Свет
Грција ги испрати новите предлози до еврозоната
Претседателот на Еврогрупата, Јероен Дијселблум, ги добил новите предлози на Грција за предлогот за спроведување на реформите во замена за кредити од Европскиот механизам за стабилизација (ЕСМ), објави портпаролот на челникот на министрите за финансии на земјите членки на еврозоната во четвртокот навечер.
„Претседателот на Еврогрупата Јероен Дијслеблом ги прими нови грчките предлози. Важно е институциите да ги разгледаат“, напиша на Twitter портпаролот Михаел Рејнс.
Рајнс не ја прецизираше содржината на грчките предлози, кои ќе ги проучуваат европските институции. Тие на 11-ти јули, сабота, ќе бидат претставени на заседанието на Еврогрупата, а во недела на самитот на челниците на земјите на еврозоната.
Во меѓувреме, во Атина е објавено дека грчката влада во петок ќе побара одобрување од парламентот за преговорите за текстот за „претходните потези“ кој би можел да биде основа за договорот со меѓународните доверители.
Ќе се гласа за одобрување на грчката влада да го искористи текстот како основа за преговорите, изјавил за Reuters извор од грчката влада. „Со тоа се сака да се покаже дека владата има политичка волја за спроведување на ветените реформи, а да не презема никакви еднострани чекори пред состанокот на Еврогрупата“, рекол неименуваниот извор.
Таканарачените „претходни потези“ потоа повторно ќе мора да добијат конечно одобрување од парламентот на Грција во подоцнежната фаза.
Претходно во четвртокот Европската комисија вети дека во сабота ќе му ја достави оцената за финансиските потреби на Грција и одржливоста на нејзиниот јавен долг.
„Европската комисија заедно со ММФ ќе го анализира барањето на Европскиот фонд за стабилизација (ЕСМ) за финансиските потреби на Грција и одржливоста на нејзиниот јавен долг. Тоа ќе се случи веќе на следниот состанок на Еврогрупата“, изјави Маргатиритис Схинас.
Третата програма за меѓународна финансиска помош на Грција ќе биде обликувана во рамките на ЕСМ. Брисел инсистира дека таа треба да биде одобрена во замена со прифаќањето на Атина на новите мерки за штедење. Согласноста на сите земји за оваа програма, судејќи според се, ќе биде последната шанса Грција да остане во еврозоната.
На Грција во периодот од 10-ти мај 2010 до 30-ти јуни 2015 година ѝ беа одобрени програми во двата меѓународни пакета за макрофинансиска помош, во вкупна вредност од 240 милијарди евра, и 107 милијарди евра отпишани долгови, од приватните доверители, додека институциите ги намалија каматните стапки за заемите и ги пролонгираа доспевањата на обврските.
Првата програма беше ревидирана кон крајот на 2012 година, кога стана јасно дека нејзината реализација нема да биде доволна за стабилизирање на економската ситуација во Грција. Ниското ниво на искористеноста на средства беше префрлено во втората меѓународна програма чиј рок истече на 30-ти јуни 2015 година, поради неможноста на Грција и кредиторите по петмесечни преговори да се договорат за нејзино привремено петмесечно продолжување со финансиска инјекција од 15,5 милијарди евра во замена за дополнителни мерки за штедење, што беше отфрлено со грчкиот референдум од 5-ти јули. Последната транша во износ од 7,2 милијарди евра од претходниот пакет за помош коишто Атина не успеа да ги искористи, ќе биде префрлена во Европскиот фонд за стабилизација (ЕСМ)./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
РЕ-Ново
Жена лажирала дури 17 бремености во текот на 24 години, добила 100.000 евра
Италијанка завршила во затвор бидејќи лажирала дури 17 бремености во текот на 24 години за да добие речиси 100.000 евра породилни надоместоци.
Барбара Џоел (50) излажала дека родила пет деца и направила уште 12 спонтани абортуси, а за да успее измамата, носела перници под кошулата за да изгледа како да има труднички стомак, пренесува „Јутарњи лист“.
Го лажирала и начинот на кој оди за да изгледа како да носи дете, а со тоа акумулирала значителен број слободни денови од работа. Џоел ги отфрли сите обвинувања и продолжува да тврди дека нејзините пет деца навистина постојат и дека сите нејзини бремености, вклучително и спонтани абортуси, биле реални.
Џоел тврдеше дека го родила своето последно дете во декември, но полицајците рекоа дека ја набљудувале претходните девет месеци и дека целата бременост била лажна. Таа е обвинета и за кражба на изводи од матичната книга на родените и други документи од клиника во Рим, пренесува италијанскиот весник „Ил Матино“.
