Свет
Бил Гејтс и натаму најбогат меѓу сé поголемиот број ултрабогати луѓе во светот
Коосновачот на технолошкиот гигант „Microsoft“, Американецот Бил Гејтс и натаму е најбогатиот човек на планетата со богатство проценето на 79,2 милијарди американски долари, според годишниот извештај на магазинот Forbes објавен во понеделникот.
Богатството на Бил Гејтс е поголемо за 3,2 милијарди долари отколку минатата 2014 година, според класификацијата на која на второто место е повторно Мексиканецот со либанско потекло Карлос Слим, магнатот на телекомуникациите со 77,1 милијарди долари, или за 5,1 милијарди долари повеќе од лани.
Американскиот бизнисмен Ворен Бафет е на третото место со 72,7 милијарди долари, односно своето богатство за една година го зголемил за 14,5 милијарди долари. Со тоа го истисна Шпанецот Амасио Ортега, основат на трговскиот синџир „Zara“ кој сега е на четвртото место со 64,5 милијарди долари, односно со „само“ о,5 милијарди долари повеќе отколку минатата година. Петти и годинава е Лари Елсон, основачот на „Oracle“ со 54,3 милијарди долари.
Правата жена на списокот на Forbes е Французинката Лилиан Беренкур, наследничката на компанијата „l’Oreal“, која е десеттата најбогата личност на светот со 40,1 милијарди долари, односно своето богатство го зголемила за 5,6 милијарди долари во однос на 2014 година.
Младиот, 30-годишен основач на најголемата социјална мрежа на светот „Facebook“, Мајкл Цукерберг е меѓу 20-те најбогати, годинава на 16-то место со 33,4 милијарди долари, во однос на 28,5 милијарди долари колку што имаше ланската година.
Се забележува дека групата на ткн „ултрабогати“ во светот е сé поголема, па денес на светот ги има рекордни 1.826 милијардери, во однос на 1.645 минатата година, и дека од нив 46 се помлади од 40 години.
Во извештајот на Forbes се истакнува дека добрата позиција на секторот технологија и јакнењето на американскиот долар во однос не еврото ја зајакнале позицијата на Американците во споменатата класификација на која ги има 536, па следат Кинезите со 213 милијардери, Германците со 103, Индијците со 90 и русите со 88. Во Европа, според магазинот, има 482 милијардери.
Вкупното богатство коешто го поседуваат најбогатите луѓе на светот во изминатата година Forbes го проценува на 7.050 милијарди, во однос на 6.400 милијарди долари една година претходно.
Кон средината на февруари истражувањето на експертите на бизнис порталот Wealth-X покажа дека бројот на милијардерите во светот се зголемил за 7 отсто во периодот од 2013 до 2014 година до 2.325 луѓе, а најмногу од нив живеат во Њујорк.
Како што се истакнува во заклучоците од споменатото истражување, четвртина од сите милијардери живеат во САД, и притоа 35 отсто од најбогатите луѓе во светот живеат во 20 градови. Најпопуларен меѓу најбогатите и натаму е Њујорк, каде што живеат 103 милијардери, на второ место се проби руската престолнина Москва со 85 милијардери, а на трето место е Хонгконг, каде што живеат 82, претежно кинески милијардери.
Истражувањето, исто така, покажа дека речиси 90 отсто од милијардерите мажи самите целосно или делумно го заработиле своето богатство. Меѓу жените, коишто на споменатата листа ги има само 286, повеќе од 65 проценти своето богатство го стекнале како наследство.
Портретот на просечниот милијардер, направен според собраните податоци, изгледа – тој е на возраст од 63 години, неговото богатство изнесува приближно три милијарди американски долари, од кои првата милијарда ја заработил во педесеттите години од животот. Притоа, 90 отсто од милијардерите се женети и во просек имаат по две деца.
Според податоците на Wealth-X, 35 проценти од милијардерите немаат завршено високо образование. Меѓу оние кои го заокружиле своето образование со факултетска диплома, најмногу студирале на универзитетите Пенсилванија, Харвард, Јеил, на Универзитетот во Мумбаи и на Московскиот државен универзитет.
Истражувањето открива и дека само една третина од милијардерите основале добротворни фондации, а еден од триесет има во сопственост спортски клуб или ергела за расни тркачки коњи./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
РЕ-Ново
Жена лажирала дури 17 бремености во текот на 24 години, добила 100.000 евра
Италијанка завршила во затвор бидејќи лажирала дури 17 бремености во текот на 24 години за да добие речиси 100.000 евра породилни надоместоци.
Барбара Џоел (50) излажала дека родила пет деца и направила уште 12 спонтани абортуси, а за да успее измамата, носела перници под кошулата за да изгледа како да има труднички стомак, пренесува „Јутарњи лист“.
