Свет
Франција го прекрши ветувањето за буџетскиот дефицит, студени пораки од ЕУ
Француска во соопшти дека поради слабоста на економијата нема да успее да го намали буџетскиот дефицит под 3 отсто од бруто домашниот производ (БДП) во зададениот рок, а нејзиното повторно неисполнување на ветувањето наиден на студен прием во Европски унија.
Францускиот министер финансии Мишел Сапен изјави дека буџетскиот дефицит во 2014 година ќе изнесува околу 4,4 отсто до БДП, следната 4,3 отсто и дека нема да биде под три процента пред 2017 година. Според договорот со Европската унија во Процедурата за буџетскиот дефицит (EDP), Франција требаше да го скуси буџетскиот дефицит на со маастришките критериуми дозволените 3 отсто од БДП во 2015 година. Кршењето на договорот министерот Сапен го објасни со бавниот раст на француската економија, што ја одразува, според него, економската реалност во Европа. Поради тоа, владата во Париз ги намали процените за растот на втората по големина економија во еврозоната за оваа година од 0,7 на 0,4 отсто, а во следната од 1,07 на 1 процент. Притоа социјалистичката влада остана на својот план за буџетските заштеди во оваа година од 21 милијарда евра и нема да ги зголемува даноците следната година, според Сапен. Исто така, до 2017 година јавната потрошувачка ќе биде скусена за 50 милијарди евра.Иако нема да ја исполни целта за дефицитот од 3 отсто од БДП-то во договорениот рок, Франција нема да бара промена на правилата на Европската унија, но сака да се земат предвид намалените процени на економскиот раст и инфлацијата во оваа и во следната година, изјави министерот за финансии.Пораките на Сапен наидоа на студен одговор од партнерите во ЕУ. Германија, која е најжестоката поборничка на почитување на правилата во Унијата, порача дека очекува дека сите членки ќе се придржуваат до правилата.„Она што се применува на Германија, се променува и на другите земји во Европа“, изјави германската канцеларка Ангела Меркел. Додаде дека Европската комисија е во право кога го одржува притисокот врз носењето на цврсти буџети и спроведување на реформите.Откако Франција призна дека нема во зададениот рок да ја постигне целта за дефицитот од 3 отсто од БДП-то, реагираше и Европската комисија.„Очигледно е дека тоа не е во согласност со препораките коишто министрите за финансии на ЕУ ги донесоа во јуни 2013 година“, порача портпаролот на ЕК, Сајмон О’Конор во соопштението, Наведе и дека буџетските правила за Спогодбата за стабилност и раст дозволуваат ревизија на роковите за намалување на буџетските дефицити при одредени околности, како што е побавниот раст на економијата отколку што се проценувало или доколку државата презема ефикасни мерки за намалување на дефицитот.„Комисијата есенва ќе разгледа дали такви ефикасни мерки се преземени во 2014-та, при што посебно ќе се фокусира дали се постигнати бараните структурни прилагодувања“, заклучува О’Конор./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
РЕ-Ново
Жена лажирала дури 17 бремености во текот на 24 години, добила 100.000 евра
Италијанка завршила во затвор бидејќи лажирала дури 17 бремености во текот на 24 години за да добие речиси 100.000 евра породилни надоместоци.
Барбара Џоел (50) излажала дека родила пет деца и направила уште 12 спонтани абортуси, а за да успее измамата, носела перници под кошулата за да изгледа како да има труднички стомак, пренесува „Јутарњи лист“.
Го лажирала и начинот на кој оди за да изгледа како да носи дете, а со тоа акумулирала значителен број слободни денови од работа. Џоел ги отфрли сите обвинувања и продолжува да тврди дека нејзините пет деца навистина постојат и дека сите нејзини бремености, вклучително и спонтани абортуси, биле реални.
Џоел тврдеше дека го родила своето последно дете во декември, но полицајците рекоа дека ја набљудувале претходните девет месеци и дека целата бременост била лажна. Таа е обвинета и за кражба на изводи од матичната книга на родените и други документи од клиника во Рим, пренесува италијанскиот весник „Ил Матино“.
