Свет
Обама го дезинформирал Конгресот за неопходноста да се зголеми националниот долг
Администрацијата на американскиот претседател Барак Обама намерно ги дезинформирала законодавците во Конгресот за тоа дека само зголемувањето на плафонот за националниот долг може да ја спаси земјата од криза, пишува влијателниот весник The Washington Times во своето последно издание.
Весникот наведува изводи од извештајот на комитетот на Претставничкиот дом за финансии, во кој се зборува дека федералната владата можела без проблеми да функционира, исплатувајќи ги пензиите и платите и сервисирајќи ги другите важни трошоци и по достигнувањето на таканаречениот должнички плафон.
Ви извештајот, исто така, се забележува дека Белата куќа јавно соопштила за невозможноста од издавање приоритети во управувањето со трошоците во таква ситуација, а зад затворени врати планирале на тој начин да се излезе од кризата.
„Министерството за финансии инсистирало, обраќајќи се до Конгресот и до Американците, дека поставувањето на приоритетите (во управувањето трошоците по достигнувањето на лимитот на јавниот долг –з.р.) не е изводливо. Истовремено, самото министерство за финансии и функционерите во Федералните резерви во Њујорк, зад затворени врати работеле точно токму на овој план“, пишува The Washington Times.
Администрацијата на Обама, се наведува натаму во написот, се обидувала да ги сокрие документите кои ја потврдуваат оваа информација, така што Конгресот морал да го упати официјалното барање преку судски истанци за да ги добие.
„Министерот за финансии (Џејкоб Лу – з,р.) занеле дека тие документи ќе го покажат лицемерството во неговите јавни изјави и политичкото хазардерство, кои лежат во основата на стратегијата на администрацијата во однос на плафонот за јавниот долг“, се наведува цитираниот извештај.
Американските законодавци, исто така, го обвинуваа Лу, за намерно дезинформирање на Конгресот, кој има овластување да го подигне таванот за задолжувањето, а време на говорот во парламентот. Во споменатиот конгресен комитет во вторникот се одржа сослушување, на кои извештајот беше внимателно разгледуван.
Актуелните проблеми со долгот во САД потекнуваат од периодот на големата финансиска криза од 2007/2008 година. Од тогаш земјата неколкупати го подигнуваше плафонот за националниот долг, и секогаш по тоа прашање се разгоруваше жестока политичка битка меѓу администрацијата на демократот Обама и републиканската опозиција во Конгресот. Во неколку случаи САД буквално се најдоа од работ на технички банкрот, кој е полн со непредвидливи последици и за најголемата светска и за глобалната економија.
Како што истакнува The Washington Times, овие нови информации можат суштествено да го изменат процесот на усвојување на буџетот за следната година, бидејќи претседателот нема да може да ги заплашува законодавците со потполн прекин на функционирање на федералната влада.
Притоа, се потсетува дека републиканците повеќепати предлагале во услови на достигнување на плафонот да се утврдат приоритетите за управување со расходите на буџетот, што наидуваше на критики од страна на администрацијата на претседателот. Во текот на изминатите седум години од мандатот на Обама националниот долг на САД се зголеми за 8,3 трилиони долари и достигна 18,9 трилиони долари. Американски економски аналитичари очекуваат дека до 2026 година оваа бројка може да надмине 30 трилиони долари. Притоа, вкупниот бруто домашен производ (БДП) во моментов се проценува на 17,9 трилиони долари./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
РЕ-Ново
Жена лажирала дури 17 бремености во текот на 24 години, добила 100.000 евра
Италијанка завршила во затвор бидејќи лажирала дури 17 бремености во текот на 24 години за да добие речиси 100.000 евра породилни надоместоци.
Барбара Џоел (50) излажала дека родила пет деца и направила уште 12 спонтани абортуси, а за да успее измамата, носела перници под кошулата за да изгледа како да има труднички стомак, пренесува „Јутарњи лист“.
Го лажирала и начинот на кој оди за да изгледа како да носи дете, а со тоа акумулирала значителен број слободни денови од работа. Џоел ги отфрли сите обвинувања и продолжува да тврди дека нејзините пет деца навистина постојат и дека сите нејзини бремености, вклучително и спонтани абортуси, биле реални.
Џоел тврдеше дека го родила своето последно дете во декември, но полицајците рекоа дека ја набљудувале претходните девет месеци и дека целата бременост била лажна. Таа е обвинета и за кражба на изводи од матичната книга на родените и други документи од клиника во Рим, пренесува италијанскиот весник „Ил Матино“.
