Свет
Агенциите S&P и Fitch го намалија кредитниот рејтинг на Британија
Велика Британија претрпе уште еден удар откако двете водечки светски агенции го намалија нејзиниот кредитен рејтинг, бидејќи сметаат дека одлуката за напуштање на Европската унија ќе ѝ наштети на британската економија.
Агенцијата Standard & Poor’s го намали највисокиот „ААА“ рејтинг на Велика Британија за дури две нивоа, на „АА“, и предупреди и на можно натамошно намалување на рејтингот. Во Fitch Ratings, пак, го намалија британскиот рејтинг за едно ниво, од „АА+“ на „АА“, исто така, предупредувајќи на можно идно намалување.
Агенцијата S&P соопшти дека резултатот од референдумот би можел да доведе до влошување на економската ситуација во Велика Британија, вклучително и во нејзиниот голем финансиски сектор. Покрај тоа, одлуката да се напушти ЕУ може да доведе до помала предвидливост, стабилност и ефикасност на политичката рамка во земјата, порачуваат од S&P.
Од Fitch во своето соопштение порачуваат дека очекуваат остро забавување на британската економија. Така, сега проценуваат дека тамошниот бруто домашен производ (БДП) во 2017 и 2018 година ќе расте по стапка од само 0,9 отсто, додека претходно се очекуваше раст од 2 отсто.
Намалувањето на рејтингот би можело да доведе до зголемување на трошоците на задолжувањето на Британија во ситуацијата која се очекува слабеење на тамошната економија. Така, во понеделникот вечерта аналитичарите на „Goldman Sachs“ порача дека Британија, по минатонеделната одлука за напуштање на ЕУ, веројатно ќе нурне во рецесија во рок од една година.
„Очекуваме дека британската економија до почетокот на 2017 година ќе потоне во блага рецесија“, предупредуваат аналитичарите на споменатата американска инвестициска банка.
Британскиот министер за финансии, Џорџ Озборн, се обиде во понеделникот да ги примири пазарите, порачувајќи дека британската економија е доволно силна за да се справи со нестабилноста по одлуката за излегување од ЕУ.
Меѓутоа, и по неговата изјава FTSE индексот на Лондонската берза падна за повеќе од 2,5 отсто, додека курсот на британската фунта во однос на доларот потона за дополнителни 3 отсто, потонувајќи на 1,3122 долари, што е најниското ниво уште од 1985 година.
Британските медиуми пишуваат и дека во вторник агенцијата Moody’ѕ, уште една од трите најголеми светски кредитни агенции, би можела да ги намали изгледите за рејтингот на британскиот банкарски сектор на „негативни“, што значи дека му се заканува и скорешно намалување на рејтингот.
Уште во петокот, кога беше објавен исходот од референдумот, Moody’s ги намали изгледите на британскиот рејтинг на „негативни“. Оваа агенција за Британија го намали врвниот рејтинг од „тројното А“ уште во 2013 година, поради како што тогаш порача, високото ниво на јавниот долг и бавниот економски раст./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
РЕ-Ново
Жена лажирала дури 17 бремености во текот на 24 години, добила 100.000 евра
Италијанка завршила во затвор бидејќи лажирала дури 17 бремености во текот на 24 години за да добие речиси 100.000 евра породилни надоместоци.
Барбара Џоел (50) излажала дека родила пет деца и направила уште 12 спонтани абортуси, а за да успее измамата, носела перници под кошулата за да изгледа како да има труднички стомак, пренесува „Јутарњи лист“.
Го лажирала и начинот на кој оди за да изгледа како да носи дете, а со тоа акумулирала значителен број слободни денови од работа. Џоел ги отфрли сите обвинувања и продолжува да тврди дека нејзините пет деца навистина постојат и дека сите нејзини бремености, вклучително и спонтани абортуси, биле реални.
Џоел тврдеше дека го родила своето последно дете во декември, но полицајците рекоа дека ја набљудувале претходните девет месеци и дека целата бременост била лажна. Таа е обвинета и за кражба на изводи од матичната книга на родените и други документи од клиника во Рим, пренесува италијанскиот весник „Ил Матино“.
