 2025“, CivicaMobilitas, Институтот за економски и социјални студии (INESS ) од Република Словачка и и регионалната канцеларија на фондацијата Friedrich Nauman.

Битиќи рече дека значаен дел од зголемување на ефективноста и ефикасноста во работењето се сведува тоа да ги доведеме до минимум сите бирократски процеси, за компаниите и за граѓаните, на тој начин да ја олесниме нивната работа, кусо кажано – да ги растовариме од непотребните бирократски процедури.

„Во повеќе наврати истакнувам дека Владата ќе биде посветена на создавање платформа за економски развој, која ќе овозможи побрз и одржлив раст и развој на економијата на Северна Македонија на долг рок, што со сигурност ќе донесе нови работни места, подобри плати, нови патишта, железнички пруги, водоводи, пречистителни станици, училишта, градински, болници, кусо кажано: подобар и поквалитетен живот. Со инклузивен процес, во кој ќе бидат вклучени сите чинители во економското живеење, стопанските комори, синдикатите, академската заедница, меѓународните партнери, граѓанските организации, преку процес на консултации и дискусии, ќе работиме на унапредување на законската регулатива, со која ќе се упростат и олеснат бирократските процедури. Веќе е поставен планот за мапирање на сите законски постапки низ кои граѓаните и стопанството ги остваруваат своите права и обврски кон државата, како и законските рокови за постапување од страна на државните органи или институции. Создавањето на овој единствен регистар ќе има повеќекратни придобивки: ќе укаже на предолги или непотребни бирократски чекори и рокови, ќе создаде услови за поголема транспарентност и отчетност на државните службеници што се во служба на граѓаните, ќе се зголемат ефективноста и ефикасноста во постапувањето, голем дел од постапките ќе се дигитализира, а можеби најважно – ова ќе биде моќна алатка за сузбивање на корупцијата“, потенцира вицепремиерот.

Битиќи во името на Владата посочи дека во наредните четири години посветено ќе се работи на намалување на бирократските процедури, унапредување на условите за водење на бизнис и силна борба против корупцијата и сивата економија.

Прикажи повеќе...

Економија

(Видео) Вицепремиерите Битиќи и Николовски и министерот Бектеши во работна посета во Солун

Објавено пред

Официјална делегација на Владата, во чиј состав се заменик-претседателот на Владата задолжен за економски прашања, координација на економските ресори и инвестиции, Фатмир Битиќи, заедно со заменик-претседателот на Владата за борба против корупција, одржлив развој и човечки ресурси, Љупчо Николовски, и министерот за економија, Крешник Бектеши, денеска реализираше еднодневна работна посета во Солун, Република Грција.

Во претпладневните часови вицепремиерот Битиќи, вицепремиерот Николовски и министерот Бектеши, учествуваа на тркалезната маса на тема: „Регионална енергетска безбедност и соработка“, на која учествуваа државниот секретар на САД, Мајкл Помпео, министерот за развој, конкурентност, инфраструктура, транспорт и врски во Владата на Република Грција, Костис Хаѕидакис, амбасадорот на САД во Република Грција, Џефри Пјат и амбасадорката на САД во земјава, Кејт Мари Брнз.

По завршувањето на тркалезната маса вицепремиерот Битиќи посочи дека ова е одлична можност да се разменат искуствата во делот на енергетиката, потенцијалите за соработка и да се разговара за идните активности во насока на подобрување на енергетската поврзаност.

„За Северна Македонија, како мала и увозно зависна земја од електрична енергија, регионалната соработка е круцијална, особено поради конекциите на земјата за електрична енергија со Србија и Грција, како и коридорот за пренос на електричната енергија од Бугарија до Грција“, додаде вицепремиерот.

„Важноста и потребата за регионалната соработка се дел и од приоритетите во Стратегијата за енергетика која дефинира конкретни мерки и проекти од аспект на прекуграничното поврзување. Енергетиката е составен дел на денешното живеење, особено што овој сектор не подразбира само производство и дистрибуција на електричната енергија, туку во него спаѓаат гасот и горивата, како и енергетската ефикасност. Токму преку зголемување на регионалната соработка на полето на енергетиката, гледаме голема можност и потенцијал за креирање одржлива и развојна економија, што е врвен приоритет на Владата во следните четири години“, нагласи Битиќи.

