Свет
Медведев: Русија нема да печати пари за покривање на буџетските дупки
Русија нема да почне да печати пари за да го поттикне економскиот раст, и нема да дозволи популизмот да ѝ го диктира буџетот, порача рускиот премиер Дмитриј Медведев во новински текст објавен во четвртокот.
Во својот прв економски осврт по неделните парламентарни избори, премиерот Дмитриј Медведев ветува дека ќе ја одржи контролата над буџетот, но и дека ќе води грижа за сигурноста и социјалните потреби.
„Не можеме да дозволиме популизам…. особено не во буџетот“, пишува Медведев во статијата под наслов „Созијално-економси развој на Русија: стекнување нова динамика“ објавена во економскиот магазин напиша Вопросы экономики, во којашто премиерот уште пишува дека за развојот на економските политики на земјата „важно е не само да се формулира што треба да се направи, туку исто така, што владата треба да избегнува“.
„ Гледам две ограничувања коишто треба да се имаат предвид при реализација на курсот на структурните реформи и економскиот раст: популизмот, од една страна, и спроведување на реформите за сметка на граѓаните, од друга. Првото е опасно и, во крајна линија, доведува до второто, бидејќи популизмот секогаш го плаќа народот. Меѓутоа, за природата на потребните реформи во овој момент не треба висока социјална сметка, (за разлика од 1990-те години)“, пишува премиерот.
Претходно група економски експерти блиски на Кремљ, ја повикаа владата да ја зголеми потрошувачката за да помогне руската економија да излезе од рецесија. Русија е две години под притисок на западните санкции поради нејзината наводна улога во судирите во Украина, и значителниот пад на цената на нафтата, нејзиниот најважен извозен производ, па предвидува оваа година пад на бруто домашниот производ (БДП) за 0,5 отсто.
На неделните избори, партијата Единствена (Обединета) Русија, партија на премиерот Дмитриј Медведев и на претседателот Владимир Путин, освои 76 отсто од местата во Државната дума, долниот дом на рускиот парламент, повеќе отколку во 2011 година, кога имаше малку на половина од мандатите.
„Нема да тргнеме по патот на активирање на машините за печатење неурамнотежената економија, бидејќи тоа носи катастрофални последици. Ако нема пари во буџетот, нема да ги печатиме за да ги покриеме недоволните приходи. Сите разбираме дека таквите пари, произведени само од хартија, ја хранат инфлацијата и ја девалвираат заработката, платите и пензиите на луѓето“, пишува Медведев.
Руското министерство за финансии предложи во периодот од 2017 до 2019 година државната потрошувачка да се замрзне на годинешното ниво, што би значело намалување на потрошувачката кога ќе се земе предвид инфлацијата. Годинешниот буџетски дефицит, првично планиран на ниво од 3 отсто од БДП-то, сега се проценува дека ќе достигне 3,2 отсто. Во претстојните години министерството планира негово намалување за 1 процентен поен.
Медведев натаму во текстот истакнува и дека проблемот на економскиот раст не може да се реши само со државни пари, а како главни приоритети на владата ги наведува сигурноста, вложувањата и човечкиот капитал, помошта за најранливите категории граѓани и инфраструктурата. „Буџетската структура треба тоа да го одразува“, напомнува рускиот премиер.
Додава и дека и покрај геополитичките услови, земјата треба да тргне кон економското отворање./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
РЕ-Ново
Жена лажирала дури 17 бремености во текот на 24 години, добила 100.000 евра
Италијанка завршила во затвор бидејќи лажирала дури 17 бремености во текот на 24 години за да добие речиси 100.000 евра породилни надоместоци.
Барбара Џоел (50) излажала дека родила пет деца и направила уште 12 спонтани абортуси, а за да успее измамата, носела перници под кошулата за да изгледа како да има труднички стомак, пренесува „Јутарњи лист“.
Го лажирала и начинот на кој оди за да изгледа како да носи дете, а со тоа акумулирала значителен број слободни денови од работа. Џоел ги отфрли сите обвинувања и продолжува да тврди дека нејзините пет деца навистина постојат и дека сите нејзини бремености, вклучително и спонтани абортуси, биле реални.
Џоел тврдеше дека го родила своето последно дете во декември, но полицајците рекоа дека ја набљудувале претходните девет месеци и дека целата бременост била лажна. Таа е обвинета и за кражба на изводи од матичната книга на родените и други документи од клиника во Рим, пренесува италијанскиот весник „Ил Матино“.
