Свет
Големи казни за банките поради манупилации со валутните курсеви?
Некои од најголемите светски банки може да се соочат со големи казни на регулаторните власти поради манипулативните курсеви на валутните пазари, а се проценува дека крајната сума би можела да достигне и 35 милијарди долари, неколкукратно повеќе од што беа казнети банките во претходниот случај со манипулирање на либор каматните стапки.
Најголемата швајцарска банка UBS извести во понеделникот дека започна преговори за спогодба во врска со обвинувањата дека била вклучена во манипулациите во тргувањето со валутите, предупредувајќи дека би можела да биде финансиски казнета.
UBS не објави со кој регулаторни власти точно преговара, дали со американските британските или можеби некои трети, но извори на Reuteres добро упатени во оваа ситуација потврдија дека британските регулаторни власти (FCA) деновиве разговарале со UBS и со пет други банки – Barclays, HSBC, Royal Bank of Scotland, JP Morgan Citi – за спогодби, која секоја банка би можела да ја чини неколку стотина милиони фунти.
FCA во октомври минатата година покрена истрага за обвинувањата дека банкарските трговци манипулираат со курсовите на валутите користејќи рпетходни сознанија за налози на клиентите. Ниту еден поединец или банка не се официјално обвинети за било каква злоупотреба, но истрагата е насочена на слабата внатрешна контрола на девизното работење, превиди, погрешки и повреда на пазарното однесување на одделни клиенти, а не за намерно манипулирање со пазарот, велата извори на FCA за Reuteres.
Освен FCA, регулаторните власти во САД, Швајцарија и Хонгконг, исто така истражуваат дали банкарските трговци манипулирале со курсовите на девизниот пазар, кој вреди 5.300 милијарди долари дневно. Станува збор за најголемиот, но и најмалку регулираниот пазар.
Банките може да бидат казнети со различни парични износи, зависно од тежината на наводното непрописно однесување, вели изворот на FCA за Reuteres. Максималната казна за една банка би можела да изнесува помеѓу 300 и 400 милиони фунти, а останатите под 300 милиони фунти.
Банките резервирале милијарди дилари, за да ги покријат трошоците на судски спорови и спогодби од регулаторите, но проценките за вкупните трошоци се многу широки.
Аналитичаката компанија Autonomus Research проценува, на пример, дека вкупните трошоци на банките во врска со обвинувањата за манипулациите со курсовите би можеле да достигнат дури 35 милијарди долари, речиси шест пати повеќе од сумата што банките мораа да ја платата во спогодбата во претходниот случај со обвинувањата дека манипулирале со либор каматните стапки.
UBS на почетокот на годината ги зголеми резервите за можни загуби од судски спорови на 2,08 милијарди долари, но вчера предупреди дека тоа може нема да биде доволно за покривање на сите можни казни и надоместоци. Предупреди и дека наскоро ќе започне нови преговори со други долари за можна нагодба за овој случај. А искуствата покажуваат дека регулаторните власти казнуваат значително поостро од британските. /крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
РЕ-Ново
Жена лажирала дури 17 бремености во текот на 24 години, добила 100.000 евра
Италијанка завршила во затвор бидејќи лажирала дури 17 бремености во текот на 24 години за да добие речиси 100.000 евра породилни надоместоци.
Барбара Џоел (50) излажала дека родила пет деца и направила уште 12 спонтани абортуси, а за да успее измамата, носела перници под кошулата за да изгледа како да има труднички стомак, пренесува „Јутарњи лист“.
Го лажирала и начинот на кој оди за да изгледа како да носи дете, а со тоа акумулирала значителен број слободни денови од работа. Џоел ги отфрли сите обвинувања и продолжува да тврди дека нејзините пет деца навистина постојат и дека сите нејзини бремености, вклучително и спонтани абортуси, биле реални.
Џоел тврдеше дека го родила своето последно дете во декември, но полицајците рекоа дека ја набљудувале претходните девет месеци и дека целата бременост била лажна. Таа е обвинета и за кражба на изводи од матичната книга на родените и други документи од клиника во Рим, пренесува италијанскиот весник „Ил Матино“.