Северна Македонија е посветена на спроведување на реформите во енергетскиот сектор и исполнување на обврските кои произлегуваат од Договорот за основање на Енергетска заедница. Имплементирани се одредбите и обврските што произлегуваат од Третиот енергетски пакет на ЕУ и Директивата за обновливи извори на енергија. Напредокот од земја последна во регионот – во земја со исклучителен напредок е нотирано и во Извештајот на Енергетската заедница. Цел е да се стават во функција сите капацитети и да се впрегне целиот неискористен енергетски природен потенцијал што Северна Македонија го поседува. Планот на Владата е сериозно да го зголемиме домашното производство на електрична енергија, од обновливи извори, да ги достигнеме европските стандарди во процесот на менаџирање со енергетските ресурси и да поттикнеме нови инвестиции во енергетскиот сектор.

„Би сакал да потсетам дека при последната посета на претседателот на Владата Зоран Заев на Република Грција добивме поддршка од конзорциумот ‘Гастрејд’, за вклучување на Северна Македонија во изградба на терминалот за течен природен гас во близина на Александрополис во Грција. Со овој проект се создава можност за трајно и стабилно снабдување со природен гас за нашата земја, која, истовремено, ќе стане точка од која потоа гасот ќе се дистрибуира и пошироко во регионот, и во земјите кои ќе покажат интерес“, подвлече вицепремиерот.

Битиќи рече и дека енергетиката е составен дел за одржливиот развој, што подразбира диверзификација на производството на електричната енергија, целосна либерализација на пазарите, зголемување на производството на електрична енергија од обновливи извори, изградба на нова модерна енергетска инфраструктура, гасно поврзување со регионот, како и проекти за енергетска ефикасност.

„Ќе работиме напорно да ја унапредиме соработката со земјите во регионот, во сите полиња, економија и енергетика особено, и од тоа ќе имаме сите бенефит, државите и граѓаните кои живеат во нив. Продолжуваме со одличната меѓусоседска соработка и дополнително ги зацврстуваме економските односи меѓу Северна Македонија и Република Грција. Неискористениот потенцијал за соработка од минатото го трансформираме во исклучително партнерство, од кое корист ќе имаат не само граѓаните од двете земји, туку и целиот регион. Грција и Северна Македонија се добар пример за градење меѓусебни односи, соработка и стратешко партнерство“, нотираше вицепремиерот за економски прашања, Фатмир Битиќи, по завршувањето на тркалезната маса за регионална енергетска безбедност и соработка.

По завршување на тркалезната маса, официјалната Владина делегација изврши посета на ИКТ технолошкиот парк „Технополис“ во Солун, при што остварија средби со менаџментот на технолошкиот парк и на компаниите „Делојт“ и „Логисмоз“, кои функционираат во рамките на паркот, со кои зборуваа за можностите за инвестирање во земјава и поддршката која Владата ја обезбедува за компаниите кои реализираат нови инвестиции.

Прикажи повеќе...

Најново

Македонија1 час

(Видео) Потпишан етичкиот Кодекс, функционерите се обврзаа на транспарентно и одговорно работење

На седница на Владата денеска беше потпишан Кодексот за етичко однесување на носителите на јавни функции. По тој повод, заменик-претседателот...

Свет1 час

(Видео) Војската на Нагорно Карабах соборила два азербејџански хеликоптери

Војската на Нагорно Карабах собори два азербејџански хеликоптери користејќи ракети земја-воздух „Игла“, објави прес-секретарот за ерменското Министерство за одбрана, Шушан...

Македонија2 часа

Осум починати и 112 новозаболени од Ковид-19 во земјата

Министерството за здравство информира дека во последните 24 часа се направени 1.372 тестирања, а регистрирани се 112 нови случаи на...

Македонија3 часа

(Видео) Фетаи ќе бара затворски казни за сите обвинети во „Насилство во Центар“

Обвинителката Фатиме Фетаи ќе бара затворска казна за Миле Јанакиески и другите обвинети со жалба во апелација откако Кривичниот суд...