Со ваков вид измама се занимава од 2000 година и на тој начин обезбедила бенефиции од над 94.000 евра. Дејвид Пичинато, 55-годишниот партнер на Џоел, наводно ѝ кажал на полицијата сè, а за време на испрашувањето рекол дека „добро знаел“ дека таа никогаш не била бремена.
Се верува дека сведочел против Барбара за да добие помала казна, иако и самиот бил обвинет за помагање во нејзината измама.
„Направила лажни сертификати и ги донела“, наводно им рекол Пичинато на истражителите. „Тоа го знам од 2012 година, односно од почетокот на нашата врска. Џоел беше осудена на една година и шест месеци затвор, но не се појави на изрекувањето на пресудата. Нејзиниот адвокат наводно покажал две потврди, кои потврдуваат дека е болна.
Економија
Еврото го слави својот 25-ти роденден: Треба да се воведе во дигиталната ера
Неопходно е еврото да се внесе во дигиталната ера и да се изгради унија на пазарот на капитал и посилна банкарска унија, најавија европските лидери во пресрет на 25-годишнината на европската валута.
Еврото стапи на сила пред 25 години, на 1 јануари 1999 година, а денес е валута на дваесет земји со 350 милиони жители, од кои Хрватска стана последна членка на почетокот на оваа година.
Претседателот на Еврогрупата Пашал Донохое, претседателката на Европската централна банка (ЕЦБ) Кристин Лагард, претседателката на Европскиот парламент Роберта Мецола, претседателот на Европскиот совет Шарл Мишел и претседателката на Европската комисија Урсула фон дер Лајен ја одбележаа таа годишнина со заедничка напис објавен на веб-страницата на ЕЦБ.
„Заедничката валута го олесни животот“
Во написот објавен вчера, тие пишуваат дека заедничката валута ѝ даде на Европската унија „едноставност, стабилност и суверенитет“ и го олесни животот на европските граѓани кои сега можат лесно да ги споредуваат цените, трговијата и патувањето.
Со текот на годините, еврото се соочуваше со големи предизвици, вклучително и прашања за неговото опстанок, пишуваат европските лидери, нагласувајќи дека „секогаш ќе се најдат вистинските одговори“, како што е усогласениот систем на супервизија на банките по големата криза во 2008 година.
„Денес поддршката за заедничката валута меѓу граѓаните на еврозоната се приближува до рекордни нивоа“, посочија тие, предупредувајќи дека работата „не е завршена“ бидејќи Европа се соочува со нови предизвици со кои поединечни држави не можат да се справат сами.
Унијата се соочува со растечки геополитички тензии, првенствено руската „илегална војна“ против Украина, забрзана климатска криза и невидени предизвици за европската конкурентност од другите делови на светот.
Затоа, прашањата како одбраната, зелената и дигиталната транзиција ќе бидат клучни во иднина. Само за декарбонизација на економиите ќе бидат потребни 620 милијарди евра годишно до 2030 година, предупредија тие.
ЕУ мора да изгради вистинска унија на пазарите на капитал за да ги „мобилизира приватните финансии“, да ја зајакне банкарската унија и да ги реформира фискалните правила. Еврото треба да влезе во „дигиталната ера“ и мора да се подготват темелите за потенцијално „дигитално евро“ кое ќе биде комплементарно на готовината.
Лидерите предупредуваат дека „со неколку земји кои моментално се во процес на пристапување во ЕУ“, алијансата мора да го задржи капацитетот да „дејствува решително“.
„Проширувањето и продлабочувањето меѓусебно не се исклучуваат. Но, проширувањето може да бара промени во организацијата на ЕУ“, се заклучува во написот.
Свет
Убиени 41 член од исто семејство во Газа
Министерството за здравство во Појасот Газа соопшти дека 41 член на исто семејство загинале во израелското бомбардирање на нивната куќа во централниот дел на градот Газа.
Министерството објави список со имињата на 41 член на семејството Малка, од кои сите загинаа во нападот што се случи во зори во населбата Зајтун во Појасот Газа, пренесува AFP.
На ова следуваа реакциите на корисниците на социјалните мрежи на веста за смртта на толку голем број членови на исто семејство, кои споделија список со имињата на загинатите, како што наведоа.
Тие ги осудија злосторствата на окупацијата со која беа истребени цели семејства и избришани од матичната евиденција, наведуваат некои од нив во своите објави.