Со ваков вид измама се занимава од 2000 година и на тој начин обезбедила бенефиции од над 94.000 евра. Дејвид Пичинато, 55-годишниот партнер на Џоел, наводно ѝ кажал на полицијата сè, а за време на испрашувањето рекол дека „добро знаел“ дека таа никогаш не била бремена.
Се верува дека сведочел против Барбара за да добие помала казна, иако и самиот бил обвинет за помагање во нејзината измама.
„Направила лажни сертификати и ги донела“, наводно им рекол Пичинато на истражителите. „Тоа го знам од 2012 година, односно од почетокот на нашата врска. Џоел беше осудена на една година и шест месеци затвор, но не се појави на изрекувањето на пресудата. Нејзиниот адвокат наводно покажал две потврди, кои потврдуваат дека е болна.
Економија
Еврото го слави својот 25-ти роденден: Треба да се воведе во дигиталната ера
Неопходно е еврото да се внесе во дигиталната ера и да се изгради унија на пазарот на капитал и посилна банкарска унија, најавија европските лидери во пресрет на 25-годишнината на европската валута.
Еврото стапи на сила пред 25 години, на 1 јануари 1999 година, а денес е валута на дваесет земји со 350 милиони жители, од кои Хрватска стана последна членка на почетокот на оваа година.
Претседателот на Еврогрупата Пашал Донохое, претседателката на Европската централна банка (ЕЦБ) Кристин Лагард, претседателката на Европскиот парламент Роберта Мецола, претседателот на Европскиот совет Шарл Мишел и претседателката на Европската комисија Урсула фон дер Лајен ја одбележаа таа годишнина со заедничка напис објавен на веб-страницата на ЕЦБ.
„Заедничката валута го олесни животот“
Во написот објавен вчера, тие пишуваат дека заедничката валута ѝ даде на Европската унија „едноставност, стабилност и суверенитет“ и го олесни животот на европските граѓани кои сега можат лесно да ги споредуваат цените, трговијата и патувањето.
Со текот на годините, еврото се соочуваше со големи предизвици, вклучително и прашања за неговото опстанок, пишуваат европските лидери, нагласувајќи дека „секогаш ќе се најдат вистинските одговори“, како што е усогласениот систем на супервизија на банките по големата криза во 2008 година.
„Денес поддршката за заедничката валута меѓу граѓаните на еврозоната се приближува до рекордни нивоа“, посочија тие, предупредувајќи дека работата „не е завршена“ бидејќи Европа се соочува со нови предизвици со кои поединечни држави не можат да се справат сами.
Унијата се соочува со растечки геополитички тензии, првенствено руската „илегална војна“ против Украина, забрзана климатска криза и невидени предизвици за европската конкурентност од другите делови на светот.
Затоа, прашањата како одбраната, зелената и дигиталната транзиција ќе бидат клучни во иднина. Само за декарбонизација на економиите ќе бидат потребни 620 милијарди евра годишно до 2030 година, предупредија тие.
ЕУ мора да изгради вистинска унија на пазарите на капитал за да ги „мобилизира приватните финансии“, да ја зајакне банкарската унија и да ги реформира фискалните правила. Еврото треба да влезе во „дигиталната ера“ и мора да се подготват темелите за потенцијално „дигитално евро“ кое ќе биде комплементарно на готовината.
Лидерите предупредуваат дека „со неколку земји кои моментално се во процес на пристапување во ЕУ“, алијансата мора да го задржи капацитетот да „дејствува решително“.
„Проширувањето и продлабочувањето меѓусебно не се исклучуваат. Но, проширувањето може да бара промени во организацијата на ЕУ“, се заклучува во написот.
Свет
Убиени 41 член од исто семејство во Газа
Министерството за здравство во Појасот Газа соопшти дека 41 член на исто семејство загинале во израелското бомбардирање на нивната куќа во централниот дел на градот Газа.
Министерството објави список со имињата на 41 член на семејството Малка, од кои сите загинаа во нападот што се случи во зори во населбата Зајтун во Појасот Газа, пренесува AFP.
На ова следуваа реакциите на корисниците на социјалните мрежи на веста за смртта на толку голем број членови на исто семејство, кои споделија список со имињата на загинатите, како што наведоа.
Тие ги осудија злосторствата на окупацијата со која беа истребени цели семејства и избришани од матичната евиденција, наведуваат некои од нив во своите објави.