Свет
Еврогрупата и’ порача на Грција да најде убедлив излез од програмата за помош
Челникот на Еврогрупата, (министрите за финансии на земјите од еврозоната), Јоарен Дијсеблом ја предупреди Грција дека треба да пронајде убедлив пат за излегување од меѓународната програма за помош, имајќи предвид дека владата во Атина посакува предвремено излегување од надзорот на меѓународните доверители.
Доколку го оствари тоа, Грција по Ирска и Португалија ќе биде третата земја од еврозоната којашто излегла од меѓународната програма за помош.
Атина досега од 2010 година доби 240 милијарди евра во рамките на помошта од ткн „тројка“ – Европската комисија, Европската централна банка (ECB) и Меѓународниот монетарен фонд (ММФ). Меѓутоа, тие средства беа одобрени со строги услови кои доведоа до непопуларните зголемувања на даноците, намалување на платите и пензиите, како и ревизија на програмите за социјална и здравствена помош. Во меѓувреме невработеноста во Грција надмина 26 отсто.
Атина постигна значителен напредок во текот на летото, меѓутоа уште многу значајна работа треба да направи, изјави Челникот на Еврогрупата, Јоарен Дијсеблом во понеделникот по состанокот на министрите за финансии во Луксембург.
„Ситуацијата во Грција е многу чувствителна. Тоа е така зашто многу структурни реформи мора да бидат спроведени за да се подобри економскиот раст и инвестициската клима“, изјави европскиот комесар за економија, Јирки Катаинен.
Програмата на ММФ за помош на Грција би требало да трае најмалку до првата половина на 2016 година, додека европскиот дел од програмата за помош би требало да заврши до крајот на 2014 година.
„Не го добивме официјалното мислење од грчката влада за тоа како тие ја гледаат ситуацијата по 1-ви јануари (2015-та). Постои цврст консензус околу фактот дека тоа би требало да биде одржлив излез, а мора да биде уверлив за сите надворешни партнери“, рече Дијсеблом.
Челникот на Еврогрупата не ја исклучи притоа можноста од превентивна кредитна линија, којашто би се вовела за Грција откако ќе излезе од програмата за помош, за да примират инвеститорите.
„Пред крајот на годинава ќе направат нови пресметки за одржливоста на долгот, за да се види кои се финансиските потреби на грчката влада, а по тоа ќе можеме да видиме што е неопходно“, додаде Дијслеблом.
Портпаролката на грчката влада Софија Вултепси за приватната телевизија ANT 1 изјави дека излегувањето од меѓународната програма за помош ќе протече без пореметувања на државните финансии и без нови долгови и кусоци. „Ќе продолжиме со нашата сопствена програма, која нема да биде под строгиот надзор каков што го имавме досега“, изјави по состанокот на грчкиот министер за финансии Гикас Хардувелис и челничката на ММФ, Кристине Лагард во Вашингтон изминатиов викенд.
Меѓународните кредитори во првата половина на ноември повторно ќе пристигнат во Атина за да ја продолжат петтата по ред процена на состојбата на напредокот во спроведувањето на она што е договорено во рамките на програмата за помош на Грција. Атина се надева дека тоа ќе биде последната оцена за напредокот на грчката програма за реформите, а премиерот Антонис Самарас е истраен во тврдењата дека неговата земја е подготвена за порано излегување од таа програма.
„Нема да ни биде потребна нова програма на спасоносните заеми, односно задолжителното кредитирање“, изјави Самарас пред пратениците минатата седница пред гласањето за доверба на неговиот кабинет. Притоа рече дека цел на владата е да излезе од програмата на меѓународните кредитори година ипол порано откако што се очекуваше.
Фокусот на сегашниот круг од преговорите за заштедите со заемодавачите беше ставен грчкиот предлог на буџетот за 2015 година и настојувањата на владата да го намали прекумерниот државен сектор, каки да ги продолжи мерките за реструктуирање на пензискиот систем./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
РЕ-Ново
Жена лажирала дури 17 бремености во текот на 24 години, добила 100.000 евра
Италијанка завршила во затвор бидејќи лажирала дури 17 бремености во текот на 24 години за да добие речиси 100.000 евра породилни надоместоци.
Барбара Џоел (50) излажала дека родила пет деца и направила уште 12 спонтани абортуси, а за да успее измамата, носела перници под кошулата за да изгледа како да има труднички стомак, пренесува „Јутарњи лист“.
Го лажирала и начинот на кој оди за да изгледа како да носи дете, а со тоа акумулирала значителен број слободни денови од работа. Џоел ги отфрли сите обвинувања и продолжува да тврди дека нејзините пет деца навистина постојат и дека сите нејзини бремености, вклучително и спонтани абортуси, биле реални.