Го лажирала и начинот на кој оди за да изгледа како да носи дете, а со тоа акумулирала значителен број слободни денови од работа. Џоел ги отфрли сите обвинувања и продолжува да тврди дека нејзините пет деца навистина постојат и дека сите нејзини бремености, вклучително и спонтани абортуси, биле реални.
Џоел тврдеше дека го родила своето последно дете во декември, но полицајците рекоа дека ја набљудувале претходните девет месеци и дека целата бременост била лажна. Таа е обвинета и за кражба на изводи од матичната книга на родените и други документи од клиника во Рим, пренесува италијанскиот весник „Ил Матино“.
Со ваков вид измама се занимава од 2000 година и на тој начин обезбедила бенефиции од над 94.000 евра. Дејвид Пичинато, 55-годишниот партнер на Џоел, наводно ѝ кажал на полицијата сè, а за време на испрашувањето рекол дека „добро знаел“ дека таа никогаш не била бремена.
Се верува дека сведочел против Барбара за да добие помала казна, иако и самиот бил обвинет за помагање во нејзината измама.
„Направила лажни сертификати и ги донела“, наводно им рекол Пичинато на истражителите. „Тоа го знам од 2012 година, односно од почетокот на нашата врска. Џоел беше осудена на една година и шест месеци затвор, но не се појави на изрекувањето на пресудата. Нејзиниот адвокат наводно покажал две потврди, кои потврдуваат дека е болна.
Економија
Еврото го слави својот 25-ти роденден: Треба да се воведе во дигиталната ера
Неопходно е еврото да се внесе во дигиталната ера и да се изгради унија на пазарот на капитал и посилна банкарска унија, најавија европските лидери во пресрет на 25-годишнината на европската валута.
Еврото стапи на сила пред 25 години, на 1 јануари 1999 година, а денес е валута на дваесет земји со 350 милиони жители, од кои Хрватска стана последна членка на почетокот на оваа година.
Претседателот на Еврогрупата Пашал Донохое, претседателката на Европската централна банка (ЕЦБ) Кристин Лагард, претседателката на Европскиот парламент Роберта Мецола, претседателот на Европскиот совет Шарл Мишел и претседателката на Европската комисија Урсула фон дер Лајен ја одбележаа таа годишнина со заедничка напис објавен на веб-страницата на ЕЦБ.
„Заедничката валута го олесни животот“
Во написот објавен вчера, тие пишуваат дека заедничката валута ѝ даде на Европската унија „едноставност, стабилност и суверенитет“ и го олесни животот на европските граѓани кои сега можат лесно да ги споредуваат цените, трговијата и патувањето.
Со текот на годините, еврото се соочуваше со големи предизвици, вклучително и прашања за неговото опстанок, пишуваат европските лидери, нагласувајќи дека „секогаш ќе се најдат вистинските одговори“, како што е усогласениот систем на супервизија на банките по големата криза во 2008 година.
„Денес поддршката за заедничката валута меѓу граѓаните на еврозоната се приближува до рекордни нивоа“, посочија тие, предупредувајќи дека работата „не е завршена“ бидејќи Европа се соочува со нови предизвици со кои поединечни држави не можат да се справат сами.
Унијата се соочува со растечки геополитички тензии, првенствено руската „илегална војна“ против Украина, забрзана климатска криза и невидени предизвици за европската конкурентност од другите делови на светот.
Затоа, прашањата како одбраната, зелената и дигиталната транзиција ќе бидат клучни во иднина. Само за декарбонизација на економиите ќе бидат потребни 620 милијарди евра годишно до 2030 година, предупредија тие.
ЕУ мора да изгради вистинска унија на пазарите на капитал за да ги „мобилизира приватните финансии“, да ја зајакне банкарската унија и да ги реформира фискалните правила. Еврото треба да влезе во „дигиталната ера“ и мора да се подготват темелите за потенцијално „дигитално евро“ кое ќе биде комплементарно на готовината.
Лидерите предупредуваат дека „со неколку земји кои моментално се во процес на пристапување во ЕУ“, алијансата мора да го задржи капацитетот да „дејствува решително“.
„Проширувањето и продлабочувањето меѓусебно не се исклучуваат. Но, проширувањето може да бара промени во организацијата на ЕУ“, се заклучува во написот.
Свет
Убиени 41 член од исто семејство во Газа
Министерството за здравство во Појасот Газа соопшти дека 41 член на исто семејство загинале во израелското бомбардирање на нивната куќа во централниот дел на градот Газа.
Министерството објави список со имињата на 41 член на семејството Малка, од кои сите загинаа во нападот што се случи во зори во населбата Зајтун во Појасот Газа, пренесува AFP.
На ова следуваа реакциите на корисниците на социјалните мрежи на веста за смртта на толку голем број членови на исто семејство, кои споделија список со имињата на загинатите, како што наведоа.
Тие ги осудија злосторствата на окупацијата со која беа истребени цели семејства и избришани од матичната евиденција, наведуваат некои од нив во своите објави.