Свет
Грчкиот парламент го усвои буџетот за 2016-та
Грчкиот парламент со тесно мнозинство, 153 гласа од пратениците од владејачката коалиција на радикалната левица Сириза и националистите од Независни Грци (Анел), од вкупно 300 мандати, ноќта кон неделата го поддржа предлог буџетот за 2016 година.
Против предлогот гласаа сите опозициски партии, иако се очекуваше дека најголемата опозициска партија, Нова демократија од десниот центар, која обично се согласува со барањата на грчките надворешни доверители, ќе го поддржи буџетот на земјата кој го одобри четворката меѓународни кредитори – Европската унија, Европската центрана банка, Европскиот механизам за стабилност и Меѓународниот монетарен фонд. Пред гласањето во парламентот во Грција во петокот беше прогласен генерален штрајк, и се одржаа бројни протести против усвојувањето на буџетот, кој како и сите претходни од 2011 година е рестриктивен, со многу кастрења.
За да ја зајакне позицијата, премиерот Алексис Ципрас мината сабота се обиде да ја придобие опозицијата, во којашто предничи Нова демократија која обично ги поддржува мерките договорени со кредиторите, но наиде на спротиставување и од десницата и од социјалистите, иако тие на 13-ти јули го одобрија договорот за третиот надворешен пакет финансиска помош од 86-те милијарди евра, кој предвидува реформи во пензискиот, даночниот и здравствениот систем, како и приватизација на големите национални компании.
Две седмици пред гласањето, прогнозите за економските показатели беа подобрени. Креаторите на буџетот појдоа од податокот дека во 2015 година нема да има пад на грчката економија. Во 2016 година прогнозираат рецесија од 0,7 отсто со прилично конзервативно процени. Бруто домашниот производ (БДП) во оваа година се очекува да изнесува 175,658 милијарди евра, а во следната 2016 година – 174,438 милијарди евра.
Владата на Ципрас се соочува со голем притисок за да оствари видливи резултати и позла за најсиромашниот дел од населението. „Овој буџет е тешка задача за владата којашто сака да остави своја трага во социјалната правда“, им порача на пратениците пред гласањето премиерот Ципрас.
Министерството за финансии очекува да го извршува буџетот за 2016-та со примарен суфицит од 3,126 милијарди евра. Приходите во буџетот се проектирани на 53,527 милијарди, а расходите на 55,751 милијарда евра.
Според изгласаниот буџет за 2016 година, за 5,7 милијарди евра ќ се намали јавната потрошувачка. Од тоа 1,8 милијарди евра ќе претставуваат кастрења во пензискиот систем, а за 500 милиони евра ќе бидат намалени и средствата наменети за одбраната. Според пресметката, со собирање на даноците би се собрале малку повеќе од 2 милиона евра.
Кога станува збор за јавниот долг, тој ќе порасне од 316, 503 милијарди евра во 2015 година до 327,603 милијарди евра во 2016 година, или за 11,1 милијарди евра. Во процентниот соодносот јавниот долг изнесува 180,2 отсто од тековната сегашниот и 187,8 отсто во следната година./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
РЕ-Ново
Жена лажирала дури 17 бремености во текот на 24 години, добила 100.000 евра
Италијанка завршила во затвор бидејќи лажирала дури 17 бремености во текот на 24 години за да добие речиси 100.000 евра породилни надоместоци.
Барбара Џоел (50) излажала дека родила пет деца и направила уште 12 спонтани абортуси, а за да успее измамата, носела перници под кошулата за да изгледа како да има труднички стомак, пренесува „Јутарњи лист“.
Го лажирала и начинот на кој оди за да изгледа како да носи дете, а со тоа акумулирала значителен број слободни денови од работа. Џоел ги отфрли сите обвинувања и продолжува да тврди дека нејзините пет деца навистина постојат и дека сите нејзини бремености, вклучително и спонтани абортуси, биле реални.
Џоел тврдеше дека го родила своето последно дете во декември, но полицајците рекоа дека ја набљудувале претходните девет месеци и дека целата бременост била лажна. Таа е обвинета и за кражба на изводи од матичната книга на родените и други документи од клиника во Рим, пренесува италијанскиот весник „Ил Матино“.