Џоел тврдеше дека го родила своето последно дете во декември, но полицајците рекоа дека ја набљудувале претходните девет месеци и дека целата бременост била лажна. Таа е обвинета и за кражба на изводи од матичната книга на родените и други документи од клиника во Рим, пренесува италијанскиот весник „Ил Матино“.
Со ваков вид измама се занимава од 2000 година и на тој начин обезбедила бенефиции од над 94.000 евра. Дејвид Пичинато, 55-годишниот партнер на Џоел, наводно ѝ кажал на полицијата сè, а за време на испрашувањето рекол дека „добро знаел“ дека таа никогаш не била бремена.
Се верува дека сведочел против Барбара за да добие помала казна, иако и самиот бил обвинет за помагање во нејзината измама.
„Направила лажни сертификати и ги донела“, наводно им рекол Пичинато на истражителите. „Тоа го знам од 2012 година, односно од почетокот на нашата врска. Џоел беше осудена на една година и шест месеци затвор, но не се појави на изрекувањето на пресудата. Нејзиниот адвокат наводно покажал две потврди, кои потврдуваат дека е болна.
Економија
Еврото го слави својот 25-ти роденден: Треба да се воведе во дигиталната ера
Неопходно е еврото да се внесе во дигиталната ера и да се изгради унија на пазарот на капитал и посилна банкарска унија, најавија европските лидери во пресрет на 25-годишнината на европската валута.
Еврото стапи на сила пред 25 години, на 1 јануари 1999 година, а денес е валута на дваесет земји со 350 милиони жители, од кои Хрватска стана последна членка на почетокот на оваа година.
Претседателот на Еврогрупата Пашал Донохое, претседателката на Европската централна банка (ЕЦБ) Кристин Лагард, претседателката на Европскиот парламент Роберта Мецола, претседателот на Европскиот совет Шарл Мишел и претседателката на Европската комисија Урсула фон дер Лајен ја одбележаа таа годишнина со заедничка напис објавен на веб-страницата на ЕЦБ.
„Заедничката валута го олесни животот“
Во написот објавен вчера, тие пишуваат дека заедничката валута ѝ даде на Европската унија „едноставност, стабилност и суверенитет“ и го олесни животот на европските граѓани кои сега можат лесно да ги споредуваат цените, трговијата и патувањето.
Со текот на годините, еврото се соочуваше со големи предизвици, вклучително и прашања за неговото опстанок, пишуваат европските лидери, нагласувајќи дека „секогаш ќе се најдат вистинските одговори“, како што е усогласениот систем на супервизија на банките по големата криза во 2008 година.
„Денес поддршката за заедничката валута меѓу граѓаните на еврозоната се приближува до рекордни нивоа“, посочија тие, предупредувајќи дека работата „не е завршена“ бидејќи Европа се соочува со нови предизвици со кои поединечни држави не можат да се справат сами.
Унијата се соочува со растечки геополитички тензии, првенствено руската „илегална војна“ против Украина, забрзана климатска криза и невидени предизвици за европската конкурентност од другите делови на светот.
Затоа, прашањата како одбраната, зелената и дигиталната транзиција ќе бидат клучни во иднина. Само за декарбонизација на економиите ќе бидат потребни 620 милијарди евра годишно до 2030 година, предупредија тие.
ЕУ мора да изгради вистинска унија на пазарите на капитал за да ги „мобилизира приватните финансии“, да ја зајакне банкарската унија и да ги реформира фискалните правила. Еврото треба да влезе во „дигиталната ера“ и мора да се подготват темелите за потенцијално „дигитално евро“ кое ќе биде комплементарно на готовината.
Лидерите предупредуваат дека „со неколку земји кои моментално се во процес на пристапување во ЕУ“, алијансата мора да го задржи капацитетот да „дејствува решително“.
„Проширувањето и продлабочувањето меѓусебно не се исклучуваат. Но, проширувањето може да бара промени во организацијата на ЕУ“, се заклучува во написот.
Свет
Убиени 41 член од исто семејство во Газа
Министерството за здравство во Појасот Газа соопшти дека 41 член на исто семејство загинале во израелското бомбардирање на нивната куќа во централниот дел на градот Газа.
Министерството објави список со имињата на 41 член на семејството Малка, од кои сите загинаа во нападот што се случи во зори во населбата Зајтун во Појасот Газа, пренесува AFP.
На ова следуваа реакциите на корисниците на социјалните мрежи на веста за смртта на толку голем број членови на исто семејство, кои споделија список со имињата на загинатите, како што наведоа.
Тие ги осудија злосторствата на окупацијата со која беа истребени цели семејства и избришани од матичната евиденција, наведуваат некои од нив во своите објави.