Економија
Промовиран проект за заштита на потрошувачите во вредност од над 1,3 милиони евра
Министерот за економија, Беким Незири, во средата го најави новиот проект од областа на заштита на потрошувачите вреден над 1,3 милиони евра, што Министерството за економија ќе го реализира во соработка со делегацијата на Европската унија, насловен „Хармонизација на законодавството и градење на капацитетите во областа на заштитата на потрошувачите“.
„Со цел што поефикасна заштита на потрошувачите, воспоставување на функционални механизми за соработка со невладините организации, како и создавање на силна правна рамка за заштита на потрошувачите започнуваме проект во вредност од 1.330.000 евра, средства од ИПА фондовите, со кофинансирање од буџетот на Република Македонија, кое изнесува 10%“, истакна Незири.
Првиот од двата дела на проектот, е во вредност од 700.000 евра и има за цел комплетно усогласување на националното законодавство со законодавството на ЕУ, зајакнување на институционалните и технички капацитети за ефикасно решавање на потрошувачките прашања во земјата, подигање на јавната свест за правата на потрошувачите, вклучувајќи и континуирано информирање на потрошувачите за безбедноста на производите.
Вториот дел од проектот, пак, е грант договор во вредност од 630.000 евра, наменет за зајакнување на невладиниот сектор, односно е наменет за невладините организации од областа на заштита на потрошувачите.
„Досега, во двогодишните програми за заштита на потрошувачите, средствата што беа превидени за оваа намена беа премали за да може да се направи поголем исчекор во овој дел, односно во 2012 година беа издвоени 530.000 денари, во 2013 – 500.000 денари, а за оваа година 550.000 денари. Покрај тоа што за следната година ќе се обидам да овозможам барем тројно повеќе средства за потрошувачите и нивните права, сметам дека овој проект кој денеска го промовираме може да овозможи остварување на нашата цел, а тоа е воспоставување на функционални механизми за соработка со невладините организации, подготвени административни капацитети, како и создавање на силна правна рамка за заштита на потрошувачите, поточно секој потрошувач во Македонија да ги ужива сите права како и европскиот потрошувач“, рече министерот Незири.
Меѓу првите резултати од отпочнување со овој проект ќе биде постоењето на построги правила за компаниите и давателите на услуги за почитување на правата на потрошувачите. Ова ќе влијае на усогласување на пазарната економија во поизбалансиран и фер систем. Но, како што најави Незири, ќе се побара од државниот пазарен инспекторат информирање за постапките по Законот за потрошувачи со месечна динамика и ефикасно постапување при претставките и контролите на инспекцијата.
Во насока на подобра координација и подобра информираност на целните групи на овој проект, Министерство за економија има предвидено информативни денови, каде што ќе бидат поканети невладините организации, а од страна на надлежни и компетентни лица од Министерството ќе бидат презентирани начинот на подобра изработка на понудите и начинот на аплицирање, со цел реализацијата на овие средства да биде што поголема, а со тоа и исполнувањето на целта на проектот. Истовремено, ќе им се даде можност на невладините организации да поставуваат прашања, сѐ со цел да имаме што поквалитетни понуди од страна на невладиниот сектор. За датумите на овие информативни денови невладиниот сектор ќе биде информиран преку т.н. Грантова шема.крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.