Свет
Французите во Белгија чуваат 17 млрд евра
Француските државјани во Белгија во моментов држат околу 17 милијарди евра, а 20 од сто најбогати Французи таму ги префрлиле своите бизниси, компании и места на постојано престојување, покажува истражувањето коешто во саботата го објави весникот Echo.
Најбогатиот Французин, Бернар Арно, во Белгија има неколку свои компании од 1999 година, но не е единствениот. Весникот Echo ги наведува имињата на многуте богати Французи, меѓу кои и сопственикот на белгискиот синџир од продавници за прехранбени продукти „Delhaize“, Жак Бурие, кој меѓу првите, уште во 1983 година основаше холдинг во соседна Белгија.Меѓу звучните имиња е и семејството Мулие, сопственици на компанијата „Auchan“, чиешто богатство се проценува на повеќе милијарди евра, а која живее во местото Естемпуи на границата со Франција. Во ова село своевремено се насели и славниот француски актер Жерер Депардје кој со таквиот потег предизвика големи полемики во татковината, меѓутоа во прв ред тоа беше судир меѓу актерот како познат поддржувач на француските конзервативни сили и социјалистите на претседателот Франсоа Оланд.Меѓу Французите кои своите бизниси и местата на постојан престој ги пренесоа во Белгија се и успешни деловни луѓе како Бернар Тапи. Од сто најбогати Французи, дваесет во Белгија ги префрлиле своите дејности, компании и живеалишта, особено откако владата на француските социјалисти го исполни своето предизборно ветување и наметна данок од 75 отсто на највисоките приходи во земјата.Основачите и сопственици на француската компанија „Lactalis“, најголемиот производител на млеко и млечни производи во светот, членовите на семејството Бесние, живеат во Франција, но својот холдинг, чиј капител изнесува 1,7 милијарди евра го стационираа во белгискиот град Иксел. Таму своето дејствување уште во 1988 година го префрли и семејството Бонгрен. Станува збор за втората по успешноста француска компанија за производство на сирење, во светот меѓу другото позната и производите од брендот „Le Caprice des Dieux“, и капитал од околу 400 милиони евра.Врз основа на податоците собрани за 500-те најбогати француски семејства и поединци, весникот Echo пресметал дека француските државјани во Белгија во моментов држат околу 17 милијарди евра.Меѓутоа, весникот се обидува да го релативизира товарот за ваквата ситуација од социјалистите, и наведува дека оданочувањето на богатството не е изум на претседателот Франсоа Оланд, бидејќи со децении го граделе и применувале француските влади од целиот политички спектар. Со одлуката за иселување во Белгија за да се избегне плаќањето данок на богатството француската филмска ѕвезда Жерар Депардје, всушност, укажа дека проблемот е далеку постар од мандатот на актуелната социјалистичка влада кој ги погаѓа генерациите успешни и богати луѓе и се протега до Француската буржоаска револуција и нејзините принципи за еднаквост и братство.Франција со децении ја градеше социјалната држава за којашто денес издвојува многу пари, меѓу првите во Европа. Повикот до граѓаните да се подели товарот „зависно од можностите“ потсетува на Декларацијата за човековите права од Француската револуција од 1789 година, пишува на страницата на француската влада во врска со споменатиот закон.Во Белгија даночните закони се многу пофлексибилни и не се плаќа данок на богатството наметнат на поединци кои заработуваат повеќе од 1,3 милиони евра, како што е во Франција. Притоа се сметаат и недвижнините, возилата, накитот и финансиските производи како што се акциите и осигурувањата./крај/мф/сн
Извор: Echo
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
РЕ-Ново
Жена лажирала дури 17 бремености во текот на 24 години, добила 100.000 евра
Италијанка завршила во затвор бидејќи лажирала дури 17 бремености во текот на 24 години за да добие речиси 100.000 евра породилни надоместоци.
Барбара Џоел (50) излажала дека родила пет деца и направила уште 12 спонтани абортуси, а за да успее измамата, носела перници под кошулата за да изгледа како да има труднички стомак, пренесува „Јутарњи лист“.
Го лажирала и начинот на кој оди за да изгледа како да носи дете, а со тоа акумулирала значителен број слободни денови од работа. Џоел ги отфрли сите обвинувања и продолжува да тврди дека нејзините пет деца навистина постојат и дека сите нејзини бремености, вклучително и спонтани абортуси, биле реални.