Македонија3 часа

Царовска: Место да ја бојкотираат онлајн-наставата, родителите, градоначалниците и директорите да седнат и да се договорат

Бојкот на онлајн-наставата нема да им донесе ништо добро на децата, рече денес министерката за образование и наука, Мила Царовска....

Македонија3 часа

(Видео) Затворска казна за Груевски, а условна за Јанакиески и за извршителите во „Насилство во Центар“

Судот изрече казна затвор од 1 година и 6 месеци за Никола Груевски, а за Миле Јанакиески условна казна од...

Македонија4 часа

Илјадници ученици и денес не може да се приклучат за онлајн-учење, Царовска повикува на трпение

Фијаско и на генералната проба, Националната платформа за онлајн-учење и денес паѓа. Илјадници ученици, наставници и родители и утрово не...

Свет4 часа

(Видео) Гори цивилен автобус погоден од азербејџански дрон

Ерменскиот министер за одбрана објави на „Твитер“ дека гори цивилен автобус, погоден од азербејџански дрон. In #Vardenis which is located...

Македонија4 часа

Средба Османи – Вархељи: Почетокот на преговорите ќе биде јасен сигнал за европскиот курс на целиот регион

Министерот за надворешни работи, Бујар Османи, во рамките на работната посета на Брисел оствари средба со еврокомесарот за соседство и...

Топ5 часа

Се преврте автобус со 16 војници на АРМ, пренесени се во болница со полесни повреди

Изутринава се случи сообраќајна незгода на патот Струмица – Штип кога се преврте автобус во кој се превезувале 16 војници...

Македонија6 часа

МОН: За еден ден, на платформата за учење на далечина 
се пријавиле над 88 илјади корисници

„Како што беше најавено во текот на вчерашниот ден, кога почнавме со тестирање на Националната платформа за учење на далечина,...

Свет6 часа

Трамп и Бајден ќе се соочат на првата дебата за претседателските избори

За прв пат лице в лице, во првата од трите претседателски дебати, Доналд Трамп и Џозеф Бајден ќе се сретнат...

Свет7 часа

(Видео) Судирот ескалира: соборен авион на азербејџанските сили, убиени се уште 26 ерменски војници

Армијата на Нагорно-Карабах собори авион на азербејџанските сили, изјави портпаролот на претседателот на таа непризнаена република, Ваграм Погосјан. Како што...

Македонија7 часа

Министрите на владина седница ќе потпишат кодекс за етичко однесување

Владата на Република Северна Македонија, денеска, со почеток во 12 часот, во свечената сала ќе ја одржи седмата седница. На...

Свет7 часа

Итна седница на Советот за безбедност на ОН за Нагорно-Карабах

Денеска треба да се одржи итна седница на Советот за безбедност на ООН за регионот Нагорно- Карабах, каде се водат...

Европа7 часа

Село во Романија третпат избра ист градоначалник иако е мртов

Жителите на едно село во Романија го реизбраа истиот градоначалник на локалните избори, иако тој почина пред две недели од...

Спорт16 часа

Дури 11 фудбалери на Џенова имаат КОВИД-19, нејасно е дали Пандев е меѓу нив!

Италијанските медиуми тврдат дека дури 11 фудбалери на Џенова и 3 членови на тимот имаат позитивен тест на КОВИД-19, вклучувајќи...

Регион18 часа

Србинка заврши со притвор со новороденчето – била шеф на балканска наркобанда во Шпанија

37-годишна Србинка заедно со нејзиното новороденче е притворена во Шпанија, откако тамошната полиција спровела истрага во која е откриена балканска...

Свет20 часа

Ако Баку користи турски авиони „Ф-16“ – Ереван ќе ги користи ракетите „Искандер“

Ерменскиот амбасадор во Русија, Вардан Тогањан, изјави дека Ереван ќе користи ракети „Искандер“ доколку Баку употреби турски ловци „Ф-16“ во...

Свет20 часа

Ерменија бара итна реакција од Европскиот суд за човекови права

Ерменија итно реагираше до Европскиот суд за човекови права од кого побара привремени мерки против Азербејџан, каде што траат борбите...

Досие