Свет
Можно одложување на приватизацијата на Телеком Словенија?
Словенечката влада ќе продолжи со процесот на приватизација на државните компании, меѓу кои и Телеком Словенија, но можно е да дојде до одложување на веќе започнатите продажби, изјави поранешниот министер за економија Метод Драгоња, кој сега е координатор за приватизација во владата на премиерот Миро Церар.
„Клучно е да постигнеме соодветна цена и развој на компанијата, што може да овозможат само нови адекватни сопственици кон мораат врз себе да превземат и соодветни обврски. Доколку тоа не го постигнеме, може да се случи да не дојде до продажба и ќе мораме да причекаме подобри времиња“, изјави Драгоња за словенечката телевизија во врска со барањата на синдикатите да се сопре приватизацијата.
Словенечките синдикати во понеделникот одржаа протести пред владата поради приватизацијата барајќи таа да се сопре се додека од потенцијалните нови сосптвеници не добијат гаранциија дека нема да има преголеми отпуштања на вработените.
Образложувајќи го барањата на синдикатот, но и на некои партии, Секретарот на Сојузот на самостони синдикати, Горан Лукич оцени дека приватизацијата на словенечките државни компании е стихијна и прашална, особено поради потенцијалната загуба на работни места.
Притоа тој предупреди на големите отпуштања во Хрватски телеком по преземањето до страна на Дојче Телеком.
Лукич тврди дека зад приватизацијата на словенечкиот Телеком, во кој има околу 5.000 вработени, се кријат стратешки интереси, при што наведе дека не е случајно што за финансиски консултат е избрана на Ситибанк, која според Лукич, истовремено е и берзански консултант на Дојче Телеком.
Словенечкиот државен холдинг (СДХ), кој управува со портфолиото на државниот имот кој се приватизира, најави дека задолжителната понуда за откуп на 75 отсто од акциите на националниот оператор ќе се прима до 21 јануари наредната година и дека процесот би можел да биде завршен во пролетта.
Неофицијано, во најтесен круг на интересенти се два американски и два европски фондови, но најсериозен заинтересиран кандидат е Дојче телеком. Од СДХ не сакаат да ги коментираат наводите дека германскиот оператор ќе понуди 1,5 милијарди евра, односно околу 200 евра по акција, што е за третина повеќе од моментната цена на Љубљанска берза.
Челникот на партијата Социјални демократи, Дејан Жидан, кој е актуелен министер за земјоделие, изјави дека очекува наредната недела сериозна расправа во коалицијата за натамошниот тек на приватизацијата, бидејќи брзината со која таа сега се одвива не била договорена со коалициониот договор на владеачките партии.
„Ние сме за приватизација, но не неконтролирана, и тоа е тема за која мораме да разговараме во коалицијата“, рече Жидан. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
РЕ-Ново
Жена лажирала дури 17 бремености во текот на 24 години, добила 100.000 евра
Италијанка завршила во затвор бидејќи лажирала дури 17 бремености во текот на 24 години за да добие речиси 100.000 евра породилни надоместоци.
Барбара Џоел (50) излажала дека родила пет деца и направила уште 12 спонтани абортуси, а за да успее измамата, носела перници под кошулата за да изгледа како да има труднички стомак, пренесува „Јутарњи лист“.
Го лажирала и начинот на кој оди за да изгледа како да носи дете, а со тоа акумулирала значителен број слободни денови од работа. Џоел ги отфрли сите обвинувања и продолжува да тврди дека нејзините пет деца навистина постојат и дека сите нејзини бремености, вклучително и спонтани абортуси, биле реални.
Џоел тврдеше дека го родила своето последно дете во декември, но полицајците рекоа дека ја набљудувале претходните девет месеци и дека целата бременост била лажна. Таа е обвинета и за кражба на изводи од матичната книга на родените и други документи од клиника во Рим, пренесува италијанскиот весник „Ил Матино“.
Со ваков вид измама се занимава од 2000 година и на тој начин обезбедила бенефиции од над 94.000 евра. Дејвид Пичинато, 55-годишниот партнер на Џоел, наводно ѝ кажал на полицијата сè, а за време на испрашувањето рекол дека „добро знаел“ дека таа никогаш не била бремена.