Џоел тврдеше дека го родила своето последно дете во декември, но полицајците рекоа дека ја набљудувале претходните девет месеци и дека целата бременост била лажна. Таа е обвинета и за кражба на изводи од матичната книга на родените и други документи од клиника во Рим, пренесува италијанскиот весник „Ил Матино“.
Со ваков вид измама се занимава од 2000 година и на тој начин обезбедила бенефиции од над 94.000 евра. Дејвид Пичинато, 55-годишниот партнер на Џоел, наводно ѝ кажал на полицијата сè, а за време на испрашувањето рекол дека „добро знаел“ дека таа никогаш не била бремена.
Се верува дека сведочел против Барбара за да добие помала казна, иако и самиот бил обвинет за помагање во нејзината измама.
„Направила лажни сертификати и ги донела“, наводно им рекол Пичинато на истражителите. „Тоа го знам од 2012 година, односно од почетокот на нашата врска. Џоел беше осудена на една година и шест месеци затвор, но не се појави на изрекувањето на пресудата. Нејзиниот адвокат наводно покажал две потврди, кои потврдуваат дека е болна.
Економија
Еврото го слави својот 25-ти роденден: Треба да се воведе во дигиталната ера
Неопходно е еврото да се внесе во дигиталната ера и да се изгради унија на пазарот на капитал и посилна банкарска унија, најавија европските лидери во пресрет на 25-годишнината на европската валута.
Еврото стапи на сила пред 25 години, на 1 јануари 1999 година, а денес е валута на дваесет земји со 350 милиони жители, од кои Хрватска стана последна членка на почетокот на оваа година.
Претседателот на Еврогрупата Пашал Донохое, претседателката на Европската централна банка (ЕЦБ) Кристин Лагард, претседателката на Европскиот парламент Роберта Мецола, претседателот на Европскиот совет Шарл Мишел и претседателката на Европската комисија Урсула фон дер Лајен ја одбележаа таа годишнина со заедничка напис објавен на веб-страницата на ЕЦБ.
„Заедничката валута го олесни животот“
Во написот објавен вчера, тие пишуваат дека заедничката валута ѝ даде на Европската унија „едноставност, стабилност и суверенитет“ и го олесни животот на европските граѓани кои сега можат лесно да ги споредуваат цените, трговијата и патувањето.
Со текот на годините, еврото се соочуваше со големи предизвици, вклучително и прашања за неговото опстанок, пишуваат европските лидери, нагласувајќи дека „секогаш ќе се најдат вистинските одговори“, како што е усогласениот систем на супервизија на банките по големата криза во 2008 година.
„Денес поддршката за заедничката валута меѓу граѓаните на еврозоната се приближува до рекордни нивоа“, посочија тие, предупредувајќи дека работата „не е завршена“ бидејќи Европа се соочува со нови предизвици со кои поединечни држави не можат да се справат сами.
Унијата се соочува со растечки геополитички тензии, првенствено руската „илегална војна“ против Украина, забрзана климатска криза и невидени предизвици за европската конкурентност од другите делови на светот.
Затоа, прашањата како одбраната, зелената и дигиталната транзиција ќе бидат клучни во иднина. Само за декарбонизација на економиите ќе бидат потребни 620 милијарди евра годишно до 2030 година, предупредија тие.
ЕУ мора да изгради вистинска унија на пазарите на капитал за да ги „мобилизира приватните финансии“, да ја зајакне банкарската унија и да ги реформира фискалните правила. Еврото треба да влезе во „дигиталната ера“ и мора да се подготват темелите за потенцијално „дигитално евро“ кое ќе биде комплементарно на готовината.
Лидерите предупредуваат дека „со неколку земји кои моментално се во процес на пристапување во ЕУ“, алијансата мора да го задржи капацитетот да „дејствува решително“.
„Проширувањето и продлабочувањето меѓусебно не се исклучуваат. Но, проширувањето може да бара промени во организацијата на ЕУ“, се заклучува во написот.
Свет
Убиени 41 член од исто семејство во Газа
Министерството за здравство во Појасот Газа соопшти дека 41 член на исто семејство загинале во израелското бомбардирање на нивната куќа во централниот дел на градот Газа.
Министерството објави список со имињата на 41 член на семејството Малка, од кои сите загинаа во нападот што се случи во зори во населбата Зајтун во Појасот Газа, пренесува AFP.
На ова следуваа реакциите на корисниците на социјалните мрежи на веста за смртта на толку голем број членови на исто семејство, кои споделија список со имињата на загинатите, како што наведоа.
Тие ги осудија злосторствата на окупацијата со која беа истребени цели семејства и избришани од матичната евиденција, наведуваат некои од нив во своите објави.