Со ваков вид измама се занимава од 2000 година и на тој начин обезбедила бенефиции од над 94.000 евра. Дејвид Пичинато, 55-годишниот партнер на Џоел, наводно ѝ кажал на полицијата сè, а за време на испрашувањето рекол дека „добро знаел“ дека таа никогаш не била бремена.
Се верува дека сведочел против Барбара за да добие помала казна, иако и самиот бил обвинет за помагање во нејзината измама.
„Направила лажни сертификати и ги донела“, наводно им рекол Пичинато на истражителите. „Тоа го знам од 2012 година, односно од почетокот на нашата врска. Џоел беше осудена на една година и шест месеци затвор, но не се појави на изрекувањето на пресудата. Нејзиниот адвокат наводно покажал две потврди, кои потврдуваат дека е болна.
Економија
Еврото го слави својот 25-ти роденден: Треба да се воведе во дигиталната ера
Неопходно е еврото да се внесе во дигиталната ера и да се изгради унија на пазарот на капитал и посилна банкарска унија, најавија европските лидери во пресрет на 25-годишнината на европската валута.
Еврото стапи на сила пред 25 години, на 1 јануари 1999 година, а денес е валута на дваесет земји со 350 милиони жители, од кои Хрватска стана последна членка на почетокот на оваа година.
Претседателот на Еврогрупата Пашал Донохое, претседателката на Европската централна банка (ЕЦБ) Кристин Лагард, претседателката на Европскиот парламент Роберта Мецола, претседателот на Европскиот совет Шарл Мишел и претседателката на Европската комисија Урсула фон дер Лајен ја одбележаа таа годишнина со заедничка напис објавен на веб-страницата на ЕЦБ.
„Заедничката валута го олесни животот“
Во написот објавен вчера, тие пишуваат дека заедничката валута ѝ даде на Европската унија „едноставност, стабилност и суверенитет“ и го олесни животот на европските граѓани кои сега можат лесно да ги споредуваат цените, трговијата и патувањето.
Со текот на годините, еврото се соочуваше со големи предизвици, вклучително и прашања за неговото опстанок, пишуваат европските лидери, нагласувајќи дека „секогаш ќе се најдат вистинските одговори“, како што е усогласениот систем на супервизија на банките по големата криза во 2008 година.
„Денес поддршката за заедничката валута меѓу граѓаните на еврозоната се приближува до рекордни нивоа“, посочија тие, предупредувајќи дека работата „не е завршена“ бидејќи Европа се соочува со нови предизвици со кои поединечни држави не можат да се справат сами.
Унијата се соочува со растечки геополитички тензии, првенствено руската „илегална војна“ против Украина, забрзана климатска криза и невидени предизвици за европската конкурентност од другите делови на светот.
Затоа, прашањата како одбраната, зелената и дигиталната транзиција ќе бидат клучни во иднина. Само за декарбонизација на економиите ќе бидат потребни 620 милијарди евра годишно до 2030 година, предупредија тие.
ЕУ мора да изгради вистинска унија на пазарите на капитал за да ги „мобилизира приватните финансии“, да ја зајакне банкарската унија и да ги реформира фискалните правила. Еврото треба да влезе во „дигиталната ера“ и мора да се подготват темелите за потенцијално „дигитално евро“ кое ќе биде комплементарно на готовината.
Лидерите предупредуваат дека „со неколку земји кои моментално се во процес на пристапување во ЕУ“, алијансата мора да го задржи капацитетот да „дејствува решително“.
„Проширувањето и продлабочувањето меѓусебно не се исклучуваат. Но, проширувањето може да бара промени во организацијата на ЕУ“, се заклучува во написот.
Свет
Убиени 41 член од исто семејство во Газа
Министерството за здравство во Појасот Газа соопшти дека 41 член на исто семејство загинале во израелското бомбардирање на нивната куќа во централниот дел на градот Газа.
Министерството објави список со имињата на 41 член на семејството Малка, од кои сите загинаа во нападот што се случи во зори во населбата Зајтун во Појасот Газа, пренесува AFP.
На ова следуваа реакциите на корисниците на социјалните мрежи на веста за смртта на толку голем број членови на исто семејство, кои споделија список со имињата на загинатите, како што наведоа.
Тие ги осудија злосторствата на окупацијата со која беа истребени цели семејства и избришани од матичната евиденција, наведуваат некои од нив во своите објави.