Се верува дека сведочел против Барбара за да добие помала казна, иако и самиот бил обвинет за помагање во нејзината измама.
„Направила лажни сертификати и ги донела“, наводно им рекол Пичинато на истражителите. „Тоа го знам од 2012 година, односно од почетокот на нашата врска. Џоел беше осудена на една година и шест месеци затвор, но не се појави на изрекувањето на пресудата. Нејзиниот адвокат наводно покажал две потврди, кои потврдуваат дека е болна.
Економија
Еврото го слави својот 25-ти роденден: Треба да се воведе во дигиталната ера
Неопходно е еврото да се внесе во дигиталната ера и да се изгради унија на пазарот на капитал и посилна банкарска унија, најавија европските лидери во пресрет на 25-годишнината на европската валута.
Еврото стапи на сила пред 25 години, на 1 јануари 1999 година, а денес е валута на дваесет земји со 350 милиони жители, од кои Хрватска стана последна членка на почетокот на оваа година.
Претседателот на Еврогрупата Пашал Донохое, претседателката на Европската централна банка (ЕЦБ) Кристин Лагард, претседателката на Европскиот парламент Роберта Мецола, претседателот на Европскиот совет Шарл Мишел и претседателката на Европската комисија Урсула фон дер Лајен ја одбележаа таа годишнина со заедничка напис објавен на веб-страницата на ЕЦБ.
„Заедничката валута го олесни животот“
Во написот објавен вчера, тие пишуваат дека заедничката валута ѝ даде на Европската унија „едноставност, стабилност и суверенитет“ и го олесни животот на европските граѓани кои сега можат лесно да ги споредуваат цените, трговијата и патувањето.
Со текот на годините, еврото се соочуваше со големи предизвици, вклучително и прашања за неговото опстанок, пишуваат европските лидери, нагласувајќи дека „секогаш ќе се најдат вистинските одговори“, како што е усогласениот систем на супервизија на банките по големата криза во 2008 година.
„Денес поддршката за заедничката валута меѓу граѓаните на еврозоната се приближува до рекордни нивоа“, посочија тие, предупредувајќи дека работата „не е завршена“ бидејќи Европа се соочува со нови предизвици со кои поединечни држави не можат да се справат сами.
Унијата се соочува со растечки геополитички тензии, првенствено руската „илегална војна“ против Украина, забрзана климатска криза и невидени предизвици за европската конкурентност од другите делови на светот.
Затоа, прашањата како одбраната, зелената и дигиталната транзиција ќе бидат клучни во иднина. Само за декарбонизација на економиите ќе бидат потребни 620 милијарди евра годишно до 2030 година, предупредија тие.
ЕУ мора да изгради вистинска унија на пазарите на капитал за да ги „мобилизира приватните финансии“, да ја зајакне банкарската унија и да ги реформира фискалните правила. Еврото треба да влезе во „дигиталната ера“ и мора да се подготват темелите за потенцијално „дигитално евро“ кое ќе биде комплементарно на готовината.
Лидерите предупредуваат дека „со неколку земји кои моментално се во процес на пристапување во ЕУ“, алијансата мора да го задржи капацитетот да „дејствува решително“.
„Проширувањето и продлабочувањето меѓусебно не се исклучуваат. Но, проширувањето може да бара промени во организацијата на ЕУ“, се заклучува во написот.
Свет
Убиени 41 член од исто семејство во Газа
Министерството за здравство во Појасот Газа соопшти дека 41 член на исто семејство загинале во израелското бомбардирање на нивната куќа во централниот дел на градот Газа.
Министерството објави список со имињата на 41 член на семејството Малка, од кои сите загинаа во нападот што се случи во зори во населбата Зајтун во Појасот Газа, пренесува AFP.
На ова следуваа реакциите на корисниците на социјалните мрежи на веста за смртта на толку голем број членови на исто семејство, кои споделија список со имињата на загинатите, како што наведоа.
Тие ги осудија злосторствата на окупацијата со која беа истребени цели семејства и избришани од матичната евиденција, наведуваат некои од нив во своите објави.