Со ваков вид измама се занимава од 2000 година и на тој начин обезбедила бенефиции од над 94.000 евра. Дејвид Пичинато, 55-годишниот партнер на Џоел, наводно ѝ кажал на полицијата сè, а за време на испрашувањето рекол дека „добро знаел“ дека таа никогаш не била бремена.
Се верува дека сведочел против Барбара за да добие помала казна, иако и самиот бил обвинет за помагање во нејзината измама.
„Направила лажни сертификати и ги донела“, наводно им рекол Пичинато на истражителите. „Тоа го знам од 2012 година, односно од почетокот на нашата врска. Џоел беше осудена на една година и шест месеци затвор, но не се појави на изрекувањето на пресудата. Нејзиниот адвокат наводно покажал две потврди, кои потврдуваат дека е болна.
Економија
Еврото го слави својот 25-ти роденден: Треба да се воведе во дигиталната ера
Неопходно е еврото да се внесе во дигиталната ера и да се изгради унија на пазарот на капитал и посилна банкарска унија, најавија европските лидери во пресрет на 25-годишнината на европската валута.
Еврото стапи на сила пред 25 години, на 1 јануари 1999 година, а денес е валута на дваесет земји со 350 милиони жители, од кои Хрватска стана последна членка на почетокот на оваа година.
Претседателот на Еврогрупата Пашал Донохое, претседателката на Европската централна банка (ЕЦБ) Кристин Лагард, претседателката на Европскиот парламент Роберта Мецола, претседателот на Европскиот совет Шарл Мишел и претседателката на Европската комисија Урсула фон дер Лајен ја одбележаа таа годишнина со заедничка напис објавен на веб-страницата на ЕЦБ.
„Заедничката валута го олесни животот“
Во написот објавен вчера, тие пишуваат дека заедничката валута ѝ даде на Европската унија „едноставност, стабилност и суверенитет“ и го олесни животот на европските граѓани кои сега можат лесно да ги споредуваат цените, трговијата и патувањето.
Со текот на годините, еврото се соочуваше со големи предизвици, вклучително и прашања за неговото опстанок, пишуваат европските лидери, нагласувајќи дека „секогаш ќе се најдат вистинските одговори“, како што е усогласениот систем на супервизија на банките по големата криза во 2008 година.
„Денес поддршката за заедничката валута меѓу граѓаните на еврозоната се приближува до рекордни нивоа“, посочија тие, предупредувајќи дека работата „не е завршена“ бидејќи Европа се соочува со нови предизвици со кои поединечни држави не можат да се справат сами.
Унијата се соочува со растечки геополитички тензии, првенствено руската „илегална војна“ против Украина, забрзана климатска криза и невидени предизвици за европската конкурентност од другите делови на светот.
Затоа, прашањата како одбраната, зелената и дигиталната транзиција ќе бидат клучни во иднина. Само за декарбонизација на економиите ќе бидат потребни 620 милијарди евра годишно до 2030 година, предупредија тие.
ЕУ мора да изгради вистинска унија на пазарите на капитал за да ги „мобилизира приватните финансии“, да ја зајакне банкарската унија и да ги реформира фискалните правила. Еврото треба да влезе во „дигиталната ера“ и мора да се подготват темелите за потенцијално „дигитално евро“ кое ќе биде комплементарно на готовината.
Лидерите предупредуваат дека „со неколку земји кои моментално се во процес на пристапување во ЕУ“, алијансата мора да го задржи капацитетот да „дејствува решително“.
„Проширувањето и продлабочувањето меѓусебно не се исклучуваат. Но, проширувањето може да бара промени во организацијата на ЕУ“, се заклучува во написот.
Свет
Убиени 41 член од исто семејство во Газа
Министерството за здравство во Појасот Газа соопшти дека 41 член на исто семејство загинале во израелското бомбардирање на нивната куќа во централниот дел на градот Газа.
Министерството објави список со имињата на 41 член на семејството Малка, од кои сите загинаа во нападот што се случи во зори во населбата Зајтун во Појасот Газа, пренесува AFP.
На ова следуваа реакциите на корисниците на социјалните мрежи на веста за смртта на толку голем број членови на исто семејство, кои споделија список со имињата на загинатите, како што наведоа.
Тие ги осудија злосторствата на окупацијата со која беа истребени цели семејства и избришани од матичната евиденција, наведуваат некои од нив во своите објави.