Со ваков вид измама се занимава од 2000 година и на тој начин обезбедила бенефиции од над 94.000 евра. Дејвид Пичинато, 55-годишниот партнер на Џоел, наводно ѝ кажал на полицијата сè, а за време на испрашувањето рекол дека „добро знаел“ дека таа никогаш не била бремена.
Се верува дека сведочел против Барбара за да добие помала казна, иако и самиот бил обвинет за помагање во нејзината измама.
„Направила лажни сертификати и ги донела“, наводно им рекол Пичинато на истражителите. „Тоа го знам од 2012 година, односно од почетокот на нашата врска. Џоел беше осудена на една година и шест месеци затвор, но не се појави на изрекувањето на пресудата. Нејзиниот адвокат наводно покажал две потврди, кои потврдуваат дека е болна.
Економија
Еврото го слави својот 25-ти роденден: Треба да се воведе во дигиталната ера
Неопходно е еврото да се внесе во дигиталната ера и да се изгради унија на пазарот на капитал и посилна банкарска унија, најавија европските лидери во пресрет на 25-годишнината на европската валута.
Еврото стапи на сила пред 25 години, на 1 јануари 1999 година, а денес е валута на дваесет земји со 350 милиони жители, од кои Хрватска стана последна членка на почетокот на оваа година.
Претседателот на Еврогрупата Пашал Донохое, претседателката на Европската централна банка (ЕЦБ) Кристин Лагард, претседателката на Европскиот парламент Роберта Мецола, претседателот на Европскиот совет Шарл Мишел и претседателката на Европската комисија Урсула фон дер Лајен ја одбележаа таа годишнина со заедничка напис објавен на веб-страницата на ЕЦБ.
„Заедничката валута го олесни животот“
Во написот објавен вчера, тие пишуваат дека заедничката валута ѝ даде на Европската унија „едноставност, стабилност и суверенитет“ и го олесни животот на европските граѓани кои сега можат лесно да ги споредуваат цените, трговијата и патувањето.
Со текот на годините, еврото се соочуваше со големи предизвици, вклучително и прашања за неговото опстанок, пишуваат европските лидери, нагласувајќи дека „секогаш ќе се најдат вистинските одговори“, како што е усогласениот систем на супервизија на банките по големата криза во 2008 година.
„Денес поддршката за заедничката валута меѓу граѓаните на еврозоната се приближува до рекордни нивоа“, посочија тие, предупредувајќи дека работата „не е завршена“ бидејќи Европа се соочува со нови предизвици со кои поединечни држави не можат да се справат сами.
Унијата се соочува со растечки геополитички тензии, првенствено руската „илегална војна“ против Украина, забрзана климатска криза и невидени предизвици за европската конкурентност од другите делови на светот.
Затоа, прашањата како одбраната, зелената и дигиталната транзиција ќе бидат клучни во иднина. Само за декарбонизација на економиите ќе бидат потребни 620 милијарди евра годишно до 2030 година, предупредија тие.
ЕУ мора да изгради вистинска унија на пазарите на капитал за да ги „мобилизира приватните финансии“, да ја зајакне банкарската унија и да ги реформира фискалните правила. Еврото треба да влезе во „дигиталната ера“ и мора да се подготват темелите за потенцијално „дигитално евро“ кое ќе биде комплементарно на готовината.
Лидерите предупредуваат дека „со неколку земји кои моментално се во процес на пристапување во ЕУ“, алијансата мора да го задржи капацитетот да „дејствува решително“.
„Проширувањето и продлабочувањето меѓусебно не се исклучуваат. Но, проширувањето може да бара промени во организацијата на ЕУ“, се заклучува во написот.
Свет
Убиени 41 член од исто семејство во Газа
Министерството за здравство во Појасот Газа соопшти дека 41 член на исто семејство загинале во израелското бомбардирање на нивната куќа во централниот дел на градот Газа.
Министерството објави список со имињата на 41 член на семејството Малка, од кои сите загинаа во нападот што се случи во зори во населбата Зајтун во Појасот Газа, пренесува AFP.
На ова следуваа реакциите на корисниците на социјалните мрежи на веста за смртта на толку голем број членови на исто семејство, кои споделија список со имињата на загинатите, како што наведоа.
Тие ги осудија злосторствата на окупацијата со која беа истребени цели семејства и избришани од матичната евиденција, наведуваат некои од нив во своите објави.