Со ваков вид измама се занимава од 2000 година и на тој начин обезбедила бенефиции од над 94.000 евра. Дејвид Пичинато, 55-годишниот партнер на Џоел, наводно ѝ кажал на полицијата сè, а за време на испрашувањето рекол дека „добро знаел“ дека таа никогаш не била бремена.
Се верува дека сведочел против Барбара за да добие помала казна, иако и самиот бил обвинет за помагање во нејзината измама.
„Направила лажни сертификати и ги донела“, наводно им рекол Пичинато на истражителите. „Тоа го знам од 2012 година, односно од почетокот на нашата врска. Џоел беше осудена на една година и шест месеци затвор, но не се појави на изрекувањето на пресудата. Нејзиниот адвокат наводно покажал две потврди, кои потврдуваат дека е болна.
Економија
Еврото го слави својот 25-ти роденден: Треба да се воведе во дигиталната ера
Неопходно е еврото да се внесе во дигиталната ера и да се изгради унија на пазарот на капитал и посилна банкарска унија, најавија европските лидери во пресрет на 25-годишнината на европската валута.
Еврото стапи на сила пред 25 години, на 1 јануари 1999 година, а денес е валута на дваесет земји со 350 милиони жители, од кои Хрватска стана последна членка на почетокот на оваа година.
Претседателот на Еврогрупата Пашал Донохое, претседателката на Европската централна банка (ЕЦБ) Кристин Лагард, претседателката на Европскиот парламент Роберта Мецола, претседателот на Европскиот совет Шарл Мишел и претседателката на Европската комисија Урсула фон дер Лајен ја одбележаа таа годишнина со заедничка напис објавен на веб-страницата на ЕЦБ.
„Заедничката валута го олесни животот“
Во написот објавен вчера, тие пишуваат дека заедничката валута ѝ даде на Европската унија „едноставност, стабилност и суверенитет“ и го олесни животот на европските граѓани кои сега можат лесно да ги споредуваат цените, трговијата и патувањето.
Со текот на годините, еврото се соочуваше со големи предизвици, вклучително и прашања за неговото опстанок, пишуваат европските лидери, нагласувајќи дека „секогаш ќе се најдат вистинските одговори“, како што е усогласениот систем на супервизија на банките по големата криза во 2008 година.
„Денес поддршката за заедничката валута меѓу граѓаните на еврозоната се приближува до рекордни нивоа“, посочија тие, предупредувајќи дека работата „не е завршена“ бидејќи Европа се соочува со нови предизвици со кои поединечни држави не можат да се справат сами.
Унијата се соочува со растечки геополитички тензии, првенствено руската „илегална војна“ против Украина, забрзана климатска криза и невидени предизвици за европската конкурентност од другите делови на светот.
Затоа, прашањата како одбраната, зелената и дигиталната транзиција ќе бидат клучни во иднина. Само за декарбонизација на економиите ќе бидат потребни 620 милијарди евра годишно до 2030 година, предупредија тие.
ЕУ мора да изгради вистинска унија на пазарите на капитал за да ги „мобилизира приватните финансии“, да ја зајакне банкарската унија и да ги реформира фискалните правила. Еврото треба да влезе во „дигиталната ера“ и мора да се подготват темелите за потенцијално „дигитално евро“ кое ќе биде комплементарно на готовината.
Лидерите предупредуваат дека „со неколку земји кои моментално се во процес на пристапување во ЕУ“, алијансата мора да го задржи капацитетот да „дејствува решително“.
„Проширувањето и продлабочувањето меѓусебно не се исклучуваат. Но, проширувањето може да бара промени во организацијата на ЕУ“, се заклучува во написот.
Свет
Убиени 41 член од исто семејство во Газа
Министерството за здравство во Појасот Газа соопшти дека 41 член на исто семејство загинале во израелското бомбардирање на нивната куќа во централниот дел на градот Газа.
Министерството објави список со имињата на 41 член на семејството Малка, од кои сите загинаа во нападот што се случи во зори во населбата Зајтун во Појасот Газа, пренесува AFP.
На ова следуваа реакциите на корисниците на социјалните мрежи на веста за смртта на толку голем број членови на исто семејство, кои споделија список со имињата на загинатите, како што наведоа.
Тие ги осудија злосторствата на окупацијата со која беа истребени цели семејства и избришани од матичната евиденција, наведуваат некои од нив во своите објави.