Со ваков вид измама се занимава од 2000 година и на тој начин обезбедила бенефиции од над 94.000 евра. Дејвид Пичинато, 55-годишниот партнер на Џоел, наводно ѝ кажал на полицијата сè, а за време на испрашувањето рекол дека „добро знаел“ дека таа никогаш не била бремена.
Се верува дека сведочел против Барбара за да добие помала казна, иако и самиот бил обвинет за помагање во нејзината измама.
„Направила лажни сертификати и ги донела“, наводно им рекол Пичинато на истражителите. „Тоа го знам од 2012 година, односно од почетокот на нашата врска. Џоел беше осудена на една година и шест месеци затвор, но не се појави на изрекувањето на пресудата. Нејзиниот адвокат наводно покажал две потврди, кои потврдуваат дека е болна.
Економија
Еврото го слави својот 25-ти роденден: Треба да се воведе во дигиталната ера
Неопходно е еврото да се внесе во дигиталната ера и да се изгради унија на пазарот на капитал и посилна банкарска унија, најавија европските лидери во пресрет на 25-годишнината на европската валута.
Еврото стапи на сила пред 25 години, на 1 јануари 1999 година, а денес е валута на дваесет земји со 350 милиони жители, од кои Хрватска стана последна членка на почетокот на оваа година.
Претседателот на Еврогрупата Пашал Донохое, претседателката на Европската централна банка (ЕЦБ) Кристин Лагард, претседателката на Европскиот парламент Роберта Мецола, претседателот на Европскиот совет Шарл Мишел и претседателката на Европската комисија Урсула фон дер Лајен ја одбележаа таа годишнина со заедничка напис објавен на веб-страницата на ЕЦБ.
„Заедничката валута го олесни животот“
Во написот објавен вчера, тие пишуваат дека заедничката валута ѝ даде на Европската унија „едноставност, стабилност и суверенитет“ и го олесни животот на европските граѓани кои сега можат лесно да ги споредуваат цените, трговијата и патувањето.
Со текот на годините, еврото се соочуваше со големи предизвици, вклучително и прашања за неговото опстанок, пишуваат европските лидери, нагласувајќи дека „секогаш ќе се најдат вистинските одговори“, како што е усогласениот систем на супервизија на банките по големата криза во 2008 година.
„Денес поддршката за заедничката валута меѓу граѓаните на еврозоната се приближува до рекордни нивоа“, посочија тие, предупредувајќи дека работата „не е завршена“ бидејќи Европа се соочува со нови предизвици со кои поединечни држави не можат да се справат сами.
Унијата се соочува со растечки геополитички тензии, првенствено руската „илегална војна“ против Украина, забрзана климатска криза и невидени предизвици за европската конкурентност од другите делови на светот.
Затоа, прашањата како одбраната, зелената и дигиталната транзиција ќе бидат клучни во иднина. Само за декарбонизација на економиите ќе бидат потребни 620 милијарди евра годишно до 2030 година, предупредија тие.
ЕУ мора да изгради вистинска унија на пазарите на капитал за да ги „мобилизира приватните финансии“, да ја зајакне банкарската унија и да ги реформира фискалните правила. Еврото треба да влезе во „дигиталната ера“ и мора да се подготват темелите за потенцијално „дигитално евро“ кое ќе биде комплементарно на готовината.
Лидерите предупредуваат дека „со неколку земји кои моментално се во процес на пристапување во ЕУ“, алијансата мора да го задржи капацитетот да „дејствува решително“.
„Проширувањето и продлабочувањето меѓусебно не се исклучуваат. Но, проширувањето може да бара промени во организацијата на ЕУ“, се заклучува во написот.
Свет
Убиени 41 член од исто семејство во Газа
Министерството за здравство во Појасот Газа соопшти дека 41 член на исто семејство загинале во израелското бомбардирање на нивната куќа во централниот дел на градот Газа.
Министерството објави список со имињата на 41 член на семејството Малка, од кои сите загинаа во нападот што се случи во зори во населбата Зајтун во Појасот Газа, пренесува AFP.
На ова следуваа реакциите на корисниците на социјалните мрежи на веста за смртта на толку голем број членови на исто семејство, кои споделија список со имињата на загинатите, како што наведоа.
Тие ги осудија злосторствата на окупацијата со која беа истребени цели семејства и избришани од матичната евиденција, наведуваат некои од нив во своите објави.